༤. མ་ཙྪ་རཱི་སུ་ཏྟཾ

༢༢༤. ‘‘པ་ཉྩི་མེ, བྷི་ཀྑ་ཝེ, ཨཱ་དཱི་ན་ཝཱ ཨ་ཏི་ནི་ཝཱ་སེ. ཀ་ཏ་མེ པ་ཉྩ? ཨཱ་ཝཱ་ས་མ་ཙྪ་རཱི ཧོ་ཏི, ཀུ་ལ་མ་ཙྪ་རཱི ཧོ་ཏི, ལཱ་བྷ་མ་ཙྪ་རཱི ཧོ་ཏི, ཝ་ཎྞ་མ་ཙྪ་རཱི ཧོ་ཏི, དྷ་མྨ་མ་ཙྪ་རཱི ཧོ་ཏི. ཨི་མེ ཁོ, བྷི་ཀྑ་ཝེ, པ་ཉྩ ཨཱ་དཱི་ན་ཝཱ ཨ་ཏི་ནི་ཝཱ་སེ.

‘‘པ་ཉྩི་མེ, བྷི་ཀྑ་ཝེ, ཨཱ་ནི་སཾ་སཱ ས་མ་ཝ་ཏྠ་ཝཱ་སེ. ཀ་ཏ་མེ པ་ཉྩ? ན ཨཱ་ཝཱ་ས་མ་ཙྪ་རཱི ཧོ་ཏི, ན ཀུ་ལ་མ་ཙྪ་རཱི ཧོ་ཏི, ན ལཱ་བྷ་མ་ཙྪ་རཱི ཧོ་ཏི, ན ཝ་ཎྞ་མ་ཙྪ་རཱི ཧོ་ཏི, ན དྷ་མྨ་མ་ཙྪ་རཱི ཧོ་ཏི. ཨི་མེ ཁོ, བྷི་ཀྑ་ཝེ, པ་ཉྩ ཨཱ་ནི་སཾ་སཱ ས་མ་ཝ་ཏྠ་ཝཱ་སེ’’ཏི. ཙ་ཏུ་ཏྠཾ.