ཨ་ཊྛ་ཏིཾ་ས་ཏི་མ པ་རི་ཙྪེ་ད
ད་ས་རཱ་ཛ་ཀོ
༡. མ་ཧཱ་ནཱ་མ སུ་ཏོ ཨཱ་སི, ད་མི་ལཱི༹ ཀུ་ཙྪི་ས་མྦྷ་ཝོ;
སོ་ཏྠི་སེ་ནོ, ཏ་ཐཱ་ས་ངྒྷོ-དྷཱི་ཏཱ ཙཱ’སི མ་ཧེ་སི་ཡཱ.
༢. སོ་ཏྠི་སེ་ནོ ཏ་དཱ ར་ཛྫཾ, པ་ཏྭཱ ས་ངྒྷ་ཡ་ནཱ་སི་ཏོ;
ཏ་སྨིཾ་ཡེ་ཝ དི་ནེ བྷེ་རིཾ, ཙ་རཱ་པེ་ཏྭཱ ཏ་དཱ ཏུ སཱ.
༣. ཨ་ཏྟ་ནོ སཱ་མི་ཀ་སྶ་དཱ, ཚ་ཏྟ་གྒཱ་ཧ་ཀ་ཛ་ནྟུ་ནོ;
ཚ་ཏྟ་གྒཱ་ཧ་ཀ་ཝཱ་པིཾ སོ, ཀ་ཏྭཱ སཾ་ཝ་ཙྪ་རེ མ་ཏོ.
༤. ཨ་ཐ མ་ཙྩོ མ་ཧཱ་པ་ཉྙོ, ས་ཧཱ་ཡོ ཏ་སྶ ཏཾ མ་ཏཾ;
ཨ་ནྟོ་ཝ་ཏྠུ་མྷི ཛྷཱ་པེ་ཏྭཱ, ཝཱི་ཧི་ཙོ་རཾ མ་ཧཱ་བ་ལཾ.
༥. ར་ཛྫ་ཡོ་གྒོ་ཏི ཙི་ནྟེ་ཏྭཱ, ཀ་ཏྭཱ ཏཾ བྷཱུ་པ་ཏིཾ ར་ཧོ;
ཨ་ནྟོ་ཡེ་ཝ ནི་ཝཱ་སེ་ཏྭཱ, རཱ་ཛཱ རོ་གཱ་ཏུ་རོ ཨི་ཏི.
༦. ཡ་སཾ ར་ཛྫཾ ཝི་ཙཱ་རེ་སི, ཚ་ཎེ པ་ཏྟེ མ་ཧཱ་ཛ་ནཱ;
རཱ་ཛཱ ཙེ ཨ་ཏྠི ཨ་མྷེ་ཧི, ས་དྡྷིཾ མེ་ཏཱུ་ཏི གྷོ་ས་ཡུཾ.
༧. ཏཾ སུ་ཏྭཱ ན་ར་པཱ་ལོ སོ, ས་བྦ་ལ་ངྐཱ་ར་མ་ཎྜི་ཏོ;
ས་མཱ་ནཾ་ཏེ མ་ཧཱ་ནཱ་གེ, ནེ་ས་ཡོ་གྒཱ མ་མཱ’ཏི་སོ.
༨. དཱ་ཊྛཱ་དྷཱ་ཏུ་གྷ་ར་ཋཱ་ནེ, སུ་ཝཱ ནཱ་གཾ ས་མཱ་དི་སི;
ར་ཉྙོ ཨཱ་ཎཱ་ཏི ཝུ་ཏྟེ སོ, ཨ་གཱ ཨཱ་རུ་ཡ྄ཧ ཏཾ པུ་རཾ.
༩. ཀ་ཏྭཱ པ་ད་ཀྑི་ཎཾ ག་ནྟྭཱ, པཱ་ཙི་ན་དྭཱ་ར་ཏོ བ་ཧི;
པ་ཋ་མེ ཙེ་ཏི་ཡ་ཋཱ་ནེ, དྷཱ་ཏུ་ནཱ་གཾ ས་མ་པྤ་ཡི.
༡༠. མ་ཧཱ་ཙེ་ཏི་ཏྟ་ཡེ ཧ་ཏྠི-པཱ་ཀཱ་རེ’ཀཱ་སི ཏོ་ར་ཎཾ;
མི་ཏྟ་སེ་ནོ བ་ཧུཾ པུ་ཉྙཾ, ཀ་ཏྭཱ ཝ་སྶེ་ན སོ ཙུ་ཏོ.
༡༡. མི་ཏྟ་སེ་ནཾ ར་ཎེ ཧ་ནྟྭཱ, ད་མི་ལོ༹ པ་ཎྜུ་ནཱ་མ་ཀོ;
ཨཱ་ག་ཏོ པ་ར་ཏཱི་ར་མྷཱ, ལ་ངྐཱ་ར་ཛྫ་མ་ཀཱ་ར་ཡི.
༡༢. ཛ་ནཱ ཀུ་ལཱི་ནཱ ས་བྦེ་པི, རོ་ཧ་ཎཾ ས་མུ་པཱ་ག་ཏཱ;
ཨོ་ར་ག་ངྒཱ་ཡ ཨི་སྶེ་རཾ, ད་མི་ལཱ༹ ཨེ་ཝ ཀ་པྤ་ཡུཾ.
༡༣. ཡེ སུ་བྷ་སྶ བ་ལ་ཊྛ་སྶ, བྷཱི་ཏཱ་མོ་རི་ཡ་ཝཾ་ས་ཛཱ;
བ་ལཱ་ཡི་ཏྭཱ ན་རཱ་ཝཱ་སཾ, ཀ་པྤ་ཡིཾ་སུ ཏ་ཧིཾ ཏ་ཧིཾ.
༡༤. ཏེ་ས་མ་ཉྙ་ཏ་མོ ན་ནྡི-ཝཱ་པི གཱ་མེ ཀུ་ཊི་མྦ་ཀོ;
དྷཱ་ཏུ་སེ་ན་ཝ྄ཧ་ཡོ ཨཱ་སི, དཱ་ཋཱ་ནཱ་མོ ཙ ཏཾ སུ་ཏོ.
༡༥. གཱ་མེ ཨ་མྦི་ལ་ཡཱ་གུ་མྷི, ཝ་སཾ པུ་ཏྟེ དུ་ཝེ ལ་བྷི;
དྷཱ་ཏུ་སེ་ནཾ སི་ལཱ་ཏི་སྶ-བོ་དྷིཾ་ཙ ས་མྤ་ཛཱ་ཏི་ཀེ.
༡༦. མཱ་ཏུ་སོ ད་རི་ཡོ ཏེ་སཾ, ས་དྡྷོ པ་བྦ་ཛྫ ཝ་ཏྟ་ཏི;
དཱི་གྷ་ས་ནྡ་ཀ་ཏཱ་ཝཱ་སེ, དྷཱ་ཏུ་སེ་ནཱ་པི མཱ་ཎ་ཝོ.
༡༧. ས་ནྟི་ཀེ ཏ་སྶ པ་བྦ་ཛྫ-རུ་ཀྑ་མཱུ་ལ་མྷི ཨེ་ཀ་དཱ;
ས་ཛ྄ཛྷཱ་ཡ་ཏི པ་ཝི་སྶི་ཏྠ, མེ་གྷོ ནཱ་གོ་ཏུ་པ་སྶི་ཡ.
༡༨. པ་རི་ཀྑི་པི་ཏྭཱ བྷོ་གེ་ཧི, ཚཱ་ད་ཡི་ཏྭཱ ཕ་ཎེ་ན ཙ;
པོ་ཏྠ་ཀ་ཉྩ ཀུ་མཱ་ར་ཉྩ, ར་ཀྑི་ཏཾ པ་སྶི མཱ་ཏུ་ལོ.
༡༩. སཱི་སེ ཨཱ་ཀི་རི ས་ངྐཱ་རཾ, ཏ་སྶ རུ་ཊྛོ པ་རོ་ཡ་ཏི;
ཏ་སྨིཾ ཙི་ཏྟཾ ན དཱུ་སེ་སི, ཏ་མྤི དི་སྭཱ་ན མཱ་ཏུ་ལོ.
༢༠. ཨུ་ཏྟ་མོ ཝ་ཏ’ཡཾ ས་ཏྟོ, རཱ་ཛཱ ཧེ་སྶ་ཏི ནི་ཙྪ་ཡཾ;
ར་ཀྑི་ཏ་བྦོ’ཏི ཨཱ་དཱ་ཡ, ཏཾ ཝི་ཧཱ་ར་མུ་པཱ་ག་ཏོ.
༢༡. གོ་ཎི་སཱ་དི ཝི་ཧཱ་རེ’ཡཾ, ཀ་ཏྟ་བྦོ ནཱི་ཏི་མཱ ཨི་ཏི;
སི་ཀྑཱ་པེ་སི ཀུ་མཱ་རཾ ཏཾ, པ་ཎྜུ་ཀོ ཏཾ ཝི་ཛཱ་ནི་ཡ.
༢༢. ག་ཎྷ་ཐེ་ཏ་ནྟི་པེ་སེ་སི, སེ་ཝ་ཀེ ཏ་སྶཱ་ར་ཏྟི་ཡཾ;
དི་སྭཱ་ན སུ་པི་ནཾ ཐེ་རོ, ནཱི་ཧ་རི་ཏྠ ཀུ་མཱ་ར་ཀཾ.
༢༣. ཏ་སྨིཾ ནི་ཀྑ་ནྟ་མ་ཏྟ་མྷི, སེ་ཝ་ཀཾ པ་རི་ཝཱ་རི་ཡ;
པ་རི་ཝེ་ཎེ ན པ་སྶིཾ་སུ, ཏ་ཏོ ནི་ཀྑ་མྨ ཏེ ཨུ་བྷོ.
༢༤. ད་ཀྑི་ཎ་སྨིཾ དི་སཱ་བྷཱ་གེ, གོ་ཎ ནཱ་མཾ མ་ཧཱ་ན་དིཾ;
པ་ཏྭཱ ས་མྤུ་ཎྞ་མ་ཊྛཾ་སུ, ག་ནྟུ་ཀཱ་མཱ་པི ཝེ་ག་སཱ.
༢༥. ཡ་ཐཱ ན་དི་ཡཾ ཝཱ་རེ་ཏི, ཨ་མྷེ ཏཾ ཏྭ་མྤི ཝཱ་ར་ཡ;
ཝཱ་པིཾ་ག་ཧེ་ཏྭཱ ཨེ་ཏྠེ’ཏི, ཝ་ཏྭཱ ཐེ་རོ ཏ་དཱ ན་དིཾ.
༢༦. ཨོ་ཏ་རི་ཏྠ་ཀུ་མཱ་རེ་ན, ས་དྡྷིཾ དི་སྭཱ་ན ཏེ ཨུ་བྷོ;
ནཱ་ག་རཱ་ཛཱ ཏ་དཱ ཨེ་ཀོ, པི་ཊྛིཾ པཱ་དཱ་སི ཏེ་ན སོ.
༢༧. ཨུ་ཏྟ་རི་ཏྭཱ ཀུ་མཱ་རཾ ཏཾ, ནེ་ཏྭཱ པ་ཙྩ་ནྟ་མཱ་ཝ་སཾ;
ལ་དྡྷཱ ཁཱི་རོ་ད་ནཾ སུ་ཏྭཱ, སེ་སཾ པ་ཏྟེ་ན ཏ་སྶ’དཱ.
༢༨. ཙི་ཏྟ་ཀཱ་རེ་ན ཐེ་ར་མྷི, བྷ་ཏྟཾ པ་ཀྑི་པྤ བྷཱུ་མི་ཡཾ;
བྷུ་ཉྫི ཐེ་རོ་པི ཏཾ ཛཱ་ནི, བྷུ་ཉྫ ཏེ ཡཾ མ་ཧིཾ ཨི་ཏི.
༢༩. པ་ཎྜུ་རཱ་ཛཱ་པི ཀ་ཏྭཱ་ན, ར་ཛྫཾ ཝ་སྶ་མྷི པ་ཉྩ་མེ;
ཙུ་ཏོ པུ་ཏྟོ པི་པཱ་རི་ནྡོ, ཏ་ཏི་ཡོ ཏ་སྶ བྷཱ་ཏུ་ཀོ.
༣༠. ཀ་ཎི་ཊྛོ ཁུ་དྡ་པཱ་རི་ནྡོ, ཀུ་བྦཾ ར་ཛྫཾ མ་ཧཱ་མ་ཧིཾ;
དྷཱ་ཏུ་སེ་ནཱ་ནུ་གེ ས་བྦེ, ཝི་ཧེ་ཋེ་སི མ་ཧཱ་ཛ་ནེ.
༣༡. ས་ངྒ་ཧེ་ཏྭཱ ཛ་ནེ སཱ་དྷུ-སེ་ནོ ཡུ་ཛྫི་ཏྠ རཱ་ཛི་ནཱ;
སོ སོ་ལ༹་ས་ཧི ཝ་སྶེ་ཧི, པུ་ཉྙ་པཱ་པ་ཀ་རོ་མ་ཏོ.
༣༢. ནི་རི་ཏ་རོ ཏ་ཏོ ཨཱ་སི, རཱ་ཛཱ་མཱ་ས་དྭ་ཡེ་ན ཏཾ;
དྷཱ་ཏུ་སེ་ནོ ཝི་ནཱ་སེ་སི, ཏེ་ན ཀ་ཏྭཱ མ་ཧཱ་ཧ་ཝཾ.
༣༣. ཧ་ཏེ ཏ་སྨིཾ མ་ཧཱི་པཱ་ལེ, དཱ་ཋི་ཡོ ད་མི་ལོ༹ ཏ་ཏོ;
རཱ་ཛཱ ཝ་སྶ་ཏྠ ཡེ ཧུ་ཏྭཱ, དྷཱ་ཏུ་སེ་ན་ཧ་ཏོ་ཏ་ཏོ.
༣༤. པི་ཊྛི་ཡོ ད་མི་ལོ༹ ས་ཏྟ-མཱ་སེ་ན ནི་དྷ་ནཾ ག་ཏོ;
དྷཱ་ཏུ་སེ་ནེ་ན ཡུ་ཛ྄ཛྷི་ཏྭཱ, ཝཾ་སོ པ་ཙྪི་ཛྫི དཱ་མི་ལོ༹.
༣༥. ཨ་ཐཱ’སི རཱ་ཛཱ་ལ་ངྐཱ་ཡཾ, དྷཱ་ཏུ་སེ་ནོ ཨི་རཱ་དྷི་པོ;
བྷཱ་ཏ་རཱ ས་ཧ དཱི་པ་མྷི, ད་མི་ལེ༹ དཱི་པ་གྷཱ་ཏ་ཀེ.
༣༦. ཨུ་པཱ་ཡེ་ཧི ཨ་ནེ་ཀེ་ཡི, ཨེ་ཀ་ཝཱི་ས་པྤ་མཱ་ཎ་ཀེ;
ཁ་ནྡྷ་ཝཱ་རེ ནི་ཝེ་སེ་ཏྭཱ, ཀ་ཏྭཱ ཡུ་དྡྷ་མ་སེ་ས་ཏོ.
༣༧. སོ་དྷེ་ཏྭཱ མེ་དི་ནིཾ སཱ་དྷུ, ཀ་ཏྭཱ ཙ སུ་ཁི་ཏཾ་ཛ་ནཾ;
སཱ་ས་ན་ཉྩ ཡ་ཐཱ་ཋཱ་ནེ, ཋ་པེ་སི པ་ར་ནཱ་སི་ཏཾ.
༣༨. ད་མི་ལེ༹ ཡེ’ནུ་ཝ་ཏྟིཾ་སུ, ཀུ་ལཱི་ནཱ ཀུ་ལ་གཱ་མ་ཝཱ;
ཏེ མཾ ཝཱ སཱ་ས་ནཾ ཝཱ ནོ, ར་ཀྑིཾ་སཱུ’ཏི པ་ཀུ་པྤི་ཡ.
༣༩. ཏེ་སཾ གཱ་མེ ག་ཧེ་ཏྭཱ་ན, གཱ་མེ སྭཱ་ཀཱ་སི་ར་ཀྑ་ཀེ;
རོ་ཧ་ཎཱ’ག་མྨ ཏེ ས་བྦེ, ཀུ་ལཱི་ནཱ ཏ་མུ་པ་ཊྛ་ཧུཾ.
༤༠. ཏེ་སཾ ས་ཀྐཱ་ར་ས་མྨཱ་ནཾ, ཡ་ཐཱ་ཡོ་ག་མ་ཀཱ་སི སོ;
ཨ་མ་ཙྩེ ཨ་ཏྟ་ནོ དུ་ཀྑ-ས་ཧཱ་ཡེ་ཙཱ’བྷི ཏོ་ས་ཡི.
༤༡. བ་ནྡྷཱ་པེ་ཏྭཱ མ་ཧཱ་ག་ངྒཾ, ཀེ་དཱ་རེ’ཀཱ ཐི་རོ་ད་ཀེ;
མ་ཧཱ་པཱ་ལ༹་མྷི བྷི་ཀྑཱུ་ནཾ, སཱ་ལི་བྷ་ཏྟ་ཉྩ དཱ་པ་ཡི.
༤༢. པ་ངྒུ་རོ་གཱ ཏུ་ར་ཊྚཱ་ནཾ, སཱ་ལཱ་ཡོ་ཀཱ་སི བུ་དྡྷི་མཱ;
ཀཱ་ལ༹་ཝཱ་པིཾ་ཙ ག་ཎྷི་ཏྭཱ, བ་ནྡྷི གོ་ཎཾ མ་ཧཱ་ན་དིཾ.
༤༣. མ་ཧཱ་ཝི་ཧཱ་རཾ ཀ་ཏྭཱ་ན, པ་ནྟི་ཡུ་ཏྟ་མ་ནཱ་ཀུ་ལཾ;
ཏ་ཐཱ བོ་དྷི་གྷ་ར་ཉྩེ་ཝ, ད་སྶ་ནེ་ཡྻ མ་ཀཱ་ར་ཡི.
༤༤. བྷི་ཀྑ་ཝོ པ་རི་ཏོ་སེ་ཏྭཱ, པ་ཙྩ་ཡེ་ཧི ཙ་ཏཱུ་ཧི་པི;
དྷ་མྨཱ་སོ་ཀོ’ཝ སོ་ཀཱ་སི, ས་ངྒ་ཧཾ པི་ཊ་ཀ་ཏྟ་ཡེ.
༤༥. ཨ་ཊྛཱ་ར་ས་ཝི་ཧཱ་རེ ཙ, ཐེ་རི་ཡཱ་ན མ་ཀཱ་ར་ཡི;
ས་མྤ་ནྣ་བྷོ་གེ དཱི་པ་མྷི, ཨ་ཊྛཱ་ར་ས ཙ ཝཱ་པི་ཡོ.
༤༦. ཀཱ་ལ༹་ཝཱ་པཱི ཝི་ཧཱ་རོ ཙ, ཀོ་ཊི་པ་སྶཱ་ཝ་ནཱ་མ་ཀོ;
ད་ཀྑི་ཎ གི་རི་ནཱ་མོ ཙ, ཝི་ཧཱ་རོ ཝ་ཌྜྷ་མཱ་ན་ཀོ.
༤༧. པ་ཎྞ་ཝ་ལླ་ཀ་བྷཱུ་ཏོ ཙ, བྷ་ལླཱ་ཏ་ཀ་ས་ནཱ་མ་ཀོ;
པཱ་སཱ་ཎ་སི་ནྣེ དེ་ས་མྷི, དྷཱ་ཏུ་སེ་ནོ ཙ པ་བྦ་ཏོ.
༤༨. མཾ ག་ནོ ཐཱུ་པ་ཝི་ཊྛི ཙ, དྷཱ་ཏུ་སེ་ནོ་པི ཨུ་ཏྟ་རེ;
པཱ་ཙི་ན ཀ་མྦ་ཝི་ཊྛི ཙ, ཏ་ཐཱ ཨ་ནྟ་ར་མེ གི་རི.
༤༩. ཨ་ནྟཱ་ལི༹ དྷཱ་ཏུ་སེ་ནོ ཙ, ཀ་སྶ་པི་ཊྛི་ཀ པུ་བྦ་ཀོ;
རོ་ཧ་ཎེ་དཱ་ཡ་གཱ་མོ ཙ, སཱ་ལ་ཝཱ་ཎོ ཝི་བྷཱི་ས་ནོ.
༥༠. ཝི་ཧཱ་རོ བྷ་ལླི་ཝཱ་ཎོ ཙ, ཨ་ཊྛཱ་ར་ས་ན་རུ་ཏྟ་མོ;
པཱ་དཱུ་ལ་ཀཾ ཧ་མྦ་ལ་ཊྛི, མ་ཧཱ་ད་ཏྠཱ་དི་ཝཱ་པི ཡོ.
༥༡. ཁུ་དྡ་ཀེ ཙ ཝི་ཧཱ་རེ་སོ, ཨ་ཊྛཱ་ར་ས་ན་རུ་ཏྟ་མོ;
ཝཱ་པཱི་ཡོ ཙ ཏ་ཐཱ་ཀ་ཏྭཱ, ཏེ་ས་མེ་ཝ ཏུ དཱ་པ་ཡི.
༥༢. པ་ཉྩ་ཝཱི་ས་ཏི ཧ་ཏྠ་ཉྩ, མ་ཡཱུ་ར་པ་རི་ཝེ་ཎ་ཀཾ;
ཧ་རི་ཏྭཱ’ཀཱ་སི་པཱ་སཱ་ད-མེ་ཀ་ཝཱི་ས་ཏི ཧ་ཏྠ་ཀཾ.
༥༣. ཀུ་མཱ་ར་སེ་ན་སྶ’པེ་ཏྭཱ, པུ་བྦ་བྷོ་གཾ ཝི་སོ་དྷ་ཡི;
ཀཱ་ལ༹་ཝཱ་པི་མྨི་བྷཱ་ག་དྡྷཾ, ཁེ་ཏྟཱ་ན་ཉྩ ས་ཏ་དྭ་ཡཾ.
༥༤. ལོ་ཧ པཱ་ས་ད་ཀེ ཛི་ཎྞེ, ན་ཝ་ཀ་མྨ་མ་ཀཱ་ར་ཡི;
མ་ཧཱ་ཐཱུ་པེ་སུ ཚ་ཏྟཱ་ནི, ཏཱི་སུ ཛི་ཎྞཱ་ནི ཀཱ་ར་ཡི.
༥༥. དེ་ཝཱ་ནཾ་པི་ཡ་ཏི་སྶེ་ན, ཀ་ཏཾ བོ་དྷི་མ་ཧཾ ཝི་ཡ;
སི་ནྷཱ་ན་པཱུ་ཛཾ བོ་དྷི་སྶ, ཝ་ར་བོ་དྷི་སྶ ཀཱ་ར་ཡི.
༥༦. དྷཱ་ཝ་ནཱ ལོ་བྷ་ནཱ་ཝཱ་ཡོ, ཏ་ཏྠ པཱུ་ཛེ་སི སོ་ལ༹་ས;
ཨ་ལ་ངྐཱ་རཾ མུ་ནི་ནྡ་སྶ, ཨ་བྷི་སེ་ཀ་ཉྩ ཀཱ་ར་ཡི.
༥༧. མ་ཧཱ་བོ་དྷི པ་ཏི་ཊྛཱ་ནཱ, ཨོ་རཾ ལ་ངྐཱ་ཡ བྷཱུ་མི་པཱ;
ཡཱ་ཝ དྭཱ་ད་ས་མཾ ཝ་སྶཾ, བོ་དྷི་པཱུ་ཛ་མ་ཀཱ་ར་ཡུཾ.
༥༨. མ་ཧཱ་མ་ཧི་ནྡ་ཏྠེ་ར་སྶ, ཀཱ་རེ་ཏྭཱ པ་ཊི་བི་མྦ་ཀཾ;
ཐེ་ར་སྶཱ’ལཱ་ཧ་ནཾ ནེ་ཏྭཱ, ཀཱ་ཏུཾ པཱུ་ཛཾ མ་ཧཱ་ར་ཧཾ.
༥༩. ད་ཏྭཱ ས་ཧ་སྶཾ དཱི་པེ་ཏུཾ, དཱི་པ་ཝཾ་སཾ ས་མཱ་དི་སི;
ཋི་ཏཱ་ནཾ ཏ་ཏྠ བྷི་ཀྑཱུ་ནཾ, དཱ་ཏུ་ཉྩཱ་ཎཱ་པ་ཡི་གུ་ལ༹ཾ.
༦༠. བྷི་ཀྑུ་སྶ ཨ་ཏྟ་ནོ སཱི་སེ, ས་ངྐཱ་རོ་ཀི་ར་ཎཾ ས་རཾ;
ལཱ་བྷཾ ནཱ་དཱ་སི ཝུ་ཏྠ་སྶ, པ་རི་ཝེ་ཎ་སྶ ཨ་ཏྟ་ནོ.
༦༡. ཕཱ་ཏི་ཀ་མྨཾ བ་ཧུཾ’ཀཱ་སི, ཝི་ཧཱ་རེ ཨ་བྷ་ཡུ་ཏྟ་རེ;
སི་ལཱ་ས་ཏྠུ་སྶ ཀཱ་རེ་སི, མ་ནྡི་ར་ཉྩ ས་མ་ཎྜ་པཾ.
༦༢. བུ་དྡྷ དཱ་ས་ཀ་ཏེ་ནེ་ཏྟེ, ན་ཊྛེ’ན་གྒྷ་མ་ཎི དྭ་ཡཾ;
ཨ་ཀཱ་སི ནེ་ཏྟཾ ས་ཏྠུ་སྶ, རཾ་སི ཙཱུ་ལཱ༹་མ་ཎིཾ་ཏ་ཐཱ.
༦༣. མ་ཎི་ཧི གྷ་ན་ནཱི་ལེ་ཧི, ཀེ་སཱ ཝ་ཏྟཾ སུ་མུ་ཏྟ་མཾ;
ཧེ་མ་པ་ཊྚཾ ཏ་ཐེ་ཝུ་ཎྞ-ལོ་མཾ སོ་ཝ་ཎྞ ཙཱི་ཝ་རཾ.
༦༤. པཱ་ད་ཛཱ་ལཾ སུ་ཝ་ཎྞ་སྶ, པ་དུ་མཾ དཱི་པ་མུ་ཏྟ་མཾ;
ནཱ་ནཱ་རཱ་ག་མྦ་རཾ ཏ་ཏྠ, པཱུ་ཛ་ཡི་ཏྠ ཨ་སཾ་ཁི་ཡཾ.
༦༥. ཨ་ཀཱ་སི པ་ཊི་མཱ གེ་ཧེ, བ་ཧུ་མ་ངྒ་ལ་ཙེ་ཏི་ཡེ;
བོ་དྷི་ས་ཏྟེ ཏ་ཐཱ’ཀཱ་སི, ཀཱ་ལ༹་སེ་ལ་སྶ ས་ཏྠུ་ནོ.
༦༦. ཨུ་པ་སུ་མྦྷ་ཝ྄ཧ་ཡ་སྶཱ་པི, ལོ་ཀ་ནཱ་ཐ་སྶ ཀཱ་ར་ཡི;
རཾ་སཱི་ཙཱུ་ལཱ༹་མ་ཎི་ཉྩེ་ཝ, ཨ་བྷི་སེ་ཀ་ཝ྄ཧ་ཡ་སྶ ཙ.
༦༧. བུ་དྡྷ་བི་མྦ་སྶ ཀཱ་རེ་སི, པུ་བྦེ ཝུ་ཏྟཾ པི་ལ༹་ནྡྷ་ནཾ;
ཝཱ་མ་པ་སྶ་མྷི བོ་དྷི་སྶ, བོ་དྷི་ས་ཏྟ་གྷ་རཾ ཏ་ཐཱ.
༦༨. མེ་ཏྟེ་ཡྻ་སྶ ཙ ཀཱ་རེ་སི, ས་བྦཾ རཱ་ཛ་པི་ལ༹་ནྡྷ་ནཾ;
ས་མ་ནྟཱ ཡོ་ཛ་ནེ ཏ་སྶ, ཏ་དཱ ར་ཀྑ་ཉྩ ཡོ་ཛ་ཡི.
༦༩. ཀཱ་རཱ་པེ་སི ཝི་ཧཱ་རེ་སུ, དྷཱ་ཏུ་རཱ་ཛ་ཝ྄ཧ་པ་ནྟི་ཡོ;
ཏ་ཐཱ ས་ཏ་ས་ཧ་སྶེ་ན, མ་ཧཱ་བོ་དྷི་གྷ་རཾ ཝ་རཾ.
༧༠. ཐཱུ་པཱ་ར་མ་མྷི ཐཱུ་པ་སྶ, པཱུ་ཛཾ ཛི་ཎྞ་ཝི་སོ་དྷ་ནཾ;
དཱ་ཋཱ དྷཱ་ཏུ་གྷ་རེ་ཙཱ་པི, ཛི་ཎྞ་སྶ པ་ཊི་ས་ངྑ་རཾ.
༧༡. དཱ་ཋཱ་དྷཱ་ཏུ་ཀ་རུ་ཎྜ་ཉྩ, རཾ་སི་ཉྩ གྷ་ན་ཀོ་ཊྚི་མཾ;
མ་ཧ་གྒྷ་མ་ནི་སཾ་ཀི་ཎྞཾ, སུ་ཝ་ཎྞ པ་དུ་མཱ་ནི ཙ.
༧༢. དཱ་ཋཱ་དྷཱ་ཏུ་མྷི པཱུ་ཛེ་སི, པཱུ་ཛཱ་ཙཱ་ཀཱ ཨ་ས་ངྑི་ཡཱ;
ཙཱི་ཝ་རཱ་དཱི་ནི དཱ་པེ་སི, བྷི་ཀྑཱུ་ནཾ དཱི་པ་ཝཱ་སི་ནཾ.
༧༣. ཀཱ་རཱ་པེ་ཏྭཱ ཝི་ཧཱ་རེ་སུ, ན་ཝ་ཀ་མྨཾ ཏ་ཧིཾ ཏ་ཧིཾ;
པཱ་ཀཱ་རེ ཙ གྷ་རེ་ཏྭཱ’ཀཱ, སུ་དྷཱ་ཀ་མྨཾ མ་ནོ་ཧ་རཾ.
༧༤. མ་ཧཱ་ཙེ་ཏི་ཏྟ་ཡེ ཀ་ཏྭཱ, སུ་དྷཱ་ཀ་མྨཾ མ་ཧཱ་ར་ཧཾ;
སུ་ཝ་ཎྞ་ཚ་ཏྟཾ ཀཱ་རེ་སི, ཏ་ཐཱ ཝ་ཛི་ར་ཙུ་མྦ་ཊཾ.