༡. ཨཱ་ཝཱ་སི་ཀ་སུ་ཏྟཾ

༢༣༡. ‘‘པ་ཉྩ་ཧི, བྷི་ཀྑ་ཝེ, དྷ་མྨེ་ཧི ས་མ་ནྣཱ་ག་ཏོ ཨཱ་ཝཱ་སི་ཀོ བྷི་ཀྑུ ཨ་བྷཱ་ཝ་ནཱི་ཡོ ཧོ་ཏི. ཀ་ཏ་མེ་ཧི པ་ཉྩ་ཧི? ན ཨཱ་ཀ་པྤ་ས་མྤ་ནྣོ ཧོ་ཏི ན ཝ་ཏྟ་ས་མྤ་ནྣོ; ན བ་ཧུ་སྶུ་ཏོ ཧོ་ཏི ན སུ་ཏ་དྷ་རོ; ན པ་ཊི་ས་ལླེ་ཁི་ཏཱ [ས་ལླེ་ཁི་ཏཱ (ཀ. སཱི.)] ཧོ་ཏི ན པ་ཊི་ས་ལླཱ་ནཱ་རཱ་མོ; ན ཀ་ལྱཱ་ཎ་ཝཱ་ཙོ ཧོ་ཏི ན ཀ་ལྱཱ་ཎ་ཝཱ་ཀྐ་ར་ཎོ; དུ་པྤ་ཉྙོ ཧོ་ཏི ཛ་ལོ༹ ཨེ་ལ༹་མཱུ་གོ. ཨི་མེ་ཧི ཁོ, བྷི་ཀྑ་ཝེ, པ་ཉྩ་ཧི དྷ་མྨེ་ཧི ས་མ་ནྣཱ་ག་ཏོ ཨཱ་ཝཱ་སི་ཀོ བྷི་ཀྑུ ཨ་བྷཱ་ཝ་ནཱི་ཡོ ཧོ་ཏི.

‘‘པ་ཉྩ་ཧི, བྷི་ཀྑ་ཝེ, དྷ་མྨེ་ཧི ས་མ་ནྣཱ་ག་ཏོ ཨཱ་ཝཱ་སི་ཀོ བྷི་ཀྑུ བྷཱ་ཝ་ནཱི་ཡོ ཧོ་ཏི. ཀ་ཏ་མེ་ཧི པ་ཉྩ་ཧི? ཨཱ་ཀ་པྤ་ས་མྤ་ནྣོ ཧོ་ཏི ཝ་ཏྟ་ས་མྤ་ནྣོ; བ་ཧུ་སྶུ་ཏོ ཧོ་ཏི སུ་ཏ་དྷ་རོ; པ་ཊི་ས་ལླེ་ཁི་ཏཱ ཧོ་ཏི པ་ཊི་ས་ལླཱ་ནཱ་རཱ་མོ; ཀ་ལྱཱ་ཎ་ཝཱ་ཙོ ཧོ་ཏི ཀ་ལྱཱ་ཎ་ཝཱ་ཀྐ་ར་ཎོ; པ་ཉྙ་ཝཱ ཧོ་ཏི ཨ་ཛ་ལོ༹ ཨ་ནེ་ལ༹་མཱུ་གོ. ཨི་མེ་ཧི ཁོ, བྷི་ཀྑ་ཝེ, པ་ཉྩ་ཧི དྷ་མྨེ་ཧི ས་མ་ནྣཱ་ག་ཏོ ཨཱ་ཝཱ་སི་ཀོ བྷི་ཀྑུ བྷཱ་ཝ་ནཱི་ཡོ ཧོ་ཏཱི’’ཏི. པ་ཋ་མཾ.