༡. ཨ་ཀྐོ་ས་ཀ་སུ་ཏྟཾ

༢༡༡. ‘‘ཡོ སོ, བྷི་ཀྑ་ཝེ, བྷི་ཀྑུ ཨ་ཀྐོ་ས་ཀ་པ་རི་བྷཱ་ས་ཀོ ཨ་རི་ཡཱུ་པ་ཝཱ་དཱི ས་བྲ་ཧྨ་ཙཱ་རཱི་ནཾ, ཏ་སྶ པ་ཉྩ ཨཱ་དཱི་ན་ཝཱ པཱ་ཊི་ཀ་ངྑཱ. ཀ་ཏ་མེ པ་ཉྩ? པཱ་རཱ་ཛི་ཀོ ཝཱ ཧོ་ཏི ཚི་ནྣ་པ་རི་པ་ནྠོ [ཚི་ནྣ་པ་རི་བ་ནྡྷོ (ཀ.)], ཨ་ཉྙ་ཏ་རཾ ཝཱ སཾ་ཀི་ལི་ཊྛཾ ཨཱ་པ་ཏྟིཾ ཨཱ་པ་ཛྫ་ཏི, བཱ་ལ༹ྷཾ ཝཱ རོ་གཱ་ཏ་ངྐཾ ཕུ་ས་ཏི, ས་མྨཱུ་ལ༹ྷོ ཀཱ་ལཾ ཀ་རོ་ཏི, ཀཱ་ཡ་སྶ བྷེ་དཱ པ་རཾ མ་ར་ཎཱ ཨ་པཱ་ཡཾ དུ་གྒ་ཏིཾ ཝི་ནི་པཱ་ཏཾ ནི་ར་ཡཾ ཨུ་པ་པ་ཛྫ་ཏི. ཡོ སོ, བྷི་ཀྑ་ཝེ, བྷི་ཀྑུ ཨ་ཀྐོ་ས་ཀ་པ་རི་བྷཱ་ས་ཀོ ཨ་རི་ཡཱུ་པ་ཝཱ་དཱི ས་བྲ་ཧྨ་ཙཱ་རཱི་ནཾ, ཏ་སྶ ཨི་མེ པ་ཉྩ ཨཱ་དཱི་ན་ཝཱ པཱ་ཊི་ཀ་ངྑཱ’’ཏི. པ་ཋ་མཾ.