༨. དུ་ཏི་ཡ་ཨ་པཱ་སཱ་དི་ཀ་སུ་ཏྟཾ

༢༡༨. ‘‘པ་ཉྩི་མེ, བྷི་ཀྑ་ཝེ, ཨཱ་དཱི་ན་ཝཱ ཨ་པཱ་སཱ་དི་ཀེ. ཀ་ཏ་མེ པ་ཉྩ? ཨ་པྤ་ས་ནྣཱ ན་པྤ་སཱི་ད་ནྟི, པ་ས་ནྣཱ་ན་ཉྩ ཨེ་ཀ་ཙྩཱ་ནཾ ཨ་ཉྙ་ཐ་ཏྟཾ ཧོ་ཏི, ས་ཏྠུ་སཱ་ས་ནཾ ཨ་ཀ་ཏཾ [ན ཀ་ཏཾ (སྱཱ. ཀཾ. ཀ.)] ཧོ་ཏི, པ་ཙྪི་མཱ ཛ་ན་ཏཱ དི་ཊྛཱ་ནུ་ག་ཏིཾ ཨཱ་པ་ཛྫ་ཏི, ཙི་ཏྟ་མ་སྶ ན་པྤ་སཱི་ད་ཏི. ཨི་མེ ཁོ, བྷི་ཀྑ་ཝེ, པ་ཉྩ ཨཱ་དཱི་ན་ཝཱ ཨ་པཱ་སཱ་དི་ཀེ.

‘‘པ་ཉྩི་མེ, བྷི་ཀྑ་ཝེ, ཨཱ་ནི་སཾ་སཱ པཱ་སཱ་དི་ཀེ. ཀ་ཏ་མེ པ་ཉྩ? ཨ་པྤ་ས་ནྣཱ པ་སཱི་ད་ནྟི, པ་ས་ནྣཱ་ན་ཉྩ བྷི་ཡྻོ་བྷཱ་ཝོ ཧོ་ཏི, ས་ཏྠུ་སཱ་ས་ནཾ ཀ་ཏཾ ཧོ་ཏི, པ་ཙྪི་མཱ ཛ་ན་ཏཱ དི་ཊྛཱ་ནུ་ག་ཏིཾ ཨཱ་པ་ཛྫ་ཏི, ཙི་ཏྟ་མ་སྶ པ་སཱི་ད་ཏི. ཨི་མེ ཁོ, བྷི་ཀྑ་ཝེ, པ་ཉྩ ཨཱ་ནི་སཾ་སཱ པཱ་སཱ་དི་ཀེ’’ཏི. ཨ་ཊྛ་མཾ.