༩. དོ་ཝ་ཙ་སྶ་ཏཱ་སུ་ཏྟཾ

༡༡༥. ‘‘ཏ་ཡོ་མེ, བྷི་ཀྑ་ཝེ, དྷ་མྨཱ. ཀ་ཏ་མེ ཏ་ཡོ? དོ་ཝ་ཙ་སྶ་ཏཱ, པཱ་པ་མི་ཏྟ་ཏཱ, ཙེ་ཏ་སོ ཝི་ཀྑེ་པོ. ཨི་མེ ཁོ, བྷི་ཀྑ་ཝེ, ཏ་ཡོ དྷ་མྨཱ. ཨི་མེ་སཾ ཁོ, བྷི་ཀྑ་ཝེ, ཏི་ཎྞཾ དྷ་མྨཱ་ནཾ པ་ཧཱ་ནཱ་ཡ ཏ་ཡོ དྷ་མྨཱ བྷཱ་ཝེ་ཏ་བྦཱ. ཀ་ཏ་མེ ཏ་ཡོ? དོ་ཝ་ཙ་སྶ་ཏཱ་ཡ པ་ཧཱ་ནཱ་ཡ སོ་ཝ་ཙ་སྶ་ཏཱ བྷཱ་ཝེ་ཏ་བྦཱ, པཱ་པ་མི་ཏྟ་ཏཱ་ཡ པ་ཧཱ་ནཱ་ཡ ཀ་ལྱཱ་ཎ་མི་ཏྟ་ཏཱ བྷཱ་ཝེ་ཏ་བྦཱ, ཙེ་ཏ་སོ ཝི་ཀྑེ་པ་སྶ པ་ཧཱ་ནཱ་ཡ ཨཱ་ནཱ་པཱ་ན་སྶ་ཏི བྷཱ་ཝེ་ཏ་བྦཱ. ཨི་མེ་སཾ ཁོ, བྷི་ཀྑ་ཝེ, ཏི་ཎྞཾ དྷ་མྨཱ་ནཾ པ་ཧཱ་ནཱ་ཡ ཨི་མེ ཏ་ཡོ དྷ་མྨཱ བྷཱ་ཝེ་ཏ་བྦཱ’’ཏི. ན་ཝ་མཾ.