༦. དུ་ཏི་ཡ་ཀུ་ལཱུ་པ་ཀ་སུ་ཏྟཾ

༢༢༦. ‘‘པ་ཉྩི་མེ, བྷི་ཀྑ་ཝེ, ཨཱ་དཱི་ན་ཝཱ ཀུ་ལཱུ་པ་ཀ་སྶ བྷི་ཀྑུ་ནོ ཨ་ཏི་ཝེ་ལཾ ཀུ་ལེ་སུ སཾ་ས་ཊྛ་སྶ ཝི་ཧ་ར་ཏོ. ཀ་ཏ་མེ པ་ཉྩ? མཱ་ཏུ་གཱ་མ་སྶ ཨ་བྷི་ཎྷ་ད་སྶ་ནཾ, ད་སྶ་ནེ ས་ཏི སཾ་ས་གྒོ, སཾ་ས་གྒེ ས་ཏི ཝི་སྶཱ་སོ, ཝི་སྶཱ་སེ ས་ཏི ཨོ་ཏཱ་རོ, ཨོ་ཏི་ཎྞ་ཙི་ཏྟ་སྶེ་ཏཾ པཱ་ཊི་ཀ་ངྑཾ – ‘ཨ་ན་བྷི་ར་ཏོ ཝཱ བྲ་ཧྨ་ཙ་རི་ཡཾ ཙ་རི་སྶ་ཏི ཨ་ཉྙ་ཏ་རཾ ཝཱ སཾ་ཀི་ལི་ཊྛཾ ཨཱ་པ་ཏྟིཾ ཨཱ་པ་ཛྫི་སྶ་ཏི སི་ཀྑཾ ཝཱ པ་ཙྩ་ཀྑཱ་ཡ ཧཱི་ནཱ་ཡཱ་ཝ་ཏྟི་སྶ་ཏི’. ཨི་མེ ཁོ, བྷི་ཀྑ་ཝེ, པ་ཉྩ ཨཱ་དཱི་ན་ཝཱ ཀུ་ལཱུ་པ་ཀ་སྶ བྷི་ཀྑུ་ནོ ཨ་ཏི་ཝེ་ལཾ ཀུ་ལེ་སུ སཾ་ས་ཊྛ་སྶ ཝི་ཧ་ར་ཏོ’’ཏི. ཚ་ཊྛཾ.