༢. ཀཱུ་ཊ་སུ་ཏྟཾ

༡༢. ‘‘པ་ཉྩི་མཱ་ནི, བྷི་ཀྑ་ཝེ, སེ་ཁ་བ་ལཱ་ནི. ཀ་ཏ་མཱ་ནི པ་ཉྩ? ས་དྡྷཱ་བ་ལཾ, ཧི་རཱི་བ་ལཾ, ཨོ་ཏྟ་པྤ་བ་ལཾ, ཝཱི་རི་ཡ་བ་ལཾ, པ་ཉྙཱ་བ་ལཾ – ཨི་མཱ་ནི ཁོ, བྷི་ཀྑ་ཝེ, པ་ཉྩ སེ་ཁ་བ་ལཱ་ནི. ཨི་མེ་སཾ ཁོ, བྷི་ཀྑ་ཝེ, པ་ཉྩ་ནྣཾ སེ་ཁ་བ་ལཱ་ནཾ ཨེ་ཏཾ ཨ་གྒཾ ཨེ་ཏཾ ས་ངྒཱ་ཧི་ཀཾ ཨེ་ཏཾ ས་ངྒྷཱ་ཏ་ནི་ཡཾ, ཡ་དི་དཾ པ་ཉྙཱ་བ་ལཾ.

‘‘སེ་ཡྻ་ཐཱ་པི, བྷི་ཀྑ་ཝེ, ཀཱུ་ཊཱ་གཱ་ར་སྶ ཨེ་ཏཾ ཨ་གྒཾ ཨེ་ཏཾ ས་ངྒཱ་ཧི་ཀཾ ཨེ་ཏཾ ས་ངྒྷཱ་ཏ་ནི་ཡཾ, ཡ་དི་དཾ ཀཱུ་ཊཾ. ཨེ་ཝ་མེ་ཝཾ ཁོ, བྷི་ཀྑ་ཝེ, ཨི་མེ་སཾ པ་ཉྩ་ནྣཾ སེ་ཁ་བ་ལཱ་ནཾ ཨེ་ཏཾ ཨ་གྒཾ ཨེ་ཏཾ ས་ངྒཱ་ཧི་ཀཾ ཨེ་ཏཾ ས་ངྒྷཱ་ཏ་ནི་ཡཾ, ཡ་དི་དཾ པ་ཉྙཱ་བ་ལཾ.

‘‘ཏ་སྨཱ་ཏི་ཧ, བྷི་ཀྑ་ཝེ, ཨེ་ཝཾ སི་ཀྑི་ཏ་བྦཾ – ‘ས་དྡྷཱ་བ་ལེ་ན ས་མ་ནྣཱ་ག་ཏཱ བྷ་ཝི་སྶཱ་མ སེ་ཁ་བ་ལེ་ན, ཧི་རཱི་བ་ལེ་ན… ཨོ་ཏྟ་པྤ་བ་ལེ་ན… ཝཱི་རི་ཡ་བ་ལེ་ན… པ་ཉྙཱ་བ་ལེ་ན ས་མ་ནྣཱ་ག་ཏཱ བྷ་ཝི་སྶཱ་མ སེ་ཁ་བ་ལེ་ནཱ’ཏི. ཨེ་ཝ་ཉྷི ཝོ, བྷི་ཀྑ་ཝེ, སི་ཀྑི་ཏ་བྦ’’ནྟི. དུ་ཏི་ཡཾ.