༧. པ་ཋ་མ་ཨི་དྡྷི་པཱ་ད་སུ་ཏྟཾ

༦༧. ‘‘ཡོ ཧི ཀོ་ཙི, བྷི་ཀྑ་ཝེ, བྷི་ཀྑུ ཝཱ བྷི་ཀྑུ་ནཱི ཝཱ པ་ཉྩ དྷ་མྨེ [ཨི་མེ པ་ཉྩ དྷ་མྨེ (ཀ.)] བྷཱ་ཝེ་ཏི, པ་ཉྩ དྷ་མྨེ [ཨི་མེ པ་ཉྩ དྷ་མྨེ (ཀ.)] བ་ཧུ་ལཱི་ཀ་རོ་ཏི, ཏ་སྶ དྭི་ནྣཾ ཕ་ལཱ་ནཾ ཨ་ཉྙ་ཏ་རཾ ཕ་ལཾ པཱ་ཊི་ཀ་ངྑཾ – དི་ཊྛེ་ཝ དྷ་མྨེ ཨ་ཉྙཱ, ས་ཏི ཝཱ ཨུ་པཱ་དི་སེ་སེ ཨ་ནཱ་གཱ་མི་ཏཱ.

‘‘ཀ་ཏ་མེ པ་ཉྩ? ཨི་དྷ, བྷི་ཀྑ་ཝེ, བྷི་ཀྑུ ཚ་ནྡ་ས་མཱ་དྷི་པ་དྷཱ་ན་ས་ངྑཱ་ར་ས་མ་ནྣཱ་ག་ཏཾ ཨི་དྡྷི་པཱ་དཾ བྷཱ་ཝེ་ཏི, ཝཱི་རི་ཡ་ས་མཱ་དྷི…པེ… ཙི་ཏྟ་ས་མཱ་དྷི… ཝཱི་མཾ་སཱ་ས་མཱ་དྷི་པ་དྷཱ་ན་ས་ངྑཱ་ར་ས་མ་ནྣཱ་ག་ཏཾ ཨི་དྡྷི་པཱ་དཾ བྷཱ་ཝེ་ཏི, ཨུ་སྶོ་ལ༹ྷི་ཉྙེ་ཝ པ་ཉྩ་མིཾ [ཨུ་སྶོ་ལ༹ྷཱི་ཡེ་ཝ པ་ཉྩ་མཱི (སཱི.)]. ཡོ ཧི ཀོ་ཙི, བྷི་ཀྑ་ཝེ, བྷི་ཀྑུ ཝཱ བྷི་ཀྑུ་ནཱི ཝཱ ཨི་མེ པ་ཉྩ དྷ་མྨེ བྷཱ་ཝེ་ཏི, ཨི་མེ པ་ཉྩ དྷ་མྨེ བ་ཧུ་ལཱི་ཀ་རོ་ཏི, ཏ་སྶ དྭི་ནྣཾ ཕ་ལཱ་ནཾ ཨ་ཉྙ་ཏ་རཾ ཕ་ལཾ པཱ་ཊི་ཀ་ངྑཾ – དི་ཊྛེ་ཝ དྷ་མྨེ ཨ་ཉྙཱ, ས་ཏི ཝཱ ཨུ་པཱ་དི་སེ་སེ ཨ་ནཱ་གཱ་མི་ཏཱ’’ཏི. ས་ཏྟ་མཾ.