༡. ཨ་བྷི་ཉྙཱ་སུ་ཏྟཾ

༢༥༤. ‘‘ཙ་ཏྟཱ་རོ་མེ, བྷི་ཀྑ་ཝེ, དྷ་མྨཱ. ཀ་ཏ་མེ ཙ་ཏྟཱ་རོ? ཨ་ཏྠི, བྷི་ཀྑ་ཝེ, དྷ་མྨཱ ཨ་བྷི་ཉྙཱ པ་རི་ཉྙེ་ཡྻཱ; ཨ་ཏྠི, བྷི་ཀྑ་ཝེ, དྷ་མྨཱ ཨ་བྷི་ཉྙཱ པ་ཧཱ་ཏ་བྦཱ; ཨ་ཏྠི, བྷི་ཀྑ་ཝེ, དྷ་མྨཱ ཨ་བྷི་ཉྙཱ བྷཱ་ཝེ་ཏ་བྦཱ; ཨ་ཏྠི, བྷི་ཀྑ་ཝེ, དྷ་མྨཱ ཨ་བྷི་ཉྙཱ ས་ཙྪི་ཀཱ་ཏ་བྦཱ.

‘‘ཀ་ཏ་མེ ཙ, བྷི་ཀྑ་ཝེ, དྷ་མྨཱ ཨ་བྷི་ཉྙཱ པ་རི་ཉྙེ་ཡྻཱ? པ་ཉྩུ་པཱ་དཱ་ན་ཀྑ་ནྡྷཱ [པ་ཉྩུ་པཱ་དཱ་ན་ཀྑ་ནྡྷཱ་ཏི་སྶ ཝ་ཙ་ནཱི་ཡཾ (ཀ.)] – ཨི་མེ ཝུ་ཙྩ་ནྟི, བྷི་ཀྑ་ཝེ, དྷ་མྨཱ ཨ་བྷི་ཉྙཱ པ་རི་ཉྙེ་ཡྻཱ.

‘‘ཀ་ཏ་མེ ཙ, བྷི་ཀྑ་ཝེ, དྷ་མྨཱ ཨ་བྷི་ཉྙཱ པ་ཧཱ་ཏ་བྦཱ? ཨ་ཝི་ཛྫཱ ཙ བྷ་ཝ་ཏ་ཎྷཱ ཙ – ཨི་མེ ཝུ་ཙྩ་ནྟི, བྷི་ཀྑ་ཝེ, དྷ་མྨཱ ཨ་བྷི་ཉྙཱ པ་ཧཱ་ཏ་བྦཱ.

‘‘ཀ་ཏ་མེ ཙ, བྷི་ཀྑ་ཝེ, དྷ་མྨཱ ཨ་བྷི་ཉྙཱ བྷཱ་ཝེ་ཏ་བྦཱ? ས་མ་ཐོ ཙ ཝི་པ་སྶ་ནཱ ཙ – ཨི་མེ ཝུ་ཙྩ་ནྟི, བྷི་ཀྑ་ཝེ, དྷ་མྨཱ ཨ་བྷི་ཉྙཱ བྷཱ་ཝེ་ཏ་བྦཱ.

‘‘ཀ་ཏ་མེ ཙ, བྷི་ཀྑ་ཝེ, དྷ་མྨཱ ཨ་བྷི་ཉྙཱ ས་ཙྪི་ཀཱ་ཏ་བྦཱ? ཝི་ཛྫཱ ཙ ཝི་མུ་ཏྟི ཙ – ཨི་མེ ཝུ་ཙྩ་ནྟི, བྷི་ཀྑ་ཝེ, དྷ་མྨཱ ཨ་བྷི་ཉྙཱ ས་ཙྪི་ཀཱ་ཏ་བྦཱ. ཨི་མེ ཁོ, བྷི་ཀྑ་ཝེ, ཙ་ཏྟཱ་རོ དྷ་མྨཱ’’ཏི. པ་ཋ་མཾ.