༡. བྷཱུ་མི་ཝ་གྒ
༡༨༠. ཝ་གྒཱ བྷཱུ་མི, པུ་རཱི, མ་ཙྩ, ཙ་ཏུ་བྦ་ཎྞ, ཝ་ནཱ་དི་ཧི;
པཱ་ཏཱ་ལེ་ན ཙ ཝུ་ཙྩ་ནྟེ, ས་ངྒོ’པ་ངྒེ་ཧི’དྷ’ཀྐ་མཱ.
༡༨༡. ཝ་སུ་ནྡྷ་རཱ ཚ་མཱ བྷཱུ་མི, པ་ཐ་ཝཱི མེ་ད་ནཱི མ་ཧཱི;
ཨུ་བྦཱི ཝ་སུ་མ་ཏཱི གོ ཀུ, ཝ་སུ་དྷཱ དྷ་ར་ཎཱི དྷ་རཱ;
པུ་ཐ་ཝཱི ཛ་ག་ཏཱི བྷཱུ་རཱི, བྷཱུ ཙ བྷཱུ་ཏ་དྷ་རཱ’ ཝ་ནཱི.
༡༨༢. ཁཱ་རཱ ཏུ མ་ཏྟི་ཀཱ ཨཱུ་སོ, ཨཱུ་ས་ཝཱ ཏཱུ་ས་རོ ཏི་སུ;
ཐ་ལཾ ཐ་ལཱི་ཏྠཱི བྷཱུ་བྷཱ་གེ, ཐ་དྡྷ་ལཱུ་ཁ་མྷི ཛ་ངྒ་ལོ.
༡༨༣. པུ་བྦ་ཝི་དེ་ཧོ ཙཱ་པ་ར, གོ་ཡཱ་ནཾ ཛ་མྦུ་དཱི་པོ ཙ;
ཨུ་ཏྟ་ར་ཀུ་རུ ཙེ་ཏི སི་ཡུཾ, ཙ་ཏྟཱ་རོ་མེ མ་ཧཱ་དཱི་པཱ.
༡༨༤. པུ་མྦ་ཧུ་ཏྟེ ཀུ་རཱུ ས་ཀྐཱ, ཀོ་ས་ལཱ མ་ག་དྷཱ སི་ཝཱི;
ཀ་ལི་ངྒཱ’ཝ་ནྟི པ་ཉྩཱ་ལཱ, ཝ་ཛྫཱི ག་ནྡྷཱ་ར ཙེ་ཏ་ཡོ.
༡༨༥. ཝ་ངྒཱ ཝི་དེ་ཧཱ ཀ་མྦོ་ཛཱ, མ་དྡཱ བྷ་གྒ’ངྒ སཱི་ཧ་ལཱ༹;
ཀ་སྨཱི་རཱ ཀཱ་སི པ་ཎྜ་ཝཱ་དཱི, སི་ཡུཾ ཛ་ན་པ་ད་ནྟ་རཱ.
༡༨༦. ལོ་ཀོ ཙ བྷུ་ཝ་ནཾ ཝུ་ཏྟཾ, དེ་སོ ཏུ ཝི་ས་ཡོ པྱ་ཐ;
མི་ལ་ཀྑ་དེ་སོ པ་ཙྩ་ནྟོ, མ་ཛ྄ཛྷ་དེ་སོ ཏུ མ་ཛ྄ཛྷི་མོ.
༡༨༧. ཨ་ནཱུ་པོ ས་ལི་ལ་པྤཱ་ཡོ, ཀ་ཙྪཾ པུ་མ ན་པུཾ་ས་ཀེ;
ས་དྡ་ལོ ཧ་རི་ཏེ དེ་སེ, ཏི་ཎེ་ནཱ, བྷི་ན་ཝེ་ན ཧི.
༡༨༨. ན་དྱ་མྦུ་ཛཱི་ཝ་ནོ དེ་སོ, ཝུ་ཊྛི་ནི་པྤ་ཛྫ་ས་སྶ་ཀོ;
ཡོ ན་དཱི་མཱ་ཏི་ཀོ དེ་ཝ,
མཱ་ཏི་ཀོ ཙ ཀ་མེ་ན སོ.
༡༨༩. ཏཱི་སྭ་ནཱུ་པཱ་དྱ་ཐོ ཙ་ནྡ, སཱུ་རཱ་དོ ས་སྶ་ཏཱིརི་ཏོ;
ར་ཊྛཾ ཏུ ཝི་ཛི་ཏ་ཉྩཱ་ཐ, པུ་རི་སེ སེ་ཏུ ཨཱ་ལི་ཡཾ.
༡༩༠. ཨུ་པཱ་ནྟ་བྷཱུ པ་རི་ས་རོ, གོ་ཊྛཾ ཏུ གོ་ཀུ་ལཾ ཝ་ཛོ;
མ་གྒོ པ་ནྠོ པ་ཐོ ཨ་དྡྷཱ, ཨ་ཉྫ་སཾ ཝ་ཊུ་མཾ ཏ་ཐཱ.
༡༩༡. པ་ཛྫོ [པ་ཛྫཱ…. (ཀ.)], ཡ་ན་ཉྩ པ་ད་ཝཱི, ཝ་ཏྟ་ནཱི པ་དྡྷ་ཏི་ཏྠི་ཡཾ;
ཏ་བྦྷེ་དཱ ཛ་ངྒྷ, ས་ཀ་ཊ, མ་གྒཱ ཏེ ཙ མ་ཧ་དྡྷ་ནི.
༡༩༢. ཨེ་ཀ་པ་དྱེཀ་པ་དི་ཀེ, ཀ་ནྟཱ་རོ ཏུ ཙ དུ་གྒ་མེ;
༡༩༣. པ་ཊི་མ་གྒོ པ་ཊི་པ་ཐོ, ཨ་དྡྷཱ་ནཾ དཱི་གྷ མ་ཉྫ་སཾ;
སུ་པྤ་ཐོ ཏུ སུ་པ་ནྠོ ཙ, ཨུ་པྤ་ཐཾ ཏྭ་པ་ཐཾ བྷ་ཝེ.
༡༩༤. ཚ་ཏྟིཾ་ས་པ་ར་མཱ་ཎཱུ་ན, མེ་ཀོ ཎུ ཙ ཚ་ཏྟིཾ་ས ཏེ;
ཏ་ཛྫཱ་རཱི ཏཱ་པི ཚ་ཏྟིཾ་ས, ར་ཐ་རེ་ཎུ ཚ་ཏྟིཾ་ས ཏེ.
༡༩༥. ལི་ཀྑཱཏཱ ས་ཏྟ ཨཱུ་ཀཱ ཏཱ, དྷ་ཉྙ་མཱ་སོཏི ས་ཏྟ ཏེ;
ས་ཏྟ ངྒུ་ལ’ མ་མུ དྭི་ཙྪ, ཝི་ད་ཏྠི ཏཱ དུ་ཝེ སི་ཡུཾ.
༡༩༦. ར་ཏ་ནཾ ཏཱ་ནི ས་ཏྟེ་ཝ, ཡ་ཊྛི ཏཱ ཝཱི་ས་ཏཱུ ས་བྷཾ;
གཱ་ཝུ་ཏ མུ་ས་བྷཱ་སཱི་ཏི, ཡོ་ཛ་ནཾ ཙ་ཏུ་གཱ་ཝུ་ཏཾ.
༡༩༧. དྷ་ནུ་པ་ཉྩ་ས་ཏཾ ཀོ་སོ, ཀ་རཱི་སཾ ཙ་ཏུ་ར་མྦ་ཎཾ;
ཨ་བྦྷ་ནྟ་རཾ ཏུ ཧ་ཏྠཱ་ན, མ་ཊྛ་ཝཱི་ས པ་མཱ་ཎ་ཏོ.
བྷཱུ་མི་ཝ་གྒོ ནི་ཊྛི་ཏོ.