༨. སཱ་རི་པུ་ཏྟ་སུ་ཏྟཾ

༡༦༨. ཨ་ཐ ཁོ ཨཱ་ཡ་སྨཱ མ་ཧཱ་མོ་གྒ་ལླཱ་ནོ ཡེ་ནཱ་ཡ་སྨཱ སཱ་རི་པུ་ཏྟོ ཏེ་ནུ་པ་ས་ངྐ་མི; ཨུ་པ་ས་ངྐ་མི་ཏྭཱ ཨཱ་ཡ་སྨ་ཏཱ སཱ་རི་པུ་ཏྟེ་ན ས་དྡྷིཾ ས་མྨོ་དི. ས་མྨོ་ད་ནཱི་ཡཾ ཀ་ཐཾ སཱ་ར་ཎཱི་ཡཾ ཝཱི་ཏི་སཱ་རེ་ཏྭཱ ཨེ་ཀ་མ་ནྟཾ ནི་སཱི་དི. ཨེ་ཀ་མ་ནྟཾ ནི་སི་ནྣོ ཁོ ཨཱ་ཡ་སྨཱ མ་ཧཱ་མོ་གྒ་ལླཱ་ནོ ཨཱ་ཡ་སྨ་ནྟཾ སཱ་རི་པུ་ཏྟཾ ཨེ་ཏ་ད་ཝོ་ཙ –

‘‘ཙ་ཏ་སྶོ ཨི་མཱ, ཨཱ་ཝུ་སོ སཱ་རི་པུ་ཏྟ, པ་ཊི་པ་དཱ. ཀ་ཏ་མཱ ཙ་ཏ་སྶོ? དུ་ཀྑཱ པ་ཊི་པ་དཱ ད་ནྡྷཱ་བྷི་ཉྙཱ, དུ་ཀྑཱ པ་ཊི་པ་དཱ ཁི་པྤཱ་བྷི་ཉྙཱ, སུ་ཁཱ པ་ཊི་པ་དཱ ད་ནྡྷཱ་བྷི་ཉྙཱ, སུ་ཁཱ པ་ཊི་པ་དཱ ཁི་པྤཱ་བྷི་ཉྙཱ. ཨི་མཱ ཁོ, ཨཱ་ཝུ་སོ, ཙ་ཏ་སྶོ པ་ཊི་པ་དཱ. ཨི་མཱ་སཾ, ཨཱ་ཝུ་སོ, ཙ་ཏུ་ནྣཾ པ་ཊི་པ་དཱ་ནཾ ཀ་ཏ་མཾ ཏེ པ་ཊི་པ་དཾ ཨཱ་ག་མྨ ཨ་ནུ་པཱ་དཱ་ཡ ཨཱ་ས་ཝེ་ཧི ཙི་ཏྟཾ ཝི་མུ་ཏྟ’’ནྟི?

‘‘ཙ་ཏ་སྶོ ཨི་མཱ, ཨཱ་ཝུ་སོ མོ་གྒ་ལླཱ་ན, པ་ཊི་པ་དཱ. ཀ་ཏ་མཱ ཙ་ཏ་སྶོ? དུ་ཀྑཱ པ་ཊི་པ་དཱ ད་ནྡྷཱ་བྷི་ཉྙཱ, དུ་ཀྑཱ པ་ཊི་པ་དཱ ཁི་པྤཱ་བྷི་ཉྙཱ, སུ་ཁཱ པ་ཊི་པ་དཱ ད་ནྡྷཱ་བྷི་ཉྙཱ, སུ་ཁཱ པ་ཊི་པ་དཱ ཁི་པྤཱ་བྷི་ཉྙཱ. ཨི་མཱ ཁོ, ཨཱ་ཝུ་སོ, ཙ་ཏ་སྶོ པ་ཊི་པ་དཱ. ཨི་མཱ་སཾ, ཨཱ་ཝུ་སོ, ཙ་ཏུ་ནྣཾ པ་ཊི་པ་དཱ་ནཾ ཡཱ་ཡཾ པ་ཊི་པ་དཱ སུ་ཁཱ ཁི་པྤཱ་བྷི་ཉྙཱ, ཨི་མཾ མེ པ་ཊི་པ་དཾ ཨཱ་ག་མྨ ཨ་ནུ་པཱ་དཱ་ཡ ཨཱ་ས་ཝེ་ཧི ཙི་ཏྟཾ ཝི་མུ་ཏྟ’’ནྟི. ཨ་ཊྛ་མཾ.