༡. པ་ཋ་མ་དཱི་གྷ་ཙཱ་རི་ཀ་སུ་ཏྟཾ

༢༢༡. ‘‘པ་ཉྩི་མེ, བྷི་ཀྑ་ཝེ, ཨཱ་དཱི་ན་ཝཱ དཱི་གྷ་ཙཱ་རི་ཀཾ ཨ་ན་ཝ་ཏྠ་ཙཱ་རི་ཀཾ ཨ་ནུ་ཡུ་ཏྟ་སྶ ཝི་ཧ་ར་ཏོ. ཀ་ཏ་མེ པ་ཉྩ? ཨ་སྶུ་ཏཾ ན སུ་ཎཱ་ཏི, སུ་ཏཾ ན པ་རི་ཡོ་དཱ་པེ་ཏི, སུ་ཏེ་ནེ་ཀ་ཙྩེ་ན ཨ་ཝི་སཱ་ར་དོ ཧོ་ཏི, གཱ་ལ༹ྷཾ [བཱ་ལ༹ྷཾ (སྱཱ.)] རོ་གཱ་ཏ་ངྐཾ ཕུ་ས་ཏི, ན ཙ མི་ཏྟ་ཝཱ ཧོ་ཏི. ཨི་མེ ཁོ, བྷི་ཀྑ་ཝེ, པ་ཉྩ ཨཱ་དཱི་ན་ཝཱ དཱི་གྷ་ཙཱ་རི་ཀཾ ཨ་ན་ཝ་ཏྠ་ཙཱ་རི་ཀཾ ཨ་ནུ་ཡུ་ཏྟ་སྶ ཝི་ཧ་ར་ཏོ.

‘‘པ་ཉྩི་མེ, བྷི་ཀྑ་ཝེ, ཨཱ་ནི་སཾ་སཱ ས་མ་ཝ་ཏྠ་ཙཱ་རེ. ཀ་ཏ་མེ པ་ཉྩ? ཨ་སྶུ་ཏཾ སུ་ཎཱ་ཏི, སུ་ཏཾ པ་རི་ཡོ་དཱ་པེ་ཏི, སུ་ཏེ་ནེ་ཀ་ཙྩེ་ན ཝི་སཱ་ར་དོ ཧོ་ཏི, ན གཱ་ལ༹ྷཾ རོ་གཱ་ཏ་ངྐཾ ཕུ་ས་ཏི, མི་ཏྟ་ཝཱ ཙ ཧོ་ཏི. ཨི་མེ ཁོ, བྷི་ཀྑ་ཝེ, པ་ཉྩ ཨཱ་ནི་སཾ་སཱ ས་མ་ཝ་ཏྠ་ཙཱ་རེ’’ཏི. པ་ཋ་མཾ.