༢. པུ་ར་ཝ་གྒ
༡༩༨. པུ་རཾ ན་ག་ར མི་ཏྠཱི ཝཱ, ཋཱ་ནཱི་ཡཾ པུ་ཊ་བྷེ་ད་ནཾ;
ཐི་ཡཾ ཏུ རཱ་ཛ་དྷཱ་ནཱི [རཱ་ཛ་ཋཱ་ནཱི (ཊཱི.)] ཙ, ཁ་ནྡྷཱ་ཝཱ་རོ བྷ་ཝེ ཐ ཙ.
༡༩༩. སཱ་ཁཱ་ན་ག་ར མ་ཉྙ་ཏྲ, ཡཾ ཏཾ མཱུ་ལ་པུ་རཱ པུ་རཾ;
བཱ་རཱ་ཎ་སཱི ཙ སཱ་ཝ་ཏྠི, ཝེ་སཱ་ལཱི མི་ཐི་ལཱ, ལ༹་ཝཱི.
༢༠༠. ཀོ་ས་མྦུ, ཛྫེ་ནི་ཡོ ཏ་ཀྐ, སི་ལཱ ཙ་མྤཱ ཙ སཱ་ག་ལཾ;
སུ་སུ་མཱ་ར་གི་རཾ [སཾ་སུ་མཱ་ར (ཊཱི་ཀཱ)] རཱ་ཛ, ག་ཧཾ ཀ་པི་ལ་ཝ་ཏྠུ ཙ.
༢༠༡. སཱ་ཀེ་ཏ, མི་ནྡ་པ་ཏྠ་ཉྩོ, ཀྐ་ཊྛཱ པཱ་ཊ་ལི་པུ་ཏྟ་ཀཾ;
ཛེ་ཏུ་ཏྟ་ར་ཉྩ ས་ངྐ་སྶཾ, ཀུ་སི་ནཱ་རཱ་ད་ཡོ པུ་རཱི.
༢༠༢. ར་ཙྪཱ ཙ ཝི་སི་ཁཱ ཝུ་ཏྟཱ, ར་ཐི་ཀཱ ཝཱི་ཐི ཙཱ་པྱ་ཐ;
བྱཱུ་ཧོ ར་ཙྪཱ ཨ་ནི་བྦི་དྡྷཱ, ནི་བྦི་དྡྷཱ ཏུ པ་ཐ་དྡྷི ཙ.
༢༠༣. ཙ་ཏུ་ཀྐཾ ཙ་ཙྩ་རེ མ་གྒ, ས་ནྡྷི སི་ངྒྷཱ་ཊ་ཀཾ བྷ་ཝེ;
པཱ་ཀཱ་རོ ཝ་ར་ཎོ ཙཱ་ཐ, ཨུ་དཱ་པོ [ཨུ་དྡཱ་པ, ཨུ་དྡཱ་པ] ཨུ་པ་ཀཱ་རི་ཀཱ.
༢༠༤. ཀུ་ཊྚཾ ཏུ བྷི་ཏྟི ནཱ་རཱི ཐ, གོ་པུ་རཾ དྭཱ་ར་ཀོ་ཊྛ་ཀོ;
ཨེ་སི་ཀཱ ཨི་ནྡ་ཁཱི་ལོ ཙ, ཨ་ཊྚོ ཏྭ་ཊྚཱ་ལ་ཀོ བྷ་ཝེ.
༢༠༥. ཏོ་ར་ཎཾ ཏུ བ་ཧི་དྭཱ་རཾ, པ་རི་ཁཱ་ཏུ ཙ དཱི་གྷི་ཀཱ;
མ་ནྡི་རཾ ས་ད་ནཱ, གཱ་རཾ, ནི་ཀཱ་ཡོ ནི་ལ་ཡཱ, ལ་ཡོ.
༢༠༦. ཨཱ་ཝཱ་སོ བྷ་ཝ་ནཾ ཝེ་སྨཾ, ནི་ཀེ་ཏ་ནཾ ནི་ཝེ་ས་ནཾ;
གྷ་རཾ ག་ཧ་ཉྩཱ, ཝ་ས་ཐོ, ས་ར་ཎ་ཉྩ པ་ཏི་སྶ་ཡོ.
༢༠༧. ཨོ་ཀཾ སཱ་ལཱ ཁ་ཡོ ཝཱ་སོ, ཐི་ཡཾ ཀུ་ཊི ཝ་ས་ཏྱ’པི;
གེ་ཧ་ཉྩཱ, ནི་ཏྠི ས་དུ་མཾ, ཙེ་ཏི་ཡཱ, ཡ་ཏ་ནཱ་ནི ཏུ.
༢༠༨. པཱ་སཱ་དོ ཙེ་ཝ ཡཱུ་པོ ཐ, མུ་ཎྜ་ཙྪ་དོ ཙ ཧ་མྨི་ཡཾ;
ཡཱུ་པོ་ཏུ ག་ཛ་ཀུ་མྦྷ་མྷི, ཧ་ཏྠི་ན་ཁོ པ་ཏི་ཊྛི་ཏོ.
༢༠༩. སུ་པ་ཎྞ་ཝ་ངྐ་ཙྪ་ད་ན, མ་ཌྜྷ་ཡོ་གོ སི་ཡཱ ཐ ཙ;
ཨེ་ཀ་ཀཱུ་ཊ་ཡུ་ཏོ མཱ་ལོ༹,
པཱ་སཱ་དོ ཙ་ཏུ་ར་སྶ་ཀོ.
༢༡༠. ས་བྷཱ་ཡ་ཉྩ ས་བྷཱ ཙཱ་ཐ, མ་ཎྜ་པཾ ཝཱ ཛ་ནཱ་ལ་ཡོ;
ཨ་ཐོ ཨཱ་ས་ན་སཱ་ལཱ་ཡཾ, པ་ཊི་ཀྐ་མ་ན མཱི་རི་ཏཾ.
༢༡༡. ཛི་ན་སྶ ཝཱ་ས་བྷ་ཝ་ན, མི་ཏྠཱི ག་ནྡྷ་ཀུ་ཊི པྱ་ཐ;
ཐི་ཡཾ ར་ས་ཝ་ཏཱི པཱ་ཀ, ཊྛཱ་ན་ཉྩེ་ཝ མ་ཧཱ་ན་སཾ.
༢༡༢. ཨཱ་ཝེ་ས་ནཾ སི་པྤ་སཱ་ལཱ, སོ་ཎྜཱ ཏུ པཱ་ན་མ་ནྡི་རཾ;
ཝ་ཙྩ་ཊྛཱ་ནཾ ཝ་ཙྩ་ཀུ་ཊི, མུ་ནཱི་ནཾ ཋཱ་ན མ་སྶ་མོ.
༢༡༣. པ་ཎྱ་ཝི་ཀྐ་ཡ་སཱ་ལཱ ཀུ, ཨཱ་པ་ཎོ པ་ཎྱ་ཝཱི་ཐི་ཀཱ;
ཨུ་དོ་སི་ཏོ བྷ་ཎྜ་སཱ་ལཱ, ཙ་ངྐ་མ་ནཾ ཏུ ཙ་ངྐ་མོ.
༢༡༤. ཛ་ནྟཱ་གྷ་རཾ ཏྭ་གྒི་སཱ་ལཱ, པ་པཱ པཱ་ནཱི་ཡ་སཱ་ལི་ཀཱ;
ག་བྦྷོ ཨོ་ཝ་ར་ཀོ ཝཱ་སཱ, གཱ་རཾ ཏུ ས་ཡ་ནི་གྒ་ཧཾ.
༢༡༥. ཨི་ཏྠཱ་གཱ་རཾ ཏུ ཨོ་རོ་དྷོ, སུ་དྡྷ་ནྟོ’ ནྟེ་པུ་ར་མྤི ཙ;
ཨ་ས་བྦ་ཝི་ས་ཡ་ཊྛཱ་ནཾ, ར་ཉྙཾ ཀ་ཙྪ་ནྟ་རཾ མ་ཏཾ.
༢༡༦. སོ་པཱ་ནོ ཝཱ’རོ་ཧ་ཎ་ཉྩ,
ནི་སྶེ་ཎཱི སཱ, དྷི་རོ་ཧི་ཎཱི;
ཝཱ་ཏ་པཱ་ནཾ ག་ཝ་ཀྑོ ཙ, ཛཱ་ལ་ཉྩ སཱི་ཧ་པ་ཉྫ་རཾ.
༢༡༧. ཨཱ་ལོ་ཀ་ས་ནྡྷི ཝུ་ཏྟོ ཐ, ལ་ངྒཱི’ཏྠཱི པ་ལི་གྷོ བྷ་ཝེ;
ཀ་པི་སཱི་སོ, གྒ་ལ་ཏྠ་མྦྷོ, ནི་བྦཾ ཏུ ཚ་དྡ་ཀོ་ཊི་ཡཾ.
༢༡༨. ཚ་ད་ནཾ པ་ཊ་ལཾ ཚ་དྡ, མ་ཛི་རཾ ཙ་ཙྩ་རོ, ངྒ་ཎཾ;
པ་གྷཱ་ནོ པ་གྷ་ནཱ, ལི་ནྡོ, པ་མུ་ཁཾ དྭཱ་ར་བ་ནྡྷ་ནཾ.
༢༡༩. པི་ཊྛ་ས་ངྒྷཱ་ཊ་ཀཾ དྭཱ་ར, བཱ་ཧཱ ཀཱུ་ཊཾ ཏུ ཀ་ཎྞི་ཀཱ;
དྭཱ་ར་ཉྩ པ་ཊི་ཧཱ་རོ ཐ, ཨུ་མྨཱ་རོ དེ་ཧ་ནཱི, ཏྠི་ཡཾ.
༢༢༠. ཨེ་ལ༹་ཀོ ཨི་ནྡ་ཁཱི་ལོ ཐ, ཐ་མྦྷོ ཐཱུ་ཎོ པུ་མི་ཏྠི་ཡཾ;
པཱ་ཊི་ཀཱ, ཌྜྷེ་ནྡུ་པཱ་སཱ་ཎེ, གི་ཉྫ་ཀཱ ཏུ ཙ ཨི་ཊྛ་ཀཱ.
༢༢༡. ཝ་ལ་བྷི་ཙྪཱ་དི་དཱ་རུ་མྷི, ཝ་ངྐེ གོ་པཱ་ན་སཱི, ཏྠི་ཡཾ;
ཀ་པོ་ཏ་པཱ་ལི་ཀཱ་ཡཾ ཏུ, ཝི་ཊ་ངྐོ ནི་ཏྠི་ཡཾ བྷ་ཝེ.
༢༢༢. ཀུ་ཉྩི་ཀཱ་ཝི་ཝ་རཾ ཏཱ་ལ༹, ཙྪི་གྒ་ལོ པྱ་ཐ ཀུ་ཉྩི་ཀཱ;
ཏཱ་ལོ༹’ཝཱ་པུ་ར་ཎཾ ཙཱ་ཐ, ཝེ་དི་ཀཱ ཝེ་དི ཀ་ཐྱ་ཏེ.
༢༢༣. ས་ངྒྷཱ་ཏོ པ་ཀྑ་པཱ་སོ ཙ, མ་ནྡི་ར་ངྒཱ ཏུ་ལཱ ཨ་པི;
ཐི་ཡཾ ས་མྨུ་ཛྫ་ནཱི ཙེ་ཝ, ས་མྨ་ཛྫ་ནཱི ཙ སོ་དྷ་ནཱི.
༢༢༤. ས་ངྐ་ཊཱི་རཾ ཏུ ས་ངྐཱ་ར, ཊྛཱ་ནཾ ས་ངྐཱ་ར་ཀཱུ་ཊ་ཀཾ;
ཨ་ཐོ ཀ་ཙ་ཝ་རོ, ཀླཱ་པོ, ས་ངྐཱ་རོ ཙ ཀ་ས་མྦུ་པི.
༢༢༥. གྷ་རཱ་དི་བྷཱུ་མི ཏཾ ཝ་ཏྠུ, གཱ་མོ སཾ་ཝ་ས་ཐོ ཐ སོ;
པཱ་ཀ་ཊོ ནི་ག་མོ བྷོ་ག, མ་ཙྩཱ་དི་བྷྱོ དྷི ཏཱུ་དི་ཏོ [‘ཨ་དྷི་བྷཱུ’ཏི ཨཱི་རི་ཏོ ཀ་ཐི་ཏོ (ཊཱི.)].
༢༢༦. སཱི་མཱ ཙ མ་རི་ཡཱ་དཱ ཐ,
གྷོ་སོ གོ་པཱ་ལ་གཱ་མ་ཀོ་ཏི.
པུ་ར་ཝ་གྒོ ནི་ཊྛི་ཏོ.