༨. མི་ཙྪཱ་དི་ཊྛི་ཀ་སུ་ཏྟཾ

༡༡༨. ‘‘པ་ཉྩ་ཧི, བྷི་ཀྑ་ཝེ, དྷ་མྨེ་ཧི ས་མ་ནྣཱ་ག་ཏཱ བྷི་ཀྑུ་ནཱི ཡ་ཐཱ་བྷ་ཏཾ ནི་ཀྑི་ཏྟཱ ཨེ་ཝཾ ནི་ར་ཡེ. ཀ་ཏ་མེ་ཧི པ་ཉྩ་ཧི? ཨ་ན་ནུ་ཝི་ཙྩ ཨ་པ་རི་ཡོ་གཱ་ཧེ་ཏྭཱ ཨ་ཝ་ཎྞཱ་ར་ཧ་སྶ ཝ་ཎྞཾ བྷཱ་ས་ཏི, ཨ་ན་ནུ་ཝི་ཙྩ ཨ་པ་རི་ཡོ་གཱ་ཧེ་ཏྭཱ ཝ་ཎྞཱ་ར་ཧ་སྶ ཨ་ཝ་ཎྞཾ བྷཱ་ས་ཏི, མི་ཙྪཱ་དི་ཊྛི་ཀཱ ཙ ཧོ་ཏི, མི་ཙྪཱ་ས་ངྐ་པྤཱ ཙ, ས་དྡྷཱ་དེ་ཡྻཾ ཝི་ནི་པཱ་ཏེ་ཏི. ཨི་མེ་ཧི ཁོ, བྷི་ཀྑ་ཝེ, པ་ཉྩ་ཧི དྷ་མྨེ་ཧི ས་མ་ནྣཱ་ག་ཏཱ བྷི་ཀྑུ་ནཱི ཡ་ཐཱ་བྷ་ཏཾ ནི་ཀྑི་ཏྟཱ ཨེ་ཝཾ ནི་ར་ཡེ.

‘‘པ་ཉྩ་ཧི, བྷི་ཀྑ་ཝེ, དྷ་མྨེ་ཧི ས་མ་ནྣཱ་ག་ཏཱ བྷི་ཀྑུ་ནཱི ཡ་ཐཱ་བྷ་ཏཾ ནི་ཀྑི་ཏྟཱ ཨེ་ཝཾ ས་གྒེ. ཀ་ཏ་མེ་ཧི པ་ཉྩ་ཧི? ཨ་ནུ་ཝི་ཙྩ པ་རི་ཡོ་གཱ་ཧེ་ཏྭཱ ཨ་ཝ་ཎྞཱ་ར་ཧ་སྶ ཨ་ཝ་ཎྞཾ བྷཱ་ས་ཏི, ཨ་ནུ་ཝི་ཙྩ པ་རི་ཡོ་གཱ་ཧེ་ཏྭཱ ཝ་ཎྞཱ་ར་ཧ་སྶ ཝ་ཎྞཾ བྷཱ་ས་ཏི, ས་མྨཱ་དི་ཊྛི་ཀཱ ཙ, ཧོ་ཏི, ས་མྨཱ་ས་ངྐ་པྤཱ ཙ, ས་དྡྷཱ་དེ་ཡྻཾ ན ཝི་ནི་པཱ་ཏེ་ཏི. ཨི་མེ་ཧི ཁོ, བྷི་ཀྑ་ཝེ, པ་ཉྩ་ཧི དྷ་མྨེ་ཧི ས་མ་ནྣཱ་ག་ཏཱ བྷི་ཀྑུ་ནཱི ཡ་ཐཱ་བྷ་ཏཾ ནི་ཀྑི་ཏྟཱ ཨེ་ཝཾ ས་གྒེ’’ཏི. ཨ་ཊྛ་མཾ.