༧. པ་ཏྟ་ནི་ཀུ་ཛྫ་ན་སུ་ཏྟཾ

༨༧. [ཙཱུ་ལ༹་ཝ. ༢༦༥] ‘‘ཨ་ཊྛ་ཧི, བྷི་ཀྑ་ཝེ, ཨ་ངྒེ་ཧི ས་མ་ནྣཱ་ག་ཏ་སྶ ཨུ་པཱ་ས་ཀ་སྶ ཨཱ་ཀ་ངྑ་མཱ་ནོ ས་ངྒྷོ པ་ཏྟཾ ནི་ཀྐུ་ཛྫེ་ཡྻ [ནི་ཀུ་ཛྫེ་ཡྻ (ཀ.)]. ཀ་ཏ་མེ་ཧི ཨ་ཊྛ་ཧི? བྷི་ཀྑཱུ་ནཾ ཨ་ལཱ་བྷཱ་ཡ པ་རི་ས་ཀྐ་ཏི, བྷི་ཀྑཱུ་ནཾ ཨ་ན་ཏྠཱ་ཡ པ་རི་ས་ཀྐ་ཏི, བྷི་ཀྑཱུ་ནཾ ཨ་ཝཱ་སཱ་ཡ [ཨ་ནཱ་ཝཱ་སཱ་ཡ (སཱི. སྱཱ.)] པ་རི་ས་ཀྐ་ཏི, བྷི་ཀྑཱུ ཨ་ཀྐོ་ས་ཏི པ་རི་བྷཱ་ས་ཏི, བྷི་ཀྑཱུ བྷི་ཀྑཱུ་ཧི བྷེ་དེ་ཏི [ཝི་བྷེ་དེ་ཏི (བ་ཧཱུ་སུ)], བུ་དྡྷ་སྶ ཨ་ཝ་ཎྞཾ བྷཱ་ས་ཏི, དྷ་མྨ་སྶ ཨ་ཝ་ཎྞཾ བྷཱ་ས་ཏི, ས་ངྒྷ་སྶ ཨ་ཝ་ཎྞཾ བྷཱ་ས་ཏི. ཨི་མེ་ཧི ཁོ, བྷི་ཀྑ་ཝེ, ཨ་ཊྛ་ཧ་ངྒེ་ཧི ས་མ་ནྣཱ་ག་ཏ་སྶ ཨུ་པཱ་ས་ཀ་སྶ ཨཱ་ཀ་ངྑ་མཱ་ནོ ས་ངྒྷོ པ་ཏྟཾ ནི་ཀྐུ་ཛྫེ་ཡྻ.

‘‘ཨ་ཊྛ་ཧི, བྷི་ཀྑ་ཝེ, ཨ་ངྒེ་ཧི ས་མ་ནྣཱ་ག་ཏ་སྶ ཨུ་པཱ་ས་ཀ་སྶ ཨཱ་ཀ་ངྑ་མཱ་ནོ ས་ངྒྷོ པ་ཏྟཾ ཨུ་ཀྐུ་ཛྫེ་ཡྻ. ཀ་ཏ་མེ་ཧི ཨ་ཊྛ་ཧི? ན བྷི་ཀྑཱུ་ནཾ ཨ་ལཱ་བྷཱ་ཡ པ་རི་ས་ཀྐ་ཏི, ན བྷི་ཀྑཱུ་ནཾ ཨ་ན་ཏྠཱ་ཡ པ་རི་ས་ཀྐ་ཏི, ན བྷི་ཀྑཱུ་ནཾ ཨ་ཝཱ་སཱ་ཡ པ་རི་ས་ཀྐ་ཏི, ན བྷི་ཀྑཱུ ཨ་ཀྐོ་ས་ཏི པ་རི་བྷཱ་ས་ཏི, ན བྷི་ཀྑཱུ བྷི་ཀྑཱུ་ཧི བྷེ་དེ་ཏི, བུ་དྡྷ་སྶ ཝ་ཎྞཾ བྷཱ་ས་ཏི, དྷ་མྨ་སྶ ཝ་ཎྞཾ བྷཱ་ས་ཏི, ས་ངྒྷ་སྶ ཝ་ཎྞཾ བྷཱ་ས་ཏི. ཨི་མེ་ཧི ཁོ, བྷི་ཀྑ་ཝེ, ཨ་ཊྛ་ཧ་ངྒེ་ཧི ས་མ་ནྣཱ་ག་ཏ་སྶ ཨུ་པཱ་ས་ཀ་སྶ ཨཱ་ཀ་ངྑ་མཱ་ནོ ས་ངྒྷོ པ་ཏྟཾ ཨུ་ཀྐུ་ཛྫེ་ཡྻཱ’’ཏི. ས་ཏྟ་མཾ.