༥. ཀུ་ལ་སུ་ཏྟཾ

༢༥༨. ‘‘ཡཱ་ནི ཀཱ་ནི་ཙི, བྷི་ཀྑ་ཝེ, ཀུ་ལཱ་ནི བྷོ་གེ་སུ མ་ཧ་ཏྟཾ པ་ཏྟཱ་ནི ན ཙི་ར་ཊྛི་ཏི་ཀཱ་ནི བྷ་ཝ་ནྟི, ས་བྦཱ་ནི ཏཱ་ནི ཙ་ཏཱུ་ཧི ཋཱ་ནེ་ཧི, ཨེ་ཏེ་སཾ ཝཱ ཨ་ཉྙ་ཏ་རེ་ན. ཀ་ཏ་མེ་ཧི ཙ་ཏཱུ་ཧི? ན་ཊྛཾ ན ག་ཝེ་ས་ནྟི, ཛི་ཎྞཾ ན པ་ཊི་ས་ངྑ་རོ་ནྟི, ཨ་པ་རི་མི་ཏ་པཱ་ན་བྷོ་ཛ་ནཱ ཧོ་ནྟི, དུ་སྶཱི་ལཾ ཨི་ཏྠིཾ ཝཱ པུ་རི་སཾ ཝཱ ཨཱ་དྷི་པ་ཙྩེ ཋ་པེ་ནྟི. ཡཱ་ནི ཀཱ་ནི་ཙི, བྷི་ཀྑ་ཝེ, ཀུ་ལཱ་ནི བྷོ་གེ་སུ མ་ཧ་ཏྟཾ པ་ཏྟཱ་ནི ན ཙི་ར་ཊྛི་ཏི་ཀཱ་ནི བྷ་ཝ་ནྟི, ས་བྦཱ་ནི ཏཱ་ནི ཨི་མེ་ཧི ཙ་ཏཱུ་ཧི ཋཱ་ནེ་ཧི, ཨེ་ཏེ་སཾ ཝཱ ཨ་ཉྙ་ཏ་རེ་ན.

‘‘ཡཱ་ནི ཀཱ་ནི་ཙི, བྷི་ཀྑ་ཝེ, ཀུ་ལཱ་ནི བྷོ་གེ་སུ མ་ཧ་ཏྟཾ པ་ཏྟཱ་ནི ཙི་ར་ཊྛི་ཏི་ཀཱ་ནི བྷ་ཝ་ནྟི, ས་བྦཱ་ནི ཏཱ་ནི ཙ་ཏཱུ་ཧི ཋཱ་ནེ་ཧི, ཨེ་ཏེ་སཾ ཝཱ ཨ་ཉྙ་ཏ་རེ་ན. ཀ་ཏ་མེ་ཧི ཙ་ཏཱུ་ཧི? ན་ཊྛཾ ག་ཝེ་ས་ནྟི, ཛི་ཎྞཾ པ་ཊི་ས་ངྑ་རོ་ནྟི, པ་རི་མི་ཏ་པཱ་ན་བྷོ་ཛ་ནཱ ཧོ་ནྟི, སཱི་ལ་ཝ་ནྟཾ ཨི་ཏྠིཾ ཝཱ པུ་རི་སཾ ཝཱ ཨཱ་དྷི་པ་ཙྩེ ཋ་པེ་ནྟི. ཡཱ་ནི ཀཱ་ནི་ཙི, བྷི་ཀྑ་ཝེ, ཀུ་ལཱ་ནི བྷོ་གེ་སུ མ་ཧ་ཏྟཾ པ་ཏྟཱ་ནི ཙི་ར་ཊྛི་ཏི་ཀཱ་ནི བྷ་ཝ་ནྟི, ས་བྦཱ་ནི ཏཱ་ནི ཨི་མེ་ཧི ཙ་ཏཱུ་ཧི ཋཱ་ནེ་ཧི, ཨེ་ཏེ་སཾ ཝཱ ཨ་ཉྙ་ཏ་རེ་ནཱ’’ཏི. པ་ཉྩ་མཾ.