༤. ཙ་ཏུ་བྦ་ཎྞ་ཝ་གྒ
ཁ་ཏྟི་ཡ་ཝ་གྒ
༣༣༢. ཀུ་ལཾ ཝཾ་སོ ཙ ས་ནྟཱ་ནཱ, བྷི་ཛ་ནཱ གོ་ཏྟ མ་ནྭ་ཡོ;
ཐི་ཡཾ ས་ནྟ་ཏྱ ཐོ ཝ་ཎྞཱ, ཙ་ཏྟཱ་རོ ཁ་ཏྟི་ཡཱ་ད་ཡོ.
༣༣༣. ཀུ་ལཱི་ནོ ས་ཛྫ་ནོ སཱ་དྷུ,
ས་བྷྱོ ཙཱ་ཡྻོ མ་ཧཱ་ཀུ་ལོ;
རཱ་ཛཱ བྷཱུ་པ་ཏི བྷཱུ་པཱ་ལོ, པ་ཏྠི་ཝོ ཙ ན་རཱ་དྷི་པོ.
༣༣༤. བྷཱུ་ནཱ་ཐོ ཛ་ག་ཏི་པཱ་ལོ, དི་ས་མྤ་ཏི ཛ་ནཱ་དྷི་པོ;
ར་ཊྛཱ་དྷི་པོ ན་ར་དེ་ཝོ, བྷཱུ་མི་པོ བྷཱུ་བྷུ་ཛོ པྱ་ཐ.
༣༣༥. རཱ་ཛ་ཉྙོ ཁ་ཏྟི་ཡོ ཁ་ཏྟཾ, མུ་དྡྷཱ་བྷི་སི་ཏྟ བཱ་ཧུ་ཛཱ;
ས་བྦ་བྷུ་མྨོ ཙ་ཀྐ་ཝ་ཏྟཱི, བྷཱུ་པོ་ཉྙོ མ་ཎྜ་ལི་སྶ་རོ.
༣༣༦. པུ་མེ ལི་ཙྪ་ཝི ཝ་ཛྫཱི ཙ, ས་ཀྱོ ཏུ སཱ་ཀི་ཡོ ཐ ཙ;
བྷ་དྡ་ཀ་ཙྩཱ་ནཱ [བྷ་དྡཱ ཀ་ཙྩཱ་ནཱ (ཊཱི.)] རཱ་ཧུ་ལ, མཱ་ཏཱ བི་མྦཱ ཡ་སོ་དྷ་རཱ.
༣༣༧. ཀོ་ཊཱི་ནཾ ཧེ་ཊྛི་མ་ནྟེ་ན, ས་ཏཾ ཡེ་སཾ ནི་དྷཱ་ན་གཾ;
ཀ་ཧཱ་པ་ཎཱ་ནཾ དི་ཝ་ས, ཝ་ལ༹་ཉྫོ ཝཱི་ས་ཏ་མྦ་ཎཾ.
༣༣༨. ཏེ ཁ་ཏྟི་ཡ་མ་ཧཱ་སཱ་ལཱ, སཱི་ཏི ཀོ་ཊི་དྷ་ནཱ་ནི ཏུ;
ནི་དྷཱ་ན་གཱ་ནི དི་ཝ་ས, ཝ་ལ༹་ཉྫོ ཙ ད་ས་མྦ་ཎཾ.
༣༣༩. ཡེ་སཾ དྭི་ཛ་མ་ཧཱ་སཱ་ལཱ, ཏ་དུ་པ་ཌྜྷེ ནི་དྷཱ་ན་གེ;
ཝ་ལ༹་ཉྫེ ཙ ག་ཧ་པ་ཏི, མ་ཧཱ་སཱ་ལཱ དྷ་ནེ སི་ཡུཾ.
༣༤༠. མ་ཧཱ་མ་ཏྟོ པ་དྷཱ་ན་ཉྩ, མ་ཏི་ས་ཛཱི་ཝོ མ་ནྟི་ནཱི;
ས་ཛཱི་ཝོ ས་ཙི་ཝཱ, མ་ཙྩོ, སེ་ནཱ་ནཱི ཏུ ཙ་མཱུ་པ་ཏི.
༣༤༡. ནྱཱ་སཱ་དཱི་ནཾ ཝི་ཝཱ་དཱ་ནཾ, ཨ་ཀྑ་ད་སྶོ པ་ད་ཊྛ་རི;
དོ་ཝཱ་རི་ཀོ པ་ཏཱི་ཧཱ་རོ, དྭཱ་ར་ཊྛོ དྭཱ་ར་པཱ་ལ་ཀོ.
༣༤༢. ཨ་ནཱི་ཀ་ཊྛོཏི རཱ་ཛཱུ་ནཾ, ཨ་ངྒ་ར་ཀྑ་ག་ཎོ མ་ཏོ;
ཀ་ཉྩུ་ཀཱི སོ་ཝི་ད་ལློ ཙ, ཨ་ནུ་ཛཱི་ཝཱི ཏུ སེ་ཝ་ཀོ.
༣༤༣. ཨ་ཛ྄ཛྷ་ཀྑོ དྷི་ཀ་ཏོ ཙེ་ཝ,
ཧེ་ར་ཉྙི་ཀོ ཏུ ནི་ཀྑི་ཀོ;
ས་དེ་སཱ་ན་ནྟ་རོ ས་ཏྟུ, མི་ཏྟོརཱ་ཛཱ ཏ་ཏོ པ་རཾ.
༣༤༤. ཨ་མི་ཏྟོ རི་པུ ཝེ་རཱི ཙ, ས་པ་ཏྟཱ རཱ་ཏི ས་ཏྭ’རི; (ས་ཏྟུ+ཨ་རི)
པ་ཙྩ་ཏྠི་ཀོ པ་རི་པ་ནྠཱི, པ་ཊི་པ་ཀྑཱ ཧི་ཏཱ་པ་རོ.
༣༤༥. པ་ཙྩཱ་མི་ཏྟོ ཝི་པ་ཀྑོ ཙ, པ་ཙྩ་ནཱི་ཀ ཝི་རོ་དྷི་ནོ;
ཝི་དྡེ་སཱི ཙ དི་སོ དི་ཊྛོ,ཐཱ ནུ་རོ་དྷོ ནུ་ཝ་ཏྟ་ནཾ.
༣༤༦. མི་ཏྟོ ནི་ཏྠཱི ཝ་ཡ་སྶོ ཙ, ས་ཧཱ་ཡོ [སུ་ཧ་ཛྫོ (ཊཱི.)] སུ་ཧ་དོ ས་ཁཱ;
ས་མྦྷ་ཏྟོ ད་ལ༹ྷ་མི་ཏྟོ ཐ, ས་ནྡི་ཊྛོ དི་ཊྛ་མ་ཏྟ་ཀོ.
༣༤༧. ཙ་རོ ཙ གུ་ལ༹ྷ་པུ་རི་སོ, པ་ཐཱ་ཝཱི པ་ཐི་ཀོ’དྡྷ་གཱུ;
དཱུ་ཏོ ཏུ ས་ནྡེ་ས་ཧ་རོ, ག་ཎ་ཀོ ཏུ མུ་ཧུ་ཏྟི་ཀོ.
༣༤༨. ལེ་ཁ་ཀོ ལི་པི་ཀཱ་རོ ཙ, ཝ་ཎྞོ ཏུ ཨ་ཀྑ་རོ པྱ་ཐ;
བྷེ་དོ ད་ཎྜོ སཱ་མ དཱ་ནཱ, ནྱུ་པཱ་ཡཱ ཙ་ཏུ་རོ ཨི་མེ.
༣༤༩. ཨུ་པ་ཛཱ་པོ་ཏུ བྷེ་དོ ཙ, ད་ཎྜོ ཏུ སཱ་ཧ་སཾ ད་མོ;
༣༥༠. སཱ་མྱ’ མ་ཙྩོ ས་ཁཱ ཀོ་སོ, དུ་གྒ་ཉྩ ཝི་ཛི་ཏཾ བ་ལཾ;
ར་ཛྫ་ངྒཱ་ནཱིཏི ས་ཏྟེ་ཏེ, སི་ཡུཾ པ་ཀ་ཏི་ཡོ པི་ཙ.
༣༥༡. པ་བྷཱ་ཝུ’སྶཱ་ཧ, མ་ནྟཱ་ནཾ, ཝ་སཱ ཏི་སྶོ ཧི ས་ཏྟི་ཡོ;
པ་བྷཱ་ཝོ ད་ཎྜ་ཛོ ཏེ་ཛོ,
པ་ཏཱ་པོ ཏུ ཙ ཀོ་ས་ཛོ.
༣༥༢. མ་ནྟོ ཙ མ་ནྟ་ནཾ སོ ཏུ, ཙ་ཏུ་ཀྐ་ཎྞོ དྭི་གོ་ཙ་རོ;
ཏི་གོ་ཙ་རོ ཏུ ཚ་ཀྐ་ཎྞོ, ར་ཧ་སྶཾ གུ་ཡ྄ཧ མུ་ཙྩ་ཏེ.
༣༥༣. ཏཱི་སུ ཝི་ཝི་ཏྟ ཝི་ཛ་ན, ཚ་ནྣཱ, ར་ཧོ ར་ཧོ བྱ་ཡཾ;
ཝི་སྶཱ་སོ ཏུ ཙ ཝི་སྶ་མྦྷོ,
ཡུ་ཏྟཾ ཏྭོ’པཱ་ཡི་ཀཾ ཏི་སུ.
༣༥༤. ཨོ་ཝཱ་དོ ཙཱ་ནུ་སི་ཊྛི་ཏྠཱི, པུ་མ་ཝ་ཛྫེ ནུ་སཱ་ས་ནཾ;
ཨཱ་ཎཱ ཙ སཱ་ས་ནཾ ཉེ་ཡྻཾ, ཨུ་དྡཱ་ནཾ ཏུ ཙ བ་ནྡྷ་ནཾ.
༣༥༥. ཨཱ་གུ ཝུ་ཏྟ [མ་ནྟུ (ཀ.)] མ་པ་རཱ་དྷོ, ཀ་རོ ཏུ བ་ལི མུ་ཙྩ་ཏེ;
པུ་ཎྞ་པ་ཏྟོ ཏུ་ཊྛི་དཱ་ཡོ, ཨུ་པ་དཱ ཏུ ཙ པཱ་བྷ་ཏཾ.
༣༥༦. ཏ་ཐོ’པཱ་ཡ་ན མུ་ཀྐོ་ཙོ, པ་ཎྞཱ་ཀཱ་རོ པ་ཧེ་ཎ་ཀཾ;
སུ་ངྐཾ ཏྭ་ནི་ཏྠཱི གུ་མྦཱ་དི, དེ་ཡྻེ ཐཱ’ཡོ དྷ་ནཱ་ག་མོ.
༣༥༧. ཨཱ་ཏ་པ་ཏྟཾ ཏ་ཐཱ ཚ་ཏྟཾ, ར་ཉྙཾ ཏུ ཧེ་མ་མཱ་ས་ནཾ;
སཱི་ཧཱ་ས་ནཾ ཨ་ཐོ ཝཱ་ལ༹, བཱི་ཛ་ནཱི་ཏྠཱི ཙ ཙཱ་མ་རཾ.
༣༥༨. ཁ་གྒོ ཙ ཚ་ཏྟ མུ་ཎྷཱི་སཾ, པཱ་དུ་ཀཱ ཝཱ་ལ་བཱི་ཛ་ནཱི;
ཨི་མེ ཀ་ཀུ་དྷ་བྷ་ཎྜཱ་ནི, བྷ་ཝ་ནྟི པ་ཉྩ རཱ་ཛུ་ནཾ.
༣༥༩. བྷ་དྡ་ཀུ་མྦྷོ པུ་ཎྞ་ཀུ་མྦྷོ, བྷི་ངྐཱ་རོ ཛ་ལ་དཱ་ཡ་ཀོ;
ཧ་ཏྠི,སྶ,ར་ཐ,པ་ཏྟཱི ཏུ, སེ་ནཱ ཧི ཙ་ཏུ་ར་ངྒི་ནཱི.
༣༦༠. ཀུ་ཉྫ་རོ ཝཱ་ར་ཎོ ཧ་ཏྠཱི, མཱ་ཏ་ངྒོ དྭི་ར་དོ ག་ཛོ;
ནཱ་གོ དྭི་པོ ཨི་བྷོ ད་ནྟཱི,
ཡཱུ་ཐ་ཛེ་ཊྛོ ཏུ ཡཱུ་ཐ་པོ.
༣༦༡. ཀཱ་ལཱ༹་ཝ་ཀ ག་ངྒེ་ཡྻཱ, པ་ཎྜ་ར ཏ་མྦཱ ཙ པི་ངྒ་ལོ ག་ནྡྷོ;
མ་ངྒ་ལ ཧེ་མོ’པོ་ས་ཐ,
ཚ་དྡ་ནྟཱ ག་ཛ་ཀུ་ལཱ་ནི ཨེ་ཏཱ་ནི.
༣༦༢. ཀ་ལ་བྷོ ཙེ་ཝ བྷི་ངྐོ་ཐ, པ་བྷི་ནྣོ མ་ཏྟ ག་ཛྫི་ཏཱ;
ཧ་ཏྠི་གྷ་ཊཱ ཏུ ག་ཛ་ཏཱ, ཧ་ཏྠཱི་ནཱི ཏུ ཀ་རེ་ཎུ་ཀཱ.
༣༦༣. ཀུ་མྦྷོ ཧ་ཏྠི་སི་རོ་པི་ཎྜཱ, ཀ་ཎྞ་མཱུ་ལཾ ཏུ ཙཱུ་ལི་ཀཱ;
ཨཱ་ས་ནཾ ཁ་ནྡྷ་དེ་ས་མྷི, པུ་ཙྪ་མཱུ་ལཾ ཏུ མེ་ཙ་ཀོ.
༣༦༤. ཨཱ་ལཱ་ན མཱ་ལ༹ྷ་ཀོ ཐ་མྦྷོ, ནི་ཏྠཱི་ཏུ ནི་ག་ལོ༹’ནྡུ་ཀོ;
ས་ངྑ་ལཾ ཏཱི་སྭ་ཐོ ག་ཎྜོ,
ཀ་ཊོ དཱ་ནཾ ཏུ སོ མ་དོ.
༣༦༥. སོ་ཎྜོ ཏུ དྭཱི་སུ ཧ་ཏྠོ ཐ,
ཀ་ར་གྒཾ པོ་ཀྑ་རཾ བྷ་ཝེ;
མ་ཛ྄ཛྷ་མྷི བ་ནྡྷ་ནཾ ཀ་ཙྪཱ, ཀ་པྤ་ནོ ཏུ ཀུ་ཐཱ་ད་ཡོ.
༣༦༦. ཨོ་པ་ཝ་ཡ྄ཧོ རཱ་ཛ་ཝ་ཡ྄ཧོ, ས་ཛྫི་ཏོ ཏུ ཙ ཀ་པྤི་ཏོ;
ཏོ་མ་རོ ནི་ཏྠི་ཡཾ པཱ་དེ, སི་ཡཱ ཝི་ཛ྄ཛྷ་ན་ཀ་ཎྚ་ཀོ.
༣༦༧. ཏུ་ཏྟཾ ཏུ ཀ་ཎྞ་མཱུ་ལ་མྷི, མ་ཏྠ་ཀ་མྷི ཏུ ཨ་ངྐུ་སོ;
ཧ་ཏྠཱ་རོ་ཧོ ཧ་ཏྠི་མེ་ཎྜོ,
ཧ་ཏྠི་པོ ཧ་ཏྠི་གོ་པ་ཀོ.
༣༦༨. གཱ་མ་ཎཱི་ཡོ ཏུ མཱ་ཏ་ངྒ, ཧ་ཡཱ་དྱཱ་ཙ་རི་ཡོ བྷ་ཝེ;
ཧ་ཡོ ཏུ་ར་ངྒོ ཏུ་ར་གོ,
ཝཱ་ཧོ ཨ་སྶོ ཙ སི་ནྡྷ་ཝོ.
༣༦༩. བྷེ་དོ ཨ་སྶ་ཏ་རོ ཏ་སྶཱ,
ཛཱ་ནི་ཡོ ཏུ ཀུ་ལཱི་ན་ཀོ;
སུ་ཁ་ཝཱ་ཧཱི ཝི་ནཱི་ཏོ ཐ,
ཀི་སོ་རོ ཧ་ཡ་པོ་ཏ་ཀོ.
༣༧༠. གྷོ་ཊ་ཀོ ཏུ ཁ་ལུ༹་ངྐོ ཐ, ཛ་ཝ་ནོ ཙ ཛ་ཝཱ་དྷི་ཀོ;
མུ་ཁཱ་དྷཱ་ནཾ ཁ་ལཱི་ནོ ཝཱ, ཀ་སཱ ཏྭ སྶཱ་བྷི་ཏཱ་ལི༹་ནཱི.
༣༧༡. ཀུ་སཱ ཏུ ནཱ་ས་ར་ཛྫུ་མྷི, ཝ་ལ༹་ཝཱ’སྶཱ ཁུ་རོ ས་ཕཾ;
པུ་ཙྪ མ་ནི་ཏྠཱི ན་ངྒུ་ཊྛཾ, ཝཱ་ལ་ཧ་ཏྠོ ཙ ཝཱ་ལ་དྷི.
༣༧༢. ས་ནྡ་ནོ ཙ ར་ཐོ ཕུ་སྶ, ར་ཐོ ཏུ ན་ར་ཎཱ་ཡ སོ;
ཙ་མྨཱ་ཝུ་ཏོ ཙ ཝེ་ཡ་གྒྷོ,
དེ་པྤོ བྱ་གྒྷ་སྶ དཱི་པི་ནོ.
༣༧༣. སི་ཝི་ཀཱ ཡཱ་པྱ་ཡཱ་ན་ཉྩཱ, ནི་ཏྠཱི ཏུ ས་ཀ་ཊོ པྱ’ནཾ [(ས་ཀ་ཊོ པི+ཨ་ནཾ)];
ཙ་ཀྐཾ ར་ཐ་ངྒ མཱ་ཁྱཱ་ཏཾ, ཏ་སྶ་ནྟོ ནེ་མི ནཱ་རི་ཡཾ.
༣༧༤. ཏ་མྨ་ཛ྄ཛྷེ པི་ཎྜི་ཀཱ ནཱ་བྷི, ཀུ་བྦ་རོ ཏུ ཡུ་ག་ནྡྷ་རོ;
ཨ་ཀྑ་གྒ་ཀཱི་ལེ ཨཱ་ཎཱིཏྠཱི, ཝ་རུ་ཐོ ར་ཐ་གུ་ཏྱ’ཐ.
༣༧༥. དྷུ་རོ མུ་ཁེ ར་ཐ་སྶ་ངྒཱ, ཏྭ ཀྑོ པ་ཀྑ་ར་ཨཱ་ད་ཡོ;
ཡཱ་ན་ཉྩ ཝཱ་ཧ་ནཾ ཡོ་གྒཾ, ས་བྦ་ཧ་ཏྠྱཱ་དི་ཝཱ་ཧ་ནེ.
༣༧༦. ར་ཐ་ཙཱ་རཱི ཏུ སཱུ་ཏོ ཙ, པཱ་ཛི་ཏཱ ཙེ་ཝ སཱ་ར་ཐཱི;
ར་ཐཱ་རོ་ཧོ ཙ ར་ཐི་ཀོ,
ར་ཐཱི ཡོ་དྷོ ཏུ ཡོ བྷ་ཊོ.
༣༧༧. པ་དཱ་ཏི པ་ཏྟཱི ཏུ པུ་མེ, པ་ད་གོ པ་དི་ཀོ མ་ཏོ;
ས་ནྣཱ་ཧོ ཀ་ངྐ་ཊོ ཝ་མྨཾ, ཀ་ཝ་ཙོ ཝཱ ཨུ་ར་ཙྪ་དོ.
༣༧༨. ཛཱ་ལི་ཀཱ ཐ ཙ ས་ནྣ་དྡྷོ, ས་ཛྫོ ཙ ཝ་མྨི་ཀོ བྷ་ཝེ;
ཨཱ་མུ་ཀྐོ པ་ཊི་མུ་ཀྐོ ཐ, པུ་རེ་ཙཱ་རཱི པུ་རེ་ཙ་རོ.
༣༧༩. པུ་བྦ་ངྒ་མོ པུ་རེ་གཱ་མཱི, མ་ནྡ་གཱ་མཱི ཏུ མ་ནྠ་རོ;
ཛ་ཝ་ནོ ཏུ་རི་ཏོ ཝེ་གཱི, ཛེ་ཏ་བྦཾ ཛེ་ཡྻ མུ་ཙྩ་ཏེ.
༣༨༠. སཱུ་ར ཝཱི་རཱ ཏུ ཝི་ཀྐ་ནྟོ, ས་ཧཱ་ཡོ ནུ་ཙ་རོ ས་མཱ;
ས་ནྣ་དྡྷ་པྤ་བྷུ་ཏཱི ཏཱི་སུ, པཱ་ཐེ་ཡྻཾ ཏུ ཙ ས་མྦ་ལཾ.
༣༨༡. ཝཱ་ཧི་ནཱི དྷ་ཛི་ནཱི སེ་ནཱ, ཙ་མཱུ ཙ་ཀྐཾ བ་ལཾ ཏ་ཐཱ;
ཨ་ནཱི་ཀོ ཝཱ ཐ ཝི་ནྱཱ་སོ,
བྱཱུ་ཧོ སེ་ནཱ་ཡ ཀ་ཐྱ་ཏེ.
༣༨༢. ཧ་ཏྠཱི དྭཱ་ད་ས་པོ་སོ,ཏི,
པུ་རི་སོ ཏུ་ར་གོ, ར་ཐོ;
ཙ་ཏུ་པོ་སོ་ཏི ཨེ་ཏེ་ན, ལ་ཀྑ་ཎེ་ནཱ དྷ་མ་ནྟ་ཏོ.
༣༨༣. ཧ་ཏྠཱ་ནཱི་ཀཾ ཧ་ཡཱ་ནཱི་ཀཾ, ར་ཐཱ་ནཱི་ཀཾ ཏ་ཡོ ཏ་ཡོ;
ག་ཛཱ་ད་ཡོ ས་ས་ཏྠཱ ཏུ, པ་ཏྟཱ་ནཱི་ཀཾ ཙ་ཏུ་ཛྫ་ནཱ.
༣༨༤. ས་ཊྛི་ཝཾ་ས་ཀ་ལཱ་པེ་སུ, པ་ཙྩེ་ཀཾ ས་ཊྛི་ད་ཎྜི་སུ;
དྷཱུ་ལཱི་ཀ་ཏེ་སུ སེ་ནཱ་ཡ, ཡ་ནྟི་ཡཱ ཀྑོ་བྷ་ནཱི [ཨ་ཀྑོ་བྷི་ཎཱི (ཀ.)] ཏྠི་ཡཾ.
༣༨༥. ས་མྤ་ཏྟི ས་མྤ་དཱ ལ་ཀྑཱི, སི་རཱི ཝི་པ་ཏྟི ཨཱ་པ་དཱ;
ཨ་ཐཱ ཝུ་དྷ་ཉྩ [ཨཱ་ཡུ་དྷ་ནྟི་པི པཱ་ཋོ] ཧེ་ཏི’ཏྠཱི, ས་ཏྠཾ པ་ཧ་ར་ཎཾ བྷ་ཝེ.
༣༨༦. མུ་ཏྟཱ་མུ་ཏྟ མ་མུ་ཏྟ་ཉྩ, པཱ་ཎི་ཏོ མུ་ཏྟ་མེ་ཝ ཙ;
ཡ་ནྟ་མུ་ཏྟ་ནྟི ས་ཀ་ལཾ, ཨཱ་ཡུ་དྷཾ ཏཾ ཙ་ཏུ་བྦི་དྷཾ.
༣༨༧. མུ་ཏྟཱ་མུ་ཏྟཉྩ ཡ་ཊྛྱཱ་དི, ཨ་མུ་ཏྟཾ ཚུ་རི་ཀཱ་དི་ཀཾ;
པཱ་ཎི་མུ་ཏྟཾ ཏུ ས་ཏྱཱ་དི, ཡ་ནྟ་མུ་ཏྟཾ ས་རཱ་དི་ཀཾ.
༣༨༨. ཨི་སྶཱ་སོ དྷ་ནུ ཀོ་ད་ཎྜཾ, ཙཱ་པོ ནི་ཏྠཱི ས་རཱ་ས་ནཾ;
ཨ་ཐོ གུ་ཎོ ཛི་ཡཱ ཛྱཱ ཐ,
ས་རོ པ་ཏྟི ཙ སཱ་ཡ་ཀོ.
༣༨༩. ཝཱ་ཎོ ཀ་ཎྜ མུ་སུ དྭཱི་སུ, ཁུ་ར་པྤོ [ཨུ་ར་པྤོ (ཀ.)] ཏེ་ཛ་ནཱ’ས་ནཾ;
ཏཱུ་ཎཱི་ཏྠི་ཡཾ ཀ་ལཱ་པོ ཙ, ཏཱུ་ཎོ ཏཱུ་ཎཱི་ར ཝཱ་ཎ་དྷི.
༣༩༠. པ་ཀྑོ ཏུ ཝཱ་ཛོ དི་དྡྷོ ཏུ, ཝི་ས་པྤི་ཏོ ས་རོ བྷ་ཝེ;
ལ་ཀྑཾ ཝེ་ཛ྄ཛྷཾ ས་ར་བྱ་ཉྩ, ས་རཱ་བྷྱཱ་སོ ཏུ’པཱ་ས་ནཾ.
༣༩༡. མ་ཎྜ་ལ་གྒོ ཏུ ནེ་ཏྟིཾ་སོ, ཨ་སི ཁ་གྒོ ཙ སཱ་ཡ་ཀོ;
ཀོ་སིཏྠཱི ཏ་བྦི་དྷཱ་ནེ ཐོ, ཐ་རུ ཁ་གྒཱ་དི་མུ་ཊྛི་ཡཾ.
༣༩༢. ཁེ་ཊ་ཀཾ ཕ་ལ་ཀཾ ཙ་མྨཾ, ཨི་ལླཱི ཏུ ཀ་ར་པཱ་ལི་ཀཱ;
ཚུ་རི་ཀཱ ས་ཏྱ’སི་པུ་ཏྟཱི, ལ་གུ་ལོ༹ ཏུ ཙ མུ་གྒ་རོ.
༣༩༣. ས་ལློ ནི་ཏྠི ས་ངྐུ པུ་མེ, ཝཱ་སཱི ཏུ ཏ་ཙྪ་ནཱི་ཏྠི་ཡཾ;
ཀུ་ཋཱ་རཱི [ཀུ་དྷཱ་རཱི (ཊཱི.)] ཏྠཱི་ཕ་ར་སུ་སོ, ཊ་ངྐོ པཱ་སཱ་ཎ་དཱ་ར་ཎོ.
༣༩༤. ཀ་ཎ་ཡོ བྷི་ནྡི་ཝཱ་ལོ༹ ཙ, ཙ་ཀྐཾ ཀུ་ནྟོ ག་དཱ ཏ་ཐཱ;
ས་ཏྱཱ’དཱི ས་ཏྠ་བྷེ་དཱ ཐ,
ཀོ་ཎོ’སྶོ ཀོ་ཊི ནཱ་རི་ཡཾ.
༣༩༥. ནི་ཡྻཱ་ནཾ ག་མ་ནཾ ཡཱ་ཏྲཱ, པ་ཊྛཱ་ན་ཉྩ ག་མོ ག་ཏི;
ཙུ་ཎྞོ པཾ་སུ ར་ཛོ ཙེ་ཝ, དྷཱུ་ལཱི’ཏྠཱི རེ་ཎུ ཙ དྭི་སུ.
༣༩༦. མཱ་ག་དྷོ མ་དྷུ་ཀོ ཝུ་ཏྟོ, ཝ་ནྡཱི ཏུ ཐུ་ཏི་པཱ་ཋ་ཀོ;
ཝེ་ཏཱ་ལི༹་ཀོ བོ་དྷ་ཀ་རོ,
ཙ་ཀྐི་ཀོ ཏུ ཙ གྷ་ཎྚི་ཀོ.