༧. སོ་བྷ་ན་སུ་ཏྟཾ

༧. ‘‘ཙ་ཏྟཱ་རོ་མེ, བྷི་ཀྑ་ཝེ, ཝི་ཡ་ཏྟཱ ཝི་ནཱི་ཏཱ ཝི་སཱ་ར་དཱ བ་ཧུ་སྶུ་ཏཱ དྷ་མྨ་དྷ་རཱ དྷ་མྨཱ་ནུ་དྷ་མྨ་པྤ་ཊི་པ་ནྣཱ ས་ངྒྷཾ སོ་བྷེ་ནྟི. ཀ་ཏ་མེ ཙ་ཏྟཱ་རོ? བྷི་ཀྑུ, བྷི་ཀྑ་ཝེ, ཝི་ཡ་ཏྟོ ཝི་ནཱི་ཏོ ཝི་སཱ་ར་དོ བ་ཧུ་སྶུ་ཏོ དྷ་མྨ་དྷ་རོ དྷ་མྨཱ་ནུ་དྷ་མྨ་པྤ་ཊི་པ་ནྣོ ས་ངྒྷཾ སོ་བྷེ་ཏི. བྷི་ཀྑུ་ནཱི, བྷི་ཀྑ་ཝེ, ཝི་ཡ་ཏྟཱ ཝི་ནཱི་ཏཱ ཝི་སཱ་ར་དཱ བ་ཧུ་སྶུ་ཏཱ དྷ་མྨ་དྷ་རཱ དྷ་མྨཱ་ནུ་དྷ་མྨ་པྤ་ཊི་པ་ནྣཱ ས་ངྒྷཾ སོ་བྷེ་ཏི. ཨུ་པཱ་ས་ཀོ, བྷི་ཀྑ་ཝེ, ཝི་ཡ་ཏྟོ ཝི་ནཱི་ཏོ ཝི་སཱ་ར་དོ བ་ཧུ་སྶུ་ཏོ དྷ་མྨ་དྷ་རོ དྷ་མྨཱ་ནུ་དྷ་མྨ་པྤ་ཊི་པ་ནྣོ ས་ངྒྷཾ སོ་བྷེ་ཏི. ཨུ་པཱ་སི་ཀཱ, བྷི་ཀྑ་ཝེ, ཝི་ཡ་ཏྟཱ ཝི་ནཱི་ཏཱ ཝི་སཱ་ར་དཱ བ་ཧུ་སྶུ་ཏཱ དྷ་མྨ་དྷ་རཱ དྷ་མྨཱ་ནུ་དྷ་མྨ་པྤ་ཊི་པ་ནྣཱ ས་ངྒྷཾ སོ་བྷེ་ཏི. ཨི་མེ ཁོ, བྷི་ཀྑ་ཝེ, ཙ་ཏྟཱ་རོ ཝི་ཡ་ཏྟཱ ཝི་ནཱི་ཏཱ ཝི་སཱ་ར་དཱ བ་ཧུ་སྶུ་ཏཱ དྷ་མྨ་དྷ་རཱ དྷ་མྨཱ་ནུ་དྷ་མྨ་པྤ་ཊི་པ་ནྣཱ ས་ངྒྷཾ སོ་བྷེ་ནྟཱི’’ཏི.

‘‘ཡོ ཧོ་ཏི ཝི་ཡ་ཏྟོ [ཝྱ་ཏྟོ (སཱི. པཱི.), བྱ་ཏྟོ (སྱཱ. ཀཾ.)] ཙ ཝི་སཱ་ར་དོ ཙ,

བ་ཧུ་སྶུ་ཏོ དྷ་མྨ་དྷ་རོ ཙ ཧོ་ཏི;

དྷ་མྨ་སྶ ཧོ་ཏི ཨ་ནུ་དྷ་མྨ་ཙཱ་རཱི,

ས ཏཱ་དི་སོ ཝུ་ཙྩ་ཏི ས་ངྒྷ་སོ་བྷ་ནོ [སཾ་གྷ་སོ་བྷ་ཎོ (ཀ.)].

‘‘བྷི་ཀྑུ ཙ སཱི་ལ་ས་མྤ་ནྣོ, བྷི་ཀྑུ་ནཱི ཙ བ་ཧུ་སྶུ་ཏཱ;

ཨུ་པཱ་ས་ཀོ ཙ ཡོ ས་དྡྷོ, ཡཱ ཙ ས་དྡྷཱ ཨུ་པཱ་སི་ཀཱ;

ཨེ་ཏེ ཁོ ས་ངྒྷཾ སོ་བྷེ་ནྟི, ཨེ་ཏེ ཧི ས་ངྒྷ་སོ་བྷ་ནཱ’’ཏི. ས་ཏྟ་མཾ;