༥. ཨ་ནུ་སོ་ཏ་སུ་ཏྟཾ

༥. ‘‘ཙ་ཏྟཱ་རོ་མེ, བྷི་ཀྑ་ཝེ, པུ་གྒ་ལཱ ས་ནྟོ སཾ་ཝི་ཛྫ་མཱ་ནཱ ལོ་ཀ་སྨིཾ. ཀ་ཏ་མེ ཙ་ཏྟཱ་རོ? ཨ་ནུ་སོ་ཏ་གཱ་མཱི པུ་གྒ་ལོ, པ་ཊི་སོ་ཏ་གཱ་མཱི པུ་གྒ་ལོ, ཋི་ཏ་ཏྟོ པུ་གྒ་ལོ, ཏི་ཎྞོ པཱ་ར་ངྒ་ཏོ [པཱ་ར་ག་ཏོ (སཱི. སྱཱ. ཀཾ.)] ཐ་ལེ ཏི་ཊྛ་ཏི བྲཱ་ཧྨ་ཎོ. ཀ་ཏ་མོ ཙ, བྷི་ཀྑ་ཝེ, ཨ་ནུ་སོ་ཏ་གཱ་མཱི པུ་གྒ་ལོ? ཨི་དྷ, བྷི་ཀྑ་ཝེ, ཨེ་ཀ་ཙྩོ པུ་གྒ་ལོ ཀཱ་མེ ཙ པ་ཊི་སེ་ཝ་ཏི, པཱ་པ་ཉྩ ཀ་མྨཾ ཀ་རོ་ཏི. ཨ་ཡཾ ཝུ་ཙྩ་ཏི, བྷི་ཀྑ་ཝེ, ཨ་ནུ་སོ་ཏ་གཱ་མཱི པུ་གྒ་ལོ.

‘‘ཀ་ཏ་མོ ཙ, བྷི་ཀྑ་ཝེ, པ་ཊི་སོ་ཏ་གཱ་མཱི པུ་གྒ་ལོ? ཨི་དྷ, བྷི་ཀྑ་ཝེ, ཨེ་ཀ་ཙྩོ པུ་གྒ་ལོ ཀཱ་མེ ཙ ན་པྤ་ཊི་སེ་ཝ་ཏི, པཱ་པ་ཉྩ ཀ་མྨཾ ན ཀ་རོ་ཏི, ས་ཧཱ་པི དུ་ཀྑེ་ན ས་ཧཱ་པི དོ་མ་ན་སྶེ་ན ཨ་སྶུ་མུ་ཁོ་པི རུ་ད་མཱ་ནོ པ་རི་པུ་ཎྞཾ པ་རི་སུ་དྡྷཾ བྲ་ཧྨ་ཙ་རི་ཡཾ ཙ་ར་ཏི. ཨ་ཡཾ ཝུ་ཙྩ་ཏི, བྷི་ཀྑ་ཝེ, པ་ཊི་སོ་ཏ་གཱ་མཱི པུ་གྒ་ལོ.

‘‘ཀ་ཏ་མོ ཙ, བྷི་ཀྑ་ཝེ, ཋི་ཏ་ཏྟོ པུ་གྒ་ལོ? ཨི་དྷ, བྷི་ཀྑ་ཝེ, ཨེ་ཀ་ཙྩོ པུ་གྒ་ལོ པ་ཉྩ་ནྣཾ ཨོ་ར་མྦྷཱ་གི་ཡཱ་ནཾ སཾ་ཡོ་ཛ་ནཱ་ནཾ པ་རི་ཀྑ་ཡཱ ཨོ་པ་པཱ་ཏི་ཀོ ཧོ་ཏི, ཏ་ཏྠ པ་རི་ནི་བྦཱ་ཡཱི, ཨ་ནཱ་ཝ་ཏྟི་དྷ་མྨོ ཏ་སྨཱ ལོ་ཀཱ. ཨ་ཡཾ ཝུ་ཙྩ་ཏི, བྷི་ཀྑ་ཝེ, ཋི་ཏ་ཏྟོ པུ་གྒ་ལོ.

‘‘ཀ་ཏ་མོ ཙ, བྷི་ཀྑ་ཝེ, པུ་གྒ་ལོ ཏི་ཎྞོ པཱ་ར་ངྒ་ཏོ ཐ་ལེ ཏི་ཊྛ་ཏི བྲཱ་ཧྨ་ཎོ? ཨི་དྷ, བྷི་ཀྑ་ཝེ, ཨེ་ཀ་ཙྩོ པུ་གྒ་ལོ ཨཱ་ས་ཝཱ་ནཾ ཁ་ཡཱ ཨ་ནཱ་ས་ཝཾ ཙེ་ཏོ་ཝི་མུ་ཏྟིཾ པ་ཉྙཱ་ཝི་མུ་ཏྟིཾ དི་ཊྛེ་ཝ དྷ་མྨེ ས་ཡཾ ཨ་བྷི་ཉྙཱ ས་ཙྪི་ཀ་ཏྭཱ ཨུ་པ་ས་མྤ་ཛྫ ཝི་ཧ་ར་ཏི. ཨ་ཡཾ ཝུ་ཙྩ་ཏི, བྷི་ཀྑ་ཝེ, པུ་གྒ་ལོ ཏི་ཎྞོ པཱ་ར་ངྒ་ཏོ ཐ་ལེ ཏི་ཊྛ་ཏི བྲཱ་ཧྨ་ཎོ. ཨི་མེ ཁོ, བྷི་ཀྑ་ཝེ, ཙ་ཏྟཱ་རོ པུ་གྒ་ལཱ ས་ནྟོ སཾ་ཝི་ཛྫ་མཱ་ནཱ ལོ་ཀ་སྨི’’ནྟི.

‘‘ཡེ ཀེ་ཙི ཀཱ་མེ་སུ ཨ་ས་ཉྙ་ཏཱ ཛ་ནཱ,

ཨ་ཝཱི་ཏ་རཱ་གཱ ཨི་དྷ ཀཱ་མ་བྷོ་གི་ནོ;

པུ་ན་པྤུ་ནཾ ཛཱ་ཏི་ཛ་རཱུ་པ་གཱ་མི ཏེ [ཛཱ་ཏི་ཛ་རཱུ་པ་གཱ་ཧི་ནོ (སཱི.), ཛཱ་ཏི་ཛ་རཱུ་པ་གཱ ཧི ཏེ (སྱཱ. ཀཾ.)],

ཏ་ཎྷཱ་དྷི་པ་ནྣཱ ཨ་ནུ་སོ་ཏ་གཱ་མི་ནོ.

‘‘ཏ་སྨཱ ཧི དྷཱི་རོ ཨི་དྷུ་པ་ཊྛི་ཏ་སྶ་ཏཱི,

ཀཱ་མེ ཙ པཱ་པེ ཙ ཨ་སེ་ཝ་མཱ་ནོ;

ས་ཧཱ་པི དུ་ཀྑེ་ན ཛ་ཧེ་ཡྻ ཀཱ་མེ,

པ་ཊི་སོ་ཏ་གཱ་མཱི་ཏི ཏ་མཱ་ཧུ པུ་གྒ་ལཾ.

‘‘ཡོ ཝེ ཀི་ལེ་སཱ་ནི པ་ཧཱ་ཡ པ་ཉྩ,

པ་རི་པུ་ཎྞ་སེ་ཁོ ཨ་པ་རི་ཧཱ་ན་དྷ་མྨོ;

ཙེ་ཏོ་ཝ་སི་པྤ་ཏྟོ ས་མཱ་ཧི་ཏི་ནྡྲི་ཡོ,

ས ཝེ ཋི་ཏ་ཏྟོ་ཏི ན་རོ པ་ཝུ་ཙྩ་ཏི.

‘‘པ་རོ་པ་རཱ ཡ་སྶ ས་མེ་ཙྩ དྷ་མྨཱ,

ཝི་དྷཱུ་པི་ཏཱ ཨ་ཏྠ་ག་ཏཱ ན ས་ནྟི;

ས ཝེ མུ་ནི [ས ཝེ་ད་གཱུ (སཱི. སྱཱ. ཀཾ. པཱི.)] ཝུ་སི་ཏ་བྲ་ཧྨ་ཙ་རི་ཡོ,

ལོ་ཀ་ནྟ་གཱུ པཱ་ར་ག་ཏོ་ཏི ཝུ་ཙྩ་ཏཱི’’ཏི. པ་ཉྩ་མཾ;