༣. དུ་ཀྑ་སུ་ཏྟཾ

༣. ‘‘པ་ཉྩ་ཧི, བྷི་ཀྑ་ཝེ, དྷ་མྨེ་ཧི ས་མ་ནྣཱ་ག་ཏོ བྷི་ཀྑུ དི་ཊྛེ་ཝ དྷ་མྨེ དུ་ཀྑཾ ཝི་ཧ་ར་ཏི ས་ཝི་གྷཱ་ཏཾ ས་ཨུ་པཱ་ཡཱ་སཾ ས་པ་རི་ལཱ༹་ཧཾ, ཀཱ་ཡ་སྶ ཙ བྷེ་དཱ པ་རཾ མ་ར་ཎཱ དུ་གྒ་ཏི པཱ་ཊི་ཀ་ངྑཱ. ཀ་ཏ་མེ་ཧི པ་ཉྩ་ཧི? ཨི་དྷ, བྷི་ཀྑ་ཝེ, བྷི་ཀྑུ ཨ་སྶ་དྡྷོ ཧོ་ཏི, ཨ་ཧི་རི་ཀོ ཧོ་ཏི, ཨ་ནོ་ཏྟ་པྤཱི ཧོ་ཏི, ཀུ་སཱི་ཏོ ཧོ་ཏི, དུ་པྤ་ཉྙོ ཧོ་ཏི. ཨི་མེ་ཧི ཁོ, བྷི་ཀྑ་ཝེ, པ་ཉྩ་ཧི དྷ་མྨེ་ཧི ས་མ་ནྣཱ་ག་ཏོ བྷི་ཀྑུ དི་ཊྛེ་ཝ དྷ་མྨེ དུ་ཀྑཾ ཝི་ཧ་ར་ཏི ས་ཝི་གྷཱ་ཏཾ ས་ཨུ་པཱ་ཡཱ་སཾ ས་པ་རི་ལཱ༹་ཧཾ, ཀཱ་ཡ་སྶ ཙ བྷེ་དཱ པ་རཾ མ་ར་ཎཱ དུ་གྒ་ཏི པཱ་ཊི་ཀ་ངྑཱ.

‘‘པ་ཉྩ་ཧི, བྷི་ཀྑ་ཝེ, དྷ་མྨེ་ཧི ས་མ་ནྣཱ་ག་ཏོ བྷི་ཀྑུ དི་ཊྛེ་ཝ དྷ་མྨེ སུ་ཁཾ ཝི་ཧ་ར་ཏི ཨ་ཝི་གྷཱ་ཏཾ ཨ་ནུ་པཱ་ཡཱ་སཾ ཨ་པ་རི་ལཱ༹་ཧཾ, ཀཱ་ཡ་སྶ ཙ བྷེ་དཱ པ་རཾ མ་ར་ཎཱ སུ་ག་ཏི པཱ་ཊི་ཀ་ངྑཱ. ཀ་ཏ་མེ་ཧི པ་ཉྩ་ཧི? ཨི་དྷ, བྷི་ཀྑ་ཝེ, བྷི་ཀྑུ ས་དྡྷོ ཧོ་ཏི, ཧི་རཱི་མཱ ཧོ་ཏི, ཨོ་ཏྟ་པྤཱི ཧོ་ཏི, ཨཱ་ར་དྡྷ་ཝཱི་རི་ཡོ ཧོ་ཏི, པ་ཉྙ་ཝཱ ཧོ་ཏི. ཨི་མེ་ཧི ཁོ, བྷི་ཀྑ་ཝེ, པ་ཉྩ་ཧི དྷ་མྨེ་ཧི ས་མ་ནྣཱ་ག་ཏོ བྷི་ཀྑུ དི་ཊྛེ་ཝ དྷ་མྨེ སུ་ཁཾ ཝི་ཧ་ར་ཏི ཨ་ཝི་གྷཱ་ཏཾ ཨ་ནུ་པཱ་ཡཱ་སཾ ཨ་པ་རི་ལཱ༹་ཧཾ, ཀཱ་ཡ་སྶ ཙ བྷེ་དཱ པ་རཾ མ་ར་ཎཱ སུ་ག་ཏི པཱ་ཊི་ཀ་ངྑཱ’’ཏི. ཏ་ཏི་ཡཾ.