༤. ཨཱ་ཡཱ་ཡ་ཀཱ་ཙ་རི་ཡ-པ་རི་ཙྪེ་དོ
ག་ནྠཱ པ་ན སི་ཡཱ ཨཱ་ཡཱ་ཙ་ནེ་ན ཨཱ་ཙ་རི་ཡེ་ཧི ཀ་ཏཱ, སི་ཡཱ ཨ་ནཱ་ཡཱ་ཙ་ནེ་ན ཨཱ་ཙ་རི་ཡེ་ཧི ཀ་ཏཱ. ཀ་ཏ་མེ ག་ནྠཱ ཨཱ་ཡཱ་ཙ་ནེ་ན, ཀ་ཏ་མེ ཨ་ནཱ་ཡཱ་ཙ་ནེ་ན ཀ་ཏཱ? མ་ཧཱ་ཀ་ཙྩཱ་ཡ་ན ག་ནྠོ, མ་ཧཱ་ཨ་ཊྛ་ཀ་ཐཱ ག་ནྠོ, མ་ཧཱ་པ་ཙྩ་རི་ཡ ག་ནྠོ, མ་ཧཱ་ཀུ་རུ་ནྡི ག་ནྠོ, མ་ཧཱ་པ་ཙྩ་རི་ཡ་ག་ནྠ་སྶ ཨ་ཊྛ་ཀ་ཐཱ ག་ནྠོ, མ་ཧཱ་ཀུ་རུ་ནྡི ག་ནྠ་སྶ ཨ་ཊྛ་ཀ་ཐཱ ག་ནྠོ་ཏི. ཨི་མེ་ཧི ཚ ག་ནྠེ་ཧི ཨ་ཏྟ་ནོ མ་ཏི་ཡཱ སཱ་ས་ནུ་གྒ་ཧ་ན་ཏྠཱ་ཡ ས་དྡྷ་མྨ་ཋི་ཏི་ཡཱ ཀ་ཏཱ.
ཀ. བུ་དྡྷ་གྷོ་སཱ་ཙ་རི་ཡ-ག་ནྠ་དཱི་པ་ནཱ
བུ་དྡྷ་གྷོ་སཱ་ཙ་རི་ཡ ག་ནྠེ་སུ པ་ན ཝི་སུ་དྡྷི་མ་གྒོ, ས་ངྒྷ་པཱ་ལེ་ན ནཱ་མ ས་ངྒྷ་ཐེ་རེ་ན ཨཱ་ཡཱ་ཙི་ཏེ་ན བུ་དྡྷ་གྷོ་སཱ་ཙ་རི་ཡེ་ན ཀ་ཏོ. དཱི་གྷ་ནི་ཀཱ་ཡ་སྶ ཨ་ཊྛ་ཀ་ཐཱ ག་ནྠོ དཱ་ཋཱ ནཱ་མེ་ན ས་ངྒྷ་ཐེ་རེ་ན ཨཱ་ཡཱ་ཙི་ཏེ་ན བུ་དྡྷ་གྷོ་སཱ་ཙ་རི་ཡེ་ན ཀ་ཏོ. མ་ཛ྄ཛྷི་མ་ནི་ཀཱ་ཡ་སྶ ཨ་ཊྛ་ཀ་ཐཱ ག་ནྠོ བུ་དྡྷ་མི་ཏྟ་ནཱ་མེ་ན ཐེ་རེ་ན ཨཱ་ཡཱ་ཙི་ཏེ་ན བུ་དྡྷ་གྷོ་སཱ་ཙ་རི་ཡེ་ན ཀ་ཏོ. སཾ་ཡུ་ཏྟ་ནི་ཀཱ་ཡ་སྶ ཨ་ཊྛ་ཀ་ཐཱ ག་ནྠོ ཛོ་ཏི་པཱ་ལེ་ན ནཱ་མ ཐེ་རེ་ན ཨཱ་ཡཱ་ཙི་ཏེ་ན བུ་དྡྷ་གྷོ་སཱ་ཙ་རི་ཡེ་ན ཀ་ཏོ. ཨ་ངྒུ་ཏྟ་ར་ནི་ཀཱ་ཡ་སྶ ཨ་ཊྛ་ཀ་ཐཱ ག་ནྠོ བྷ་དྡ་ནྟཱ ནཱ་མ ཐེ་རེ་ན ས་ཧ་ཨཱ་ཛཱི་ཝ་ཀེ་ན ཨུ་པཱ་ས་ཀེ་ན ཙ ཨཱ་ཡཱ་ཙི་ཏེ་ན བུ་དྡྷ་གྷོ་སཱ་ཙ་རི་ཡེ་ན ཀ་ཏོ. ས་མ་ནྟ་པཱ་སཱ་དི་ཀཱ ནཱ་མ ཨ་ཊྛ་ཀ་ཐཱ ག་ནྠོ བུ་དྡྷ་སི་རི ནཱ་མེ་ན ཐེ་རེ་ན ཨཱ་ཡཱ་ཙི་ཏེ་ན བུ་དྡྷ་གྷོ་སཱ་ཙ་རི་ཡེ་ན ཀ་ཏོ. ས་ཏྟ་ནྣཾ ཨ་བྷི་དྷ་མྨ-ག་ནྠཱ་ནཾ ཨ་ཊྛ་ཀ་ཐཱ ག་ནྠོ ཙུ་ལླ་བུ་དྡྷ་གྷོ་སེ་ན བྷི་ཀྑུ་ནཱ ཨཱ་ཡཱ་ཙི་ཏེ་ན བུ་དྡྷ་གྷོ་སཱ་ཙ་རི་ཡེ་ན ཀ་ཏོ. དྷ་མྨ་པ་ད་སྶ་ཨ་ཊྛ་ཀ་ཐཱ ག་ནྠོ ཀུ་མཱ་ར་ཀ་སྶ་པ་ནཱ་མེ་ན ཐེ་རེ་ན ཨཱ་ཡཱ་ཙི་ཏེ་ན བུ་དྡྷ་གྷོ་སཱ་ཙ་རི་ཡེ་ན ཀ་ཏོ. ཛཱ་ཏ་ཀ་སྶ་ཨ་ཊྛ་ཀ་ཐཱ ག་ནྠོ ཨ་ཏྠ་ད་སྶཱི, བུ་དྡྷ་མི་ཏྟ, བུ་དྡྷ་པི་ཡ་དེ་ཝ ས་ངྑཱ་ཏེ་ཧི ཏཱི་ཧི ཐེ་རེ་ཧི ཨཱ་ཡཱ་ཙི་ཏེ་ན བུ་དྡྷ་གྷོ་སཱ་ཙ་རི་ཡེ་ན ཀ་ཏོ. ཁུ་དྡ་ཀ་པཱ་ཋ་སྶ ཨ་ཊྛ་ཀ་ཐཱ ག་ནྠོ, སུ་ཏྟ་ནི་པཱ་ཏ་སྶ ཨ་ཊྛ་ཀ་ཐཱ ག་ནྠོ ཨ་ཏྟ་ནོ མ་ཏི་ཡཱ བུ་དྡྷ་གྷོ་སཱ་ཙ་རི་ཡེ་ན ཀ་ཏོ. ཨ་པ་དཱ་ན་སྶ ཨ་ཊྛ་ཀ་ཐཱ ག་ནྠོ པ་ཉྩ་ནི་ཀཱ་ཡ ཝི་ཉྙཱུ་ཧི པ་ཉྩ་ཧི ཐེ་རེ་ཧི ཨཱ་ཡཱ་ཙི་ཏེ་ན བུ་དྡྷ་གྷོ་སཱ་ཙ་རི་ཡེ་ན ཀ་ཏོ.
བུ་དྡྷ་གྷོ་སཱ་ཙ་རི་ཡ-ག་ནྠ་དཱི་པ་ནཱ ནི་ཊྛི་ཏཱ.
ཁ. བུ་དྡྷ་ད་ཏྟཱ་ཙ་རི་ཡ-ག་ནྠ་དཱི་པ་ནཱ
བུ་དྡྷ་ཏྟཱ་ཙ་རི་ཡ ག་ནྠེ་སུ པ་ན ཝི་ན་ཡ-ཝི་ནི་ཙྪ་ཡ་ག་ནྠོ ཨ་ཏྟ་ནོ སི་སྶེ་ན བུ་དྡྷ་སཱི་ཧེ་ན ནཱ་མ ཐེ་རེ་ན ཨཱ་ཡཱ་ཙི་ཏེ་ན བུ་དྡྷ་ཏྟཱ་ཙ་རི་ཡཱ ཀ་ཏོ. ཨུ་ཏྟ་ར-ཝི་ནི་ཙྪ་ཡ་ག་ནྠོ ས་ངྒྷ་པཱ་ལེ་ན ནཱ་མེ་ན ཐེ་རེ་ན ཨཱ་ཡཱ་ཙི་ཏེ་ན བུ་དྡྷ་ད་ཏྟཱ་ཙ་རི་ཡེ་ན ཀ་ཏོ. ཨ་བྷི་དྷ་མྨཱ་ཝ་ཏཱ་རོ ནཱ་མ ག་ནྠོ ཨ་ཏྟ་ནོ སི་སྶེ་ན སུ་མ་ཏི ཐེ་རེ་ན ཨཱ་ཡཱ་ཙི་ཏེ་ན བུ་དྡྷ་ད་ཏྟཱ་ཙ་རི་ཡེ་ན ཀ་ཏོ. བུ་དྡྷ་ཝཾ་ས་སྶ ཨ་ཊྛ་ཀ་ཐཱ ག་ནྠོ ཏེ་ནེ་ཝ བུ་དྡྷ་སཱི་ཧ་ནཱ་མ ཐེ་རེ་ན ཨཱ་ཡཱ་ཙི་ཏེ་ན བུ་དྡྷ་ད་ཏྟཱ་ཙ་རི་ཡེ་ན ཀ་ཏོ.
བུ་དྡྷ་ད་ཏྟཱ་ཙ་རི་ཡ-ག་ནྠ་དཱི་པ་ནཱ ནི་ཊྛི་ཏཱ.
ཨ་བྷི་དྷ་མྨ་ཀ་ཐཱ་ཡ མཱུ་ལ་ཊཱི་ཀཱ ནཱ་མ ཊཱི་ཀཱ ག་ནྠོ བུ་དྡྷ་མི་ཏྟཱ ནཱ་མ ཐེ་རེ་ན ཨཱ་ཡཱ་ཙི་ཏེ་ན ཨཱ་ན་ནྡཱ་ཙ་རི་ཡེ་ན ཀ་ཏོ.
ག. དྷ་མྨ་པཱ་ལཱ་ཙ་རི་ཡེ་ན-ག་ནྠ་དཱི་པ་ནཱ
ནེ་ཏྟི་པ་ཀ་ར་ཎ་སྶ ཨ་ཊྛ་ཀ་ཐཱ ག་ནྠོ དྷ་མྨ་ར་ཀྑི་ཏ ནཱ་མ ཐེ་རེ་ན ཨཱ་ཡཱ་ཙི་ཏེ་ན དྷ་མྨ་པཱ་ལཱ་ཙ་རི་ཡེ་ན ཀ་ཏོ. ཨི་ཏི་ཝུ་ཏྟ་ཀ་ཨ་ཊྛ་ཀ་ཐཱ ག་ནྠོ, ཨུ་དཱ་ན་ཨ་ཊྛ་ཀ་ཐཱ ག་ནྠོ, ཙ་རི་ཡཱ་པི་ཊ་ཀ་ཨ་ཊྛ་ཀ་ཐཱ ག་ནྠོ, ཐེ་ར་ཀ་ཐཱ་ཨ་ཊྛ་ཀ་ཐཱ ག་ནྠོ, ཐེ་རི་ཀ་ཐཱ་ཨ་ཊྛ་ཀ་ཐཱ ག་ནྠོ, ཝི་མཱ་ན་ཝ་ཏྠུ་ཨ་ཊྛ་ཀ་ཐཱ ག་ནྠོ, པེ་ཏ་ཝ་ཏྠུ་ཨ་ཊྛ་ཀ་ཐཱ ག་ནྠོ, ཨི་མེ ས་ཏྟ ག་ནྠཱ ཨ་ཏྟ་ནོ མ་ཏི་ཡཱ དྷ་མྨ་པཱ་ལཱ་ཙ་རི་ཡེ་ན ཀ་ཏོ. ཝི་སུ་དྡྷི་མ་གྒ་ཊཱི་ཀཱ ག་ནྠོ དཱ་ཋཱ ནཱ་མེ་ན ནཱ་མ ཐེ་རེ་ན ཨཱ་ཡཱ་ཙི་ཏེ་ན དྷ་མྨ་པཱ་ལཱ་ཙ་རི་ཡེ་ན ཀ་ཏོ, དཱི་གྷ་ནི་ཀཱ་ཡ-ཨ་ཊྛ་ཀ་ཐཱ་དཱི་ནཾ ཙ་ཏུ་ནྣཾ ཨ་ཊྛ་ཀ་ཐཱ་ནཾ ཊཱི་ཀཱ ག་ནྠོ, ཨ་བྷི་དྷ་མྨ་ཊྛ་ཀ་ཐཱ་ཡ ཨ་ནུ་ཊཱི་ཀཱ ག་ནྠོ, ནེ་ཏྟི་པ་ཀ་ར་ཎ་ཊྛ་ཀ་ཐཱ་ཡ ཊཱི་ཀཱ ག་ནྠོ, བུ་དྡྷ་ཝཾ་ས་ཊྛ་ཀ་ཐཱ་ཡ ཊཱི་ཀཱ ག་ནྠོ, ཛཱ་ཏ་ཀ་ཊྛ་ཀ་ཐཱ་ཡ ཊཱི་ཀཱ ག་ནྠོ ཙེ་ཏི ཨི་མེ པ་ཉྩ ག་ནྠཱ ཨ་ཏྟ་ནོ མ་ཏི་ཡཱ དྷ་མྨ་པཱ་ལཱ་ཙ་རི་ཡེ་ན ཀ་ཏོ.
དྷ་མྨ་པཱ་ལཱ་ཙ་རི་ཡ-ག་ནྠ་དཱི་པ་ནཱ ནི་ཊྛི་ཏཱ.
ནི་རུ་ཏྟི་མ་ཉྫཱུ་སཱ ནཱ་མ ཙུ་ལླ་ནི་རུ་ཏྟི་ཊཱི་ཀཱ ག་ནྠོ, མ་ཧཱ་ནི་རུ་ཏྟི་ས་ངྑེ་པོ ནཱ་མ ག་ནྠོ ཙ ཨ་ཏྟ་ནོ མ་ཏི་ཡཱ པུ་བྦཱ་ཙ་རི་ཡེ་ཧི ཝིཾ་སུ ཀ་ཏོ.
པ་ཉྩ ཝི་ན་ཡ་པ་ཀ་ར་ཎཱ་ནཾ ཝི་ན་ཡ་ག་ཎྛི ནཱ་མ ག་ནྠོ ཨ་ཏྟ་ནོ མ་ཏི་ཡཱ མ་ཧཱ་ཝ་ཛི་ར་བུ་དྡྷཱ་ཙ་རི་ཡེ་ན ཀ་ཏོ. ནྱཱ་ས་ས་ངྑཱ་ཏོ མུ་ཁ་མ་ཏྟ་དཱི་པ་ནཱི ནཱ་མ ག་ནྠོ ཨ་ཏྟ་ནོ མ་ཏི་ཡཱ ཝི་མ་ལ་བུ་དྡྷི ཨཱ་ཙ་རི་ཡེ་ན ཀ་ཏོ. ཨ་ཏྠ་བྱ་ཀྑྱཱ་ནོ ནཱ་མ ག་ནྠོ ཨ་ཏྟ་ནོ མ་ཏི་ཡཱ ཙུ་ལླ་ཝ་ཛི་ར་བུ་དྡྷཱ་ཙ་རི་ཡེ་ན ཀ་ཏོ. རཱུ་པ་སི་དྡྷི ཏ་སྶ ཙ ག་ནྠ་སྶ ཊཱི་ཀཱ ག་ནྠོ ས་བྦ པ་ཉྩ་སུ་ཏྟ་ཉྩ ཨ་ཏྟ་ནོ མ་ཏི་ཡཱ དཱི་པ་ངྐ་རཱ་ཙ་རི་ཡེ་ན ཀ་ཏོ. ས་ཙྩ་ས་ངྑེ་པོ ནཱ་མ ག་ནྠོ ཨ་ཏྟ་ནོ མ་ཏི་ཡཱ ཙུ་ལླ་དྷ་མྨ་པཱ་ལཱ་ཙ་རི་ཡེ་ན ཀ་ཏོ. མོ་ཧ་ཙྪེ་ད་ནཱི ག་ནྠོ, ཝི་མ་ཏི་ཙྪེ་ད་ནཱི ག་ནྠོ, ད་ས བུ་དྡྷ་ཝཾ་སོ, ཨ་ནཱ་ག་ཏ་ཝཾ་སོ ཙ. ཨ་ཏྟ་ནོ མ་ཏི་ཡཱ ཀ་སྶ་པཱ་ཙ་རི་ཡེ་ན ཀ་ཏོ. པ་ཊི་ས་མྦྷི་དཱ་མ་གྒ་སྶ ཨ་ཊྛ་ཀ་ཐཱ ག་ནྠོ མ་ཧཱ་ནཱ་མེ་ན ཨུ་པཱ་ས་ཀེ་ན ཨཱ་ཡཱ་ཙི་ཏེ་ན མ་ཧཱ་ནཱ་མཱ་ཙ་རི་ཡེ་ན ཀ་ཏོ. དཱི་པ་ཝཾ་སོ, ཐཱུ་པ་ཝཾ་སོ, བོ་དྷི་ཝཾ་སོ, ཙུ་ལླ་ཝཾ་སོ, པོ་རཱ་ཎ་ཝཾ་སོ, མ་ཧཱ་ཝཾ་སོ ཙཱ་ཏི ཨི་མེ ཚ ག་ནྠཱ ཨ་ཏྟ་ནོ མ་ཏི་ཡཱ མ་ཧཱ་ནཱ་མཱ་ཙ་རི་ཡེ་ཧི ཝི་སུཾ ཀ་ཏཱ. ན་ཝོ མ་ཧཱ་ཝཾ་ས་ག་ནྠོ ཨ་ཏྟ་ནོ མ་ཏི་ཡཱ ཙུ་ལླ་མ་ཧཱ་ནཱ་མཱ་ཙ་རི་ཡེ་ན ཀ་ཏོ. ས་དྡྷ་མྨ་པ་ཛྫོ་ཏི་ཀཱ ནཱ་མ མ་ཧཱ་ནི་དྡེ་ས་སྶ ཨ་ཊྛ་ཀ་ཐཱ ག་ནྠོ དེ་ཝེ་ན ཐེ་རེ་ན ཨཱ་ཡཱ་ཙི་ཏེ་ན ཨུ་པ་སེ་ནཱ་ཙ་རི་ཡེ་ན ཀ་ཏོ. མོ་གྒ་ལཱ་ན་བྱཱ་ཀ་ར་ཎ་ག་ནྠེ ཨ་ཏྟ་ནོ མ་ཏི་ཡཱ མོ་གྒ་ལཱ་ནཱ་ཙ་རི་ཡེ་ན ཀ་ཏོ. སུ་བོ་དྷཱ་ལ་ངྐཱ་ར ནཱ་མ ག་ནྠོ ཨ་ཏྟ་ནོ མ་ཏི་ཡཱ ས་ངྒྷ་ར་ཀྑི་ཏཱ་ཙ་རི་ཡེ་ན ཀ་ཏོ. ཝུ་ཏྟོ་ད་ཡ ག་ནྠོ ཨ་ཏྟ་ནོ མ་ཏི་ཡཱ ཝུ་ཏྟོ་ད་ཡ་ཀཱ་རཱ་ཙ་རི་ཡེ་ན ཀ་ཏོ. ཁུ་དྡ་སི་ཀྑཱ ནཱ་མ ག་ནྠོ ཨ་ཏྟ་ནོ མ་ཏི་ཡཱ དྷ་མྨ་སི་རཱ་ཙ་རི་ཡེ་ན ཀ་ཏོ. པོ་རཱ་ཎ་ཁུ་དྡ་སི་ཀྑཱ ཊཱི་ཀཱ ཙ མཱུ་ལ་སི་ཀྑཱ ཙཱ་ཏི, ཨི་མེ དྭེ ག་ནྠེ ཨ་ཏྟ་ནོ མ་ཏི་ཡཱ ཨ་ཉྙ་ཏ་རེ་ཧི དྭི་ཧཱ་ཙ་རི་ཡེ་ཧི ཝིཾ་སུ ཀ་ཏཱ.
པ་ར་མ་ཏྠ་ཝི་ནི་ཙྪ་ཡཾ ནཱ་མ ག་ནྠོ ས་ངྒྷ་ར་ཀྑི་ཏེ་ན ཐེ་རེ་ན ཨཱ་ཡཱ་ཙི་ཏེ་ན ཨ་ནུ་རུ་དྡྷཱ་ཙ་རི་ཡེ་ན ཀ་ཏོ. ནཱ་མ་རཱུ་པ-པ་རི་ཙྪེ་དོ ནཱ་མ ག་ནྠོ ཨ་ཏྟ་ནོ མ་ཏི་ཡཱ ཨ་ནུ་རུ་དྡྷཱ་ཙ་རི་ཡེ་ན ཀ་ཏོ. ཨ་བྷི་དྷ་མྨ་ཏྠ་ས་ངྒ་ཧཾ ནཱ་མ ག་ནྠོ ན་མྨ ནཱ་མེ་ན ཨུ་པཱ་ས་ཀེ་ན ཨཱ་ཡཱ་ཙི་ཏེ་ན ཨ་ནུ་རུ་དྡྷཱ་ཙ་རི་ཡེ་ན ཀ་ཏོ. ཁེ་མོ ནཱ་མ ག་ནྠོ ཨ་ཏྟ་ནོ མ་ཏི་ཡཱ ཁེ་མཱ་ཙ་རི་ཡེ་ན ཀ་ཏོ. སཱ་ར་ཏྠ་དཱི་པ་ནཱི ནཱ་མ ཝི་ན་ཡ་ཊྛ་ཀ་ཐཱ་ཡ ཊཱི་ཀཱ ག་ནྠོ, ཝི་ན་ཡ་ས་ངྒ་ཧཾ, ཝི་ན་ཡ་ས་ངྒ་ཧ་སྶ ཊཱི་ཀཱ ག་ནྠོ, ཨ་ངྒུ་ཏྟ་ར་ཊྛ་ཀ་ཐཱ་ཡ ན་ཝོ ཊཱི་ཀཱ ག་ནྠོ་ཏི ཨི་མེ ཙ་ཏྟཱ་རོ ག་ནྠཱ པ་ར་ཀྐ་མ་བཱ་ཧུ ནཱ་མེ་ན ལ་ངྐཱ་དཱི་པི་སྶ་རེ་ན ར་ཉྙཱ ཨཱ་ཡཱ་ཙི་ཏེ་ན སཱ་རི་པུ་ཏྟཱ་ཙ་རི་ཡེ་ན ཀ་ཏོ. ས་ཀ་ཊ་ས་དྡ་ས་ཏྠ་སྶ པ་ཉྩི་ཀཱ་ཡ ཊཱི་ཀཱ ག་ནྠོ ཨ་ཏྟ་ནོ མ་ཏི་ཡཱ སཱ་རི་པུ་ཏྟཱ་ཙ་རི་ཡེ་ན ཀ་ཏོ. ཀ་ངྑཱ་ཝི་ཏ་ར་ཎི་ཡཱ ཝི་ན་ཡ་ཏྠ་མ་ཉྫཱུ་སཱ ནཱ་མ ཊཱི་ཀཱ ག་ནྠོ སུ་མེ་དྷཱ ནཱ་མ་ཐེ་རེ་ན ཨཱ་ཡཱ་ཙི་ཏེ་ན བུ་དྡྷ་ནཱ་གཱ་ཙ་རི་ཡེ་ན ཀ་ཏོ. ཨ་བྷི་དྷཱ་ན་པྤ་དཱི་པི་ཀོ ནཱ་མ ག་ནྠོ ཨ་ཏྟ་ནོ མ་ཏི་ཡཱ ཙཱུ་ལ་མོ་གྒ་ལཱ་ནཱ་ཙ་རི་ཡེ་ན ཀ་ཏོ. སུ་བོ་དྷཱ་ལ་ངྐཱ་ར་སྶ མ་ཧཱ་སཱ་མི ནཱ་མ ཊཱི་ཀཱ, ཝུ་ཏྟོ་ད་ཡ ཝི་ཝ་ར་ཎ་ཉྩཱ་ཏི ཨི་མེ དྭེ ག་ནྠཱ ཨ་ཏྟ་ནོ མ་ཏི་ཡཱ ཝཱ་ཙི་སྶ་རེ་ན ཀ་ཏཱ. ཁུ་དྡ་སི་ཀྑཱ་ཡ སུ་མ་ངྒ་ལ་པྤ་སཱ་ད་ནི ནཱ་མ ན་ཝོ ཊཱི་ཀཱ ག་ནྠོ སུ་མ་ངྒ་ལེ་ན ཨཱ་ཡཱ་ཙི་ཏེ་ན ན་ཝཱ་ཙི་སྶ་རེ་ན ཀ་ཏོ. ས་མྦ་ནྡྷ་ཙི་ནྟཱ་ཊཱི་ཀཱ བཱ་ལཱ་ཝ་ཏཱ་རོ, མོ་གྒ་ལཱ་ན་བྱཱ་ཀ་ར་ཎ་སྶ ཊཱི་ཀཱ ཙཱ་ཏི ཨི་མེ ཏ་ཡོ ག་ནྠཱ, སུ་མ་ངྒ་ལ, བུ་དྡྷ་མི་ཏྟ, མ་ཧཱ་ཀ་སྶ་པ ས་ངྑཱ་ཏེ་ཧི ཏཱི་ཧི ཐེ་རེ་ཧི ཙ, དྷ་མྨ་ཀི་ཏྟི ནཱ་མ ཨུ་པཱ་ས་ཀེ་ན, ཝཱ་ནི་ཛྫཱ བྷཱ་ཏུ ཨུ་པཱ་ས་ཀེ་ན ཙ ཨཱ་ཡཱ་ཙི་ཏེ་ན ཝཱ་ཙི་སྶ་རེ་ན ཀ་ཏོ. ནཱ་མ་རཱུ་པ་པ་རི་ཙྪེ་ད་སྶ ཝི་བྷཱ་གོ, ས་དྡ་ཏྠ་སྶ པ་ད་རཱུ་པ-ཝི་བྷཱ་ཝ་ནཾ, ཁེ་མ་པ་ཀ་ར་ཎ་སྶ ཊཱི་ཀཱ, སཱི་མཱ་ལ་ངྐཱ་རོ, མཱུ་ལ་སི་ཀྑཱ་ཡ ཊཱི་ཀཱ, རཱུ་པ་ཝི་བྷཱ་གོ, པ་ཙྩ་ཡ་ས་ངྒ་ཧོ ཙཱ་ཏི ཨི་མེ ས་ཏྟ ག་ནྠཱ ཨ་ཏྟ་ནོ མ་ཏི་ཡཱ ཝཱ་ཙི་སྶ་རེ་ན ཀ་ཏཱ. ས་ཙྩ་ས་ངྑེ་པ་སྶ ཊཱི་ཀཱ ག་ནྠོ སཱ་རི་པུ་ཏྟ-ནཱ་མེ་ན ཐེ་རེ་ན ཨཱ་ཡཱ་ཙི་ཏེ་ན ཝཱ་ཙི་སྶ་རེ་ན ཀ་ཏོ. ཨ་བྷི་དྷ་མྨཱ་ཝ་ཏཱ་ར་སྶ ཊཱི་ཀཱ, ཨ་བྷི་དྷ་མྨ་ཏྠ་ས་ངྒ་ཧ་སྶ ཊཱི་ཀཱ ཙཱ་ཏི ཨི་མེ དྭེ ག་ནྠཱ ཨ་ཏྟ་ནོ མ་ཏི་ཡཱ སུ་མ་ངྒ་ལཱ་ཙ་རི་ཡེ་ན ཀ་ཏཱ. སཱ་ར་ཏྠ་ས་ངྒ་ཧཾ ནཱ་མ ག་ནྠོ ཨ་ཏྟ་ནོ མ་ཏི་ཡཱ བུ་དྡྷ་པྤི་ཡེ་ན ཀ་ཏོ ད་ནྟ་དྷཱ་ཏུ་ཝ་ཎྞ་ནཱ ནཱ་མ པ་ཀ་ར་ཎཾ
ལ་ངྐཱ་དཱི་པི་སྶ་ར་སྶ ར་ཉྙོ སེ་ནཱ་པ་ཏི་ནཱ ཨཱ་ཡཱ་ཙི་ཏེ་ན དྷ་མྨ་ཀི་ཏྟི་ནཱ་མཱ་ཙ་རི་ཡེ་ན ཀ་ཏཾ. ཛི་ན་ཙ་རི་ཏཾ ནཱ་མ པ་ཀ་ར་ཎཾ ཨ་ཏྟ་ནོ མ་ཏི་ཡཱ མེ་དྷ་ངྐ་རཱ་ཙ་རི་ཡེ་ན ཀ་ཏཾ. ཛི་ནཱ་ལ་ངྐཱ་རོ, ཛི་ནཱ་ལ་ངྐཱ་ར་སྶ ཊཱི་ཀཱ ཨ་ཏྟ་ནོ མ་ཏི་ཡཱ བུ་དྡྷ་ར་ཀྑི་ཏཱ་ཙ་རི་ཡེ་ན ཀ་ཏོ. ཨ་མ་ཏ་དྷ་ར་སྶ ནཱ་མ ཨ་ནཱ་ག་ཏ་ཝཾ་ས་སྶ ཨ་ཏྟ་ནོ མ་ཏི་ཡཱ ཨ་ཊྛ་ཀ་ཐཱ ཨུ་པ་ཏི་སྶཱ་ཙ་རི་ཡེ་ན ཀ་ཏཱ. ཀ་ངྑཱ་ཝི་ཏ་ར་ཎཱི་ཡཱ ལཱི་ན་ཏྠ་པ་ཀཱ་སི་ནཱི, ནི་ས་ནྡེ་ཧོ, དྷ་མྨཱ་ནུ་སཱ་ར་ཎཱི, ཉེ་ཡྻཱ-ས་ནྟ་ཏི, ཉེ་ཡྻཱ-ས་ནྟ་ཏི་ཡཱ ཊཱི་ཀཱ, སུ་མ་ཏཱ་ཝ་ཏཱ་རོ, ལོ་ཀ་པ་ཉྙ་ཏྟི པ་ཀ་ར་ཎཾ, ཏ་ཐཱ་ག་ཏུ་པྤ་ཏྟི པ་ཀ་ར་ཎཾ, ན་ལཱ་ཊ་དྷཱ་ཏུ་ཝ་ཎྞ་ནཱ, སཱི་ཧ་ལ༹་ཝ་ཏྠུ, དྷ་མྨ་དཱི་པ་ཀོ པ་ཊི་པ་ཏྟི ས་ངྒ་ཧོ, ཝི་སུ་དྡྷི་མ་གྒ་སྶ ག་ཎྛི, ཨ་བྷི་དྷ་མྨ་ག་ཎྛི, ནེ་ཏྟི་པ་ཀ་ར་ཎ་ག་ཎྛི, ཝི་སུ་དྡྷི་མ་གྒ་ཙཱུ་ལ-ན་ཝ་ཊཱི་ཀཱ, སོ་ཏ་བྦ་མཱ་ལི་ནཱི, པ་སཱ་ད་ཛ་ན་ནཱི, ཨོ་ཀ་སྶ་ལོ་ཀོ, སུ་བོ་དྷཱ་ལ་ངྐཱ་ར་སྶ ན་ཝ ཊཱི་ཀཱ ཙེ་ཏི, ཨི་མེ ཝཱི་ས་ཏི ག་ནྠཱ ཨ་ཏྟ་ནོ མ་ཏི་ཡཱ ཝཱི་ས་ཏཱ་ཙ་རི་ཡེ་ཧི ཝིཾ་སུ ཝིཾ་སུ ཀ་ཏཱ.
ས་དྡ་ཏྠ བྷེ་ད་ཙི་ནྟཱ ནཱ་མ པ་ཀ་ར་ཎཾ ཨ་ཏྟ་ནོ མ་ཏི་ཡཱ ས་དྡྷ་མྨ་སི་རི་ནཱ་མཱ་ཙ་རི་ཡེ་ན ཀ་ཏཾ. སུ་མ་ན-ཀཱུ་ཊ་ཝ་ཎྞ་ནཾ ནཱ་མ པ་ཀ་ར་ཎཾ, རཱ་ཧུ་ལཱ ནཱ་མ ཐེ་རེ་ན ཨཱ་ཡཱ་ཙི་ཏེ་ན ཝཱ་ཙི་སྶ་རེ་ན་དེ་ཝ་ཐེ་རེ་ན ཀ་ཏཾ. སོ་ཏ་ཏྠ ཀིཾ མ་ཧཱ་ནི་དཱ་ནཾ ནཱ་མ པ་ཀ་ར་ཎཾ ཨ་ཏྟ་ནོ མ་ཏི་ཡཱ ཙུ་ལླ་བུ་དྡྷ་གྷོ་སཱ་ཙ་རི་ཡེ་ན ཀ་ཏཾ. མ་དྷུ་ར་ས་ངྒཱ་ཧ་ནི ནཱ་མ པ་ཀ་ར་ཎཾ ཨ་ཏྟ་ནོ མ་ཏི་ཡཱ ར་ཊྛ་པཱ་ལཱ་ཙ་རི་ཡེ་ན ཀ་ཏཾ. ལི་ངྒ་ཏྠ་ཝི་ཝ་ར་ཎཾ ནཱ་མ པ་ཀ་ར་ཎཾ ཨ་ཏྟ་ནོ མ་ཏི་ཡཱ སུ་བྷཱུ་ཏ་ཙ་ནྡཱ་ཙ་རི་ཡེ་ན ཀ་ཏཾ. ས་དྡ་ནཱི་ཏི་པ་ཀ་ར་ཎཾ ཨ་ཏྟ་ནོ མ་ཏི་ཡཱ ཨ་གྒ་ཝཾ་སཱ་ཙ་རི་ཡེ་ན ཀ་ཏཾ. ནྱཱ་ས་པ་ཀ་ར་ཎ་སྶ མ་ཧཱ་ཊཱི་ཀཱ ནཱ་མ ཊཱི་ཀཱ ཨ་ཏྟ་ནོ མ་ཏི་ཡཱ ཝ་ཛི་ར་བུ་དྡྷཱ་ཙ་རི་ཡེ་ན ཀ་ཏཱ. མུ་ཁ་མ་ཏྟ་སཱ་རོ ཨ་ཏྟ་ནོ མ་ཏི་ཡཱ གུ་ཎ་སཱ་ག་རཱ་ཙ་རི་ཡེ་ན ཀ་ཏོ. མུ་ཁ་མ་ཏྟ་སཱ་ར་སྶ ཊཱི་ཀཱ སུ་ཏ་ས་མྤ་ནྣ ནཱ་མེ་ན དྷ་མྨ་རཱ་ཛི་ནོ གུ་རུ་ནཱ ས་ངྒྷ་ཐེ་རེ་ན ཨཱ་ཡཱ་ཙི་ཏེ་ན གུ་ཎ་སཱ་ག་རཱ་ཙ་རི་ཡེ་ན ཀ་ཏཱ. ས་དྡ་ཏྠ་བྷེ་ད་ཙི་ནྟཱ་ཡ མ་ཧཱ་ཊཱི་ཀཱ ཨ་ཏྟ་ནོ མ་ཏི་ཡཱ ཨ་བྷ་ཡཱ་ཙ་རི་ཡེ་ན ཀ་ཏཱ. ལི་ངྒ་ཏྠ་ཝི་ཝ་ར་ཎ་པྤ་ཀཱ་ས་ཀཾ ནཱ་མ པ་ཀ་ར་ཎཾ ཨ་ཏྟ་ནོ མ་ཏི་ཡཱ ཉཱ་ཎ་སཱ་ག་རཱ་ཙ་རི་ཡེ་ན ཀ་ཏཾ. གུ་ལ༹ྷ་ཏྠ་སྶ ཊཱི་ཀཱ བཱ་ལ་པྤ་བོ་དྷ་ན་ཉྩ དུ་ཝི་དྷཾ པ་ཀ་ར་ཎཾ ཨ་ཏྟ་ནོ མ་ཏི་ཡཱ ཨ་ཉྙ་ཏ་རཱ་ཙ་རི་ཡེ་ན ཀ་ཏཾ. ས་དྡ་ཏྠ་བྷེ་ད་ཙི་ནྟཱ་ཡ མ་ཛ྄ཛྷི་མ་ཊཱི་ཀཱ ཨ་ཏྟ་ནོ མ་ཏི་ཡཱ ཨ་ཉྙ་ཏ་རཱ་ཙ་རི་ཡེ་ན ཀ་ཏཱ. བཱ་ལཱ་ཝ་ཏཱ་ར་སྶ ཊཱི་ཀཱ, ལི་ངྒ་ཏྠ་ཝི་ཝ་ར་ཎཱ ཊཱི་ཀཱ ཙ ཨ་ཏྟ་ནོ མ་ཏི་ཡཱ ཨུ་ཏྟ་མཱ་ཙ་རི་ཡེ་ན ཀ་ཏཱ. ས་དྡ་ཏྠ་བྷེ་ད་ཙི་ནྟཱ་ཡ ན་ཝ ཊཱི་ཀཱ ཨ་ཏྟ་ནོ མ་ཏི་ཡཱ ཨ་ཉྙ་ཏ་རཱ་ཙ་རི་ཡེ་ན ཀ་ཏཱ. ཨ་བྷི་དྷཱ་ན་པྤ་དཱི་པི་ཀཱ་ཡ ཊཱི་ཀཱ ད་ཎྜཱི་པ་ཀ་ར་ཎ་སྶ མ་ག་གྷ-བྷཱུ་ཏཱ ཊཱི་ཀཱ ཙཱ་ཏི དུ་ཝི་དྷཱ ཊཱི་ཀཱ་ཡོ ཨ་ཏྟ་ནོ མ་ཏི, སཱི་ཧ་སཱུ་ར ནཱ་མ ར་ཉྙོ ཨེ་ཀེ་ན ཨ་མ་ཙྩེ་ན ཀ་ཏཱ. ཀོ་ལ་དྡྷ་ཛ་ན་སྶ་ཊཱི་ཀཱ པཱ་སཱ་དི་ཀེ་ན ནཱ་མ ཐེ་རེ་ན ཨཱ་ཡཱ་ཙི་ཏེ་ན ཏེ་ནེ་ཝ མ་ཧཱ་མ་ཙྩེ་ན ཀ་ཏཱ. ཀཱ་རི་ཀཾ ནཱ་མ པ་ཀ་ར་ཎཾ ཉཱ་ཎ་ག་མྦྷཱི་ར་ནཱ་མེ་ན བྷི་ཀྑུ་ནཱ ཨཱ་ཡཱ་ཙི་ཏེ་ན དྷ་མྨ་སེ་ནཱ་པ་ཏཱ་ཙ་རི་ཡེ་ན ཀ་ཏཾ. ཨེ་ཏི་མཱ་ས་མི་དཱི་པ་ནཱི [ཝཱ ཨེ་ཏི་མཱ་ས་མི་དཱི་པི་ཀཱ] ནཱ་མ པ་ཀ་ར་ཎཾ མ་ནོ་ཧཱ་ར་ཉྩ ཨ་ཏྟ་ནོ མ་ཏི་ཡཱ ཏེ་ནེ་ཝ དྷ་མྨ་སེ་ནཱ་པ་ཏཱ་ཙ་རི་ཡེ་ན ཀ་ཏཾ. ཀཱ་རི་ཀཱ་ཡ ཊཱི་ཀཱ ཨ་ཏྟ་ནོ མ་ཏི་ཡཱ ཨ་ཉྙ་ཏ་རཱ་ཙ་རི་ཡེ་ན ཀ་ཏཱ. ཨེ་ཏི་མཱ་ས་མི་དཱི་པི་ཀཱ་ཡ ཊཱི་ཀཱ ཨ་ཏྟ་ནོ མ་ཏི་ཡཱ ཨ་ཉྙ་ཏ་རཱ་ཙ་རི་ཡེ་ན ཀ་ཏཱ.
ས་དྡ་བི་ནྡུ་པ་ཀ་ར་ཎཾ ཨ་ཏྟ་ནོ མ་ཏི་ཡཱ དྷ་མྨ་རཱ་ཛ་སྶ གུ་རུ་ནཱ ཨ་ཉྙ་ཏ་རཱ་ཙ་རི་ཡེ་ན ཀ་ཏཾ. ས་དྡ་ཝུ་ཏྟི་པྤ་ཀཱ་ས་ཀཾ ནཱ་མ པ་ཀ་ར་ཎཾ ཨ་ཉྙ་ཏ་རེ་ན བྷི་ཀྑུ་ནཱ ཨཱ་ཡཱ་ཙི་ཏེ་ན ས་དྡྷ་མྨ་གུ་རུ ནཱ་མཱ་ཙ་རི་ཡེ་ན ཀ་ཏཾ. ས་དྡ་ཝུ་ཏྟི་པྤ་ཀཱ་ས་ཀ་སྶ ཊཱི་ཀཱ ཨ་ཏྟ་ནོ མ་ཏི་ཡཱ སཱ་རི་པུ་ཏྟཱ་ཙ་རི་ཡེ་ན ཀ་ཏཱ.
ཀ་ཙྩཱ་ཡ་ན སཱ་རོ ཙ ཀ་ཙྩཱ་ཡ་ན་སཱ་ར་སྶ ཊཱི་ཀཱ ཙཱ་ཏི དུ་ཝི་དྷཾ པ་ཀ་ར་ཎཾ ཨ་ཏྟ་ནོ མ་ཏི་ཡཱ ཨ་ཉྙ་ཏ་རཱ་ཙ་རི་ཡེ་ན ཀ་ཏཾ. ལོ་ཀ་དཱི་པ་ཀ་སཱ་རཾ ནཱ་མ པ་ཀ་ར་ཎཾ ཨ་ཏྟ་ནོ མ་ཏི་ཡཱ ན་ཝེ་ན་མེ་དྷ་ངྐ་རཱ་ཙ་རི་ཡེ་ན ཀ་ཏཾ. ལོ་ཀུ་པྤ་ཏྟི་པ་ཀ་ར་ཎཾ ཨ་ཏྟ་ནོ མ་ཏི་ཡཱ ཨ་གྒ་པ་ཎྜི་ཏཱ་ཙ་རི་ཡེ་ན ཀ་ཏཾ. ཛ་ངྒྷ་དཱ་ས་ཀ་སྶ ཊཱི་ཀཱ བྷཱུ་ཏཱ མ་ག་དྷ་ཊཱི་ཀཱ ཨ་ཏྟ་ནོ མ་ཏི་ཡཱ ཙཱི་ཝ་རཱ་ཙ་རི་ཡེ་ན ཀ་ཏཱ. མཱ་ཏི་ཀ་ཏྠ་དཱི་པ་ནཱི, ཨ་བྷི་དྷ་མྨ་ཏྠ་ས་ངྒ་ཧ་ཝ་ཎྞ་ནཱ, སཱི་མཱ་ལ་ངྐཱ་ར་སྶ་ཊཱི་ཀཱ, ག་ཎྛི་སཱ་རོ, པ་ཊྛཱ་ན་ག་ཎ་ནཱ་ན་ཡོ ཙཱ་ཏི ཨི་མེ པ་ཉྩ པ་ཀ་ར་ཎཱ་ནི ཨ་ཏྟ་ནོ མ་ཏི་ཡཱ ས་དྡྷ་མྨ་ཛོ་ཏི་པཱ་ལཱ་ཙ་རི་ཡེ་ན ཀ་ཏཱ་ནི. ས་ངྑེ་པ་ཝ་ཎྞ་ནཱ པ་ར་ཀྐ་མ་བཱ་ཧུ-ནཱ་མེ་ན ཛ་མྦུ་དཱི་པི་སྶ་རེ་ན ར་ཉྙོ ཨཱ་ཡཱ་ཙི་ཏེ ཏེ་ནེ་ཝ ས་དྡྷ་མྨ་ཛོ་ཏི་པཱ་ལཱ་ཙ་རི་ཡེ་ན ཀ་ཏཱ. ཀ་ཙྩཱ་ཡ་ན་སྶ སུ་ཏྟ་ནི་དྡེ་སོ ཨ་ཏྟ་ནོ སི་སྶེ་ན དྷ་མྨ་ཙཱ་རི་ནཱ ཐེ་རེ་ན ཨཱ་ཡཱ་ཙི་ཏེ་ན ས་དྡྷ་མྨ་ཛོ་ཏི་པཱ་ལཱ་ཙ་རི་ཡེ་ན ཀ་ཏོ. ཝི་ན་ཡ་ས་མུ་ཊྛཱ་ན་དཱི་པ་ནཱི ནཱ་མ པ་ཀ་ར་ཎཾ, ཨ་ཏྟ་ནོ གུ་རུ་ནཱ ས་ངྒྷ་ཐེ་རེ་ན ཨཱ་ཡཱ་ཙི་ཏེ་ན ས་དྡྷ་མྨ-ཛོ་ཏི་པཱ་ལཱ་ཙ་རི་ཡེ་ན ཀ་ཏཾ.
ས་ཏྟ་པ་ཀ་ར་ཎཱ་ནི པ་ན ཏེ་ན པུ་ཀྐཱ་མ་ན་ག་རེ ཀ་ཏཱ་ནི. ས་ངྑེ་པ་ཝ་ཎྞ་ནཱ་ཝ ལ་ངྐཱ་དཱི་པེ ཀ་ཏཱ. ཨ་བྷི་དྷ་མྨ-པ་ནྣ་ར་ས་ཊྛཱ་ན་ཝ་ཎྞཱ་ནཾ ནཱ་མ པ་ཀ་ར་ཎཾ ཨ་ཏྟ་ནོ མ་ཏི་ཡཱ ན་ཝེ་ན-ཝི་མ་ལ་བུ་དྡྷཱ་ཙ་རི་ཡེ་ན ཀ་ཏཱ. ས་དྡ་སཱ་ར་ཏྠ་ཛཱ་ལི་ནཱི ནཱ་མ པ་ཀ་ར་ཎཾ ཨ་ཏྟ་ནོ མ་ཏི་ཡཱ ན་ཝེ་ན-ཝི་མ་ལ་བུ་དྡྷཱ་ཙ་རི་ཡེ་ན ཀ་ཏཾ. ས་དྡ་སཱ་ར་ཏྠ-ཛཱ་ལི་ནི་ཡཱ ཊཱི་ཀཱ, པཾ་ཡ་ན་ག་རེ ར་ཉྙོ གུ་རུ་ནཱ ས་ངྒྷ་རཱ་ཛེ་ན ཨཱ་ཡཱ་ཙི་ཏེ་ན ཏེ་ནེ་ཝ ན་ཝེ་ན ཝི་མ་ལ་བུ་དྡྷཱ་ཙ་རི་ཡེ་ན ཀ་ཏཱ. ཝུ་ཏྟོ་ད་ཡ་སྶ ཊཱི་ཀཱ, ཨ་བྷི་དྷ་མྨ་ས་ངྒ་ཧ་སྶ ཊཱི་ཀཱ་ཡ པ་ར་མ་ཏྠ་མ་ཉྫཱུ་སཱ ནཱ་མ ཨ་ནུ་ཊཱི་ཀཱ, ད་ས་ག་ཎྛི་ཝ་ཎྞ་ནཾ ནཱ་མ པ་ཀ་ར་ཎཾ, མ་ག་དྷ་བྷཱུ་ཏ་ཝི་ད་གྒ་མུ་ཁ་མ་ཎྜ་ནི་ཡཱ་ཊཱི་ཀཱ ཙཱ་ཏི ཨི་མཱ་ནི ཙ་ཏྟཱ་རི པ་ཀ་ར་ཎཱ་ནི ཨ་ཏྟ་ནོ མ་ཏི་ཡཱ ཏེ་ནེ་ཝ ན་ཝེ་ན ཝི་མ་ལ་བུ་དྡྷཱ་ཙ་རི་ཡེ་ན ཀ་ཏཱ་ནི.
པ་ཉྩ་པ་ཀ་ར་ཎ་ཊཱི་ཀཱ་ཡ ན་ཝཱ་ནུ་ཊཱི་ཀཱ ཨ་ཏྟ་ནོ མ་ཏི་ཡཱ ཨ་ཉྙ་ཏ་རོ ཙ་རི་ཡེ་ན ཀ་ཏཱ. ཨ་བྷི་དྷ་མྨ་ས་ངྒ་ཧ་སྶ ན་ཝ་ཊཱི་ཀཱ ཨ་ཏྟ་ནོ མ་ཏི་ཡཱ ཨ་ཉྙ་ཏ་རཱ་ཙ་རི་ཡེ་ན ཀ་ཏཱ. ཨ་བྷི་དྷ་མྨ་ཏྠ་ས་ངྒ་ཧ་ཊཱི་ཀཱ་ཡ [མ་ཎི] མ་ཉྫཱུ་སཱ [མ་ཎི་སཱ་ར་མ་ཉྫཱུ་སཱ] ནཱ་མ ན་ཝཱ་ནུ་ཊཱི་ཀཱ ཨ་ཏྟ་ནོ མ་ཏི་ཡཱ ཨ་རི་ཡ་ཝཾ་སཱ་ཙ་རི་ཡེ་ན ཀ་ཏཱ.
པེ་ཊ་ཀོ་པ་དེ་ས་སྶ ཊཱི་ཀཱ ཨ་ཏྟ་ནོ མ་ཏི་ཡཱ ཨུ་དུ་མྦ་རི་ནཱ་མཱ་ཙ་རི་ཡེ་ན པུ་ཀྐཱ་མ་ན་ག་རེ ཀ་ཏཱ. ཙ་ཏུ་བྷཱ་ཎ་ཝཱ་ར་སྶ ཨ་ཊྛ་ཀ་ཐཱ, མ་ཧཱ་སཱ་ར་པ་ཀཱ་སི་ནི, མ་ཧཱ་དཱི་པ་ནཱི, སཱ་ར་ཏྠ་དཱི་པ་ནཱི, ག་ཏི་པ་ཀ་ར་ཎཾ, ཧ་ཏྠཱ་སཱ་རོ, བྷུ་མྨ་ས་ངྒ་ཧོ, བྷུ་མྨ་ནི་དྡེ་སོ, ད་ས་ཝ་ཏྠུ་ཀཱ་ཡ་ཝི་ར་ཏི་ཊཱི་ཀཱ, ཙོ་ད་ནཱ་ནི་རུ་ཏྟི, ཝི་བྷ་ཏྟི་ཀ་ཐཱ, ས་དྡྷ་མྨ་མཱ་ལི་ནི, པ་ཉྩ་ག་ཏི་ཝ་ཎྞ་ནཱ, བཱ་ལ་ཙི་ཏྟ-པ་བོ་དྷ་ནཾ, དྷ་མྨ་ཙ་ཀྐ་སུ་ཏྟ་སྶ ན་ཝ་ཊྛ་ཀ་ཐཱ, ད་ནྟ་དྷཱ་ཏུ-པ་ཀ་ར་ཎ་སྶ ཊཱི་ཀཱ ཙ ས་དྡྷ་མྨོ་པཱ་ཡ་ནོ བཱ་ལ་པྤ་བོ་དྷ་ན་ཊཱི་ཀཱ ཙ, ཛི་ནཱ་ལ་ངྐཱ་ར་སྶ ན་ཝ་ཊཱི་ཀཱ ཙ, ལི་ངྒ་ཏྠ-ཝི་ཝ་ར་ཎཾ, ལི་ངྒ་ཏྠ-ཝི་ནི་ཙྪ་ཡོ, པཱ་ཏི་མོ་ཀྑ་ཝི་ཝ་ར་ཎཾ, པ་ར་མ་ཏྠ་ཀ་ཐཱ་ཝི་ཝ་ར་ཎཾ, ས་མ་ནྟ་པཱ་སཱ་དི་ཀ་ཝི་ཝ་ར་ཎཾ, ཙ་ཏུ་བྷཱ་ཎ་ཝཱ་ར་ཊྛ་ཀ་ཐཱ ཝི་ཝ་ར་ཎཾ, ཨ་བྷི་དྷ་མྨ་ས་ངྒ་ཧ་ཝི་ཝ་ར་ཎཾ, ས་ཙྩ་ས་ངྑེ་པ་ཝི་ཝ་ར་ཎཾ, ས་དྡ་ཏྠ་བྷེ་ད་ཙི་ནྟཱ་ཝི་ཝ་ར་ཎཾ, ས་དྡ་ཝུ་ཏྟི་ཝི་ཝ་ར་ཎཾ, ཀ་ཙྩཱ་ཡ་ན་སཱ་ར་ཝི་ཝ་ར་ཎཾ, ཀ་ཙྩཱ་ཡ་ན་ཝི་ཝ་ར་ཎཾ, ཨ་བྷི་དྷ་མྨ་ས་ངྒ་ཧ་སྶ་ཊཱི་ཀཱ་ཝི་ཝ་ར་ཎཾ, མ་ཧཱ་ཝེ་སྶ་ནྟ་ར་ཛཱ་ཏ་ཀ་སྶ ཝི་ཝ་ར་ཎཾ, ས་ཀྐཱ་བྷི་མ་ཏཾ, མ་ཧཱ་ཝེ་སྶ་ནྟ་ར་ཛཱ་ཏ་ཀ་སྶ ན་ཝ་ཊྛ་ཀ་ཐཱ, པ་ཋ་མ-ས་མྦོ་དྷི ཙ ལོ་ཀ་ནེ་ཏྟི, བུ་དྡྷ་གྷོ་སཱ་ཙ་རི་ཡ་ནི་དཱ་ནཾ, མི་ལི་ནྡ-པ་ཉྷོ ཝ་ཎྞ་ནཱ, ཙ་ཏུ་རཱ་ར་ཀྑཱ, ཙ་ཏུ་རཱ་ར་ཀྑཱ་ཡ་ཨ་ཊྛ་ཀ་ཐཱ, ས་དྡ་ཝུ་ཏྟི་པྤ་ཀ་ར་ཎ་སྶ ན་ཝ་ཊཱི་ཀཱ ཙཱ་ཏི ཨི་མཱ་ནི, ཏི་ཙ་ཏྟཱ་ལཱི་ས པ་ཀ་ར་ཎཱ་ནི ཨ་ཏྟ་ནོ མ་ཏི་ཡཱ སཱ་ས་ན་སྶ ཛཱ་ཏི་ཡཱ ས་དྡྷ་མྨ་སྶ ཋི་ཏི་ཡཱ ཙ ལ་ངྐཱ་དཱི་པཱ་དཱི་སུ ཝིཾ་སུ ཝིཾ་སུ ཀ་ཏཱ་ནི.
ས་མྦུ་དྡྷེ གཱ་ཐཱ ཙ…པེ… ན་ཝ་ཧཱ་ར་གུ་ཎ་ཝ་ཎྞ་ནཱ ཙཱ་ཏི ཨི་མེ བུ་དྡྷ་པ་ཎཱ་མཱ་དི་ཀཱ གཱ་ཐཱ་ཡོ. ཨ་ཏྟ་ནོ ཨ་ཏྟ་ནོ བུ་དྡྷ་གུ་ཎ་པ་ཀཱ་ས་ན་ཏྠཱ་ཡ ཨ་ཏྟ་ནོ ཙ པ་རེ ཙ ཨ་ན་ནྟ་པ་ཉྙཱ་པ་ཝ་ཏྟ་ན་ཏྠཱ་ཡ ཙ པ་ཎྜི་ཏེ་ཧི ལ་ངྐཱ་དཱི་པཱ་དཱི་སུ ཝིཾ་སུ ཝིཾ་སུ ཀ་ཏཱ.
[ཨི་ཏི ཙུ་ལླ-ག་ནྠ་ཝཾ་སེ ཨཱ་ཡཱ་ཙ་ཀཱ་ཙ་རི་ཡ་དཱི་པ་ཀོ ནཱ་མ ཙ་ཏུ་ཏྠོ པ་རི་ཙྪེ་དོ.]