༨. ད་ནྟ་ཀ་ཊྛ་སུ་ཏྟཾ

༢༠༨. ‘‘པ་ཉྩི་མེ, བྷི་ཀྑ་ཝེ, ཨཱ་དཱི་ན་ཝཱ ད་ནྟ་ཀ་ཊྛ་སྶ ཨ་ཁཱ་ད་ནེ. ཀ་ཏ་མེ པ་ཉྩ? ཨ་ཙ་ཀྑུ་སྶཾ, མུ་ཁཾ དུ་གྒ་ནྡྷཾ ཧོ་ཏི, ར་ས་ཧ་ར་ཎི་ཡོ ན ཝི་སུ་ཛ྄ཛྷ་ནྟི, པི་ཏྟཾ སེ་མྷཾ བྷ་ཏྟཾ པ་རི་ཡོ་ན་ནྡྷ་ཏི [པ་རི་ཡོ་ན་དྡྷ་ནྟི (སཱི. པཱི.), པ་རི་ཡོ་ན་དྡྷ་ཏི (སྱཱ. ཀཾ. ཀ.) ཙཱུ་ལ༹་ཝ. ༢༨༢ པ་སྶི་ཏ་བྦཾ], བྷ་ཏྟ་མ་སྶ ན་ཙྪཱ་དེ་ཏི. ཨི་མེ ཁོ, བྷི་ཀྑ་ཝེ, པ་ཉྩ ཨཱ་དཱི་ན་ཝཱ ད་ནྟ་ཀ་ཊྛ་སྶ ཨ་ཁཱ་ད་ནེ.

‘‘པ་ཉྩི་མེ, བྷི་ཀྑ་ཝེ, ཨཱ་ནི་སཾ་སཱ ད་ནྟ་ཀ་ཊྛ་སྶ ཁཱ་ད་ནེ. ཀ་ཏ་མེ པ་ཉྩ? ཙ་ཀྑུ་སྶཾ, མུ་ཁཾ ན དུ་གྒ་ནྡྷཾ ཧོ་ཏི, ར་ས་ཧ་ར་ཎི་ཡོ ཝི་སུ་ཛ྄ཛྷ་ནྟི, པི་ཏྟཾ སེ་མྷཾ བྷ་ཏྟཾ ན པ་རི་ཡོ་ན་ནྡྷ་ཏི, བྷ་ཏྟ་མ་སྶ ཚཱ་དེ་ཏི. ཨི་མེ ཁོ, བྷི་ཀྑ་ཝེ, པ་ཉྩ ཨཱ་ནི་སཾ་སཱ ད་ནྟ་ཀ་ཊྛ་སྶ ཁཱ་ད་ནེ’’ཏི. ཨ་ཊྛ་མཾ.