༤. ན་ནྡ་ཀ་སུ་ཏྟཾ

༤. ཨེ་ཀཾ ས་མ་ཡཾ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏེ་ན ཁོ པ་ན ས་མ་ཡེ་ན ཨཱ་ཡ་སྨཱ ན་ནྡ་ཀོ ཨུ་པ་ཊྛཱ་ན་སཱ་ལཱ་ཡཾ བྷི་ཀྑཱུ དྷ་མྨི་ཡཱ ཀ་ཐཱ་ཡ ས་ནྡ་སྶེ་ཏི ས་མཱ་ད་པེ་ཏི ས་མུ་ཏྟེ་ཛེ་ཏི ས་མྤ་ཧཾ་སེ་ཏི. ཨ་ཐ ཁོ བྷ་ག་ཝཱ སཱ་ཡ་ནྷ་ས་མ་ཡཾ པ་ཊི་ས་ལླཱ་ནཱ ཝུ་ཊྛི་ཏོ ཡེ་ནུ་པ་ཊྛཱ་ན་སཱ་ལཱ ཏེ་ནུ་པ་ས་ངྐ་མི; ཨུ་པ་ས་ངྐ་མི་ཏྭཱ བ་ཧི་དྭཱ་ར་ཀོ་ཊྛ་ཀེ ཨ་ཊྛཱ་སི ཀ་ཐཱ་པ་རི་ཡོ་སཱ་ནཾ ཨཱ་ག་མ་ཡ་མཱ་ནོ. ཨ་ཐ ཁོ བྷ་ག་ཝཱ ཀ་ཐཱ་པ་རི་ཡོ་སཱ་ནཾ ཝི་དི་ཏྭཱ ཨུ་ཀྐཱ་སེ་ཏྭཱ ཨ་གྒ་ལ༹ཾ ཨཱ་ཀོ་ཊེ་སི. ཝི་ཝ་རིཾ་སུ ཁོ ཏེ བྷི་ཀྑཱུ བྷ་ག་ཝ་ཏོ དྭཱ་རཾ.

ཨ་ཐ ཁོ བྷ་ག་ཝཱ ཨུ་པ་ཊྛཱ་ན་སཱ་ལཾ པ་ཝི་སི་ཏྭཱ པ་ཉྙ་ཏྟཱ་ས་ནེ ནི་སཱི་དི. ནི་ས་ཛྫ ཁོ བྷ་ག་ཝཱ ཨཱ་ཡ་སྨ་ནྟཾ ན་ནྡ་ཀཾ ཨེ་ཏ་ད་ཝོ་ཙ – ‘‘དཱི་གྷོ ཁོ ཏྱཱ་ཡཾ, ན་ནྡ་ཀ, དྷ་མྨ་པ་རི་ཡཱ་ཡོ བྷི་ཀྑཱུ་ནཾ པ་ཊི་བྷཱ་སི. ཨ་པི མེ པི་ཊྛི ཨཱ་གི་ལཱ་ཡ་ཏི བ་ཧི་དྭཱ་ར་ཀོ་ཊྛ་ཀེ ཋི་ཏ་སྶ ཀ་ཐཱ་པ་རི་ཡོ་སཱ་ནཾ ཨཱ་ག་མ་ཡ་མཱ་ན་སྶཱ’’ཏི.

ཨེ་ཝཾ ཝུ་ཏྟེ ཨཱ་ཡ་སྨཱ ན་ནྡ་ཀོ སཱ་ར་ཛྫ་མཱ་ན་རཱུ་པོ བྷ་ག་ཝ་ནྟཾ ཨེ་ཏ་ད་ཝོ་ཙ – ‘‘ན ཁོ པ་ན མ་ཡཾ, བྷ་ནྟེ, ཛཱ་ནཱ་མ ‘བྷ་ག་ཝཱ བ་ཧི་དྭཱ་ར་ཀོ་ཊྛ་ཀེ ཋི་ཏོ’ཏི. ས་ཙེ ཧི མ་ཡཾ, བྷ་ནྟེ, ཛཱ་ནེ་ཡྻཱ་མ ‘བྷ་ག་ཝཱ བ་ཧི་དྭཱ་ར་ཀོ་ཊྛ་ཀེ ཋི་ཏོ’ཏི, ཨེ་ཏྟ་ཀ་མྤི ( ) [(དྷ་མྨཾ) ཀ་ཏྠ་ཙི] ནོ ན་པྤ་ཊི་བྷཱ་སེ་ཡྻཱ’’ཏི.

ཨ་ཐ ཁོ བྷ་ག་ཝཱ ཨཱ་ཡ་སྨ་ནྟཾ ན་ནྡ་ཀཾ སཱ་ར་ཛྫ་མཱ་ན་རཱུ་པཾ ཝི་དི་ཏྭཱ ཨཱ་ཡ་སྨ་ནྟཾ ན་ནྡ་ཀཾ ཨེ་ཏ་ད་ཝོ་ཙ – ‘‘སཱ་དྷུ, སཱ་དྷུ, ན་ནྡ་ཀ! ཨེ་ཏཾ ཁོ, ན་ནྡ་ཀ, ཏུ་མྷཱ་ཀཾ པ་ཏི་རཱུ་པཾ ཀུ་ལ་པུ་ཏྟཱ་ནཾ ས་དྡྷཱ་ཡ ཨ་གཱ་ར་སྨཱ ཨ་ན་གཱ་རི་ཡཾ པ་བྦ་ཛི་ཏཱ་ནཾ, ཡཾ ཏུ་མྷེ དྷ་མྨི་ཡཱ ཀ་ཐཱ་ཡ ས་ནྣི་སཱི་དེ་ཡྻཱ་ཐ. ས་ནྣི་པ་ཏི་ཏཱ་ནཾ ཝོ, ན་ནྡ་ཀ, དྭ་ཡཾ ཀ་ར་ཎཱི་ཡཾ – དྷ་མྨཱི ཝཱ ཀ་ཐཱ ཨ་རི་ཡོ ཝཱ ཏུ་ཎྷཱི་བྷཱ་ཝོ. [ཨ. ནི. ༨.༧༡; ༩.༡] ས་དྡྷོ ཙ, ན་ནྡ་ཀ, བྷི་ཀྑུ ཧོ་ཏི, ནོ ཙ སཱི་ལ་ཝཱ. ཨེ་ཝཾ སོ ཏེ་ན་ངྒེ་ན ཨ་པ་རི་པཱུ་རོ ཧོ་ཏི. ཏེ་ན ཏཾ ཨ་ངྒཾ པ་རི་པཱུ་རེ་ཏ་བྦཾ – ‘ཀི་ནྟཱ་ཧཾ ས་དྡྷོ ཙ ཨ་སྶཾ སཱི་ལ་ཝཱ ཙཱ’ཏི. ཡ་ཏོ ཙ ཁོ, ན་ནྡ་ཀ, བྷི་ཀྑུ ས་དྡྷོ ཙ ཧོ་ཏི སཱི་ལ་ཝཱ ཙ, ཨེ་ཝཾ སོ ཏེ་ན་ངྒེ་ན པ་རི་པཱུ་རོ ཧོ་ཏི.

‘‘ས་དྡྷོ ཙ, ན་ནྡ་ཀ, བྷི་ཀྑུ ཧོ་ཏི སཱི་ལ་ཝཱ ཙ, ནོ ཙ ལཱ་བྷཱི ཨ་ཛ྄ཛྷ་ཏྟཾ ཙེ་ཏོ་ས་མཱ་དྷི་སྶ. ཨེ་ཝཾ སོ ཏེ་ན་ངྒེ་ན ཨ་པ་རི་པཱུ་རོ ཧོ་ཏི. ཏེ་ན ཏཾ ཨ་ངྒཾ པ་རི་པཱུ་རེ་ཏ་བྦཾ – ‘ཀི་ནྟཱ་ཧཾ ས་དྡྷོ ཙ ཨ་སྶཾ སཱི་ལ་ཝཱ ཙ ལཱ་བྷཱི ཙ ཨ་ཛ྄ཛྷ་ཏྟཾ ཙེ་ཏོ་ས་མཱ་དྷི་སྶཱ’ཏི. ཡ་ཏོ ཙ ཁོ, ན་ནྡ་ཀ, བྷི་ཀྑུ ས་དྡྷོ ཙ ཧོ་ཏི སཱི་ལ་ཝཱ ཙ ལཱ་བྷཱི ཙ ཨ་ཛ྄ཛྷ་ཏྟཾ ཙེ་ཏོ་ས་མཱ་དྷི་སྶ, ཨེ་ཝཾ སོ ཏེ་ན་ངྒེ་ན པ་རི་པཱུ་རོ ཧོ་ཏི.

‘‘ས་དྡྷོ ཙ, ན་ནྡ་ཀ, བྷི་ཀྑུ ཧོ་ཏི སཱི་ལ་ཝཱ ཙ ལཱ་བྷཱི ཙ ཨ་ཛ྄ཛྷ་ཏྟཾ ཙེ་ཏོ་ས་མཱ་དྷི་སྶ, ན ལཱ་བྷཱི ཨ་དྷི་པ་ཉྙཱ་དྷ་མྨ་ཝི་པ་སྶ་ནཱ་ཡ. ཨེ་ཝཾ སོ ཏེ་ན་ངྒེ་ན ཨ་པ་རི་པཱུ་རོ ཧོ་ཏི. སེ་ཡྻ་ཐཱ་པི, ན་ནྡ་ཀ, པཱ་ཎ་ཀོ ཙ་ཏུ་པྤཱ་ད་ཀོ ཨ་སྶ. ཏ་སྶ ཨེ་ཀོ པཱ་དོ ཨོ་མ་ཀོ ལཱ་མ་ཀོ. ཨེ་ཝཾ སོ ཏེ་ན་ངྒེ་ན ཨ་པ་རི་པཱུ་རོ ཨ་སྶ. ཨེ་ཝ་མེ་ཝཾ ཁོ, ན་ནྡ་ཀ, བྷི་ཀྑུ ས་དྡྷོ ཙ ཧོ་ཏི སཱི་ལ་ཝཱ ཙ ལཱ་བྷཱི ཙ ཨ་ཛ྄ཛྷ་ཏྟཾ ཙེ་ཏོ་ས་མཱ་དྷི་སྶ, ན ལཱ་བྷཱི ཨ་དྷི་པ་ཉྙཱ་དྷ་མྨ་ཝི་པ་སྶ་ནཱ་ཡ. ཨེ་ཝཾ སོ ཏེ་ན་ངྒེ་ན ཨ་པ་རི་པཱུ་རོ ཧོ་ཏི. ཏེ་ན ཏཾ ཨ་ངྒཾ པ་རི་པཱུ་རེ་ཏ་བྦཾ – ‘ཀི་ནྟཱ་ཧཾ ས་དྡྷོ ཙ ཨ་སྶཾ སཱི་ལ་ཝཱ ཙ ལཱ་བྷཱི ཙ ཨ་ཛ྄ཛྷ་ཏྟཾ ཙེ་ཏོ་ས་མཱ་དྷི་སྶ ལཱ་བྷཱི ཙ ཨ་དྷི་པ་ཉྙཱ་དྷ་མྨ་ཝི་པ་སྶ་ནཱ་ཡཱ’’’ཏི.

‘‘ཡ་ཏོ ཙ ཁོ, ན་ནྡ་ཀ, བྷི་ཀྑུ ས་དྡྷོ ཙ ཧོ་ཏི སཱི་ལ་ཝཱ ཙ ལཱ་བྷཱི ཙ ཨ་ཛ྄ཛྷ་ཏྟཾ ཙེ་ཏོ་ས་མཱ་དྷི་སྶ ལཱ་བྷཱི ཙ ཨ་དྷི་པ་ཉྙཱ་དྷ་མྨ་ཝི་པ་སྶ་ནཱ་ཡ, ཨེ་ཝཾ སོ ཏེ་ན་ངྒེ་ན པ་རི་པཱུ་རོ ཧོ་ཏཱི’’ཏི. ཨི་ད་མ་ཝོ་ཙ བྷ་ག་ཝཱ. ཨི་དཾ ཝ་ཏྭཱ་ན སུ་ག་ཏོ ཨུ་ཊྛཱ་ཡཱ་ས་ནཱ ཝི་ཧཱ་རཾ པཱ་ཝི་སི.

ཨ་ཐ ཁོ ཨཱ་ཡ་སྨཱ ན་ནྡ་ཀོ ཨ་ཙི་ར་པ་ཀྐ་ནྟ་སྶ བྷ་ག་ཝ་ཏོ བྷི་ཀྑཱུ ཨཱ་མ་ནྟེ་སི – ‘‘ཨི་དཱ་ནི, ཨཱ་ཝུ་སོ, བྷ་ག་ཝཱ ཙ་ཏཱུ་ཧི པ་དེ་ཧི ཀེ་ཝ་ལ་པ་རི་པུ་ཎྞཾ པ་རི་སུ་དྡྷཾ བྲ་ཧྨ་ཙ་རི་ཡཾ པ་ཀཱ་སེ་ཏྭཱ ཨུ་ཊྛཱ་ཡཱ་ས་ནཱ ཝི་ཧཱ་རཾ པ་ཝི་ཊྛོ – ‘ས་དྡྷོ ཙ, ན་ནྡ་ཀ, བྷི་ཀྑུ ཧོ་ཏི, ནོ ཙ སཱི་ལ་ཝཱ. ཨེ་ཝཾ སོ ཏེ་ན་ངྒེ་ན ཨ་པ་རི་པཱུ་རོ ཧོ་ཏི. ཏེ་ན ཏཾ ཨ་ངྒཾ པ་རི་པཱུ་རེ་ཏ་བྦཾ – ཀི་ནྟཱ་ཧཾ ས་དྡྷོ ཙ ཨ་སྶཾ སཱི་ལ་ཝཱ ཙཱ’ཏི. ཡ་ཏོ ཙ ཁོ ན་ནྡ་ཀ བྷི་ཀྑུ ས་དྡྷོ ཙ ཧོ་ཏི སཱི་ལ་ཝཱ ཙ, ཨེ་ཝཾ སོ ཏེ་ན་ངྒེ་ན པ་རི་པཱུ་རོ ཧོ་ཏི. ས་དྡྷོ ཙ ན་ནྡ་ཀ བྷི་ཀྑུ ཧོ་ཏི སཱི་ལ་ཝཱ ཙ, ནོ ཙ ལཱ་བྷཱི ཨ་ཛ྄ཛྷ་ཏྟཾ ཙེ་ཏོ་ས་མཱ་དྷི་སྶ…པེ… ལཱ་བྷཱི ཙ ཨ་ཛ྄ཛྷ་ཏྟཾ ཙེ་ཏོ་ས་མཱ་དྷི་སྶ, ན ལཱ་བྷཱི ཨ་དྷི་པ་ཉྙཱ་དྷ་མྨ་ཝི་པ་སྶ་ནཱ་ཡ, ཨེ་ཝཾ སོ ཏེ་ན་ངྒེ་ན ཨ་པ་རི་པཱུ་རོ ཧོ་ཏི. སེ་ཡྻ་ཐཱ་པི ན་ནྡ་ཀ པཱ་ཎ་ཀོ ཙ་ཏུ་པྤཱ་ད་ཀོ ཨ་སྶ, ཏ་སྶ ཨེ་ཀོ པཱ་དོ ཨོ་མ་ཀོ ལཱ་མ་ཀོ, ཨེ་ཝཾ སོ ཏེ་ན་ངྒེ་ན ཨ་པ་རི་པཱུ་རོ ཨ་སྶ. ཨེ་ཝ་མེ་ཝཾ ཁོ, ན་ནྡ་ཀ, བྷི་ཀྑུ ས་དྡྷོ ཙ ཧོ་ཏི སཱི་ལ་ཝཱ ཙ, ལཱ་བྷཱི ཙ ཨ་ཛ྄ཛྷ་ཏྟཾ ཙེ་ཏོ་ས་མཱ་དྷི་སྶ, ན ལཱ་བྷཱི ཨ་དྷི་པ་ཉྙཱ་དྷ་མྨ་ཝི་པ་སྶ་ནཱ་ཡ, ཨེ་ཝཾ སོ ཏེ་ན་ངྒེ་ན ཨ་པ་རི་པཱུ་རོ ཧོ་ཏི, ཏེ་ན ཏཾ ཨ་ངྒཾ པ་རི་པཱུ་རེ་ཏ་བྦཾ ‘ཀི་ནྟཱ་ཧཾ ས་དྡྷོ ཙ ཨ་སྶཾ སཱི་ལ་ཝཱ ཙ, ལཱ་བྷཱི ཙ ཨ་ཛ྄ཛྷ་ཏྟཾ ཙེ་ཏོ་ས་མཱ་དྷི་སྶ, ལཱ་བྷཱི ཙ ཨ་དྷི་པ་ཉྙཱ་དྷ་མྨ་ཝི་པ་སྶ་ནཱ་ཡཱ’ཏི. ཡ་ཏོ ཙ ཁོ, ན་ནྡ་ཀ, བྷི་ཀྑུ ས་དྡྷོ ཙ ཧོ་ཏི སཱི་ལ་ཝཱ ཙ ལཱ་བྷཱི ཙ ཨ་ཛ྄ཛྷ་ཏྟཾ ཙེ་ཏོ་ས་མཱ་དྷི་སྶ ལཱ་བྷཱི ཙ ཨ་དྷི་པ་ཉྙཱ་དྷ་མྨ་ཝི་པ་སྶ་ནཱ་ཡ, ཨེ་ཝཾ སོ ཏེ་ན་ངྒེ་ན པ་རི་པཱུ་རོ ཧོ་ཏཱི’’ཏི.

‘‘པ་ཉྩི་མེ, ཨཱ་ཝུ་སོ, ཨཱ་ནི་སཾ་སཱ ཀཱ་ལེ་ན དྷ་མྨ་སྶ་ཝ་ནེ ཀཱ་ལེ་ན དྷ་མྨ་སཱ་ཀ་ཙྪཱ་ཡ. ཀ་ཏ་མེ པ་ཉྩ? ཨི་དྷཱ་ཝུ་སོ, བྷི་ཀྑུ བྷི་ཀྑཱུ་ནཾ དྷ་མྨཾ དེ་སེ་ཏི ཨཱ་དི་ཀ་ལྱཱ་ཎཾ མ་ཛ྄ཛྷེ་ཀ་ལྱཱ་ཎཾ པ་རི་ཡོ་སཱ་ན་ཀ་ལྱཱ་ཎཾ སཱ་ཏྠཾ ས་བྱ་ཉྫ་ནཾ, ཀེ་ཝ་ལ་པ་རི་པུ་ཎྞཾ པ་རི་སུ་དྡྷཾ བྲ་ཧྨ་ཙ་རི་ཡཾ པ་ཀཱ་སེ་ཏི. ཡ་ཐཱ ཡ་ཐཱ, ཨཱ་ཝུ་སོ, བྷི་ཀྑུ བྷི་ཀྑཱུ་ནཾ དྷ་མྨཾ དེ་སེ་ཏི ཨཱ་དི་ཀ་ལྱཱ་ཎཾ མ་ཛ྄ཛྷེ་ཀ་ལྱཱ་ཎཾ པ་རི་ཡོ་སཱ་ན་ཀ་ལྱཱ་ཎཾ སཱ་ཏྠཾ ས་བྱ་ཉྫ་ནཾ, ཀེ་ཝ་ལ་པ་རི་པུ་ཎྞཾ པ་རི་སུ་དྡྷཾ བྲ་ཧྨ་ཙ་རི་ཡཾ པ་ཀཱ་སེ་ཏི, ཏ་ཐཱ ཏ་ཐཱ སོ ས་ཏྠུ པི་ཡོ ཙ ཧོ་ཏི མ་ནཱ་པོ ཙ ག་རུ ཙ བྷཱ་ཝ་ནཱི་ཡོ ཙ. ཨ་ཡཾ, ཨཱ་ཝུ་སོ, པ་ཋ་མོ ཨཱ་ནི་སཾ་སོ ཀཱ་ལེ་ན དྷ་མྨ་སྶ་ཝ་ནེ ཀཱ་ལེ་ན དྷ་མྨ་སཱ་ཀ་ཙྪཱ་ཡ.

‘‘པུ་ན ཙ་པ་རཾ, ཨཱ་ཝུ་སོ, བྷི་ཀྑུ བྷི་ཀྑཱུ་ནཾ དྷ་མྨཾ དེ་སེ་ཏི ཨཱ་དི་ཀ་ལྱཱ་ཎཾ…པེ… བྲ་ཧྨ་ཙ་རི་ཡཾ པ་ཀཱ་སེ་ཏི. ཡ་ཐཱ ཡ་ཐཱ, ཨཱ་ཝུ་སོ, བྷི་ཀྑུ བྷི་ཀྑཱུ་ནཾ དྷ་མྨཾ དེ་སེ་ཏི ཨཱ་དི་ཀ་ལྱཱ་ཎཾ…པེ… བྲ་ཧྨ་ཙ་རི་ཡཾ པ་ཀཱ་སེ་ཏི, ཏ་ཐཱ ཏ་ཐཱ ནཾ ས་བྲ་ཧྨ་ཙཱ་རཱི ཨུ་ཏྟ་རི ས་མྦྷཱ་ཝེ་ནྟི – ‘ཨ་དྡྷཱ ཨ་ཡ་མཱ་ཡ་སྨཱ པ་ཏྟོ ཝཱ པ་ཛྫ་ཏི ཝཱ’. ཨ་ཡཾ, ཨཱ་ཝུ་སོ, ཙ་ཏུ་ཏྠོ ཨཱ་ནི་སཾ་སོ ཀཱ་ལེ་ན དྷ་མྨ་སྶ་ཝ་ནེ ཀཱ་ལེ་ན དྷ་མྨ་སཱ་ཀ་ཙྪཱ་ཡ.

‘‘པུ་ན ཙ་པ་རཾ, ཨཱ་ཝུ་སོ, བྷི་ཀྑུ བྷི་ཀྑཱུ་ནཾ དྷ་མྨཾ དེ་སེ་ཏི ཨཱ་དི་ཀ་ལྱཱ་ཎཾ མ་ཛ྄ཛྷེ་ཀ་ལྱཱ་ཎཾ པ་རི་ཡོ་སཱ་ན་ཀ་ལྱཱ་ཎཾ སཱ་ཏྠཾ ས་བྱ་ཉྫ་ནཾ, ཀེ་ཝ་ལ་པ་རི་པུ་ཎྞཾ པ་རི་སུ་དྡྷཾ བྲ་ཧྨ་ཙ་རི་ཡཾ པ་ཀཱ་སེ་ཏི. ཡ་ཐཱ ཡ་ཐཱ, ཨཱ་ཝུ་སོ, བྷི་ཀྑུ བྷི་ཀྑཱུ་ནཾ དྷ་མྨཾ དེ་སེ་ཏི ཨཱ་དི་ཀ་ལྱཱ་ཎཾ མ་ཛ྄ཛྷེ་ཀ་ལྱཱ་ཎཾ པ་རི་ཡོ་སཱ་ན་ཀ་ལྱཱ་ཎཾ སཱ་ཏྠཾ ས་བྱ་ཉྫ་ནཾ, ཀེ་ཝ་ལ་པ་རི་པུ་ཎྞཾ པ་རི་སུ་དྡྷཾ བྲ་ཧྨ་ཙ་རི་ཡཾ པ་ཀཱ་སེ་ཏི, ཏ་ཏྠ ཡེ ཁོ བྷི་ཀྑཱུ སེ་ཁཱ ཨ་པྤ་ཏྟ་མཱ་ན་སཱ ཨ་ནུ་ཏྟ་རཾ ཡོ་ག་ཀྑེ་མཾ པ་ཏྠ་ཡ་མཱ་ནཱ ཝི་ཧ་ར་ནྟི, ཏེ ཏཾ དྷ་མྨཾ སུ་ཏྭཱ ཝཱི་རི་ཡཾ ཨཱ་ར་བྷ་ནྟི ཨ་པྤ་ཏྟ་སྶ པ་ཏྟི་ཡཱ ཨ་ན་དྷི་ག་ཏ་སྶ ཨ་དྷི་ག་མཱ་ཡ ཨ་ས་ཙྪི་ཀ་ཏ་སྶ ས་ཙྪི་ཀི་རི་ཡཱ་ཡ. ཡེ པ་ན ཏ་ཏྠ བྷི་ཀྑཱུ ཨ་ར་ཧ་ནྟོ ཁཱི་ཎཱ་ས་ཝཱ ཝུ་སི་ཏ་ཝ་ནྟོ ཀ་ཏ་ཀ་ར་ཎཱི་ཡཱ ཨོ་ཧི་ཏ་བྷཱ་རཱ ཨ་ནུ་པྤ་ཏྟ་ས་ད་ཏྠཱ པ་རི་ཀྑཱི་ཎ་བྷ་ཝ་སཾ་ཡོ་ཛ་ནཱ ས་མྨ་ད་ཉྙཱ་ཝི་མུ་ཏྟཱ, ཏེ ཏཾ དྷ་མྨཾ སུ་ཏྭཱ དི་ཊྛ་དྷ་མྨ་སུ་ཁ་ཝི་ཧཱ་རཾ་ཡེ་ཝ ཨ་ནུ་ཡུ་ཏྟཱ ཝི་ཧ་ར་ནྟི. ཨ་ཡཾ, ཨཱ་ཝུ་སོ, པ་ཉྩ་མོ ཨཱ་ནི་སཾ་སོ ཀཱ་ལེ་ན དྷ་མྨ་སྶ་ཝ་ནེ ཀཱ་ལེ་ན དྷ་མྨ་སཱ་ཀ་ཙྪཱ་ཡ. ཨི་མེ ཁོ, ཨཱ་ཝུ་སོ, པ་ཉྩ ཨཱ་ནི་སཾ་སཱ ཀཱ་ལེ་ན དྷ་མྨ་སྶ་ཝ་ནེ ཀཱ་ལེ་ན དྷ་མྨ་སཱ་ཀ་ཙྪཱ་ཡཱ’’ཏི. ཙ་ཏུ་ཏྠཾ.