༣. དཱ་ན་ཝ་ཏྠུ་སུ་ཏྟཾ

༣༣. ‘‘ཨ་ཊྛི་མཱ་ནི, བྷི་ཀྑ་ཝེ, དཱ་ན་ཝ་ཏྠཱུ་ནི. ཀ་ཏ་མཱ་ནི ཨ་ཊྛ? ཚ་ནྡཱ དཱ་ནཾ དེ་ཏི, དོ་སཱ དཱ་ནཾ དེ་ཏི, མོ་ཧཱ དཱ་ནཾ དེ་ཏི, བྷ་ཡཱ དཱ་ནཾ དེ་ཏི, ‘དི་ནྣ་པུ་བྦཾ ཀ་ཏ་པུ་བྦཾ པི་ཏུ་པི་ཏཱ་མ་ཧེ་ཧི, ནཱ་ར་ཧཱ་མི པོ་རཱ་ཎཾ ཀུ་ལ་ཝཾ་སཾ ཧཱ་པེ་ཏུ’ནྟི དཱ་ནཾ དེ་ཏི, ‘ཨི་མཱ་ཧཾ དཱ་ནཾ ད་ཏྭཱ ཀཱ་ཡ་སྶ བྷེ་དཱ པ་རཾ མ་ར་ཎཱ སུ་ག་ཏིཾ ས་གྒཾ ལོ་ཀཾ ཨུ་པ་པ་ཛྫི་སྶཱ་མཱི’ཏི དཱ་ནཾ དེ་ཏི, ‘ཨི་མཾ མེ དཱ་ནཾ ད་ད་ཏོ ཙི་ཏྟཾ པ་སཱི་ད་ཏི, ཨ་ཏྟ་མ་ན་ཏཱ སོ་མ་ན་སྶཾ ཨུ་པ་ཛཱ་ཡ་ཏཱི’ཏི དཱ་ནཾ དེ་ཏི, ཙི་ཏྟཱ་ལ་ངྐཱ་ར་ཙི་ཏྟ་པ་རི་ཀྑཱ་ར་ཏྠཾ དཱ་ནཾ དེ་ཏི. ཨི་མཱ་ནི ཁོ, བྷི་ཀྑ་ཝེ, ཨ་ཊྛ དཱ་ན་ཝ་ཏྠཱུ་ནཱི’’ཏི. ཏ་ཏི་ཡཾ.