ཏེ་ཙ་ཏྟཱ་ལཱི་ས་ཏི་མ པ་རི་ཙྪེ་ད
ཙ་ཏུ་རཱ་ཛ་ཀོ
༡. ཏ་ཏོ ཝི་ཛི་ཏ་ས་ངྒཱ་མོ, ཀ་སྶ་པོ པུ་རི་ཏཱ་ས་ཡོ;
མ་ཧཱ་པཱ་ལི༹་མྷི ས་ངྒྷ་སྶ, ས་མི་དྡྷཾ བྷོ་ཛ་ནཾ ཨ་ཀཱ.
༢. ནཱ་ག་སཱ་ལཱ ནི་ཝཱ་སིཾ སོ, མ་ཧཱ་དྷ་མྨ་ཀ་ཐིཾ ཡ་ཏིཾ;
མ་ཧཱ་པཱུ་ཛཱ་ཡ པཱུ་ཛེ་ཏྭཱ, ས་དྡྷ་མྨཾ ཏེ་ན ཝཱ་ཙ་ཡི.
༣. ཝ་ས་ནྟཾ བྷཱ་ཏུ་ཨཱ་ཝཱ་སེ, ས་མུ་དྡི་སྶ ལི་ཁཱ་པ་ཡི;
ཀ་ཊ་ནྡྷ་ཀཱ་ར་ཝཱ་སིཾ སོ, པཱ་ལི༹ ས་བྦཾ ས་ས་ངྒ་ཧཾ.
༤. ཛི་ཎྞཾ ས་ངྑ་རི་ཀ་མྨ་ཉྩ, ན་ཝཾ ཀཱ་རེ་སི ཙེ་ཏི་ཡེ;
ས་ངྒྷ་བྷོ་ག་མ་ནེ་ཀ་ཉྩ, ཏ་ཏྠ ཏ་ཏྠ པ་ཝ་ཏྟ་ཡི.
༥. ནཱ་ནཱ་མ་ཎི་ས་མུ་ཛྫོ་ཏཾ, ཀཱ་སི ཙཱུ་ལ༹་མ་ཎི་ཏྟ་ཡཾ;
ས་ཏཾ པ་ཎྜུ་པ་ལཱ་སཱ་ནཾ, ཝ་ཏྠ་དཱ་ནེ་ན ཏ་པྤ་ཡི.
༦. ཏ་སྶཱ་སུཾ བ་ཧ་ཝོ པུ་ཏྟཱ, ཛེ་ཊྛོ ཏེ་ས་ཉྩ མཱ་ཎ་ཀོ;
ས་བྦེ ཏེ ན ཝ་ཡ་པྤ་ཏྟཱ, བཱ་ལཱ་ཝི་ག་ཏ་བུ་དྡྷི་ནོ.
༧. ཏ་ཏོ སོ བྱཱ་དྷི་ནཱ ཕུ་ཊྛོ, ཨ་ཏེ་ཀི་ཙྪེ་ན ཀེ་ན་ཙི;
པུ་ཏྟཱ མེ བཱ་ལ་ཀཱ ས་བྦེ, ནེ’ཏེ ར་ཛྫ་ཀྑ་མཱ ཨི་ཏི.
༨. ཝ་ས་ནྟཾ རོ་ཧ་ཎེ དེ་སེ, བྷཱ་གི་ནེ་ཡྻཾ མ་ཧཱ་མ་ཏིཾ;
ཨཱ་ཧུ་ཡ ས་བྦཾ པཱ་དཱ་སི, ར་ཛྫཾ པུ་ཏྟེ་ཧི ཨ་ཏྟ་ནོ.
༩. ག་ནྡྷ་མཱ་ལཱ་དི་པཱུ་ཛཱ་ཧི, པཱུ་ཛ་ཡི་ཏྭཱ་ན ཙེ་ཏི་ཡེ;
བྷི་ཀྑུ་ས་ངྒྷཾ ཁ་མཱ་དྷ་པ་སི, ད་ཏྭཱ་ན ཙ་ཏུ་པ་ཙྩ་ཡཾ.
༡༠. ཨེ་ཝཾ དྷ་མྨཾ ཙ་རི་ཏྭཱ་ན, མི་ཏྟཱ་མ་ཙྩ་ཛ་ནེ་སུ ཙ;
ག་ཏོ ན་ཝ་ཧི ཝ་སྶེ་ཧི, ཡ་ཐཱ་ཀ་མྨཾ ན་རཱ་དྷི་པོ.
༡༡. ཀ་ཏྭཱ ཀ་ཏྟ་བྦ་ཀི་ཙྩཾ སོ, མཱ་ཏུ་ལ་སྶ ས་གཱ་ར་ཝོ;
ས་ངྒ་ཧ་ནྟོ ཛ་ནཾ མཱ་ཎོ, ད་མི་ལེ༹ ནཱི་ཧ་རཱ་པ་ཡི.
༡༢. ཨེ་ཀ་ཏོ ད་མི་ལཱ༹ ཧུ་ཏྭཱ, ནི་བྦཱ་སེ་མ ཨི་མཾ ཨི་ཏི;
ཏ་སྨིཾ ཋི་ཏེ བ་ཧི་དྡྷཱ་ཝ, ཨ་གྒ་ཧེ་སུཾ པུ་རཾ ས་ཡཾ.
༡༣. ཧ་ཏྟ དཱ་ཋ་སྶ པེ་སེ་སི, ཛ་མྦུ་དཱི་པ་ག་ཏ་སྶ ཏེ;
ཨཱ་ག་ནྟུཾ་ཏ་ཝ ཀཱ་ལོ་ཏི, སཱ་ས་ནཾ ར་ཛྫ་གཱ་ཧ་ཎེ.
༡༤. མཱ་ཎོ’པི ས་ངྒྷཾ པེ་སེ་སི, སཱ་ས་ནཾ པི་ཏུ་རོ་ཧ་ཎཾ;
པི་ཏཱ སུ་ཏྭཱ་ན ཏཾ ཨཱ་གཱ, ན ཙཱི་རེ་ནེ་ཝ རོ་ཧ་ཎཱ.
༡༥. ཨུ་བྷེ ཏེ མ་ནྟ་ཡི་ཏྭཱ་ན, ཨ་ཀཾ་སུ ས་ནྡྷི་ལེ་ས་ཀཾ;
ཨུ་མི་ལེ༹་ཧི ཏ་ཏོ ཛཱ་ཏཱ, ས་བྦེ ཏེ ས་མ་ཝུ་ཏྟི་ནོ.
༡༦. ཏ་ཏོ སོ པི་ཏ་རཾ ར་ཛྫེ, ཨ་བྷི་སི་ཉྩི་ཏྠ མཱ་ཎ་ཀོ;
སོ’བྷི་སི་ཏྟོ ནི་ཀཱ་ཡཱ་ནཾ, ས་ཧ་སྶཱ་ནཾ ཏ་ཡཾ ཨ་དཱ.
༡༧. ས་ངྒྷཾ ར་ཊྛ་ཉྩ ས་ངྒ་ཡ྄ཧ, ས་བྦཾ རཱ་ཛ་ཀུ་ལ་ཊྛི་ཏཾ;
བྷ་ཎྜཾ པེ་སེ་སི ས་ཏྟཱུ་ཧི, ར་ཀྑ་ཎ་ཏྠཱ་ཡ རོ་ཧ་ཎཾ.
༡༨. ཧ་ཏྠ་དཱ་ཋོ་པི སུ་ཏྭཱ་ན, ད་མི་ལཱ༹་ནཾ ཏུ སཱ་ས་ནཾ;
ཁ་ཎེ་ནཱ’གཱ ཨི་མཾ དཱི་པཾ, ག་ཧེ་ཏྭཱ ད་མི་ལ༹ྷཾ བ་ལཾ.
༡༩. ཏ་དཱ ཏེ ད་མི་ལཱ༹ ས་བྦེ, པ་རི་བྷཱུ་ཏཱ ཨི་དྷ ཋི་ཏཱ;
ཨཱ་ཡ་ནྟ་མེ་ཝ ཏཾ ག་ནྟྭཱ, པ་རི་ཝཱ་རེ་སུ མ་ཉྫ་སེ.
༢༠. མཱ་ཎོ་པི སུ་ཏྭཱ ཏཾ ས་བྦཾ, ནཱ་ཡཾ ཀཱ་ལོ་ཏི ཡུ་ཛ྄ཛྷི་ཏུཾ;
པེ་སེ་ཏྭཱ པི་ཏུ་རཱ་ཛཱ་ནཾ, ས་དྡྷིཾ སཱ་རེ་ན རོ་ཧ་ཎཾ.
༢༡. པུ་བྦ་དེ་སཾ ས་ཡཾ ག་ནྟྭཱ, ས་ངྒ་ཎྷ་ནྟོ ཛ་ནཾ ཝ་སཱི;
ལ་དྡྷཱ ད་མི་ལ༹་པ་ཀྑཾ སོ, ག་ཧེ་ཏྭཱ རཱ་ཛ་ཀཾ པུ་རཾ.
༢༢. དཱ་ཋོ་པ་ཏི་སྶོ རཱ་ཛཱ་ཏི, ནཱ་མཾ སཱ་ཝེ་ཏི ཨ་ཏྟ་ནོ;
མཱ་ཏུ་ལཾ ཝི་ཡ ཏཾ ལོ་ཀོ, ཏེ་ན ནཱ་མེ་ན ཝོ་ཧ་རི.
༢༣. པི་ཏུ་ཙྪ་པུ་ཏྟ་མཱ་ནེ་ཏྭཱ, ཨ་གྒ་བོ་དྷི ས་ནཱ་མ་ཀཾ;
ཋ་པེ་ཏྭཱ ཡུ་ཝ་རཱ་ཛ་ཏྟེ, དེ་ས་ཉྩཱ’དཱ་སི ད་ཀྑི་ཎཾ.
༢༤. ཋཱ་ན་ནྟ་ར་ཉྩ པཱ་དཱ་སི, ནི་སྶི་ཏཱ་ནཾ ཡ་ཐཱ་ར་ཧཾ;
སཱ་ས་ན་སྶ ཙ ལོ་ཀ་སྶ, ས་བྦཾ ཀ་ཏྟ་བྦ་མཱ་ཙ་རི.
༢༥. མ་ཧཱ་པཱ་ལི༹་མྷི དཱ་པེ་སི, ས་ཝ་ཏྠཾ ད་དྷི་བྷ་ཏྟ་ཀཾ;
ཁཱི་རཾ པཱ་ཡཱ་ས་ཀ་ཉྩེ་ཝ, དྷ་མྨཾ སུ་ཎི ཨུ་པོ་ས་ཐི.
༢༦. ཀཱ་རེ་ཏྭཱ ས་བྦ་པཱུ་ཛཱ་ཡོ, དེ་སཱ པེ་ཏྭཱ་ན དེ་ས་ནཾ;
ཨེ་ཝ་མཱ་དཱི་ཧི པུ་ཉྙེ་ཧི, ཨ་ཏྟཱ་ནཾ’ཀཱ་སི བྷ་དྡ་ཀཾ.
༢༧. ཀ་སྶ་པ་སྶ ཝི་ཧཱ་ར་སྶ, ད་ཏྭཱ་སེ་ན་ཝ྄ཧ་གཱ་མ་ཀཾ;
མ་ཧཱ་ག་ལླ་ཉྩ པཱ་དཱ་སི, པ་དྷཱ་ན་གྷ་ར་ཀ་སྶ སོ.
༢༨. པ་རི་ཝེ་ཎ་སྶ མོ་ར་སྶ, ཨ་ཀཱ་སི ས་ཀ་གཱ་མ་ཀཾ;
ཐཱུ་པཱ་རཱ་མ་སྶ པུ་ཎྞོ་ལི༹ཾ, ད་ཏྭཱ ས་ཀྐཱ་སི ཙེ་ཏི་ཡཾ.
༢༩. ཀ་པྤཱུ་ར་པ་རི་ཝེ་ཎཾ སོ, ཀཱ་རེ་སི ཨ་བྷ་ཡུ་ཏྟ་རེ;
ཝི་ཧཱ་རཾ ཏི་པུ་ཐུ་ལླ་ཝ྄ཧཾ, ཀ་ཏྭཱ ཏ་སྶེ་ཝ དཱ་པ་ཡི.
༣༠. ཏ་སྨིཾ ཀ་རོ་ནྟེ ཝཱ་རེ་སུཾ, སཱི་མཱ་ཡ་ནྟོ’ཏི བྷི་ཀྑ་ཝོ;
ཐེ་རི་ཡཱ ཏེ ཀི་བཱ་ཧེ་ཏྭཱ, བ་ལཾ ཏ་ཐེ་ཝ ཀཱ་ར་ཡི.
༣༡. ཨ་ཐ ཏེ ཏེ ཐེ་རི་ཡཱ བྷི་ཀྑཱུ, དུ་མྨ་ཉྙཱུ ཏ་ཏྠ རཱ་ཛི་ནི;
ཨ་སྶ་དྡྷཾ ཏཾ ཝི་དི་ཏྭཱ་ན, པ་ཏྟ་ནི་ཀྐུ་ཛྫ་ནཾ ཀ་རུཾ.
༣༢. ཝུ་ཏྟ་ཉྷི མུ་ནི་ནཱ ཏེ་ན, ཨ་སྶ་དྡྷོ ཡོ ཨུ་པཱ་ས་ཀོ;
ཨ་ལཱ་བྷཱ་ཡ ཙ བྷི་ཀྑཱུ་ནཾ, ཙེ་ཏེ་ཏ’ཀྐོ་ས་ཏི ཙ ཏེ.
༣༣. པ་ཏྟ་ནི་ཀུ་ཛྫ་ནཾ ཏ་སྶ, ཀ་ཏྟ་བྦ་ནྟི ཏ་ཏོ ཧི ཏེ;
ཏ་སྶ ཏཾ ཀ་མྨ་མ་ཀ་རུཾ, ལོ་ཀོ མ་ཉྙི་ཏྠ ཨ་ཉྙ་ཐཱ.
༣༤. ཨཱ་དཱ་ཡུ ཀུ་ཛྫི་ཏཾ པ་ཏྟཾ, ཙ་ར་ནྟོ བྷི་ཀྑུ་བྷི་ཀྑ་ཀཾ;
ནི་ཀུ་ཛྫེ་ཡྻ གྷ་ར་དྭཱ་རེ, ཏ་སྶཱ’ཏི ཀ་ཐི་ཀཾ ཀ་རུཾ.
༣༥. ཏ་སྨིཾ སོ ས་མ་ཡེ ཕུ་ཊྛོ, བྱཱ་དྷི་ནཱ མ་ཧ་ཏཱ་མ་རི;
ཝ་སྶ་མྷི ན་ཝ་མེ རཱ་ཛཱ, ས་མྤ་ཏྟོ ཛཱི་ཝི་ཏ་ཀྑ་ཡཾ.
༣༦. ད་པྤུ་ལོ་པི ཏ་ཏོ རཱ་ཛཱ, ག་ཏོ རོ་ཧ་ཎ་ཀཾ ས་ཀཾ;
ཝཱ་སཾ ཀ་པྤེ་སི ཏ་ཏྠེ་ཝ, ཀ་རོ་ནྟོ པུ་ཉྙ་ས་ཉྩ་ཡཾ.
༣༧. ཨི་ཏོ པ་ཊྛཱ་ཡ ཝ་ཀྑཱ་མ, ཏ་སྶ ཝཾ་ས་མ་ནཱ་ཀུ་ལཾ;
ཝུ་ཙྩ་མཱ་ན་མྷི ཨེ་ཏྠེ་ཝ, ཏ་སྨིཾ ཧོ་ཏི ཨ་ས་ངྐ་རོ.
༣༨. ཛཱ་ཏོ ཨོ་ཀྐཱ་ཀ་ཝཾ་ས་མྷི, མ་ཧཱ་ཏི་སྶོ་ཏི ཝི་སྶུ་ཏོ;
ཨཱ་སི ཨེ་ཀོ མ་ཧཱ་པུ་ཉྙོ, ས་མཱ་ཀི་ཎྞ་གུ་ཎཱ་ཀ་རོ.
༣༩. ཏ་སྶེ’ཀཱ བྷ་རི་ཡཱ ཨཱ་སི, ས་ངྒྷ་པི་ཝཱ་ཏི ཝཱི་སྶུ་ཏཱ;
དྷ་ཉྙ་པུ་ཉྙ་གུ་ཎཱུ་པེ་ཏཱ, དྷཱི་ཏཱ རོ་ཧ་ཎ་སཱ་མི་ནོ.
༤༠. ཏ་སྶཱ་པུ་ཏྟཱ ཏ་ཡོ ཨཱ་སུཾ, པ་ཋ་མོ ཨ་གྒ་བེ་དྷི་ཀོ;
དུ་ཏི་ཡོ ད་པྤུ་ལོ ནཱ་མ, ཏ་ཏི་ཡོ མ་ཎི་ཨ་ཀྑི་ཀོ.
༤༡. ཨེ་ཀཱ་ཝ དྷཱི་ཏཱ ཏ་སྶཱ་སི, རཱ་ཛ་ན་མ་ག་མཱ ཙ སཱ;
ཛེ་ཊྛོ རོ་ཧ་ཎ་ནཱ་མ་སྶ, དེ་ས་སྶཱ’སི ས་ཡཾ ཝ་སཱི.
༤༢. མ་ཧཱ་པཱ་ལི༹ཾ ས ཀཱ་རེ་སི, མ་ཧཱ་གཱ་མེ མ་ཧཱ་དྷ་ནོ;
དཱ་ཋ་གྒ་བོ་དྷི་ནཱ་མ་ཉྩ, པ་རི་ཝེ་ཎཾ ཏ་ཧི ཝཾ་སོ.
༤༣. ཀཱ་ཎ་གཱ་མ་མྷི ཀཱ་ཎཱ་ནཾ, གི་ལཱ་ནཱ་ན་ཉྩ སཱ་ལ་ཀེ;
ཝི་ཧཱ་རེ པ་ཊི་མཱ་ཝ྄ཧེ ཙ, མ་ཧ་ནྟཾ པ་ཊི་མཱ་གྷ་རཾ.
༤༤. པ་ཏི་ཊྛ་པེ་སི ཀ་ཏྭཱ་ན, བུ་དྡྷ་ཏ་ཏྠ སི་ལཱ་མ་ཡཾ;
མ་ཧ་ནྟ་ནཱ་མཾ ས་པྤ་ཉྙོ, ཨི་དྡྷཱི་ཧི ཝི་ཡ ནི་མྨི་ཏཾ.
༤༥. སཱ་ལ་ཝཱ་ཎ་ཉྩ ཀཱ་རེ་སི, ཝི་ཧཱ་རཾ ཨ་ཏྟ་ནཱ་མ་ཀཾ,
པ་རི་ཝེ་ཎ་ཝི་ཧཱ་ར་ཉྩ, ཏ་ཐཱ ཀཱ་ཛ་ར་གཱ་མ་ཀཾ.
༤༦. ན་ཝ་ཀ་མྨཱ་ནི ཀཱ་རེ་ཏྭཱ, དྷ་མྨ་སཱ་ལ་ཝི་ཧཱ་ར་ཀེ;
ས་ཡཾ ཝ་ཙྩ་ཀུ་ཊཱི ཨེ་ས, ཏ་ཏྠ སོ་དྷེ་སི བུ་དྡྷི་མཱ.
༤༧. ཨུ་ཙྩི་ཊྛཾ བྷི་ཀྑུ་ས་ངྒྷ་སྶ, བྷོ་ཛ་ནཾ པ་རི་བྷུ་ཉྫི་ཡ;
མ་ཎྜ་གཱ་མ་ཉྩ ས་ངྒྷ་སྶ, གཱ་མཾ’དཱ་སི མ་སཱ་ད་ཝཱ.
༤༨. པུ་ཉྙཱ་ནེ’ཏཱ་ནི་ཙ་ཉྙཱ་ནི, ཀ་ཏྭཱ ཏ་སྨིཾ དི་ཝ་ངྒ་ཏེ;
ཨཱ་སཱི ཏ་སྶཱ’ནུ་ཛོ ཏ་ཏྠ, སཱ་མི ད་པྤུ་ལ་ནཱ་མ་ཀོ.
༤༩. ཨི་སྶེ་རཾ ཏ་ཏྠ ཝ་ཏྟེ་སི, ས་མྤ་མ་དྡི་ཡ ས་ཏྟ ཝོ;
མ་ཧཱ་དཱ་ནཾ པ་ཝ་ཏྟེ་སི, ནི་སྶ་ངྐཾ རོ་ཧ་ཎཾ ཨ་གཱ.
༥༠. ཏ་སྶ ཏུ་ཊྛོ ཛ་ནོ ཨཱ་ཧ, མ་ཧཱ་སཱ་མཱི་ཏི ཨེ་ས་ནོ;
ཏ་ཏོ པ་ཊྛཱ་ཡ ཏཾ ལོ་ཀོ-མ་ཧཱ་སཱ་མཱི་ཏི ཝོ་ཧ་རི.
༥༡. སུ་ཏྭཱ་ན ཏཾ སི་ལཱ་དཱ་ཋོ, ན་རི་ནྡོ ས་ཀ་དྷཱི་ཏ་རཾ;
ཏ་སྶ པཱ་དཱ་སི ས་ནྟུ་ཊྛོ, གུ་ཎེ་ཧི བ་ཧུ་ཀེ་ཧི ཙ.
༥༢. ཡུ་ཛ་རཱ་ཛ་ཏྟ་མ་སྶཱ་དཱ, ར་ཛྫ་ཡོ་གྒོ་ཏི མཱ་ནི་ཏུཾ;
མཱ་ཎ་ཝ་མྨཱ་ད་ཡོ ཏ་སྶ, པུ་ཏྟཱ ཨཱ་སུཾ མ་ཧཱ་ས་ཡཱ.
༥༣. པཱ་སཱ་ཎ་དི་པ་ཝཱ་སི་སྶ, མ་ཧཱ་ཐེ་ར་སྶ ས་ནྟི་ཀེ;
དྷ་མྨཾ སུ་ཏྭཱ པ་སཱི་དི་ཏྭཱ, ཏ་སྨིཾ ཏཾ བ་ཧུ་མཱ་ནི་ཏུཾ.
༥༤. ཝི་ཧཱ་རཾ རོ་ཧ་ཎེ ཀ་ཏྭཱ, ཏ་སྶ པཱ་དཱ་སི སོ་པི ཏཾ;
ཙཱ་ཏུ་དྡི་སི་ཡ་ས་ངྒྷ་སྶ, པ་རི་བྷོ་གཱ་ཡ ཝི་སྶ་ཛྫི.
༥༥. ཨ་མྦ་མཱ་ལཱ ཝི་ཧཱ་རཱ་དི, ཝི་ཧཱ་རེ ཀཱ་ར་ཡི བ་ཧཱུ;
ཁ་དི་རཱ་ལི་ཝི་ཧཱ་ར་ཉྩ, ཀ་ཏྭཱ དེ་ཝ མ་པཱུ་ཛ་ཡི.
༥༦. པཱ་སཱ་ད་མ་ནུ་རཱ་རཱ་མཾ, མུ་ཏྟོ་ལ་མྦཾ སུ་ཛི་ཎྞ་ཀཾ;
སཱི་རི་ཝ་ཌྜྷ་ཉྩ པཱ་སཱ་དཾ, ཏ་ཐཱ ཏ་ཀྐ་མྦི་ལཾ པ་རཾ.
༥༧. སོ་དྷེ་ཏྭཱ བྷི་ཀྑ་ཝོ ཏ་ཏྠ, དྭ་ཏྟིཾ་ས པ་རི་ཝཱ་ས་ཡི;
ས་བྦ་པ་ཙྩ་ཡ་དཱ་ནེ་ན, ས་ནྟ་པྤེ་ཏྭཱ མ་ཧཱི་མ་ཏི.
༥༨. ཨ་དཱ ཀེ་ཝ་ཊྚ་ག་མྦྷཱི་རཾ, གཱ་མཾ ནཱ་ག་ཝི་ཧཱ་ར་ཀེ;
ཏ་ཐཱ རཱ་ཛ་ཝི་ཧཱ་ར་སྶ, གོ་ནྣ་གཱ་མཾ ས་མཱ་དི་ཡི.
༥༩. ཨ་དཱ ཏཱི་ས་ཝི་ཧཱ་ར་སྶ, ཏ་ཐཱ་ཀ་ནྟི་ཀ་པ་བྦ་ཀཾ;
ཙི་ཏྟ་ལ་པ་བྦ་ཏ་སྶཱ’དཱ, གཱ་མཾ སོ གོ་ནྣ་ཝི་ཊྛི་ཀཾ.
༦༠. ད་ཏྭཱ རི་ཡཱ་ཀ་ར་སྶེ་ས, གཱ་མཾ སོ་མཱ་ལ་ཝ་ཏྠུ་ཀཾ;
ཨ་ཀཱ་སི པ་ཊི་མཱ་གེ་ཧཾ, ཏ་ཐེ་ཝ སུ་མ་ནོ་ཧ་རཾ.
༦༡. ཏ་ཏྲ་ཊྛ་སྶ ཛི་ན་སྶཱ’ཀཱ, ཨུ་ཎྞ་ལོ་མཾ མ་ཧ་གྒྷི་ཡཾ;
ཧེ་མ་པ་ཊྚ་ཉྩ ཀཱ་རེ་སི, ས་བྦཾ པཱུ་ཛཱ་ཝི་དྷིཾ ས’ཀཱ.
༦༢. ཙེ་ཏི་ཡེ པ་རི་ཛི་ཎྞེ སོ, སུ་དྷཱ་ཀ་མྨེ་ན ར་ཉྫ་ཡི;
ཏི་པ་ཉྩ་ཧ་ཏྠཾ ཀཱ་རེ་སི, མེ་ཏྟེ་ཡྻཾ སུ་ག་ཏཾ པ་རཾ.
༦༣. ཨེ་ཝ་མཱ་དི་ནི པུ་ཉྙཱ་ནི, ཨ་པྤ་མེ་ཡྻཱ་ནི སོ ཝི་བྷཱུ;
ཨ་ཀཱ་སི ཙ ས་ཡཾ སཱ་དྷུ, པ་རི་ཝཱ་རེ་ཧཱི ཀཱ་ར་ཡི.
༦༤. པ་རི་ཝཱ་རཱ ཙ ཏ་སྶཱ་སུཾ, བ་ཧཱུ་པུ་ཉྙ་ཀ་རཱ ན་རཱ;
ཝི་ཧཱ་རཱ ནེ་ཀ་ཀཱ ཨཱ་སུཾ, ཀ་ཏཱ ཏེ་ཧི ས་པྤ་ཙྩ་ཡཱ.
༦༥. ཀ་དཱ་ཙི མ་གྒཾ ག་ཙྪཾ སོ, ཨ་ར་ཉྙ་མྷི ཨ་གཱ་མ་ཀེ;
སེ་ནཾ སཾ་ཝི་ད་ཧི་ཏྭཱ་ན, ཝཱ་སཾ ཀ་པྤེ་སི ར་ཏྟི་ཡཾ.
༦༦. སུ་ན་ཧཱ་ཏ་ཝི་ལླི་ཏྟོ སོ, སུ་བྷུ་ཏྟོ་ས་ཡ་ནེ སུ་ཁེ;
ནི་པ་ནྣེ་སུ གྷ་རེ ར་མྨེ, ནི་དྡཱ་ཡི་ཏུ་མུ་པ་ཀྐ་མི.
༦༧. ཨ་ལ་བྷ་ནྟོ ཏ་དཱ ནི་དྡཾ, ཀི་ནྣུ ཁོ ཨི་ཏི ཀཱ་ར་ཎཾ;
པ་ཝ་ཏྟིཾ ཨུ་པ་དྷཱ་རེ་ནྟོ, དི་ཝ་སེ ས་བྦ་མ་ཏྟ་ནོ.
༦༨. ཨ་དི་སྭཱ ཀཱ་ར་ཎཾ ཨ་ནྟོ, ཨ་ཝ་སྶཾ བ་ཧི ཧེ་སྶ་ཏི;
ཨི་ཏི ཙི་ནྟི་ཡ ཡོ་ཛེ་སི, མ་ནུ་སྶེ་ཏཾ ག་ཝེ་སི་ཏུཾ.
༦༩. ཨེ་ཝ་མཱ་ཧ ཙ ནི་སྶ་ངྐཾ, ཨ་ཡྻ་ཀཱ མ་མ ར་ཏྟི་ཡཾ;
ཏེ་མེ་ནྟཱ རུ་ཀྑ་མཱུ་ལ་སྨིཾ, ཋི་ཏཱ ཨཱ་ནེ་ཐ ཏེ ཨི་ཏི.
༧༠. ཏེ་པི ག་ནྟྭཱ ག་ཝེ་ས་ནྟཱ, དཱི་པ་ཧ་ཏྠཱ མ་ཧཱ་ཛ་ནཱ;
མ་ཧཱ་གཱ་མཱ’ག་ཏེ བྷི་ཀྑཱུ, རུ་ཀྑ་མཱུ་ལ་ག་ཏེ ཏ་དཱ.
༧༡. ཏེ ག་ནྟྭཱ སཱ་ས་ནཾ ར་ཉྙོ, ཨཱ་རོ་ཙེ་སུཾ པ་དྷཱ་ཝི་སོ;
དི་སྭཱ ཙ བྷི་ཀྑུ ས་ནྟུ་ཊྛོ, ནེ་ཏྭཱ ཝཱ་ས་གྷ་རཾ ས་ཀཾ.
༧༢. ནི་ཙྩ་དཱ་ནཱ་ཡ བྷི་ཀྑཱུ་ནཾ, ཋ་པི་ཏེ ར་ཏྟ་ཙཱི་ཝ་རེ;
ཏེ་སཾ ད་ཏྭཱ་ན ཏི་ནྟཱ་ནི, ཙཱི་ཝ་རཱ་ནི ས་མཱ་དི་ཡ.
༧༣. སུ་ཀྑཱ་པི་ཡ ཙ ཀ་ཏྭཱ་ན, པཱ་ད་དྷོ་ཝ་ན་ཀཱ་དི་ཀཾ;
ནི་སཱི་དཱ་པི་ཡ ཏེ ས་བྦེ, ས་ཡ་ནེ སཱ་དྷུ ས་ནྠ་ཏེ.
༧༤. བྷེ་ས་ཛྫཾ པ་ཊི་ཡཱ་དེ་ཏྭཱ, ས་ཡ་མེ་ཝོ’པ་ནཱ་མི་ཡ;
པ་ཙྩཱུ་སེ་པི ཙ ཀ་ཏྭཱ་ན, ཀ་ཏྟ་བྦཾ བྷོ་ཛ་ནཱ་དི་ཀཾ.