༧. ས་པྤུ་རི་ས་དཱ་ན་སུ་ཏྟཾ

༣༧. ‘‘ཨ་ཊྛི་མཱ་ནི, བྷི་ཀྑ་ཝེ, ས་པྤུ་རི་ས་དཱ་ནཱ་ནི. ཀ་ཏ་མཱ་ནི ཨ་ཊྛ? སུ་ཙིཾ དེ་ཏི, པ་ཎཱི་ཏཾ དེ་ཏི, ཀཱ་ལེ་ན དེ་ཏི, ཀ་པྤི་ཡཾ དེ་ཏི, ཝི་ཙེ་ཡྻ དེ་ཏི, ཨ་བྷི་ཎྷཾ དེ་ཏི, ད་དཾ ཙི་ཏྟཾ པ་སཱ་དེ་ཏི, ད་ཏྭཱ ཨ་ཏྟ་མ་ནོ ཧོ་ཏི. ཨི་མཱ་ནི ཁོ, བྷི་ཀྑ་ཝེ, ཨ་ཊྛ ས་པྤུ་རི་ས་དཱ་ནཱ་ནཱི’’ཏི.

‘‘སུ་ཙིཾ པ་ཎཱི་ཏཾ ཀཱ་ལེ་ན, ཀ་པྤི་ཡཾ པཱ་ན་བྷོ་ཛ་ནཾ;

ཨ་བྷི་ཎྷཾ ད་དཱ་ཏི དཱ་ནཾ, སུ་ཁེ་ཏྟེ་སུ [སུ་ཁེ་ཏྟེ (སཱི. པཱི.)] བྲ་ཧྨ་ཙཱ་རི་སུ.

‘‘ནེ་ཝ [ན ཙ (སཱི. པཱི.)] ཝི་པྤ་ཊི་སཱ་རི་སྶ, ཙ་ཛི་ཏྭཱ ཨཱ་མི་སཾ བ་ཧུཾ;

ཨེ་ཝཾ དི་ནྣཱ་ནི དཱ་ནཱ་ནི, ཝ་ཎྞ་ཡ་ནྟི ཝི་པ་སྶི་ནོ.

‘‘ཨེ་ཝཾ ཡ་ཛི་ཏྭཱ མེ་དྷཱ་ཝཱི, ས་དྡྷོ མུ་ཏྟེ་ན ཙེ་ཏ་སཱ;

ཨ་བྱཱ་བ་ཛ྄ཛྷཾ [ཨ་བྱཱ་པ་ཛ྄ཛྷཾ (ཀ.) ཨ. ནི. ༤.༤༠; ༦.༣༧] སུ་ཁཾ ལོ་ཀཾ, པ་ཎྜི་ཏོ ཨུ་པ་པ་ཛྫ་ཏཱི’’ཏི. ས་ཏྟ་མཾ;