༦. པུ་ན་ཀཱུ་ཊ་སུ་ཏྟཾ

༡༦. ‘‘པ་ཉྩི་མཱ་ནི, བྷི་ཀྑ་ཝེ, བ་ལཱ་ནི. ཀ་ཏ་མཱ་ནི པ་ཉྩ? ས་དྡྷཱ་བ་ལཾ, ཝཱི་རི་ཡ་བ་ལཾ, ས་ཏི་བ་ལཾ, ས་མཱ་དྷི་བ་ལཾ, པ་ཉྙཱ་བ་ལཾ – ཨི་མཱ་ནི ཁོ, བྷི་ཀྑ་ཝེ, པ་ཉྩ བ་ལཱ་ནི. ཨི་མེ་སཾ ཁོ, བྷི་ཀྑ་ཝེ, པ་ཉྩ་ནྣཾ བ་ལཱ་ནཾ ཨེ་ཏཾ ཨ་གྒཾ ཨེ་ཏཾ ས་ངྒཱ་ཧི་ཀཾ ཨེ་ཏཾ ས་ངྒྷཱ་ཏ་ནི་ཡཾ, ཡ་དི་དཾ པ་ཉྙཱ་བ་ལཾ. སེ་ཡྻ་ཐཱ་པི, བྷི་ཀྑ་ཝེ, ཀཱུ་ཊཱ་གཱ་ར་སྶ ཨེ་ཏཾ ཨ་གྒཾ ཨེ་ཏཾ ས་ངྒཱ་ཧི་ཀཾ ཨེ་ཏཾ ས་ངྒྷཱ་ཏ་ནི་ཡཾ, ཡ་དི་དཾ ཀཱུ་ཊཾ. ཨེ་ཝ་མེ་ཝཾ ཁོ, བྷི་ཀྑ་ཝེ, ཨི་མེ་སཾ པ་ཉྩ་ནྣཾ བ་ལཱ་ནཾ ཨེ་ཏཾ ཨ་གྒཾ ཨེ་ཏཾ ས་ངྒཱ་ཧི་ཀཾ ཨེ་ཏཾ ས་ངྒྷཱ་ཏ་ནི་ཡཾ, ཡ་དི་དཾ པ་ཉྙཱ་བ་ལ’’ནྟི. ཚ་ཊྛཾ.