༨. པ་ཙ་ལཱ་ཡ་མཱ་ན་སུ་ཏྟཾ

༦༡. ཨེ་ཝཾ མེ སུ་ཏཾ – ཨེ་ཀཾ ས་མ་ཡཾ བྷ་ག་ཝཱ བྷ་གྒེ་སུ ཝི་ཧ་ར་ཏི སུ་སུ་མཱ་ར་གི་རེ བྷེ་ས་ཀ་ལཱ༹་ཝ་ནེ མི་ག་དཱ་ཡེ. ཏེ་ན ཁོ པ་ན ས་མ་ཡེ་ན ཨཱ་ཡ་སྨཱ མ་ཧཱ་མོ་གྒ་ལླཱ་ནོ མ་ག་དྷེ་སུ ཀ་ལླ་ཝཱ་ལ༹་པུ་ཏྟ་གཱ་མེ [ཀ་ལླ་ཝཱ་ལ་མུ་ཏྟ་གཱ་མེ (སྱཱ.)] པ་ཙ་ལཱ་ཡ་མཱ་ནོ ནི་སི་ནྣོ ཧོ་ཏི. ཨ་དྡ་སཱ ཁོ བྷ་ག་ཝཱ དི་བྦེ་ན ཙ་ཀྑུ་ནཱ ཝི་སུ་དྡྷེ་ན ཨ་ཏི་ཀྐ་ནྟ་མཱ་ནུ་ས་ཀེ་ན ཨཱ་ཡ་སྨ་ནྟཾ མ་ཧཱ་མོ་གྒ་ལླཱ་ནཾ མ་ག་དྷེ་སུ ཀ་ལླ་ཝཱ་ལ༹་པུ་ཏྟ་གཱ་མེ པ་ཙ་ལཱ་ཡ་མཱ་ནཾ ནི་སི་ནྣཾ. དི་སྭཱ – སེ་ཡྻ་ཐཱ་པི ནཱ་མ བ་ལ་ཝཱ པུ་རི་སོ ས་མི་ཉྫི་ཏཾ ཝཱ བཱ་ཧཾ པ་སཱ་རེ་ཡྻ, པ་སཱ་རི་ཏཾ ཝཱ བཱ་ཧཾ ས་མི་ཉྫེ་ཡྻ, ཨེ་ཝ་མེ་ཝཾ – བྷ་གྒེ་སུ སུ་སུ་མཱ་ར་གི་རེ བྷེ་ས་ཀ་ལཱ༹་ཝ་ནེ མི་ག་དཱ་ཡེ ཨ་ནྟ་ར་ཧི་ཏོ མ་ག་དྷེ་སུ ཀ་ལླ་ཝཱ་ལ༹་པུ་ཏྟ་གཱ་མེ ཨཱ་ཡ་སྨ་ཏོ མ་ཧཱ་མོ་གྒ་ལླཱ་ན་སྶ ས་མྨུ་ཁེ པཱ་ཏུ་ར་ཧོ་སི. ནི་སཱི་དི བྷ་ག་ཝཱ པ་ཉྙ་ཏྟེ ཨཱ་ས་ནེ. ནི་ས་ཛྫ ཁོ བྷ་ག་ཝཱ ཨཱ་ཡ་སྨ་ནྟཾ མ་ཧཱ་མོ་གྒ་ལླཱ་ནཾ ཨེ་ཏ་ད་ཝོ་ཙ –

‘‘པ་ཙ་ལཱ་ཡ་སི ནོ ཏྭཾ, མོ་གྒ་ལླཱ་ན, པ་ཙ་ལཱ་ཡ་སི ནོ ཏྭཾ, མོ་གྒ་ལླཱ་ནཱ’’ཏི? ‘‘ཨེ་ཝཾ, བྷ་ནྟེ’’. ‘‘ཏ་སྨཱ་ཏི་ཧ, མོ་གྒ་ལླཱ་ན, ཡ་ཐཱ་ས་ཉྙི་སྶ ཏེ ཝི་ཧ་ར་ཏོ ཏཾ མི་དྡྷཾ ཨོ་ཀྐ་མ་ཏི, ཏཾ ས་ཉྙཾ མཱ མ་ན་སཱ་ཀཱ་སི [མཱ མ་ན་སི་ཀཱ་སི (སཱི.), མ་ན་སི ཀ་རེ་ཡྻཱ་སི (སྱཱ.), མ་ན་སཱ་ཀཱ་སི (ཀ.)], ཏཾ ས་ཉྙཾ མཱ བ་ཧུ་ལ་མ་ཀཱ་སི [ཏཾ ས་ཉྙཾ བ་ཧུ་ལཾ ཀ་རེ་ཡྻཱ་སི (སྱཱ.), ཏཾ ས་ཉྙཾ བ་ཧུ་ལ་མ་ཀཱ་སི (ཀ.)]. ཋཱ་ནཾ ཁོ པ་ནེ་ཏཾ, མོ་གྒ་ལླཱ་ན, ཝི་ཛྫ་ཏི ཡཾ ཏེ ཨེ་ཝཾ ཝི་ཧ་ར་ཏོ ཏཾ མི་དྡྷཾ པ་ཧཱི་ཡེ་ཐ’’.

‘‘ནོ ཙེ ཏེ ཨེ་ཝཾ ཝི་ཧ་ར་ཏོ ཏཾ མི་དྡྷཾ པ་ཧཱི་ཡེ་ཐ, ཏ་ཏོ ཏྭཾ, མོ་གྒ་ལླཱ་ན, ཡ་ཐཱ་སུ་ཏཾ ཡ་ཐཱ་པ་རི་ཡ་ཏྟཾ དྷ་མྨཾ ཙེ་ཏ་སཱ ཨ་ནུ་ཝི་ཏ་ཀྐེ་ཡྻཱ་སི ཨ་ནུ་ཝི་ཙཱ་རེ་ཡྻཱ་སི, མ་ན་སཱ ཨ་ནུ་པེ་ཀྑེ་ཡྻཱ་སི. ཋཱ་ནཾ ཁོ པ་ནེ་ཏཾ ཝི་ཛྫ་ཏི ཡཾ ཏེ ཨེ་ཝཾ ཝི་ཧ་ར་ཏོ ཏཾ མི་དྡྷཾ པ་ཧཱི་ཡེ་ཐ.

‘‘ནོ ཙེ ཏེ ཨེ་ཝཾ ཝི་ཧ་ར་ཏོ ཏཾ མི་དྡྷཾ པ་ཧཱི་ཡེ་ཐ, ཏ་ཏོ ཏྭཾ, མོ་གྒ་ལླཱ་ན, ཡ་ཐཱ་སུ་ཏཾ ཡ་ཐཱ་པ་རི་ཡ་ཏྟཾ དྷ་མྨཾ ཝི་ཏྠཱ་རེ་ན ས་ཛ྄ཛྷཱ་ཡཾ ཀ་རེ་ཡྻཱ་སི. ཋཱ་ནཾ ཁོ པ་ནེ་ཏཾ ཝི་ཛྫ་ཏི ཡཾ ཏེ ཨེ་ཝཾ ཝི་ཧ་ར་ཏོ ཏཾ མི་དྡྷཾ པ་ཧཱི་ཡེ་ཐ.

‘‘ནོ ཙེ ཏེ ཨེ་ཝཾ ཝི་ཧ་ར་ཏོ ཏཾ མི་དྡྷཾ པ་ཧཱི་ཡེ་ཐ, ཏ་ཏོ ཏྭཾ, མོ་གྒ་ལླཱ་ན, ཨུ་བྷོ ཀ་ཎྞ་སོ་ཏཱ་ནི ཨཱ་ཝི་ཉྪེ་ཡྻཱ་སི [ཨཱ་ཝི་ཉྫེ་ཡྻཱ་སི (སཱི. སྱཱ.)], པཱ་ཎི་ནཱ ག་ཏྟཱ་ནི ཨ་ནུ་མ་ཛྫེ་ཡྻཱ་སི. ཋཱ་ནཾ ཁོ པ་ནེ་ཏཾ ཝི་ཛྫ་ཏི ཡཾ ཏེ ཨེ་ཝཾ ཝི་ཧ་ར་ཏོ ཏཾ མི་དྡྷཾ པ་ཧཱི་ཡེ་ཐ.

‘‘ནོ ཙེ ཏེ ཨེ་ཝཾ ཝི་ཧ་ར་ཏོ ཏཾ མི་དྡྷཾ པ་ཧཱི་ཡེ་ཐ, ཏ་ཏོ ཏྭཾ, མོ་གྒ་ལླཱ་ན, ཨུ་ཊྛཱ་ཡཱ་ས་ནཱ ཨུ་ད་ཀེ་ན ཨ་ཀྑཱི་ནི ཨ་ནུ་མ་ཛྫི་ཏྭཱ [པ་ནི་ཉྫི་ཏྭཱ (ཀ.)] དི་སཱ ཨ་ནུ་ཝི་ལོ་ཀེ་ཡྻཱ་སི, ན་ཀྑ་ཏྟཱ་ནི ཏཱ་ར་ཀ་རཱུ་པཱ་ནི ཨུ་ལློ་ཀེ་ཡྻཱ་སི. ཋཱ་ནཾ ཁོ པ་ནེ་ཏཾ ཝི་ཛྫ་ཏི ཡཾ ཏེ ཨེ་ཝཾ ཝི་ཧ་ར་ཏོ ཏཾ མི་དྡྷཾ པ་ཧཱི་ཡེ་ཐ.

‘‘ནོ ཙེ ཏེ ཨེ་ཝཾ ཝི་ཧ་ར་ཏོ ཏཾ མི་དྡྷཾ པ་ཧཱི་ཡེ་ཐ, ཏ་ཏོ ཏྭཾ, མོ་གྒ་ལླཱ་ན, ཨཱ་ལོ་ཀ་ས་ཉྙཾ མ་ན་སི ཀ་རེ་ཡྻཱ་སི, དི་ཝཱ་ས་ཉྙཾ ཨ་དྷི་ཊྛ་ཧེ་ཡྻཱ་སི – ཡ་ཐཱ དི་ཝཱ ཏ་ཐཱ ར་ཏྟིཾ ཡ་ཐཱ ར་ཏྟིཾ ཏ་ཐཱ དི་ཝཱ. ཨི་ཏི ཝི་ཝ་ཊེ་ན [ཝི་ཝ་ཊྚེ་ན (སྱཱ.), མི་དྡྷ་ཝི་ག་ཏེ་ན (ཀ.)] ཙེ་ཏ་སཱ ཨ་པ་རི་ཡོ་ན་དྡྷེ་ན ས་པྤ་བྷཱ་སཾ ཙི་ཏྟཾ བྷཱ་ཝེ་ཡྻཱ་སི. ཋཱ་ནཾ ཁོ པ་ནེ་ཏཾ ཝི་ཛྫ་ཏི ཡཾ ཏེ ཨེ་ཝཾ ཝི་ཧ་ར་ཏོ ཏཾ མི་དྡྷཾ པ་ཧཱི་ཡེ་ཐ.

‘‘ནོ ཙེ ཏེ ཨེ་ཝཾ ཝི་ཧ་ར་ཏོ ཏཾ མི་དྡྷཾ པ་ཧཱི་ཡེ་ཐ, ཏ་ཏོ ཏྭཾ, མོ་གྒ་ལླཱ་ན, པ་ཙྪཱ་པུ་རེ་ས་ཉྙཱི [པ་ཙྪཱ་པུ་རེ ཏ་ཐཱ་ས་ཉྙཱི (ཀ་ཏྠ་ཙི)] ཙ་ངྐ་མཾ ཨ་དྷི་ཊྛ་ཧེ་ཡྻཱ་སི ཨ་ནྟོ་ག་ཏེ་ཧི ཨི་ནྡྲི་ཡེ་ཧི ཨ་བ་ཧི་ག་ཏེ་ན མཱ་ན་སེ་ན. ཋཱ་ནཾ ཁོ པ་ནེ་ཏཾ ཝི་ཛྫ་ཏི ཡཾ ཏེ ཨེ་ཝཾ ཝི་ཧ་ར་ཏོ ཏཾ མི་དྡྷཾ པ་ཧཱི་ཡེ་ཐ.

‘‘ནོ ཙེ ཏེ ཨེ་ཝཾ ཝི་ཧ་ར་ཏོ ཏཾ མི་དྡྷཾ པ་ཧཱི་ཡེ་ཐ, ཏ་ཏོ ཏྭཾ, མོ་གྒ་ལླཱ་ན, ད་ཀྑི་ཎེ་ན པ་སྶེ་ན སཱི་ཧ་སེ་ཡྻཾ ཀ་པྤེ་ཡྻཱ་སི པཱ་དེ པཱ་དཾ ཨ་ཙྩཱ་དྷཱ་ཡ ས་ཏོ ས་མྤ་ཛཱ་ནོ ཨུ་ཊྛཱ་ན་ས་ཉྙཾ མ་ན་སི ཀ་རི་ཏྭཱ. པ་ཊི་བུ་དྡྷེ་ན ཙ [པ་ཊི་བུ་དྡྷེ་ནེ་ཝ (སྱཱ.)] ཏེ, མོ་གྒ་ལླཱ་ན, ཁི་པྤ་ཉྙེ་ཝ པ་ཙྩུ་ཊྛཱ་ཏ་བྦཾ – ‘ན སེ་ཡྻ་སུ་ཁཾ ན པ་སྶ་སུ་ཁཾ ན མི་དྡྷ་སུ་ཁཾ ཨ་ནུ་ཡུ་ཏྟོ ཝི་ཧ་རི་སྶཱ་མཱི’ཏི. ཨེ་ཝ་ཉྷི ཏེ, མོ་གྒ་ལླཱ་ན, སི་ཀྑི་ཏ་བྦཾ.

‘‘ཏ་སྨཱ་ཏི་ཧ, མོ་གྒ་ལླཱ་ན, ཨེ་ཝཾ སི་ཀྑི་ཏ་བྦཾ – ‘ན ཨུ་ཙྩཱ་སོ་ཎྜཾ པ་གྒ་ཧེ་ཏྭཱ ཀུ་ལཱ་ནི ཨུ་པ་ས་ངྐ་མི་སྶཱ་མཱི’ཏི. ཨེ་ཝ་ཉྷི ཏེ, མོ་གྒ་ལླཱ་ན, སི་ཀྑི་ཏ་བྦཾ. ས་ཙེ, མོ་གྒ་ལླཱ་ན, བྷི་ཀྑུ ཨུ་ཙྩཱ་སོ་ཎྜཾ པ་གྒ་ཧེ་ཏྭཱ ཀུ་ལཱ་ནི ཨུ་པ་ས་ངྐ་མ་ཏི, ས་ནྟི ཧི, མོ་གྒ་ལླཱ་ན, ཀུ་ལེ་སུ ཀི་ཙྩ་ཀ་ར་ཎཱི་ཡཱ་ནི. ཡེ་ཧི མ་ནུ་སྶཱ ཨཱ་ག་ཏཾ བྷི་ཀྑུཾ ན མ་ན་སི ཀ་རོ་ནྟི, ཏ་ཏྲ བྷི་ཀྑུ་སྶ ཨེ་ཝཾ ཧོ་ཏི – ‘ཀོ་སུ ནཱ་མ ཨི་དཱ་ནི མཾ ཨི་མ་སྨིཾ ཀུ་ལེ པ་རི་བྷི་ནྡི, ཝི་ར་ཏྟ་རཱུ་པཱ དཱ་ནི་མེ མ་ཡི མ་ནུ་སྶཱ’ཏི. ཨི་ཏི་སྶ ཨ་ལཱ་བྷེ་ན མ་ངྐུ་བྷཱ་ཝོ, མ་ངྐུ་བྷཱུ་ཏ་སྶ ཨུ་དྡྷ་ཙྩཾ, ཨུ་དྡྷ་ཏ་སྶ ཨ་སཾ་ཝ་རོ, ཨ་སཾ་ཝུ་ཏ་སྶ ཨཱ་རཱ ཙི་ཏྟཾ ས་མཱ་དྷི་མྷཱ.

‘‘ཏ་སྨཱ་ཏི་ཧ, མོ་གྒ་ལླཱ་ན, ཨེ་ཝཾ སི་ཀྑི་ཏ་བྦཾ – ‘ན ཝི་གྒཱ་ཧི་ཀ་ཀ་ཐཾ ཀ་ཐེ་སྶཱ་མཱི’ཏི. ཨེ་ཝ་ཉྷི ཏེ, མོ་གྒ་ལླཱ་ན, སི་ཀྑི་ཏ་བྦཾ. ཝི་གྒཱ་ཧི་ཀཱ་ཡ, མོ་གྒ་ལླཱ་ན, ཀ་ཐཱ་ཡ ས་ཏི ཀ་ཐཱ་བཱ་ཧུ་ལླཾ པཱ་ཊི་ཀ་ངྑཾ, ཀ་ཐཱ་བཱ་ཧུ་ལླེ ས་ཏི ཨུ་དྡྷ་ཙྩཾ, ཨུ་དྡྷ་ཏ་སྶ ཨ་སཾ་ཝ་རོ, ཨ་སཾ་ཝུ་ཏ་སྶ ཨཱ་རཱ ཙི་ཏྟཾ ས་མཱ་དྷི་མྷཱ [ནཱ་ཧཾ མོ་གྒ་ལཱ་ན ས་བྦེ་ཧེ་ཝ ས་མ་གྒཾ ཝ་ཎྞ་ཡཱ་མི ག་ཧ་ཊྛེ་ཧི. པ་བྦ་ཛི་ཏེ་ཧི ཁོ ཨ་ཧཾ མོ་གྒ་ལླཱ་ན ས་མ་གྒཾ ཝ་ཎྞ་ཡཱ་མི (ཀ.)]. ནཱ་ཧཾ, མོ་གྒ་ལླཱ་ན, ས་བྦེ་ཧེ་ཝ སཾ་ས་གྒཾ ཝ་ཎྞ་ཡཱ་མི. ན པ་ནཱ་ཧཾ, མོ་གྒ་ལླཱ་ན, ས་བྦེ་ཧེ་ཝ སཾ་ས་གྒཾ ན ཝ་ཎྞ་ཡཱ་མི. ས་ག་ཧ་ཊྛ་པ་བྦ་ཛི་ཏེ་ཧི ཁོ ཨ་ཧཾ, མོ་གྒ་ལླཱ་ན, སཾ་ས་གྒཾ ན ཝ་ཎྞ་ཡཱ་མི [ནཱ་ཧཾ མོ་གྒ་ལླཱ་ན ས་བྦེ་ཧེ་ཝ ས་མ་གྒཾ ཝ་ཎྞ་ཡཱ་མི ག་ཧ་ཊྛེ་ཧི, པ་བྦ་ཛི་ཏེ་ཧི ཁོ ཨ་ཧཾ མོ་གྒ་ལླཱ་ན ས་མ་གྒཾ ཝ་ཎྞ་ཡཱ་མི (ཀ.)]. ཡཱ་ནི ཙ ཁོ ཏཱ་ནི སེ་ནཱ་ས་ནཱ་ནི ཨ་པྤ་ས་དྡཱ་ནི ཨ་པྤ་ནི་གྒྷོ་སཱ་ནི ཝི་ཛ་ན་ཝཱ་ཏཱ་ནི མ་ནུ་སྶ་རཱ་ཧ་སྶེ་ཡྻ་ཀཱ་ནི [མ་ནུ་སྶ་རཱ་ཧ་སེ་ཡྻ་ཀཱ་ནི (སཱི. སྱཱ.)] པ་ཊི་ས་ལླཱ་ན་སཱ་རུ་པྤཱ་ནི ཏ་ཐཱ་རཱུ་པེ་ཧི སེ་ནཱ་ས་ནེ་ཧི སཾ་ས་གྒཾ [ས་མ་གྒཾ (ཀ.)] ཝ་ཎྞ་ཡཱ་མཱི’’ཏི.

ཨེ་ཝཾ ཝུ་ཏྟེ ཨཱ་ཡ་སྨཱ མ་ཧཱ་མོ་གྒ་ལླཱ་ནོ བྷ་ག་ཝ་ནྟཾ ཨེ་ཏ་ད་ཝོ་ཙ – ‘‘ཀི་ཏྟཱ་ཝ་ཏཱ ནུ ཁོ, བྷ་ནྟེ, བྷི་ཀྑུ སཾ་ཁི་ཏྟེ་ན ཏ་ཎྷཱ་ས་ངྑ་ཡ་ཝི་མུ་ཏྟོ ཧོ་ཏི ཨ་ཙྩ་ནྟ་ནི་ཊྛོ ཨ་ཙྩ་ནྟ་ཡོ་ག་ཀྑེ་མཱི ཨ་ཙྩ་ནྟ་བྲ་ཧྨ་ཙཱ་རཱི ཨ་ཙྩ་ནྟ་པ་རི་ཡོ་སཱ་ནོ སེ་ཊྛོ དེ་ཝ་མ་ནུ་སྶཱ་ན’’ནྟི?

‘‘ཨི་དྷ, མོ་གྒ་ལླཱ་ན, བྷི་ཀྑུ་ནོ སུ་ཏཾ ཧོ་ཏི – ‘ས་བྦེ དྷ་མྨཱ ནཱ་ལཾ ཨ་བྷི་ནི་ཝེ་སཱ་ཡཱ’ཏི; ཨེ་ཝ་ཉྩེ་ཏཾ, མོ་གྒ་ལླཱ་ན, བྷི་ཀྑུ་ནོ སུ་ཏཾ ཧོ་ཏི – ‘ས་བྦེ དྷ་མྨཱ ནཱ་ལཾ ཨ་བྷི་ནི་ཝེ་སཱ་ཡཱ’ཏི. སོ ས་བྦཾ དྷ་མྨཾ ཨ་བྷི་ཛཱ་ནཱ་ཏི, ས་བྦཾ དྷ་མྨཾ ཨ་བྷི་ཉྙཱ་ཡ ས་བྦཾ དྷ་མྨཾ པ་རི་ཛཱ་ནཱ་ཏི. ས་བྦཾ དྷ་མྨཾ པ་རི་ཉྙཱ་ཡ ཡཾ་ཀི་ཉྩི ཝེ་ད་ནཾ ཝེ་དི་ཡ་ཏི སུ་ཁཾ ཝཱ དུ་ཀྑཾ ཝཱ ཨ་དུ་ཀྑ་མ་སུ་ཁཾ ཝཱ. སོ ཏཱ་སུ ཝེ་ད་ནཱ་སུ ཨ་ནི་ཙྩཱ་ནུ་པ་སྶཱི ཝི་ཧ་ར་ཏི, ཝི་རཱ་གཱ་ནུ་པ་སྶཱི ཝི་ཧ་ར་ཏི, ནི་རོ་དྷཱ་ནུ་པ་སྶཱི ཝི་ཧ་ར་ཏི, པ་ཊི་ནི་སྶ་གྒཱ་ནུ་པ་སྶཱི ཝི་ཧ་ར་ཏི. སོ ཏཱ་སུ ཝེ་ད་ནཱ་སུ ཨ་ནི་ཙྩཱ་ནུ་པ་སྶཱི ཝི་ཧ་ར་ནྟོ ཝི་རཱ་གཱ་ནུ་པ་སྶཱི ཝི་ཧ་ར་ནྟོ ནི་རོ་དྷཱ་ནུ་པ་སྶཱི ཝི་ཧ་ར་ནྟོ པ་ཊི་ནི་སྶ་གྒཱ་ནུ་པ་སྶཱི ཝི་ཧ་ར་ནྟོ ན ཀི་ཉྩི [ན ཙ ཀི་ཉྩི (སཱི. སྱཱ. ཀ.) མ. ནི. ༡.༣༩༠ པ་སྶི་ཏ་བྦཾ] ལོ་ཀེ ཨུ་པཱ་དི་ཡ་ཏི, ཨ་ནུ་པཱ་དི་ཡཾ ན པ་རི་ཏ་སྶ་ཏི, ཨ་པ་རི་ཏ་སྶཾ པ་ཙྩ་ཏྟཾ་ཡེ་ཝ པ་རི་ནི་བྦཱ་ཡ་ཏི. ‘ཁཱི་ཎཱ ཛཱ་ཏི, ཝུ་སི་ཏཾ བྲ་ཧྨ་ཙ་རི་ཡཾ, ཀ་ཏཾ ཀ་ར་ཎཱི་ཡཾ, ནཱ་པ་རཾ ཨི་ཏྠ་ཏྟཱ་ཡཱ’ཏི པ་ཛཱ་ནཱ་ཏི. ཨེ་ཏྟཱ་ཝ་ཏཱ ཁོ, མོ་གྒ་ལླཱ་ན, བྷི་ཀྑུ སཾ་ཁི་ཏྟེ་ན ཏ་ཎྷཱ་ས་ངྑ་ཡ་ཝི་མུ་ཏྟོ ཧོ་ཏི ཨ་ཙྩ་ནྟ་ནི་ཊྛོ ཨ་ཙྩ་ནྟ་ཡོ་ག་ཀྑེ་མཱི ཨ་ཙྩ་ནྟ་བྲ་ཧྨ་ཙཱ་རཱི ཨ་ཙྩ་ནྟ་པ་རི་ཡོ་སཱ་ནོ སེ་ཊྛོ དེ་ཝ་མ་ནུ་སྶཱ་ན’’ནྟི. ཨ་ཊྛ་མཾ.