༣. པ་ཋ་མ་ཨ་པྤི་ཡ་སུ་ཏྟཾ

༣. ‘‘ཨ་ཊྛ་ཧི, བྷི་ཀྑ་ཝེ, དྷ་མྨེ་ཧི ས་མ་ནྣཱ་ག་ཏོ བྷི་ཀྑུ ས་བྲ་ཧྨ་ཙཱ་རཱི་ནཾ ཨ་པྤི་ཡོ ཙ ཧོ་ཏི ཨ་མ་ནཱ་པོ ཙ ཨ་ག་རུ ཙ ཨ་བྷཱ་ཝ་ནཱི་ཡོ ཙ. ཀ་ཏ་མེ་ཧི ཨ་ཊྛ་ཧི? ཨི་དྷ, བྷི་ཀྑ་ཝེ, བྷི་ཀྑུ ཨ་པྤི་ཡ་པ་སཾ་སཱི ཙ ཧོ་ཏི, པི་ཡ་ག་ར་ཧཱི ཙ, ལཱ་བྷ་ཀཱ་མོ ཙ, ས་ཀྐཱ་ར་ཀཱ་མོ ཙ, ཨ་ཧི་རི་ཀོ ཙ, ཨ་ནོ་ཏྟ་པྤཱི ཙ, པཱ་པི་ཙྪོ ཙ, མི་ཙྪཱ་དི་ཊྛི ཙ. ཨི་མེ་ཧི ཁོ, བྷི་ཀྑ་ཝེ, ཨ་ཊྛ་ཧི དྷ་མྨེ་ཧི ས་མ་ནྣཱ་ག་ཏོ བྷི་ཀྑུ ས་བྲ་ཧྨ་ཙཱ་རཱི་ནཾ ཨ་པྤི་ཡོ ཙ ཧོ་ཏི ཨ་མ་ནཱ་པོ ཙ ཨ་ག་རུ ཙ ཨ་བྷཱ་ཝ་ནཱི་ཡོ ཙ.

‘‘ཨ་ཊྛ་ཧི, བྷི་ཀྑ་ཝེ, དྷ་མྨེ་ཧི ས་མ་ནྣཱ་ག་ཏོ བྷི་ཀྑུ ས་བྲ་ཧྨ་ཙཱ་རཱི་ནཾ པི་ཡོ ཙ ཧོ་ཏི མ་ནཱ་པོ ཙ ག་རུ ཙ བྷཱ་ཝ་ནཱི་ཡོ ཙ. ཀ་ཏ་མེ་ཧི ཨ་ཊྛ་ཧི? ཨི་དྷ, བྷི་ཀྑ་ཝེ, བྷི་ཀྑུ ན ཨ་པྤི་ཡ་པ་སཾ་སཱི ཙ ཧོ་ཏི, ན པི་ཡ་ག་ར་ཧཱི ཙ, ན ལཱ་བྷ་ཀཱ་མོ ཙ, ན ས་ཀྐཱ་ར་ཀཱ་མོ ཙ, ཧི་རཱི་མཱ ཙ ཧོ་ཏི, ཨོ་ཏྟ་པྤཱི ཙ, ཨ་པྤི་ཙྪོ ཙ, ས་མྨཱ་དི་ཊྛི ཙ. ཨི་མེ་ཧི ཁོ, བྷི་ཀྑ་ཝེ, ཨ་ཊྛ་ཧི དྷ་མྨེ་ཧི ས་མ་ནྣཱ་ག་ཏོ བྷི་ཀྑུ ས་བྲ་ཧྨ་ཙཱ་རཱི་ནཾ པི་ཡོ ཙ ཧོ་ཏི མ་ནཱ་པོ ཙ ག་རུ ཙ བྷཱ་ཝ་ནཱི་ཡོ ཙཱ’’ཏི. ཏ་ཏི་ཡཾ.