ས་ཏྟ་ཏིཾ་ས་ཏི་མ པ་རི་ཙྪེ་ད
པ་ཉྩ་རཱ་ཛ་ཀོ
༡. ཛེ་ཊྛ་ཏི་སྶ་ཙྩ་ཡེ ཏ་སྶ, མ་ཧཱ་སེ་ནོ ཀ་ནི་ཊྛ་ཀོ;
ས་ཏྟ་ཝཱི་ས་ཏི་ཝ་སྶཱ་ནི, རཱ་ཛཱ ར་ཛྫ་མ་ཀཱ་ར་ཡི.
༢. ཏ་སྶ ར་ཛྫཱ་བྷི་སེ་ཀཾ ཏཾ,
ཀཱ་རེ་ཏུཾ པ་ར་ཏཱི་ར་ཏོ;
སོ ས་ངྒྷ་མི་ཏྟ་ཏྠེ་རོ ཏུ,
ཀཱ་ལཾ ཉ་ཏྭཱ ཨི་དྷཱ་ག་ཏོ.
༣. ཏ་སྶཱ་བྷི་སེ་ཀཾ ཀཱ་རེ་ཏྭཱ, ཨ་ཉྙཾ ཀི་ཙྩ་ཉྩ་ནེ་ཀ་དྷཱ;
མ་ཧཱ་ཝི་ཧཱ་ར ཝི་དྡྷཾ་སཾ, ཀཱ་ཏུ་ཀཱ་མོ ཨ་ས་ཉྙ་ཏོ.
༤. ཨ་ཝི་ན་ཡ་ཝཱ་དི་ནོ ཨེ་ཏེ, མ་ཧཱ་ཝི་ཧཱ་ར་ཝཱ་སི་ནོ;
ཝི་ན་ཡ་ཝཱ་དཱི མ་ཡཾ རཱ་ཛ, ཨི་ཏི གཱ་ཧི་ཡ བྷཱུ་པ་བྷིཾ.
༥. མ་ཧཱ་ཝི་ཧཱ་ར་ཝཱ་སི་སྶ, ཨཱ་ཧཱ་རཾ དེ་ཏི བྷི་ཀྑུ་ནོ;
ཡོ སོ ས་ཏཾ ད་ཎྜི་ཡོ’ཏི, ར་ཉྙཱ ད་ཎྜཾ ཋ་པཱ་པ་ཡི.
༦. ཨུ་པ་དྡུ་ཏཱ ཏེ་ཧི བྷི་ཀྑཱུ, མ་ཧཱ་ཝི་ཧཱ་ར་ཝཱ་སི་ནོ;
མ་ཧཱ་ཝི་ཧཱ་རཾ ཚ་ཌྜེ་ཏྭཱ, མ་ལ་ཡཾ རོ་ཧ་ཎཾ ཨ་གུཾ.
༧. ཏེ་ན མ་ཧཱ་ཝི་ཧཱ་རོ’ཡཾ, ན་ཝ་ཝ་སྶཱ་ནི ཚ་ཌྜི་ཏོ;
མ་ཧཱ་ཝི་ཧཱ་ར་ཝཱ་སཱི་ཧི, བྷི་ཀྑཱུ་ཧི ཨཱ་སི སུ་ཉྙ་ཀོ.
༨. ‘‘ཧོ་ཏི ཨ་སྶཱ་མི་ཀཾ ཝ་ཏྠུ, པུ་ཏུ་ཝི་སཱ་མི་ནོ’’ཨི་ཏི;
རཱ་ཛཱ་ནཾ ས་ཉྙཱ་པེ་ཏྭཱ སོ, ཐེ་རོ དུ་མྨ་ཏི དུ་མྨ་ཏིཾ.
༩. མ་ཧཱ་ཝི་ཧཱ་རཾ ནཱ་སེ་ཏུཾ, ལ་དྡྷཱ་ནུ་མ་ཏི རཱ་ཛ་ཏོ;
ཏ་ཐཱ ཀཱ་ཏུཾ མ་ནུ་སྶེ སོ, ཡོ་ཛེ་སི དུ་ཊྛ་མཱ་ན་སོ.
༡༠. ས་ངྒྷ་མི་ཏྟ་སྶ ཐེ་ར་སྶ, སེ་ཝ་ཀོ རཱ་ཛ་ཝ་ལླ་བྷོ;
སོ་ཎཱ་མ་ཙྩོ དཱ་ར་ཎོ ཙ, བྷི་ཀྑ་ཝོ ཙ ཨ་ལ་ཛྫི་ནོ.
༡༡. བྷི་ནྡི་ཏྭཱ ལོ་ཧ་པཱ་སཱ་དཾ, ས་ཏྟ་བྷཱུ་མ་ཀ མུ་ཏྟ་མཾ;
གྷ་རེ ནཱ་ན་པྤ་ཀཱ་རེ ཙ, ཨི་ཏོ’བྷ་ཡ་གི་རིཾ ན་ཡུཾ.
༡༢. མ་ཧཱ་ཝི་ཧཱ་རཱ ནཱི་ཏེ་ཧི, པཱ་སཱ་དེ་ཧི བ་ཧཱུ་ཧི ཙ;
ཨ་བྷ་ཡ་གི་རི་ཝི་ཧཱ་རོ་ཡཾ, བ་ཧུ་པཱ་སཱ་ད་ཀོ ཨ་ཧུ.
༡༣. ས་ངྒྷ་མི་ཏྟཾ པཱ་པ་མི་ཏྟཾ, ཐེ་རཾ སོ་ཎ་ཉྩ སེ་ཝ་ཀཾ;
ཨཱ་ག་མྨ སུ་བ་ཧུཾ པཱ་པཾ, ཨ་ཀཱ་སི སོ མ་ཧཱི་པ་ཏི.
༡༤. མ་ཧཱ་སི་ལཱ་པ་ཊི་མཾ སོ, པཱ་ཙི་ན་ཏི་སྶ་པ་བྦ་ཏཱ;
ཨཱ་ནེ་ཏྭཱ’བྷ་ཡ་གི་རི་མྷི, པ་ཏི་ཊྛཱ་པེ་སི བྷཱུ་པ་ཏི.
༡༥. པ་ཊི་མཱ་གྷ་རཾ བོ་དྷི་གྷ་རཾ, དྷཱ་ཏུ་སཱ་ལཾ མ་ནོ་ར་མཾ;
ཙ་ཏུ་སཱ་ལ་ཉྩ ཀཱ་རེ་སཱི, ས་ངྑ་རཱི ཀུ་ཀྐུ་ཊ་ཝ྄ཧ་ཡཾ.
༡༦. ས་ངྒྷ་མི་ཏྟེ་ན ཐེ་རེ་ན, ཏེ་ན དཱ་རུ་ཎ་ཀ་མྨུ་ནཱ;
ཝི་ཧཱ་རོ སོ’བྷ་ཡ་གི་རི, ད་སྶ་ནེ་ཡྻོ ཨ་ཧུ ཏ་དཱ.
༡༧. མེ་གྷ་ཝ་ཎྞཱ་བྷ་ཡོ ནཱ་མ, ར་ཉྙོ ས་བྦ་ཏྠ སཱ་ཁ་ཀོ;
ས་ཁཱ ཨ་མ་ཙྩོ ཀུ་ཛ྄ཛྷི་ཏྭཱ, མ་ཧཱ་ཝི་ཧཱ་ར་ནཱ་ས་ནེ.
༡༨. ཙོ་རོ ཧུ་ཏྭཱ་ན མ་ལ་ཡཾ, ག་ནྟྭཱ ལ་དྡྷ་མ་ཧ་བྦ་ལོ;
ཁ་ནྡྷཱ་ཝཱ་རཾ ནི་ཝེ་སེ་སི, དུ་ར་ཏི་སྶ་ཀ་ཝཱ་པི་ཡཾ.
༡༩. ཏ་ཏྲཱ’ག་ཏཾ ཏཾ སུ་ཏྭཱ, ས་ཧཱ་ཡཾ སོ མ་ཧཱི་པ་ཏི;
ཡུ་དྡྷཱ་ཧ པ་ཙྩུ་གྒ་ནྟྭཱ་ན, ཁ་ནྡྷཱ་ཝཱ་རཾ ནི་ཝེ་ས་ཡི.
༢༠. སཱ་དྷུཾ པཱ་ན་ཉྩ མཾ་ས་ཉྩ, ལ་བྷི་ཏྭཱ མ་ལ་ཡཱ་ག་ཏཾ;
‘‘ན སེ་ཝི་སྶཾ ས་ཧཱ་ཡེ་ན, ཝི་ནཱ ར་ཉྙཱ’’ཏི ཙི་ནྟི་ཡ.
༢༡. ཨཱ་དཱ་ཡ ཏཾ ས་ཡཾ་ཡེ་ཝ, ར་ཏྟིཾ ནི་ཀྑ་མྨ ཨེ་ཀ་ཀོ;
ར་ཉྙོ ས་ནྟི་ཀ་མཱ་ག་མྨ, ཏ་མ་ཏྠཾ པ་ཊི་ཝེ་ད་ཡི.
༢༢. ཏེ་ནཱ’བྷ་ཏཾ ཏེ་ན ས་ཧ, ཝི་སྶ་ཏྠོ པ་རི་བྷུ་ཉྫི་ཡ;
‘‘ཀ་སྨཱ ཙོ་རོ ཨ་ཧུ མེ ཏྭཾ, ‘‘ཨི་ཏི རཱ་ཛཱ ཨ་པུ་ཙྪི་ཏཾ.
༢༣. ‘‘ཏ་ཡཱ མ་ཧཱ་ཝི་ཧཱ་ར་སྶ, ནཱ་སི་ཏ་ཏྟཱ’’ཏི ཨ་བྲུ་ཝི;
‘‘ཝི་ཧཱ་རཾ ཝཱ་ས་ཡི་སྶཱ་མི, ཁེ་མ་མེ་ཏཾ མ་མ་ཙྩ་ཡཾ.
༢༤. ཨི་ཙྪེ་ཝ མ་བྲ་ཝཱི རཱ་ཛཱ, རཱ་ཛཱ་ནཾ སོ ཁ་མཱ་པ་ཡི;
ཏེ་ན ས་ཉྙཱ་པི་ཏོ རཱ་ཛཱ, ན་ག་རཾ་ཡེ་ཝ ཨཱ་ག་མི.
༢༥. རཱ་ཛཱ་ནཾ ས་ཉྙ་པེ་ཏྭཱ སོ, མེ་གྷ་ཝ་ཎྞཱ་བྷ་ཡོ པ་ན;
ར་ཉྙཱ ས་ཧ ན ཨཱ་ག་ཉྪི, ད་བྦ་ས་མྦྷཱ་ར་ཀཱ་ར་ཎཱ.
༢༦. ཝ་ལ་བྷཱ བྷ་རི་ཡཱ ར་ཉྙོ, ཨེ་ཀཾ ལེ་ཁ་ཀ་དྷཱི་ཏི་ཀཱ;
མ་ཧཱ་ཝི་ཧཱ་ར་ནཱ་ས་མྷི, དུ་ཀྑི་ཏཾ ཏཾ ཝི་ནཱ་ས་ཀཾ.
༢༧. ཐེ་རཾ མཱ་རཱ་པ་ཡི ཀུ་དྡྷཱ, སཾ་ག་ཧེ་ཏྭཱ་ན ཝ་ཌྜྷ་ཀིཾ;
ཐཱུ་པཱ་རཱ་མཾ ཝི་ནཱ་སེ་ཏུཾ, ཨཱ་ག་ཏཾ དུ་ཊྛ་མཱ་ན་སཾ.
༢༨. མཱ་རཱ་པེ་ཏྭཱ ས་ངྒྷ་མི་ཏྟ-ཏྠེ་རཾ དཱ་རུ་ཎ་ཀཱ་ར་ཀཾ;
སོ་ཎཱ་མ་ཙྩ་དཱ་ར་ཎ་ཉྩ, གྷཱ་ཏ་ཡིཾ་སུ ཨ་ས་ཉྙ་ཀཱ.
༢༩. ཨཱ་ནེ་ཏྭཱ ད་བྦ་ས་མྦྷཱ་རཾ, མེ་གྷ་ཝ་ཎྞཱ་བྷ་ཡོ ཏུ སོ;
མ་ཧཱ་ཝི་ཧཱ་རེ་ནེ་ཀཱ་ནི, པ་རི་ཝེ་ཎཱ་ནི ཀཱ་ར་ཡི.
༣༠. ཨ་བྷ་ཡེ་ན་བྷ་ཡོ ཏ་སྨིཾ, ཝཱུ་པ་ས་ནྟེ ཏུ བྷི་ཀྑ་ཝོ;
མ་ཧཱ་ཝི་ཧཱ་རཾ ཝཱ་སེ་སུཾ, ཨཱ་ག་ནྟྭཱ་ན ཏ་ཏོ ཏ་ཏོ.
༣༡. རཱ་ཛཱ མ་ཧཱ་བོ་དྷི་གྷ་རེ, པ་ཙྪི་མཱ་ཡ དི་སཱ་ཡ ཏུ;
ཀཱ་རེ་ཏྭཱ ལོ་ཧ་རཱུ་པཱ་ནི, ཋ་པཱ་པེ་སི དུ་ཝེ ཏུ སོ.
༣༢. ད་ཀྑི་ཎཱ་རཱ་མ་ཝཱ་སི་མྷི, ཀུ་ཧ་ཀེ ཛི་མྷ་མཱ་ན་སེ;
པ་སཱི་དི་ཏྭཱ པཱ་པ་མི་ཏྟེ, ཏི་སྶ་ཏྠེ་རེ ཨ་ས་ཉྙ་ཏེ.
༣༣. མ་ཧཱ་ཝི་ཧཱ་ར་སཱི་མ་ནྟེ, ཨུ་ཡྻཱ་ནེ ཛོ་ཏི་ནཱ་མ་ཀེ;
ཛེ་ཏ་ཝ་ན་ཝི་ཧཱ་རཾ སོ, ཝཱ་ར་ཡ་ནྟོ་པི ཀཱ་ར་ཡི.
༣༤. ཏ་ཏོ སཱི་མཾ ས་མུ་གྒྷཱ་ཏུཾ, བྷི་ཀྑུ་ས་ངྒྷ་མ་ཡཱ་ཙི་སོ;
ཨ་དཱ་ཏུ་ཀཱ་མཱ ཏཾ བྷི་ཀྑཱུ, ཝི་ཧཱ་ར་མྷཱ ཨ་པ་ཀྐ་མུཾ.
༣༥. ཨི་དྷ སཱི་མཱ་ས་མུ་གྒྷཱ་ཏཾ, པ་རེ་ཧི ཀ་རི་ཡ་མཱ་ན་ཀཾ;
ཀོ་པེ་ཏུཾ བྷི་ཀྑ་ཝོ ཀེ་ཙི, ནི་ལཱི་ཡིཾ་སུ ཏ་ཧིཾ ཏ་ཧིཾ.
༣༦. མ་ཧཱ་ཝི་ཧཱ་རོ ན་ཝ་མཱ་སེ, ཨེ་ཝཾ བྷི་ཀྑཱུ་ཧི ཝ་ཛྫི་ཏོ;
‘‘ས་མུ་གྒྷཱ་ཏཾ ཀ་རི་མྷཱ’’ཏི-པ་རེ བྷི་ཀྑཱུ ཨ་མ་ཉྙི་སུཾ.
༣༧. ཏ་ཏོ སཱི་མཱ་ས་མུ་གྒྷཱ་ཏེ, བྱཱ་པཱ་རེ པ་རི་ནི་ཊྛི་ཏེ;
མ་ཧཱ་ཝི་ཧཱ་རཾ ཝཱ་སེ་སུཾ, ཨི་དྷཱ་ག་ནྟྭཱ་ན བྷི་ཀྑ་ཝོ.
༣༨. ཏ་སྶ ཝི་ཧཱ་ར་གཱ་ཧི་སྶ, ཏི་སྶ་ཏྠེ་ར་སྶ ཙོ་ད་ནཱ;
ཨ་ནྟི་མ་ཝ་ཏྠུ་ནཱ ཨཱ་སི, བྷཱུ་ཏ་ཏྠཾ ས་ངྒྷ་མ་ཛ྄ཛྷ་གཱ.
༣༩. ཝི་ནི་ཙྪི་ཡ མ་ཧཱ་མ་ཙྩོ, ཏ་ཐཱ དྷ་མྨི་ཀ་ས་མྨ་ཏོ;
ཨུ་པྤ་བྦཱ་ཛེ་སི དྷ་མྨེ་ན, ཏཾ ཨ་ནི་ཙྪཱ་ཡ རཱ་ཛི་ནོ.
༤༠. སོ་ཡེ་ཝ རཱ་ཛཱ ཀཱ་རེ་སི, ཝི་ཧཱ་རཾ མ་ཎི་ཧཱི་ར་ཀཾ;
ཏ་ཡོ ཝི་ཧཱ་རེ ཀཱ་རེ་སི, དེ་ཝཱ་ལ་ཡཾ ཝི་ནཱ་སི་ཡ.
༤༡. གོ་ཀ་ཎྞཾ ཨེ་ར་ཀཱ་པི་ལླཾ, ཀ་ལ་ནྡ་བྲཱ་ཧྨ་ཎ་གཱ་མ་ཀེ;
མི་ག་གཱ་མ་ཝི་ཧཱ་ར་ཉྩ, ག་ངྒ་སེ་ན་ཀ་པ་བྦ་ཏཾ.
༤༢. པ་ཙྪི་མཱ་ཡ དི་སཱ་ཡཱ་ཐ, དྷཱ་ཏུ་སེ་ན་ཉྩ པ་བྦ་ཏཾ;
རཱ་ཛཱ མ་ཧཱ་ཝི་ཧཱ་ར་ཉྩ, ཀོ་ཀ་ཝཱ་ཏ་མྷི ཀཱ་ར་ཡི.
༤༣. རཱུ་པཱ་ར་མྨ་ཝི་ཧཱ་ར་ཉྩ, ཙཱུ་ལ༹་ཝི་ཊྚ་ཉྩ ཀཱ་ར་ཡི;
ཨུ་ཏྟ་རཱ་བྷ་ཡ་ས་ཝ྄ཧེ ཙ, དུ་ཝེ བྷི་ཀྑཱུ་ནུ་པ་སྶ་ཡེ.
༤༤. ཀཱ་ལ་ཝེ་ལ༹་ཀ་ཡ་ཀྑ་སྶ, ཋཱ་ནེ ཐཱུ་པ་ཉྩ ཀཱ་ར་ཡི;
དཱི་པ་མྷི ཛི་ཎྞ་ཀཱ་ཝཱ་སེ, བ་ཧཱུ ཙ པ་ཊི་ས་ངྑ་རི.
༤༥. ས་ངྒྷ་ཏྠེ་ར་ས་ཧ་སྶ་སྶ, ས་ཧ་སྶ་གྒྷ་མ་དཱ་སི སོ;
ཐེ་ར་དཱ་ན་ཉྩ ས་བྦེ་སཾ, ཨ་ནུ་ཝ་སྶ་ཉྩ ཙཱི་ཝ་རཾ.
༤༦. ཨ་ནྣ་པཱ་ནཱ་དི་དཱ་ན་སྶ, པ་རི་ཙྪེ་དོ ན ཝི་ཛྫ་ཏི;
སུ་བྷི་ཀྑ་ཏྠཱ་ཡ ཀཱ་རེ་སི, སོ’ཝ སོ་ལ༹་ས ཝཱ་པི་ཡོ.
༤༧. མ་ཎི་ཧཱི་ར་མ་ཧཱ་ཝཱ་པིཾ, ཛ་ལླུ་རཾ ཁཱ་ཎུ་ནཱ་མ་ཀཾ;
མ་ཧཱ་མ་ཎིཾ ཀོ་ཀ་ཝཱ་ཏཾ, མོ་ར་ཀ་པ་ར་ཀ་ཝཱ་པི་ཀཾ.
༤༨. ཀུ་བྦཱ་ཧ་ཀཾ ཝཱ་ཧ་ཀ་ཉྩ, ར་ཏྟ་མཱ་ལ་ཀ་ཎྜ་ཀ་མྤི ཙ;
ཏི་སྶ་ཝ་ཌྜྷ་མཱ་ན་ཀ་ཉྩ, ཝེ་ལ༹་ངྒ་ཝི་ཊྛི་ཀ་མྤི ཙ.
༤༩. མ་ཧཱ་ག་ལླ་ཙཱི་ར་ཝཱ་པིཾ, མ་ཧཱ་དཱ་ར་ག་ལླ་ཀ་མྤི ཙ;
ཀཱ་ལ༹་པཱ་སཱ་ཎ་ཝཱ་པི་ཉྩ, ཨི་མཱ སོ་ལ༹་ས ཝཱ་པི་ཡོ.
༥༠. ག་ངྒཱ་ཡ པ་བྦ་ཝ་ཝ྄ཧཾ་སོ, མ་ཧཱ་མཱ་ཏི་ཉྩ ཀཱ་ར་ཡི;
ཨེ་ཝཾ པུ་ཉྙ་མ་པུ་ཉྙ་ཉྩ, སུ་བ་ཧུཾ སོ ཨུ་པཱ་ཙི་ནཱི་ཏི.
༥༡. ཨ་སཱ་དྷུ་ས་ངྒ་མེ་ནེ་ཝཾ, ཡཱ་ཝ་ཛཱི་ཝཾ སུ་བྷཱ་སུ་བྷཾ;
ཀ་ཏྭཱ ག་ཏོ ཡ་ཐཱ་ཀ་མྨཾ, སོ མ་ཧཱ་སེ་ན་བྷཱུ་པ་ཏི.
༥༢. ཏ་སྨཱ ཨ་སཱ་དྷུ་སཾ་ས་གྒཾ, ཨཱ་ར་ཀཱ པ་རི་ཝ་ཛྫི་ཡ;
ཨ་ཧིཾ ཝཱ’སི ཝི་སཾ ཁི་པྤཾ, ཀ་རེ་ཡྻ’ཏྠ་ཧི་ཏཾ བུ་དྷོ.
༥༣. ཨ་ཧུ རཱ་ཛཱ སི་རི་མེ་གྷ-ཝ་ཎྞོ ཏ་སྶ སུ་ཏོ ཏ་ཏོ;
ཝ་ནྡྷཱ་ཏཱ ཝི་ཡ ལོ་ཀ་སྶ, ས་བྦ་ས་མྤ་ཏྟི་དཱ་ཡ་ཀོ.
༥༤. མ་ཧཱ་སེ་ནེ་ན པཱ་པཱ་ནཾ, ཝ་ས་གེ་ན ཝི་ནཱ་སི་ཏེ;
མ་ཧཱ་ཝི་ཧཱ་རེ ས་བྦེ་པི, ས་ནྣི་པཱ་ཏི་ཡ བྷི་ཀྑ་ཝོ.
༥༥. ཨུ་པ་ས་ངྐ་མྨ ཝ་ནྡི་ཏྭཱ, ནི་སི་ནྣོ པུ་ཙྪི སཱ་ད་རོ;
‘‘པི་ཏ་རཱ ས་ངྒྷ་མི་ཏྟ་སྶ, ས་ཧཱ་ཡེ་ན ཝི་ནཱ་སི་ཏཾ.
༥༦. ཀིཾ ཀི་མེ་ཝཱ’’ཏི ཨཱ་ཧཾ་སུ, བྷི་ཀྑ་ཝོ ཏཾ ན་རི་སྶ་རཾ;
‘‘སཱི་མཱ་ཡུ་གྒྷཱ་ཊ་ནཾ ཀཱ་ཏུཾ, ཝཱ་ཡ་མི་ཏྭཱ་པི ཏེ པི་ཏཱ.
༥༧. ནཱ་ས་ཀྑི ཨ་ནྟོ་སཱི་མཱ་ཡཾ, བྷི་ཀྑཱུ་ནཾ ཝི་ཛྫ་མཱ་ན་ཏོ;
བྷཱུ་མི་ག་བྦྷ་ནི་ལཱི་ནཱ་ཧི, ས་ཏྟཱ་སུཾ ཨེ་ཏྠ བྷི་ཀྑ་ཝོ.
༥༨. ཨ་མ་ཙྩོ སོ་ཎཱ་མ་ཙྩོ ཙ, ས་ངྒྷ་མི་ཏྟོ ཙ པཱ་པི་ཡོ;
རཱ་ཛཱ་ནཾ ས་ཉྙཱ་པེ་ཏྭཱ་ན, ཨ་པུ་ཉྙཾ ཏེ་ན ཀཱ་ར་ཡུཾ.
༥༩. བྷི་ནྡི་ཏྭཱ ལོ་ཧ་པཱ་སཱ་དཾ, ས་ཏྟ་བྷཱུ་མ་ཀ་མུ་ཏྟ་མཾ;
གྷ་རེ ནཱ་ན་པྤ་ཀཱ་རེ ཙ, ཨི་ཏོ’བྷ་ཡ་གི་རིཾ ན་ཡུཾ.
༦༠. མཱ་ས་ཀེ ཙ་ཏུ་བུ་དྡྷེ་ཧི, ནི་ཝུ་ཏྠེ ཙེ་ཏི་ཡ་ངྒ་ཎེ;
ཝ་པཱ་པེ་སུ་ཉྩ དུ་པྤ་ཉྙཱ, པ་སྶ བཱ་ལ་ས་མཱ་ག་མཾ’’.
༦༡. ཏཾ སུ་ཏྭཱ པི་ཏུ་ཀ་མྨཾ སོ, ནི་བྦི་ནྣོ བཱ་ལ་ས་ངྒ་མེ;
པི་ཏ་རཱ ནཱ་སི་ཏཾ ཏ་ཏྠ, ས་བྦཾ པཱ་ཀ་ཏི་ཀཾ ཨ་ཀཱ.
༦༢. ལོ་ཧ་པཱ་སཱ་ད་མ་ག་དོ’ཝ, ཀཱ་སི པཱ་སཱ་ད་མུ་ཏྟ་མཾ;
ར་ཉྙོ མ་ཧཱ་པ་ནཱ་ད་སྶ, ད་སྶེ་ནྟོ ཝི་ཡ བྷཱུ་ཏ་ལེ.
༦༣. པ་རི་ཝེ་ཎཱ་ནི ས་བྦཱ་ནི, ནཱ་སི་ཏཱ་ནི ནི་ཝེ་ས་ཡི;
བྷོ་གེ ཨཱ་རཱ་མི་ཀཱ་ན་ཉྩ, ཡ་ཐཱ་ཋཱ་ནེ ཋ་པེ་སི སོ.
༦༤. པི་ཏ་རཱ པ་ཙྩ་ཡཱ་ན་ཉྩ, པ་ཙྪི་ནྣ་ཏྟཱ ཝི་བུ་དྡྷི་ནཱ;
ཚི་དྡཱ་ཝཱ་སཾ གྷ་ནཱ་ཝཱ་སཾ, ཝི་ཧཱ་རཾ’ཀཱ་སི བུ་དྡྷི་མཱ.
༦༥. ཀཱ་རི་ཏེ པི་ཏ་རཱ ཛོ་ཏི ཝ་ནེ་ཙེ’སོ ཝི་ཧཱ་ར་ཀེ;
ཀ་མྨཾ ཝི་པྤ་ཀ་ཏཾ ས་བྦཾ, ནི་ཊྛཱ་པེ་སི ན་རི་སྶ་རོ.
༦༦. ཐེ་ར་སྶཱ’ཐ མ་ཧི་ནྡ་སྶ, ས་མ་ཎི་ནྡ་སྶ སུ་ནུ་ནོ;
སུ་ཏྭཱ་ན མ་ནུ་ཛི་ནྡོ སོ, པ་ཝ་ཏྟིཾ ས་བྦ་མཱ་དི་ཏོ.
༦༧. པ་སཱི་དི་ཏྭཱ གུ་ཎེ ཏ་སྶ, རཱ་ཛཱ དི་པྤ་པ་སཱ་ད་ཀེ;
‘‘ཨི་སྶ་རོ ཝ་ཏ དཱི་པ་སྶ, ཐེ་རོ’’ ཨི་ཏི ཝི་ཙི་ནྟི་ཡ.
༦༨. པ་ཊི་བི་མྦཾ སུ་ཝ་ཎྞ་སྶ, ཀ་ཏྭཱ ཏ་མྨཱ་ཎ ནི་སྶི་ཏཾ;
པུ་བྦ་ཀ་ཏྟི་ཀ་མཱ་ས་སྶ, པ་བྦ་པ་ཀྑེ ཏུ ས་ཏྟ་མེ.
༦༩. དི་ནེ ནེ་ཏྭཱ ཙེ་ཏི་ཡ་མྦ-ཐ་ལེ ཐེ་ར་མྦ་ས་ཉྙི་ཏེ;
ཏ་ཏྲ་ཊྛ་མེ ནི་ཝཱ་སེ་ཏྭཱ, ཏ་ཏོ ཏུ ན་ཝ་མེ པ་ན.
༧༠. མ་ཧཱ་སེ་ནཾ ག་ཧེ་ཏྭཱ སོ, དེ་ཝ་སེ་ནཱ ས་མཱུ་པ་མཾ;
ཨོ་རོ་དྷེ ན་ག་རེ ཙེ་ཝ, གེ་ཧ་ར་ཀྑ་ཎ་ཀེ ཝི་ནཱ.
༧༡. ལཾ་ཀཱ་དཱི་པེ ཙ ས་ཀ་ལེ, ས་བྦེ ཨཱ་དཱ་ཡ བྷི་ཀྑ་ཝོ;
ཝི་སྶ་ཛྫེ་ཏྭཱ མ་ནུ་སྶེ ཙ, ན་ག་རེ ཙཱ་ར་ཀ་ཊྛི་ཏེ.
༧༢. པ་ཊྛ་པེ་ཏྭཱ མ་ཧཱ་དཱ་ནཾ, ཨ་ཡ་ཉྩཱ་ཁི་ལ་པཱ་ཎི་ནཾ;
པཱུ་ཛཾ ས་བྦོ་པ་ཧཱ་རེ་ཧི, ཀ་རོ་ནྟོ ཙ ཨ་ནཱུ་པ་མཾ.
༧༣. པ་ཙྩུ་གྒ་མ་ན་མེ་ཏ་སྶ, དཱི་པ་ས་ཏྠུ་སྶ ས་ཏྠུ་ནོ;
ཝ་ར་པུ་ཏྟ་སྶ སོ ཀ་ཏྭཱ, དེ་ཝ་རཱ་ཛཱ’ཝ ས་ཏྠུ་ནོ.