དྭི་ཙ་ཏྟཱ་ལཱི་ས་ཏི་མ པ་རི་ཙྪེ་ད
ཚ རཱ་ཛ་ཀོ
༡. ས་ངྒྷ་ཏི་སྶོ ཏ་ཏོ ཨཱ་སི, ཨ་སི་གྒཱ་ཧོ མ་ཧཱི་པ་ཏི;
སཱ་ས་ན་སྶ ཙ ར་ཊྛ་སྶ, ཝུ་དྡྷི་ཀཱ་མོ ན་ཡེ ར་ཏོ.
༢. ཋཱ་ན་ནྟ་རཾ ཡ་ཐཱ་ར་ཧཾ, ད་ཏྭཱ ས་ངྒ་ཎྷི་སོ ཛ་ནཾ;
ཏ་དཱ ཁུ་དྡ་ཀ་རཱ་ཛ་སྶ, མོ་གྒ་ལླཱ་ནོ ཙ་མཱུ་པ་ཏི.
༣. ཝ་ས་ནྟོ རོ་ཧ་ཎེ སུ་ཏྭཱ, ས་ངྒྷ་ཏི་སྶ་སྶ རཱ་ཛ་ཏཾ;
ཁ་ནྡྷ་ཝཱ་རཾ ས་ཡུ་དྡྷ་ཏྠཾ, མ་ཧཱ་ག་ལླེ ནི་ཝེ་ས་ཡི.
༤. ས་ངྒྷ་ཏི་སྶོ ཙ སུ་ཏྭཱ ཏཾ, བ་ལ་ཀཱ་ཡ་མ་པེ་ས་ཡི;
ཡུ་ཛ྄ཛྷི་ཏུཾ ཏེ་ན ཏ་ཛྫེ་སི, མོ་གྒ་ལླཱ་ནོ མ་ཧ་བྦ་ལོ.
༥. ཏ་ཏོ ཧ་ཏྠ་སྶ་མཱ་དཱ་ཡ, ག་ནྟྭཱ ར་ཏྟི་ཝི་ཧཱ་ར་ཀཾ;
བ་ལཾ སོ ས་ནྣི་པཱ་ཏེ་ནྟོ, ཝཱ་སཾ ཏ་ཏྠེ་ཝ ཀ་པྤ་ཡི.
༦. རཱ་ཛཱ སུ་ཏྭཱ པུ་ནཱ’ག་ནྟྭཱ, ཀ་ད་ལླཱ་དཱི་ནི་ཝཱ་ཏ་ཀེ;
ཡུ་ཛ྄ཛྷི་ཏྭཱ ཏཾ པ་ལཱ་པེ་ཏྭཱ, པེ་སེ་ཏྭཱ བ་ལ་མ་ཏྟ་ནོ.
༧. ས་ཡཾ པུ་ར་མུ་པཱ་ག་ཉྪི, སོ་པི ན་ཊྛཾ ས་ཝཱ་ཧི་ནིཾ;
པུ་ན པཱ་ཀ་ཏི་ཀཾ ཀ་ཏྭཱ, ཀ་རེ་ཧེ་ར་མུ་པཱ་ག་མི.
༨. ར་ཉྙོ སེ་ནཱ་པ་ཏི པུ་ཏྟཾ, པེ་སེ་ཏྭཱ ཙོ་ར་ས་ནྟི་ཀཾ;
ཡེ་ན ཀེ་ན་ཙི ལེ་སེ་ན, ས་ཡཾ དུ་ཀྑི་ཝ དུ་མྨ་ནོ.
༩. ཨཱ་ཏུ་རོ ཝི་ཡ བཱ་ལ༹ྷཾ སོ, ཧོ་སི མ་ཉྩ་པ་རཱ་ཡ་ནོ;
རཱ་ཛཱ སུ་ཏྭཱ པ་ཝ་ཏྟི་ཏཾ, ཨུ་པ་ས་ངྐ་མྨ ཏ་ངྑ་ཎེ.
༡༠. མཱ ཏྭཾ སོ་ཙི ཀུ་མཱ་ར་སྶ, ས་མྨཱ་ནེ་ཏྭཱ་ནུ་སཱ་སི་ཡ;
ཧ་ནྡ ཏྭཾ ན་ག་རཾ ར་ཀྑ, ན་ཏེ ས་ཀྐཱ མ་ཡཱ ས་ཧ.
༡༡. ཡུ་དྡྷ་མ་ཎྜ་ལ་མཱ་ག་ནྟུཾ, གི་ལཱ་ན་ཏྟཱ་ཏི ཡོ་ཛ་ཡི;
ཨུ་བྦཱ་སི་ཏེ ཛ་ནེ ས་བྦེ, ཝི་ཙྪི་ནྣེ རཱ་ཛ་བྷོ་ཛ་ནེ.
༡༢. མ་ཧཱ་པཱ་ལི༹་མྷི ས་མྤ་ཀྐཾ, ར་ཉྙོ བྷོ་ཛ་ན་མཱ་ཧ་རུཾ;
རཱ་ཛཱ དྭི་སྭཱ’ཏི ནི་བི་ནྣོ, ཡཱ་ཝ མ་ནྡོ ན ཧེ་སྶ་ཏི.
༡༣. ཨེ་ཀྐོ པཱི་ཏི ཝི་ཙི་ནྟེ་ཏྭཱ, ཡུ་དྡྷཱ་ཡ ས་མཱ་སཱ’ག་མཱ;
ས་དྡྷིཾ པུ་ཏྟེ་ན ཨཱ་རུ་ཡ྄ཧ, ཧ་ཏྠིཾ་ས་ནྣ་དྡྷ་ཝཱ་ཧ་ནོ.
༡༤. ཐོ་ཀེ་ནེ་ཝ བ་ལེ་ནཱ་གཱ, པཱ་ཙི་ན་ཏི་སྶ་པ་བྦ་ཏཾ;
ཨེ་ཝཾ ཨུ་བྷ་ཡ་ཏོ ཙཱུ་ལ༹-ས་ངྒཱ་མེ པ་ཙྩུ་པ་ཊྛི་ཏེ.
༡༥. སེ་ནཱ་པ་ཏི་ས་མི་ཏྟ་དྡུ, ཡུ་དྡྷ་མཱ་ར་བྷི པ་ཙྪ་ཏོ;
པུ་ཏྟོ དི་སྭཱ ན་རི་ནྡ་སྶ, གྷཱ་ཏེ་སྶཱ་མི ཨི་མཾ ཨི་ཏི.
༡༦. ཨཱ་ཧ རཱ་ཛཱ ནི་ཝཱ་རེ་སི, མཱ ཏེ རུ་ཙྩི བ་ལཾ ཨི་དཾ;
ནེ་ཝ ས་ཀྐཱ’དྷི་ཝཱ་སེ་ཏུཾ, ཨ་ཏི་མ་ནྡཾ ཧ་ནི་སྶ་ཏི.
༡༧. དུ་ཝི་ནྣཾ བ་ལ་ཀཱ་ཡཱ་ནཾ, རཱ་ཛཱ་མ་ཛ྄ཛྷ་ག་ཏོ ཨ་ཧུ;
ཏ་ཏོ སེ་ནཱ དྭི་དྷཱ’ཧོ་སི, ཙོ་ར་སེ་ནཱ་པ་ཏཱི་པ་ཏི.
༡༨. ར་ཉྙོ ནཱ་གོ མ་དྷུ་ཀ་ཝ྄ཧ རུ་ཀྑ་ཙྪཱ་ཡཾ ས་མཱ་ཝི་སི;
ཏ་དཱ ཚ་ཏྟཾ པ་ཏི་ཏ་སྶ, སཱ་ཁ་མཱ་ཧ་ཙྩ བྷཱུ་མི་ཡཾ.
༡༩. ཙོ་ར་སྶ སེ་ནཱ ཏཾ དི་ཏྭཱ, ཧ་རི་ཏྭཱ སཱ་མི་ནོ ཨ་དཱ;
སོ ཏཾ ཨུ་སྶཱ་པ་ཡི་ཚ་ཏྟཾ, ཋ་ཏྭཱ་པ་བྦ་ཏ་མུ་དྡྷ་ནི.
༢༠. ཏ་དཱ རཱ་ཛ་བ་ལཾ རཱ་ཛཱ, ནུ་ན་མེ་སོ་ཏི ཙི་ནྟི་ཡ;
ག་ནྟྭཱ ཏཾ པ་རི་ཝཱ་རེ་སི, རཱ་ཛཱ ཨཱ་སི ཏ་དེ་ཀ་ཀོ.
༢༡. ཧ་ཏྠི་ཀྑ་ནྡྷཱ ཏ་དོ་རུ་ཡ྄ཧ-པུ་ཏྟཾ’མ་ཙྩ་ཉྩ སོ་ཧ་དཾ;
ཨུ་པཱ་ཝི་སི ས་མཱི་པ་མྷི, མེ་རུ་མ་ཛྫ་ར་ཀཱ་ན་ནཾ.
༢༢. མོ་གྒ་ལླཱ་ནོ ཏ་ཏོ ལ་དྡྷ-ཛ་ཡོ ཝཱ་ཧ་ན་མཱ་དི་ཡ;
སེ་ནཱ་པ་ཏིཾ་ཙ མི་ཏྟ་དྡུཾ, ཏ་སྶ པུ་ཏྟ་ཉྩ པཱ་པི་ནཾ.
༢༣. ཨུ་པཱ་ག་མྨ པུ་རཾ རཱ་ཛཱ, ཨཱ་སཱི ལ་ངྐཱ ཏ་ལཱ་དྷི་པོ;
ཏ་ཏོ ཙི་ནྟེ་སི ཛཱི་ཝ་ནྟེ, ས་ཏྟུ་མྷི ན སུ་ཁཾ ཨི་ཏི.
༢༤. སོ སུ་ཏྭཱ པུ་བྦ་རཱ་ཛ་སྶ, པུ་ཏྟོ ཨེ་ཏྠཱ་ཏི ཀུ་ཛ྄ཛྷི་ཡ;
ཨཱ་ཎཱ་པེ་སི ཙ ཏ་སྶཱ’སུ, ཧ་ཏྠ་པཱ་དཱ་ནི ཚི་ནྡི་ཏུཾ.
༢༥. ཨུ་པ་ཀྐ་མི ཏ་དཱ ར་ཉྙཱ, ཨཱ་ཎ་ཏྟོ པུ་རི་སོ ཁ་ཎེ;
ཚི་ནྡི་ཏུཾ ཧ་ཏྠ་པཱ་དཾ སོ, ཀུ་མཱ་རོ རོ་དི དུ་མྨ་ནོ.
༢༦. པཱུ་ཝ་ཁཱ་ད་ཀ་ཧ་ཏྠཾ མེ, ཚི་ནྡེ་ཡྻཾ ཙེ ཏ་དཱ ཨ་ཧཾ;
ཁཱ་དི་སཾ ཏེ་ན པཱུ་ཝེ་ཏི, ཧཾ སུ་ཏྭཱ རཱ་ཛ་ཀ་མྨི་ཀོ.
༢༧. རོ་དི་ཏྭཱ པ་རི་དེ་ཝི་ཏྭཱ, རཱ་ཛཱ་ཎཱ་ཡ དུ་ཁ་དྡི་ཏོ;
ཝཱ་མཾ ཧ་ཏྠ་ཉྩ པཱ་ད་ཉྩ, ཏ་སྶ ཚི་ནྡི ན་རཱ་དྷ་མོ.
༢༨. ཛེ་ཊྛ་ཏི་སྶོ པ་ལཱ་ཡི་ཏྭཱ, ར་ཉྙོ པུ་ཏྟོ’པ་རོ ཨ་གཱ;
ཨ་ཉྙ་ཏོ མ་ལ་ཡཾ དེ་སཾ, མེ་རུ་ཀ་ནྡ་ར་ནཱ་མ་ཀཾ.
༢༩. རཱ་ཛཱ’ཐ ས་སུ་ཏཱ’མ་ཙྩོ, ག་ནྟྭཱ ཝེ་ལུ༹་ཝ་ནཾ ར་ཧོ;
ཙོ་དི་ཏོ ཏ་ཏྠ བྷི་ཀྑཱུ་ཧི, ཀཱ་སཱ་ཝཱ་ནི ས་མཱ་དི་ཡི.
༣༠. བྷི་ཀྑུ་ཝེ་སཾ ག་ཧེ་ཏྭཱ་ན, རོ་ཧ་ཎཾ ག་ནྟུ་མཱ་ན་སོ;
མ་ཎི་ཧཱི་རཾ ས་མཱ་ག་ཉྪི, ཏ་ཏྲ་ཋཱ རཱ་ཛ་སེ་ཝ་ཀཱ.
༣༡. ས་ཉྫཱ་ནི་ཏྭཱ ཏ་ཡོ་པེ་ཏེ, ཏེ་སཾ པཱ་དེ་ཝ་རུ་ཛ྄ཛྷི་ཡ;
སཱ་ས་ནཾ ཏ་སྶ པེ་སེ་སུཾ, རཱ་ཛཱ སུ་ཏྭཱ ཝི་སེ་ས་ཏོ.
༣༢. ཏུ་ཊྛོ ཨཱ་ཎཱ་པ་ཡི ག་ནྟྭཱ, སཱི་གྷ་མཱ་དཱ་ཡ ཏེ་ཛ་ནེ;
ཏ་ཏོ སཱི་ཧ་གི་རིཾ་ནེ་ཏྭཱ, ཏི་སྶ་ངྐཾ ནི་རུ་པ་དྡ་ཝཾ.
༣༣. སཱི་སཾ ག་ཎྷ་ཐ ཏ་ཏྠེ་ཝ, ར་ཉྙོ ཙ ཏ་ན་ཡ་སྶ ཙ;
ཨ་མ་ཙྩཾ པ་ན ཛཱི་ཝ་ནྟ-མཱ་ནེ་ཡྻཱ་ཐ མ་མ’ནྟི་ཀཾ.
༣༤. མ་ནུ་སྶཱ ཨེ་ཝ་མཱ་ཎ་ཏྟཱ, ཏེ ག་ཧེ་ཏྭཱ ཏ་ཡོ་ཛ་ནེ;
ནེ་ཏྭཱ སཱི་ཧ་གི་རིཾ་ཀཱ་ཏུཾ, ཡ་ཐཱ་ཝུ་ཏྟ་མུ་པ་ཀྐ་མུཾ.
༣༥. ཏ་ཏོ རཱ་ཛ་སུ་ཏོ ཨཱ་ཧ, པུ་རི་སེ ཀ་མྨ་ཀཱ་ར་ཀེ;
སཱི་སཾ མེ པ་ཋ་མཾ ཚེ་ཏྭཱ, དེ་ཐ མ་ཡ྄ཧཾ སུ་ཁཾ ཨི་ཏི.
༣༦. རཱ་ཛ་པོ་སཱ ཏ་ཐཱ’ཀཱ་སུཾ, པ་ཙྪཱ་ཚི་ནྡིཾ་སུ རཱ་ཛི་ནོ;
སཱི་སཾ པ་སྶ་ཐ བཱ་ལཱ་ནཾ, ཀ་མྨཾ ཀ་མྨ་ཝི་དཱུ་ཛ་ནཱ.
༣༧. ཨེ་ཝཾ ཨ་ནི་ཙྩཱ བྷོ་གཱ་ཧི, ཨ་དྷུ་ཝཱ ཨ་ས་ཡཾ་ཝ་སཱི;
ཏ་ཏྠ ལ་གྒཱ ཀ་ཐཾ ནི་ཙྩཾ, སུ་ཁཾ བྷོ ན ག་ཝེ་ས་ཐ.
༣༨. ར་ཉྙོ སཱ་ས་ན་མཱ་ཧཾ་སུ, ཨ་མ་ཙྩ་སྶ ཧི་ཏེ་སི་ནོ;
ཏཾ སུ་ཏྭཱ་ན ཧ་སི་ཏྭཱ་ན, ཨི་དཾ ཝ་ཙ་ན་མ་བྲ་ཝི.
༣༩. ཚི་ནྣ་སཱི་སོ མ་ཡཱ དི་ཊྛོ, མ་ཡི ཛཱི་ཝ་ཏི སཱ་མི་ཀོ;
ཋ་པེ་ཏྭཱ ཧ་མྤི སེ་ཝཱ་མི, ཨ་ཧོ ཨ་ཉྙ་ཉྷི སཱ་མི་ཀཾ.
༤༠. ཨི་དྷ ཏཾ མཱ་ར་ཡི་ཏྭཱ་ན, ཚཱ་ཡཾ ཏ་སྶ ཧ་རི་སྶ་ཐ;
ཨ་ཧོ ཨ་ཉྙཱ་ཎ་ཀཱ ཏུ་མྷེ, མ་ཉྙེ ཨུ་མྨ་ཏྟ་ཀཱ ཨི་ཏི.
༤༡. ཨི་ཏི ཝ་ཏྭཱ་ན སོ པཱ་དེ, ག་ཧེ་ཏྭཱ སཱ་མི་ནོ ས་ཡི;
ཏ་སྶ ཏེ ཧ་ར་ཎོ་པཱ་ཡཾ, ཨ་པ་སྶ་ནྟཱ ཡ་ཐཱ ཏ་ཐཱ.
༤༢. ཏ་སྶཱ་པི སཱི་སཾ ཚེ་ཏྭཱ་ན, མ་ཙྩཱ ཨཱ་དཱ་ཡ ཏཱི་ཎི’པི;
ར་ཉྙོ ད་སྶེ་ཏུ་མཱ་ཧ་ཙྩ, རཱ་ཛཱ ཏུ་སི་ཏྠ ནི་བྦྷ་ཡོ.
༤༣. དུ་ཊྛ་སེ་ནཱ པ་ཏི་སྶཱ’དཱ, ཏ་ཏོ མ་ལ་ཡ་རཱ་ཛ་ཏཾ;
ཨ་སི་གྒཱ་ཧ་ཀ་ཋཱ་ན་མྷི, ཏ་སྶ པུ་ཏྟཾ ཋ་པེ་སི ཙ.
༤༤. ཐཱུ་པ་ཏྟ་ཡ་མྤི ཚཱ་དེ་སི, ཝ་ཏྠེ་ཧི ཨ་ཧ་ཏེ་ཧི སོ;
ཏ་ཐཱ ལ་ངྐཱ་ཏ་ལེ ས་བྦེ, ཐཱུ་པེ་ཀཱ་སི མ་ཧུ་སྶ་ཝཾ.
༤༥. ཀེ་ས་དྷཱ་ཏུ་ཉྩ ནཱ་ཐ་སྶ, དཱ་ཋཱ་དྷཱ་ཏུཾ ཏ་ཐེ་ཝ ཙ;
མ་ཧཱ་བོ་དྷིཾ ས་ས་ཀྐ་ཙྩཾ, མ་ཧཱ་པཱུ་ཛཱ་ཡ ས་ཀྐ་རི.
༤༦. ས་བྦཾ ཝེ་སཱ་ཁ་པཱུ་ཛཱ་དིཾ, ཙཱ་རི་ཏྟཾ་ནུ་ག་ཏཾ ཨ་ཀཱ;
དྷ་མྨ་ཀ་མྨེ་ན སོ་དྷེ་སི, ས་བྦཾ སུ་ག་ཏ་སཱ་ས་ནཾ.
༤༧. པི་ཊ་ཀཱ་ན་ཉྩ ས་ཛ྄ཛྷཱ་ཡཾ, མ་ཧཱ་པཱུ་ཛཱ་ཡ ཀཱ་ར་ཡི;
ལཱ་བྷཾ ད་ཏྭཱ ཏི་རེ་ཀེ་ན, པཱུ་ཛ་ཡི་ཏྠ བ་ཧུ་སྶུ་ཏེ.
༤༨. བྷི་ཀྑཱུ་ནཾ དཱི་པ་ཝཱ་སཱི་ནཾ, ས་བྦེ་སཾ ཙཱི་ཝ་རཾ ཨ་གཱ;
ཨཱ་ཝཱ་སེ་སུ ཙ ས་བྦེ་སུ, ཀ་ཐི་ནཾ ཨ་ཏྠ་རཱ་པ་ཡི.
༤༩. པ་ཊི་མཱ་ཡོ ཙ ཀཱ་རེ་སི, ཛི་ཎྞ་ཉྩ པ་ཊི་ས་ངྑ་རི;
ལོ་ཎ་ཀྑེ་ཏྟ་ཉྩ པཱ་དཱ་སི, ས་ངྒྷ་སྶ ཏི་ས་ཏཱ་དྷི་ཀཾ.
༥༠. ཀཱ་ར་པི་ཊྛི་མྷི ཀཱ་རེ་སི, མོ་གྒ་ལླཱ་ན ཝི་ཧཱ་ར་ཀཾ;
ཝི་ཧཱ་རཱ པི་ཊྛི་གཱ་མ་ཉྩ, ས་གཱ་མཾ ཝ་ཊ་གཱ་མ་ཀཾ.
༥༡. ཏ་ཐཱ ཙེ་ཏི་ཡ་གེ་ཧ་ཉྩ’-ཀཱ་སི ར་ཀྑ་ཝི་ཧཱ་ར་ཀེ;
ཝི་ཧཱ་རཾ ནཾ བ་ཧུ་ནྣཾ སོ, བྷོ་ག་གཱ་མེ བ་ཧཱུ ཨ་དཱ.
༥༢. ཨེ་ཝཾ པུ་ཉྙཱ་ནཱི སོ’ཀཱ་སི, ཨ་པྤ་མེ་ཡྻཱ་ནི བྷཱུ་མི་པོ;
ས་མྤ་ཏྟཱི་ན་མ་ནི་ཙ་ཏྟཾ, ས་ར་ནྟོ པུ་བྦ་རཱ་ཛི་ནོ.
༥༣. ཏ་དཱ ཀེ་ན་ཙི དོ་སེ་ན, ཀུ་དྡྷོ་མ་ལ་ཡ་རཱ་ཛི་ནོ;
ས་རི་ཏྭཱ པུ་བྦ་རཱ་ཛ་སྶ, ཀ་ཏཾ ཏེ་ན ཝི་རཱུ་པ་ཀཾ.
༥༤. ཨུ་པཱ་ཡེ་ན ག་ཧེ་ཏྭཱ་ན, ཧ་ཏྠ་པཱ་ད་ཉྩ ཚེ་ད་ཡི;
ཏཾ སུ་ཏྭཱ སོ ཨ་སི་གྒཱ་ཧོ, ས་པུ་ཏྟོ རོ་ཧ་ཎཾ་ག་ཏོ.
༥༥. ཝ་ས་ནྟོ ཏ་ཏྠ སོ ཀ་ཏྭཱ, ཧ་ཏྠེ ཛ་ན་པ་དཾ ལ་ཧུཾ;
ཛེ་ཊྛ་སི་སྶ་མུ་པ་ག་ཉྪི, ནི་ལཱི་ནཾ མ་ལ་ཡེ ཋི་ཏཾ.
༥༦. ས་དྡྷིཾ ཏེ་ན་ས་གྷཱ་ཏེ་ནྟོ, ར་ཊྛཾ ཛ་ན་པ་དཾ ཁ་ཎེ;
དོ་ལ༹་པ་བྦ་ཏ་མཱ་ག་མྨ, ཁ་ནྡྷཱ་ཝཱ་རཾ ནི་ཝེ་ས་ཡི.
༥༧. རཱ་ཛཱ སུ་ཏྭཱ་ན ཏཾ ས་བྦཾ, ས་ནྣ་དྡྷ་བ་ལ་ཝཱ་ཧ་ནོ;
ཁ་ནྡྷཱ་ཝཱ་རཾ ནི་ཝེ་སེ་སི, ག་ནྟྭཱ ཏ་སྶེ་ཝ ས་ནྟི་ཀཾ.
༥༨. ཏ་དཱ པ་ཛྫ་ར་རོ་གེ་ན, མ་ནུ་སྶཱ་རཱ་ཛི་ནོ བ་ཧཱུ;
ཨུ་པ་དྡུ་ཏཱ མ་ཏཱ ཨཱ་སུཾ, ཏཾ སུ་ཏྭཱ སོ ཨ་སི་གྒ་ཧོ.
༥༩. ཡུ་དྡྷ་མཱ་ར་བྷི་ཝེ་གེ་ན, ར་ཉྙོ སེ་ནཱ་ཏི་དུ་བྦ་ལཱ;
པ་བྷི་ཛྫི་ཏྭཱ པ་ལཱ་ཡི་ཏྠ, རཱ་ཛཱ་པ་ཙྪཱ པ་ལཱ་ཡི སོ.
༦༠. དི་སྭཱ ཨེ་ཀཱ་ཀི་ནཾ ཡ་ནྟཾ, སཱི་ཧ་པ་བྦ་ཏ་ས་ནྟི་ཀེ;
ཨ་སི་གྒཱ་ཧོ མ་ཧཱ་རཱ་ཛཾ, མཱ་ར་ཡི་ཏྠ ས་པ་རི་སཾ.
༦༡. ཨོ་ཧཱི་ནཾ པ་ཙྪ་ཏོ ཛེ་ཊྛ-ཏི་སྶ་མྤི པ་ན མཱ་རི་ཏུཾ;
སཱ་ས་ནཾ ཏ་སྶ པེ་སེ་སི, ཨེ་ཧི རཱ་ཛཱ བྷ་ཝཱ་ཧཱི་ཏི.
༦༢. སོ ཏ་ཉྙ་ཏྭཱ པ་ལཱ་ཡི་ཏྭཱ, ནི་ཝ་ཏྟོ མ་ལ་ཡཾ ཨ་གཱ;
ཀ་ཐ་ཉྷི ལ་དྡྷཾ ཀི་ཙྪེ་ན, ར་ཛྫཾ་སོ དེ་ཏི མེ ཨི་ཏི.
༦༣. ཨེ་ཝཾ ཁོ ད་ལླ་ནཱ་མཾ སོ, མོ་གྒ་ལླཱ་ནཾ ན་རི་སྶ་རཾ;
མཱ་རེ་ཏྭཱ ཚ་ཧི ཝ་སྶེ་ཧི, ས་མྤ་ཏྟ་བ་ལ་ཝཱ་ཧ་ནོ.
༦༤. ཨ་ཐཱ’ག་ནྟྭཱ ཨ་སི་གྒཱ་ཧོ, ཨ་ནུ་རཱ་དྷ་པུ་རཾ ཝ་རཾ;
རཱ་ཛཱ ཧུ་ཏྭཱ པ་ཝ་ཏྟེ་སི, ཨཱ་ཎཱ་ཙ་ཀྐཾ མ་ཧཱི་ཏ་ལེ.
༦༥. ས སི་ལཱ་མེ་གྷ་ཝ་ཎྞ་ཝ྄ཧོ, ས་ངྒྷཾ བོ་དྷི་ཉྩ ཝ་ནྡི་ཡ;
ཐཱུ་པ་ཏྟ་ཡ་ཉྩ ས་ཀྐཱ་སི, མ་ཧཱ་པཱ་ལི༹་ཉྩ ཝ་ཌྜྷ་ཡི.
༦༦. པཱ་ཡཱ་སཾ’དཱ་སི ས་ངྒྷ་སྶ, ས་པྤི་ཕཱ་ཎི་ཏ་ས་ངྑ་ཏཾ;
ཚཱ་ཏ་ཀེ ཨ་ཏི་ཀི་ཙྪ་མྷི, པ་རི་སྶཱ་ཝ་ན་མེ་ཝ ཙ.
༦༧. ས་བྦ་དཱ་ནེ་ན ས་ངྒ་ཎྷཱི, ཀ་པ་ཎ་དྡྷི་ཝ་ཎི་བྦ་ཀེ;
པཱུ་ཝ་མཱུ་ལ་དྷ་ནཾ་ཙཱ’དཱ, ཀུ་མཱ་རཱ་ནཾ མ་ཧཱ་ད་ཡོ.
༦༨. ཝི་ཧཱ་རེ ཨ་བྷ་ཡེ བུ་དྡྷཾ, པཱུ་ཛ་ཡི་ཏྠ སཱི་ལཱ་མ་ཡཾ;
ཛི་ཎྞ་ཉྩ གེ་ཧཾ ཏ་སྶཱ’ཀཱ, ནཱ་ནཱ་ར་ཏ་ན་ཙི་ཏྟི་ཀཾ.
༦༩. ཀོ་ལ་ཝཱ་པི་ཉྩ ད་ཏྭཱ་ན, ཨཱ་ར་ཀྑ་ཏྠཾ ཛི་ན་སྶ སོ;
པཱུ་ཛཾ ས་བྦོ་པ་ཧཱ་རེ་ཧི, ས་བྦ་ཀཱ་ལཾ པ་ཝ་ཏྟ་ཡི.
༧༠. ཨེ་ཝཾ ཏ་སྨིཾ མ་ཧཱི་པཱ་ལེ, ཝ་ས་ནྟེ པུ་ཉྙ་བྷཱ་ཛ་ནེ;
ནཱ་ཡ་ཀོ སི་རི་ནཱ་ག་ཝ྄ཧོ, ཛེ་ཊྛ་ཏི་སྶ་སྶ མཱ་ཏུ་ལོ.
༧༡. ག་ནྟྭཱ་ན པ་ར་ཏཱི་རཾ སོ, ཨཱ་དཱ་ཡ ད་མི་ལེ༹ བ་ཧཱུ;
ཨཱ་ག་ནྟྭཱ ཨུ་ཏྟ་རཾ དེ་སཾ, ག་ཎྷི་ཏུཾ ཏ་མུ་པ་ཀྐ་མི.
༧༢. རཱ་ཛཱ་པི སུ་ཏྭཱ ཏཾ ག་ནྟྭཱ, ཡུ་ཛ྄ཛྷི་ཏྭཱ རཱ་ཛ་མི་ཏྟ་ཀེ;
གཱ་མེ ཧ་ནྟྭཱ་ན ཏཾ ཏེ་ན, ད་མི་ལེ༹ ས་དྡྷི་མཱ་ག་ཏེ.
༧༣. ཧ་ཏ་སེ་སེ ག་ཧེ་ཏྭཱ་ན, ཀ་ཏྭཱ པ་རི་བྷ་ཝཾ བ་ཧུཾ;
ཨ་དཱ་སི དཱ་སེ ཀ་ཏྭཱ་ན, ཝི་ཧཱ་རེ་སུ ཏ་ཧིཾ ཏ་ཧིཾ.
༧༤. ཨེ་ཝཾ་ས་མྤ་ཏྟ་ཝི་ཛ་ཡེ, པུ་ར་མཱ་ག་མྨ་བྷཱུ་མི་པེ;
ས་བྦཾ ར་ཊྛཾ ཝི་སོ་དྷེ་ཏྭཱ, ཝ་ས་ནྟེ ཨ་ཀུ་ཏོ བྷ་ཡེ.