༡. ཀཱ་ཡཱ་ནུ་པ་སྶཱི་སུ་ཏྟཾ

༡༡༧. ‘‘ཚ, བྷི་ཀྑ་ཝེ, དྷ་མྨེ ཨ་པྤ་ཧཱ་ཡ ཨ་བྷ་བྦོ ཀཱ་ཡེ ཀཱ་ཡཱ་ནུ་པ་སྶཱི ཝི་ཧ་རི་ཏུཾ. ཀ་ཏ་མེ ཚ? ཀ་མྨཱ་རཱ་མ་ཏཾ, བྷ་སྶཱ་རཱ་མ་ཏཾ, ནི་དྡཱ་རཱ་མ་ཏཾ, ས་ངྒ་ཎི་ཀཱ་རཱ་མ་ཏཾ, ཨི་ནྡྲི་ཡེ་སུ ཨ་གུ་ཏྟ་དྭཱ་ར་ཏཾ, བྷོ་ཛ་ནེ ཨ་མ་ཏྟ་ཉྙུ་ཏཾ. ཨི་མེ ཁོ, བྷི་ཀྑ་ཝེ, ཚ དྷ་མྨེ ཨ་པྤ་ཧཱ་ཡ ཨ་བྷ་བྦོ ཀཱ་ཡེ ཀཱ་ཡཱ་ནུ་པ་སྶཱི ཝི་ཧ་རི་ཏུཾ.

‘‘ཚ, བྷི་ཀྑ་ཝེ, དྷ་མྨེ པ་ཧཱ་ཡ བྷ་བྦོ ཀཱ་ཡེ ཀཱ་ཡཱ་ནུ་པ་སྶཱི ཝི་ཧ་རི་ཏུཾ. ཀ་ཏ་མེ ཚ? ཀ་མྨཱ་རཱ་མ་ཏཾ, བྷ་སྶཱ་རཱ་མ་ཏཾ, ནི་དྡཱ་རཱ་མ་ཏཾ, ས་ངྒ་ཎི་ཀཱ་རཱ་མ་ཏཾ, ཨི་ནྡྲི་ཡེ་སུ ཨ་གུ་ཏྟ་དྭཱ་ར་ཏཾ, བྷོ་ཛ་ནེ ཨ་མ་ཏྟ་ཉྙུ་ཏཾ – ཨི་མེ ཁོ, བྷི་ཀྑ་ཝེ, ཚ དྷ་མྨེ པ་ཧཱ་ཡ བྷ་བྦོ ཀཱ་ཡེ ཀཱ་ཡཱ་ནུ་པ་སྶཱི ཝི་ཧ་རི་ཏུ’’ནྟི. པ་ཋ་མཾ.