༤. ཨུ་བྷ་ཏོ་བྷཱ་ག་ཝི་མུ་ཏྟ་སུ་ཏྟཾ

༤༥. ‘‘‘ཨུ་བྷ་ཏོ་བྷཱ་ག་ཝི་མུ་ཏྟོ ཨུ་བྷ་ཏོ་བྷཱ་ག་ཝི་མུ་ཏྟོ’ཏི, ཨཱ་ཝུ་སོ, ཝུ་ཙྩ་ཏི. ཀི་ཏྟཱ་ཝ་ཏཱ ནུ ཁོ, ཨཱ་ཝུ་སོ, ཨུ་བྷ་ཏོ་བྷཱ་ག་ཝི་མུ་ཏྟོ ཝུ་ཏྟོ བྷ་ག་ཝ་ཏཱ’’ཏི?

‘‘ཨི་དྷཱ་ཝུ་སོ, བྷི་ཀྑུ ཝི་ཝི་ཙྩེ་ཝ ཀཱ་མེ་ཧི…པེ… པ་ཋ་མཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི. ཡ་ཐཱ ཡ་ཐཱ ཙ ཏ་དཱ་ཡ་ཏ་ནཾ ཏ་ཐཱ ཏ་ཐཱ ནཾ ཀཱ་ཡེ་ན ཕུ་སི་ཏྭཱ ཝི་ཧ་ར་ཏི, པ་ཉྙཱ་ཡ ཙ ནཾ པ་ཛཱ་ནཱ་ཏི. ཨེ་ཏྟཱ་ཝ་ཏཱ་པི ཁོ, ཨཱ་ཝུ་སོ, ཨུ་བྷ་ཏོ་བྷཱ་ག་ཝི་མུ་ཏྟོ ཝུ་ཏྟོ བྷ་ག་ཝ་ཏཱ པ་རི་ཡཱ་ཡེ་ན…པེ….

‘‘པུ་ན ཙ་པ་རཾ, ཨཱ་ཝུ་སོ, བྷི་ཀྑུ ས་བྦ་སོ ནེ་ཝ་ས་ཉྙཱ་ནཱ་ས་ཉྙཱ་ཡ་ཏ་ནཾ ས་མ་ཏི་ཀྐ་མྨ ས་ཉྙཱ་ཝེ་ད་ཡི་ཏ་ནི་རོ་དྷཾ ཨུ་པ་ས་མྤ་ཛྫ ཝི་ཧ་ར་ཏི, པ་ཉྙཱ་ཡ ཙ་སྶ དི་སྭཱ ཨཱ་ས་ཝཱ པ་རི་ཀྑཱི་ཎཱ ཧོ་ནྟི. ཡ་ཐཱ ཡ་ཐཱ ཙ ཏ་དཱ་ཡ་ཏ་ནཾ ཏ་ཐཱ ཏ་ཐཱ ནཾ ཀཱ་ཡེ་ན ཕུ་སི་ཏྭཱ ཝི་ཧ་ར་ཏི, པ་ཉྙཱ་ཡ ཙ ནཾ པ་ཛཱ་ནཱ་ཏི. ཨེ་ཏྟཱ་ཝ་ཏཱ་པི ཁོ, ཨཱ་ཝུ་སོ, ཨུ་བྷ་ཏོ་བྷཱ་ག་ཝི་མུ་ཏྟོ ཝུ་ཏྟོ བྷ་ག་ཝ་ཏཱ ནི་པྤ་རི་ཡཱ་ཡེ་ནཱ’’ཏི. ཙ་ཏུ་ཏྠཾ.