༥. པ་ཀི་ཎྞ་ཀ-པ་རི་ཙྪེ་དོ
ནཱ་མཾ ཨཱ་རོ་པ་ནཾ པོ་ཏྠ་ཀཾ ག་ནྠ་ཀཱ་ར་སྶ ཙ. ལེ་ཁཾ་ལེ་ཁཱ་པ་ན་ཉྩེ་ཝ, ཝ་དཱ་མི ཏ་ད་ན་ནྟ་ར་ནྟི. ཏ་ཏྠ ཙ་ཏུ་རཱ་སཱི་ཏི་ཡཱ དྷ་མྨ་ཀྑ་ནྡྷ་ས་ཧ་སྶཱ་ནི པི་ཊ་ཀ, ནི་ཀཱ་ཡ་ངྒ, ཝ་གྒ, ནི་པཱ་ཏཱ་དི་ཀཾ ནཱ་མཾ, ཀེ་ནཱ་རོ་པི་ཏཾ, ཀ་ཏྠ ཨཱ་རོ་པི་ཏཾ, ཀ་དཱ ཨཱ་རོ་པི་ཏཾ, ཀི་མ་ཏྠཾ ཨཱ་རོ་པི་ཏ་ནྟི? ཏ་ཏྲཱ་ཡཾ པི་ཝི་ས་ཛྫ་ནཱ་ཀེ་ན ཨཱ་རོ་པི་ཏ་ནྟི པ་ཉྩ་ས་ཏ་ཁཱི་ཎཱ་ས་ཝེ་ཧི ཨཱ་རོ་པི་ཏཾ. ཏེ་ཧི ས་བྦ་བུ་དྡྷ་ཝ་ཙ་ནཾ ས་ངྒཱ་ཡ་ནྟི, ཨི་དཾ པི་ཊ་ཀཾ, ཨ་ཡཾ ནི་ཀཱ་ཡོ, ཨི་དཾ ཨ་ངྒཾ, ཨ་ཡཾ ཝ་གྒོ, ཨ་ཡཾ ནི་པཱ་ཏོ་ཏི. ཨེ་ཝ་མཱ་དི་ཀཾ ནཱ་མཾ ཨཱ་རོ་པེ་ནྟི. ཀ་ཏྠ ཨཱ་རོ་པི་ཏ་ནྟི? རཱ་ཛ་ག་ཧེ ཝེ་བྷཱ་ར་པ་བྦ་ཏ་སྶ པཱ་དེ དྷ་མྨ་མ་ཎྜ་པྤེ ཨཱ་རོ་པི་ཏཾ. ཀ་དཱ ཨཱ་རོ་པི་ཏ་ནྟི? བྷ་ག་ཝ་ཏོ པ་རི་ནི་བྦུ་ཏེ པ་ཋ་མ་ས་ངྒཱ་ཡ་ན་ཀཱ་ལེ ཨཱ་རོ་པི་ཏཾ. ཀི་མ་ཏྠཾ ཨཱ་རོ་པི་ཏ་ནྟི? དྷ་མྨ་ཀྑ་ནྡྷཱ་ནཾ ཝོ་ཧཱ་ར་སུ་ཁ་ཏྠཱ་ཡ སུ་ཁ་དྷཱ་ར་ཎ་ཏྠཱ་ཡ ཙ ཨཱ་རོ་པི་ཏཾ. ས་ངྒཱི་ཏི་ཀཱ་ལེ པ་ཉྩ་ས་ཏཱ ཁཱི་ཎཱ་ས་ཝཱ ཏེ་ས་ཉྩ དྷ་མྨ་ཀྑ་ནྡྷཱ་ནཾ ནཱ་མ ཝ་གྒ་ནི་པཱ་ཏ་ཏོ. ཨི་མ་སྶ དྷ་མྨ་ཀྑ་ནྡྷ་སྶ ཨ་ཡཾ ནཱ་མོ ཧོ་ཏུ, ཨི་མ་སྶ ཙ པ་ཀ་ར་ཎ་སྶ ཨ་ཡཾ ནཱ་མོ་ཏི, ཨ་བྲ་ཝུཾ ས་བྦཾ ནཱ་མཱ་དི་ཀཾ ཀི་ཙྩཾ ཨ་ཀཾ་སུ. ཏེ ཁཱི་ཎཱ་ས་ཝཱ, ཡ་དི ནཱ་མཱ་དི་ཀཾ ཀི་ཙྩཾ ཨ་ཀ་ཏཾ ན སུ་པཱ་ཀ་ཏཾ ཏ་སྨཱ ཝོ་ཧཱ་ར་སུ་ཁ་ཏྠཱ་ཡ་ནཱ་མཱ་དི་ཀཾ ཀི་ཙྩཾ ཀ་ཏཾ ཨ་ནཱ་ག་ཏེ པ་ན་ཏྠཱ་ཡ ནཱ་མཱ་དི་ཀཾ པ་ཝ་ཏྟི་ཏཾ ཨ་ས་ཉྫཱ་ཏ་ནཱ་མོ ན སུ་ཊྛུ པཱ་ཀ་ཏོ ས་བྦ་སོ བྷ་ཝེ་ཏི. དྷ་མྨ་ཀྑ་ནྡྷཱ་ནཾ ནཱ་མ དཱི་པ་ནཱ ནི་ཊྛི་ཏཱ.
ཙ་ཏུ་རཱ་སཱི་ཏི དྷ་མྨ་ཀྑ་ནྡྷ་ས་ཧ་སྶཱ་ནི ཀེ་ན པོ་ཏྠ་ཀེ ཨཱ་རོ་པི་ཏཱ་ནི, ཀ་དཱ ཨཱ་རོ་པི་ཏཱ་ནི, ཀི་མ་ཏྠཾ ཨཱ་རོ་པི་ཏཱ་ནཱི་ཏི. ཏ་ཏྲཱ་ཡཾ ཝི་ས་ཛྫ་ནཱ ཀེ་ནཱ་རོ་པི་ཏཱ་ནི་ཏི? ཁཱི་ཎཱ་ས་ཝ་མ་ཧཱ་ནཱ་གེ་ཧི ཨཱ་རོ་པི་ཏཱ་ནི. ཀ་ཏྠ ཨཱ་རོ་པི་ཏཱ་ནཱི་ཏི? ལ་ངྐཱ་དཱི་པེ ཨཱ་རོ་པི་ཏཱ་ནི. ཀ་དཱ ཨཱ་རོ་པི་ཏཱ་ནཱི་ཏི? ས་དྡྷཱ་ཏི་སྶ་སྶ་རཱ་ཛི་ནོ པུ་ཏྟ་སྶ ཝ་ཊྚ་གཱ་མ་ནི རཱ་ཛ་སྶ ཀཱ་ལེ ཨཱ་རོ་པི་ཏཱ་ནི. ཀི་མ་ཏྠཾ ཨཱ་རོ་པི་ཏཱ་ནཱི་ཏི? དྷ་མྨ་ཀྑ་ནྡྷཱ་ནཾ ཨ་ཝི་དྷཾ་ས་ན་ཏྠཱ་ཡ ས་དྡྷ་མྨ་ཊྛི་ཏི་ཡཱ ཙ ཨཱ་རོ་པི་ཏཱ་ནི.
དྷ་ར་མཱ་ནོ ཧི བྷ་ག་ཝཱ, ཨ་མྷཱ་ཀཾ སུ་ག་ཏོ་དྷཱི་རོ;
ནི་ཀཱ་ཡེ པ་ཉྩ་དེ་སེ་ཏི, ཡཱ་ཝ ནི་བྦཱ་ན་ག་མ་ནཱ.
ས་བྦེ་པི ཏེ བྷི་ཀྑུ ཨཱ་དི, མ་ན་སཱ ཝ་ཙ་སཱ་ཧཱ་རོ;
ས་བྦེ ཙ ཝཱ་ཙུ་གྒ་ཏཱ ཧོ་ནྟི, མ་ཧཱ་པ་ཉྙཱ་ས་ཏི་ཝ་རཱ.
ནི་བྦཱུ་ཏེ ལོ་ཀ་ནཱ་ཐ་མྷི, ཏ་ཏོ ཝ་སྶ་ས་ཏཾ བྷ་ཝེ;
ཨ་རི་ཡཱ་ན་རི་ཡཱ ཙཱ་པི ཙ, ས་བྦེ ཝཱ་ཙུ་གྒ་ཏཱ དྷུ་ཝཾ.
ཏ་ཏོ པ་རཾ ཨ་ཊྛ་ར་སཾ, དྭི་ས་ཏཾ་ཝ་སྶ ག་ཎ་ནཾ;
ས་བྦེ པུ་ཐུ་ཛྫ་ནཱ ཙེ་ཝ, ཨ་རི་ཡཱ ཙ ས་བྦེ་པི་ཏེ.
མ་ན་སཱ་ཝ་ཙ་སཱ་ཡེ་ཝ, ཝཱ་ཙུ་གྒ་ཏཱ་ཝ ས་བྦ་དཱ;
དུ་ཊྛ་གཱ་མ་ཎི་ར་ཉྙོ ཙ, ཀཱ་ལེ ཝཱ་ཙུ་གྒ་ཏཱ དྷུ་ཝཾ.
ཨ་རི་ཡཱ་ན་རི་ཡཱ་པི ཙ, ནི་ཀཱ་ཡེ དྷཱ་ར་ཎཱ་ས་དཱ;
ཏ་ཏོ པ་ར་མྷི རཱ་ཛཱ ཙ, ཏ་ཏོ ཙུ་ཏོ ཙ ཏུ་སི་ཏེ.
ཨུ་པྤ་ཛྫི དེ་ཝ ལོ་ཀེ སོ, དེ་ཝེ་ཧི པ་རི་ཝཱ་རི་ཏོ;
ས་དྡྷཱ ཏི་སྶོ་ཏི ནཱ་མེ་ན, ཏ་སྶ ཀ་ནི་ཊྛ་ཀོ ཧི་ཏོ.
ཏ་ཏོ ལ་དྡྷ་ར་ཊྛོ ཧོ་ཏི, བུ་དྡྷ་སཱ་ས་ན་པཱ་ལ་ཀོ.
ཏ་དཱ ཀཱ་ལེ བྷི་ཀྑཱུ ཨཱ་སུཾ, ས་བྦེ ཝཱ་ཙུ་གྒ་ཏཱ ས་དཱ;
ནི་ཀཱ་ཡེ པ་ཉྩ་ཝེ་དྷེ་ཝ, ཡཱ་ཝ ར་ཉྙོ ཙ དྷཱ་ར་ཎཱ;
ཏ་ཏོ ཙུ་ཏོ སོ རཱ་ཛཱ ཙ, ཏུ་སྶཱི་ཏེ ཨུ་པ་པ་ཛྫ་ཏི;
དེ་ཝ་ལོ་ཀེ་ཊྛི་ཏོ ས་ནྟོ, ཏ་དཱ ཝཱ་ཙུ་གྒ་ཏཱ ཏ་ཏོ.
ཏ་སྶ པུ་ཏྟཱ་པི ཨ་ཧེ་སུཾ, ཨ་ནེ་ཀཱ ཝ་ར་ཛྫཾ ག་ཏཱ;
ཨ་ནུ་ཀྐ་མེ་ན ཙུ་ཏ་ཏེ, དེ་ཝ་ལོ་ཀཾ ག་ཏཱ དྷུ་ཝཾ;
ཏ་དཱ་པི་ཏེ ས་བྦེ བྷི་ཀྑཱུ, ཝཱ་ཙུ་གྒ་ཏཱ་ཝ ས་བྦ་དཱ;
ནི་ཀཱ་ཡེ པ་ཉྩ་ཝི་དྷེ་ཝ, དྷཱ་ར་ཎཱ་ཝ་ས་ཏི་མ་ཏཱ.
ཏ་ཏོ པ་རཾ པོ་ཏྠ་ཀེ་སུ, ནི་ཀཱ་ཡཱ པ་ཉྩ པི་ཊྛི་ཏཱ;
ཏ་དཱ ཨ་ཊྛ་ཀ་ཐཱ ཊཱི་ཀཱ, ས་བྦེ ག་ནྠཱ པོ་ཏྠ་ཀེ ག་ཏཱ;
ས་བྦེ པོ་ཏྠེ་སུ ཡེ ག་ནྠཱ, པཱ་ལི༹ ཨ་ཊྛ་ཀ་ཐཱ ཊཱི་ཀཱ;
སཾ་ཊྛི་ཏཱ་སཾ ཋི་ཏཱ ཧོ་ནྟི, ས་བྦེ་པི ནོ ན ས་ནྟི་ཏེ.
ཏ་དཱ ཏེ པོ་ཏྠ་ཀེ་ཡེ་ཝ, ནི་ཀཱ་ཡཱ པི་ཋི་ཏཱ ཁི་ལཱ;
ཏ་དཱ ཨ་ཊྛ་ཀ་ཐཱ་དཱི་ནི, བྷ་ཝ་ནྟཱི་ཏི ཝ་ད་ནྟི ཙ.
པ་རི་ཧཱ་རོ པ་ཎྜི་ཏེ་ཧི ཝ་ཏྟ་བྦོ་ཝ;
ལ་ངྐཱ་དཱི་པ་སྶ ར་ཉྙོ་ཝ, ས་དྡྷཱ ཏི་སྶ་སྶ རཱ་ཛི་ནོ.
པུ་ཏྟ་ཀོ ལ་ངྐཱ་དཱི་པ་སྶ, ཨི་སྶ་རོ དྷ་མྨི་ཀོ ཝ་རོ;
ཏ་དཱ ཁཱི་ཎཱ་ས་ཝཱ ས་བྦེ, ཨོ་ལོ་ཀེ་ནྟི ཨ་ན་ག་ཏེ.
ཁཱི་ཎཱ་ས་ཝཱ པ་སྶ་ནྟི ཏེ, དུ་པ་ཉྙེ་ཝ པུ་ཐུ་ཛྫ་ནེ;
ས་བྦེ་པི ཏེ བྷི་ཀྑཱུ ཨཱ་སུཾ, བ་ཧུཾ་ཏ་རཱ པུ་ཐུ་ཛྫ་ནཱ;
ན ས་ཀྑི་སྶ་ནྟི ཏེ པ་ཉྩ, ནི་ཀཱ་ཡེ ཝཱ་ཙུ་གྒ་ཏཾ ཨི་ཏི;
པོ་ཏྠ་ཀེ་སུ ས་བྦེ པ་ཉྩ, ཨཱ་རོ་པེ་ནྟི ཁཱི་ཎཱ་ས་ཝཱ.
ས་དྡྷ་མྨ་ཊྛི་ཏི ཙི་ར་ཏྟཱ་ཡ, ཛ་ནཱ་ནཾ པུ་ཉྙ་ཏྠཱ་ཡ ཙ;
ཏ་ཏོ པ་ཊྛཱ་ཡ་ཏེ ས་བྦེ, ནི་ཀཱ་ཡཱ ཧོ་ནྟི པོ་ཏྠ་ཀེ;
ཨ་ཊྛ་ཀ་ཐཱ ཊཱི་ཀཱ ས་བྦེ, ཏེ ཧོ་ནྟི པོ་ཏྠ་ཀེ་ཊྛི་ཏཱ.
ཏ་ཏོ པ་ཊྛཱ་ཡ་ཏེ ས་བྦེ, བྷི་ཀྑུ ཨཱ་དི མ་ཧཱ་ག་ཎཱ;
པོ་ཏྠ་ཀེ་སུ ཋི་ཏེ་ཡེ་ཝ, ས་བྦེ པ་སྶ་ནྟི ས་བྦ་དཱ.
[པོ་ཏྠ་ཀེ ཨཱ་རོ་པ་ན དཱི་པ་ཀཱ ནི་ཊྛི་ཏཱ.]
ཡོ ཀོ་ཙི པ་ཎྜི་ཏོ དྷཱི་རོ, ཨ་ཊྛ་ཀ་ཐཱ་དི་ཀཾ ག་ནྠཾ ཀ་རོ་ཏི ཝཱ ཀཱ་རཱ་པེ་ཏི ཝཱ, ཏ་སྶ ཨ་ན་ནྟ་ཀོ ཧོ་ཏི པུ་ཉྙ་སཾ་ཙ་ཡོ, ཨ་ན་ནྟ་ཀོ ཧོ་ཏི པུ་ཉྙཱ་ནི་སཾ་སོ. ཙ་ཏུ་རཱ་སཱི་ཏི ཙེ་ཏི་ཡ་ས་ཧ་སྶ ཀ་ར་ཎ་ས་དི་སོ, ཙ་ཏུ་རཱ་སཱི་ཏི བུ་དྡྷ་རཱུ་པ་ས་ཧ་སྶ ཀ་ར་ཎ་ས་དི་སོ, ཙ་ཏུ་རཱ་སཱི་ཏི བོ་དྷི་རུ་ཀྑ་ས་ཧ་སྶ་རོ་པ་ན་ས་དི་སོ, ཙ་ཏུ་རཱ་སཱི་ཏི ཝི་ཧཱ་ར་ས་ཧ་སྶ ཀ་ར་ཎ་ས་དི་སོ, ཡོ ཙ བུ་དྡྷ་ཝ་ཙ་ན་མ་ཉྫཱུ་སཾ ཀ་རོ་ཏི ཝཱ ཀཱ་རཱ་པེ་ཏི ཝཱ, ཡོ ཙ བུ་དྡྷ་ཝ་ཙ་ནཾ མ་ཎྜ་ནཾ ཀ་རོ་ཏི ཝཱ ཀཱ་རཱ་པེ་ཏི ཝཱ, ཡོ ཙ བུ་དྡྷ་ཝ་ཙ་ནཾ ལེ་ཁཾ ཀ་རོ་ཏི ཝཱ ཀཱ་རཱ་པེ་ཏི ཝཱ, ཡོ ཙ པོ་ཏྠ་ཀཾ ཝཱ, ཡོ ཙ པོ་ཏྠ་ཀ་མཱུ་ལཾ ཝཱ, དེ་ཏི ཝཱ དཱ་པེ་ཏི ཝཱ, ཡོ ཙ ཏེ་ལཾ ཝཱ ཙུ་ཎྞཾ ཝཱ, དྷ་ཉྙཾ ཝཱ པོ་ཏྠ་ཀ་བྷ་ཉྫ་ན་ཏྠཱ་ཡ ཡཾ ཀི་ཉྩི ནི་ཏྠཾ ཝཱ པོ་ཏྠ་ཀ་ཚི་དྡེ ཨཱ་ཝུ་ན་ཏྠཱ་ཡ, ཡཾ ཀི་ཉྩི སུ་ཏྟཾ ཝཱ ཀ་ཊྛ་ཕ་ལ་ཀ་དྭ་ཡཾ ཝཱ པོ་ཏྠ་ཀཾ པུ་ཊ་ན་ཏྠཱ་ཡ ཡཾ ཀི་ཉྩི ཝ་ཏྠཾ ཝཱ, པོ་ཏྠ་ཀ-བ་ནྡྷ་ན་ཏྠཱ་ཡ, ཡཾ ཀི་ཉྩི ཡོ་ཏྟཾ ཝཱ པོ་ཏྠ་ཀ་ལཱ་པ པཱུ་ཊ་ན་ཏྠཱ་ཡ ཡཾ ཀི་ཉྩི ཐ་ཝི་ཀཾ དེ་ཏི ཝཱ དཱ་པེ་ཏི ཝཱ.
ཡོ ཙ ཧ་རི་ཏཱ་ལེ་ན ཝཱ མ་ནོ་སི་ལཱ་ཡ ཝཱ, སུ་ཝ་ཎྞེ་ན ཝཱ ར་ཛ་ཏེ་ན ཝཱ པོ་ཏྠ་ཀ་མ་ཎྜ་ནཾ ཝཱ ཀ་ཊྛ་ཕ་ལ་ཀ་མ་ཎྜ་ནཾ ཝཱ ཀ་རོ་ཏི ཝཱ ཀཱ་རཱ་པེ་ཏི ཝཱ, ཏ་སྶ ཨ་ན་ནྟ་ཀོ ཧོ་ཏི པུ་ཉྙ་སཾ་ཙ་ཡོ, ཨ་ན་ནྟ་ཀོ ཧོ་ཏི པུ་ཉྙཱ་ནི་སཾ་སོ. ཙ་ཏུ་རཱ་སཱི་ཏི ཙེ་ཏི་ཡ་ས་ཧ་སྶ ཀ་ར་ཎ་ས་དི་སོ, ཙ་ཏུ་རཱ་སཱི་ཏི ཝི་ཧཱ་ར་ས་ཧ་སྶ ཀ་ར་ཎ་ས་དི་སོ.
བྷ་ཝེ ནི་བྦ་ཏྟ་མཱ་ནོ སོ, སཱི་ལ་གུ་ཎ་མུ་པཱ་ག་ཏཱ;
མ་ཧཱ ཏེ་ཛོ ས་དཱ ཧོ་ཏི, སཱི་ཧ་ནཱ་དོ ཝི་སཱ་ར་དོ.
ཨཱ་ཡུ་ཝ་ཎྞ་བ་ལུ་པྤེ་ཏོ, དྷ་མྨ་ཀཱ་མོ བྷ་ཝེ ས་དྡཱ;
དེ་ཝ་མ་ནུ་སྶ་ལོ་ཀེ་སུ, མ་ཧེ་ས་ཀྑོ ཨ་ནཱ་མ་ཡོ.
བྷ་ཝེ ནི་བྦ་ཏྟ་མཱ་ནོ སོ, པ་ཉྙ་ཝཱ སུ་ས་མཱ་ཧི་ཏོ;
ཨ་དྷི་པ་ཙྩ པ་རི་ཝཱ་རོ, ས་བྦ་སུ་ཁཱ་དྷི ག་ཙྪ་ཏི.
ས་དྡོ་ཧཱི་རི་མཱ ཝ་ད་ཉྙཱུ, སཾ་ཝི་གྒ མཱ་ན་སོ བྷ་ཝེ;
ཨ་ངྒ་པ་ཙྩ་ངྒ ས་མྤ་ནྣོ, ཨཱ་རོ་ཧ པ་རི་ཎཱ་ཧ་ཝཱ.
ས་བྦེ ས་ཏྟཱ་པི ཡོ ལོ་ཀེ, ས་བྦ་ཏྠ པཱུ་ཛི་ཏཱ་བྷ་ཝེ;
དེ་ཝ་མ་ནུ་སྶ ས་ཉྩ་རོ, མི་ཏྟ་ས་ཧཱ་ཡ པཱ་ལི་ཏོ.
དེ་ཝ་མ་ནུ་སྶ ས་མྤ་ཏྟིཾ, ཨ་ནུ་བྷོ་ཏི པུ་ན་པྤུ་ནཾ;
ཨ་ར་ཧ་ཏྟ ཕ་ལཾ པ་ཏྟོ, ནི་བྦཱ་ནཾ པཱ་པུ་ཎི་སྶ་ཏི.
པ་ཊི་ས་མྦྷི་དཱ ཙ་ཏ་སྶོ, ཨ་བྷི་ཉྙཱ ཚ་བྦི་དྷེ ཝ་རེ;
ཝི་མོ་ཀྑེ ཨ་ཊྛ་ཀེ སེ་ཊྛེ, ག་མི་སྶ་ཏི ཨ་ནཱ་ག་ཏེ.
ཏ་སྨཱ་ཧི པ་ཎྜི་ཏོ པོ་སོ, སཾ་པ་སྶཾ ཧི་ཏ མ་ཏྟ་ནོ;
ཀཱ་རེ་ཡྻ སཱ་མ ག་ནྠེ ཙ, ཨ་ཉྙེ ཙཱ་པི ཀཱ་རཱ་པ་ཡེ.
པོ་ཏྠ་ཀེ ཙ ཋི་ཏེ ག་ནྠེ, པཱ་ལི༹ ཨ་ཊྛ་ཀ་ཐཱ་དི་ཀེ;
དྷ་མྨ་མ་ཉྫཱུ་སཱ ག་ནྠེ ཙ, ལེ་ཁཾ ཀ་རེ ཀཱ་རཱ་པ་ཡེ.
པོ་ཏྠ་ཀཾ པོ་ཏྠ་ཀ་མཱུ་ལ་ཉྩ, ཏེ་སཾ ཙུ་ལླ་ཐཱུ་ས་མྤི ཙ;
པི་ལོ་ཏི་ཀཱ་དི་ཀཾ སུ་ཏྟཾ, ཀ་ཊྛ་ཕ་ལ་དྭ་ཡ་མྷི ཙ.
དྷ་མྨ་བ་ནྡྷ་ན་ཏྠཱ་ཡ ཙ, ཡཾ ཀི་ཉྩི མ་ཧ་གྒྷཾ ཝ་ཏྠཾ;
དྷ་མྨ་བ་ནྡྷ་ན་ཡོ་ཏྟ་ཉྩ, ཡཾ ཀི་ཉྩི ཐ་ཝི་ཀ་མྤི ཙ.
ད་དེ་ཡྻ དྷ་མྨ་ཁེ་ཏྟ་མྷི, ཝི་པྤ་སྶ་ནྣེ་ན ཙེ་ཏ་སཱ;
ཨ་ཉྙོ ཙཱ་པི ད་ཛྫཱ་པེ་ཡྻ, མི་ཏྟ་ས་ཧཱ་ཡ་བ་ནྡྷ་ཝེ་ཏི.
ག་ནྠཱ་ཀ་ར་ལེ་ཁ་ལེ་ཁཱ་པ་ནཱ་ནི་སཾ་ས དཱི་པ་ནཱ ནི་ཊྛི་ཏཱ.
[ཨི་ཏི ཙཱུ་ལ་ག་ནྠ་ཝཾ་སེ པ་ཀི་ཎྞ་ཀ་དཱི་པ་ཀོ ནཱ་མ པ་ཉྩ་མོ པ་རི་ཙྪེ་དོ.]
སོ་ཧཾ ཧཾ་སཱ་ར་ཊྛ ཛཱ་ཏོ, ན་ནྟ་པ་ཉྙོ་ཏི ཝི་སྶུ་ཏོ
ས་དྡྷཱ སཱི་ལ ཝཱི་ར་པྤེ་ཏོ, དྷ་མྨ་ར་སཾ ག་ཝེ་ས་ནོ.
སོ་ཧཾ ཏ་ཏོ ག་ནྟྭཱ ཙི་མཾ, ཛི་ན ན་ཝཾ ཡཾ པཱུ་རཾ;
ས་བྦ དྷ་མྨཾ ཝི་ཙི་ན་ནྟོ, ཝཱི་ས་ཏི ཝ་སྶ་མཱ་ག་ཏོ.
ས་བྦ དྷ་མྨཾ ཝི་སྶེ་ཛྫེ་ནྟོ, ཀི་ཀཱ་རེ ནེ་ཝ བྷི་ཀྑུ་ནོ;
ཚ ཝ་སྶཱ་ནཾ ག་ཎཾ བྷི་ཏྭཱ, ཀཱ་མཱ་ནཾ ཨ་བྷི་མ་དྡ་ནཾ.
ས་ནྟི ས་བྷཱ ཙ ནི་བྦཱ་ནཾ, ག་ཝེ་སི་ཉྩ པུ་ན་པྤུ་ནཾ;
ཝ་ས་ནྟོ་ཧཾ, ཝ་ནཱ་ར་མྨཾ, པི་ཊ་ཀ་ཏྟ་ཡ ས་ངྒ་ཧཾ;
ག་ནྠ་ཝཾ་སཾ ཨི་མཾ ཁུ་དྡཾ, ཨ་རི་ཡ་ས་ངྒྷ་དཱ་ས་ཀ་ནྟི.
ཨི་ཏི པཱ་མོ་ཛྫ་ཏྠཱ་ཡ ཨ་ར་ཉྙ་ཝཱ་སི་ནཱ, ན་ནྡ་པ་ཉྙཱ་ཙ་རི་ཡེ་ན ཀ་ཏོ ཙཱུ་ལ༹་ག་ནྠ་ཝཾ་སོ ནི་ཊྛི་ཏོ.
དྷ་མྨ་ཝ་ཊཾ་ས་ཀ་ནཱ་མེ་ན ཝི་སུ་ཏོ ཐེ་རོ, ཡཾ པ་ཀ་ར་ཎཾ ལི་ཀྑི་ཏཾ ཏཾ པ་རི་པུ་ཎྞཾ ཏེ་ན པུ་ཉྙེ་ན ཏཾ པི་ཊ་ཀཾ པ་རི་སི་པྤཾ པ་རི་ནི་ཊྛི་ཏཾ.
མ་མེ་ཝ སི་སྶ་ས་མཱུ་ཧཱ་ན་ཉྩ པ་རི་སི་པྤཾ པ་རི་ནི་ཊྛི་ཏཾ. ཏ་ཝེ སི་སྶཱ་ནཱུ སི་སྶཱ་ནི ཙ, པ་རི་སི་པྤཾ པ་རི་ནི་ཊྛི་ཏཾ.
ཙཱུ་ལ༹་ག་ནྠ་ཝཾ་སོ ནི་ཊྛི་ཏོ.