༦. དུ་ཏི་ཡ་ས་མ་ཛཱི་ཝཱི་སུ་ཏྟཾ

༥༦. ‘‘ཨཱ་ཀ་ངྑེ་ཡྻུཾ ཙེ, བྷི་ཀྑ་ཝེ, ཨུ་བྷོ ཛཱ་ནི་པ་ཏ་ཡོ དི་ཊྛེ ཙེ་ཝ དྷ་མྨེ ཨ་ཉྙ་མ་ཉྙཾ པ་སྶི་ཏུཾ ཨ་བྷི་ས་མྤ་རཱ་ཡ་ཉྩ ཨ་ཉྙ་མ་ཉྙཾ པ་སྶི་ཏུཾ ཨུ་བྷོ་ཝ ཨ་སྶུ ས་མ་ས་དྡྷཱ ས་མ་སཱི་ལཱ ས་མ་ཙཱ་གཱ ས་མ་པ་ཉྙཱ, ཏེ དི་ཊྛེ ཙེ་ཝ དྷ་མྨེ ཨ་ཉྙ་མ་ཉྙཾ པ་སྶ་ནྟི ཨ་བྷི་ས་མྤ་རཱ་ཡ་ཉྩ ཨ་ཉྙ་མ་ཉྙཾ པ་སྶ་ནྟཱི’’ཏི.

‘‘ཨུ་བྷོ ས་དྡྷཱ ཝ་ད་ཉྙཱུ ཙ, ས་ཉྙ་ཏཱ དྷ་མྨ་ཛཱི་ཝི་ནོ;

ཏེ ཧོ་ནྟི ཛཱ་ནི་པ་ཏ་ཡོ, ཨ་ཉྙ་མ་ཉྙཾ པི་ཡཾ་ཝ་དཱ.

‘‘ཨ་ཏྠཱ་སཾ པ་ཙུ་རཱ ཧོ་ནྟི, ཕཱ་སུ་ཀཾ ཨུ་པ་ཛཱ་ཡ་ཏི;

ཨ་མི་ཏྟཱ དུ་མྨ་ནཱ ཧོ་ནྟི, ཨུ་བྷི་ནྣཾ ས་མ་སཱི་ལི་ནཾ.

‘‘ཨི་དྷ དྷ་མྨཾ ཙ་རི་ཏྭཱ་ན, ས་མ་སཱི་ལ་བྦ་ཏཱ ཨུ་བྷོ;

ན་ནྡི་ནོ དེ་ཝ་ལོ་ཀ་སྨིཾ, མོ་ད་ནྟི ཀཱ་མ་ཀཱ་མི་ནོ’’ཏི. ཚ་ཊྛཾ;