༨. དུ་ཏི་ཡ་ཨི་དྡྷི་པཱ་ད་སུ་ཏྟཾ

༦༨. ‘‘པུ་བྦེ་ཝཱ་ཧཾ, བྷི་ཀྑ་ཝེ, ས་མྦོ་དྷཱ ཨ་ན་བྷི་ས་མྦུ་དྡྷོ བོ་དྷི་ས་ཏྟོ་ཝ ས་མཱ་ནོ པ་ཉྩ དྷ་མྨེ བྷཱ་ཝེ་སིཾ, པ་ཉྩ དྷ་མྨེ བ་ཧུ་ལཱི་ཀཱ་སིཾ [བ་ཧུ་ལི་མ་ཀཱ་སིཾ (ཀ.), བ་ཧུ་ལ་མ་ཀཱ་སིཾ (ཀ.)]. ཀ་ཏ་མེ པ་ཉྩ? ཚ་ནྡ་ས་མཱ་དྷི་པ་དྷཱ་ན་ས་ངྑཱ་ར་ས་མ་ནྣཱ་ག་ཏཾ ཨི་དྡྷི་པཱ་དཾ བྷཱ་ཝེ་སིཾ, ཝཱི་རི་ཡ་ས་མཱ་དྷི… ཙི་ཏྟ་ས་མཱ་དྷི… ཝཱི་མཾ་སཱ་ས་མཱ་དྷི་པ་དྷཱ་ན་ས་ངྑཱ་ར་ས་མ་ནྣཱ་ག་ཏཾ ཨི་དྡྷི་པཱ་དཾ བྷཱ་ཝེ་སིཾ, ཨུ་སྶོ་ལ༹ྷི་ཉྙེ་ཝ པ་ཉྩ་མིཾ. སོ ཁོ ཨ་ཧཾ, བྷི་ཀྑ་ཝེ, ཨི་མེ་སཾ ཨུ་སྶོ་ལ༹ྷི་པ་ཉྩ་མཱ་ནཾ དྷ་མྨཱ་ནཾ བྷཱ་ཝི་ཏ་ཏྟཱ བ་ཧུ་ལཱི་ཀ་ཏ་ཏྟཱ ཡ་སྶ ཡ་སྶ ཨ་བྷི་ཉྙཱ་ས་ཙྪི་ཀ་ར་ཎཱི་ཡ་སྶ དྷ་མྨ་སྶ ཙི་ཏྟཾ ཨ་བྷི་ནི་ནྣཱ་མེ་སིཾ ཨ་བྷི་ཉྙཱ་ས་ཙྪི་ཀི་རི་ཡཱ་ཡ, ཏ་ཏྲ ཏ་ཏྲེ་ཝ ས་ཀྑི་བྷ་བྦ་ཏཾ པཱ་པུ་ཎིཾ ས་ཏི ས་ཏི ཨཱ་ཡ་ཏ་ནེ.

‘‘སོ ས་ཙེ ཨཱ་ཀ་ངྑིཾ – ‘ཨ་ནེ་ཀ་ཝི་ཧི་ཏཾ ཨི་དྡྷི་ཝི་དྷཾ པ་ཙྩ་ནུ་བྷ་ཝེ་ཡྻཾ…པེ… ཡཱ་ཝ བྲ་ཧྨ་ལོ་ཀཱ་པི ཀཱ་ཡེ་ན ཝ་སཾ ཝ་ཏྟེ་ཡྻ’ནྟི, ཏ་ཏྲ ཏ་ཏྲེ་ཝ ས་ཀྑི་བྷ་བྦ་ཏཾ པཱ་པུ་ཎིཾ ས་ཏི ས་ཏི ཨཱ་ཡ་ཏ་ནེ.

‘‘སོ ས་ཙེ ཨཱ་ཀ་ངྑིཾ…པེ… ‘ཨཱ་ས་ཝཱ་ནཾ ཁ་ཡཱ ཨ་ནཱ་ས་ཝཾ ཙེ་ཏོ་ཝི་མུ་ཏྟིཾ པ་ཉྙཱ་ཝི་མུ་ཏྟིཾ དི་ཊྛེ་ཝ དྷ་མྨེ ས་ཡཾ ཨ་བྷི་ཉྙཱ ས་ཙྪི་ཀ་ཏྭཱ ཨུ་པ་ས་མྤ་ཛྫ ཝི་ཧ་རེ་ཡྻ’ནྟི, ཏ་ཏྲ ཏ་ཏྲེ་ཝ ས་ཀྑི་བྷ་བྦ་ཏཾ པཱ་པུ་ཎིཾ ས་ཏི ས་ཏི ཨཱ་ཡ་ཏ་ནེ’’ཏི. ཨ་ཊྛ་མཾ.