(༡༣) ༣. དཱ་ན་ཝ་གྒོ

༡༤༢. ‘‘དྭེ་མཱ་ནི, བྷི་ཀྑ་ཝེ, དཱ་ནཱ་ནི. ཀ་ཏ་མཱ་ནི དྭེ? ཨཱ་མི་ས་དཱ་ན་ཉྩ དྷ་མྨ་དཱ་ན་ཉྩ. ཨི་མཱ་ནི ཁོ, བྷི་ཀྑ་ཝེ, དྭེ དཱ་ནཱ་ནི. ཨེ་ཏ་ད་གྒཾ, བྷི་ཀྑ་ཝེ, ཨི་མེ་སཾ དྭི་ནྣཾ དཱ་ནཱ་ནཾ ཡ་དི་དཾ དྷ་མྨ་དཱ་ན’’ནྟི.

༡༤༣. ‘‘དྭེ་མེ, བྷི་ཀྑ་ཝེ, ཡཱ་གཱ. ཀ་ཏ་མེ དྭེ? ཨཱ་མི་ས་ཡཱ་གོ ཙ དྷ་མྨ་ཡཱ་གོ ཙ. ཨི་མེ ཁོ, བྷི་ཀྑ་ཝེ, དྭེ ཡཱ་གཱ. ཨེ་ཏ་ད་གྒཾ, བྷི་ཀྑ་ཝེ, ཨི་མེ་སཾ དྭི་ནྣཾ ཡཱ་གཱ་ནཾ ཡ་དི་དཾ དྷ་མྨ་ཡཱ་གོ’’ཏི.

༡༤༤. ‘‘དྭེ་མེ, བྷི་ཀྑ་ཝེ, ཙཱ་གཱ. ཀ་ཏ་མེ དྭེ? ཨཱ་མི་ས་ཙཱ་གོ ཙ དྷ་མྨ་ཙཱ་གོ ཙ. ཨི་མེ ཁོ, བྷི་ཀྑ་ཝེ, དྭེ ཙཱ་གཱ. ཨེ་ཏ་ད་གྒཾ, བྷི་ཀྑ་ཝེ, ཨི་མེ་སཾ དྭི་ནྣཾ ཙཱ་གཱ་ནཾ ཡ་དི་དཾ དྷ་མྨ་ཙཱ་གོ’’ཏི.

༡༤༥. ‘‘དྭེ་མེ, བྷི་ཀྑ་ཝེ, པ་རི་ཙྩཱ་གཱ. ཀ་ཏ་མེ དྭེ? ཨཱ་མི་ས་པ་རི་ཙྩཱ་གོ ཙ དྷ་མྨ་པ་རི་ཙྩཱ་གོ ཙ. ཨི་མེ ཁོ, བྷི་ཀྑ་ཝེ, དྭེ པ་རི་ཙྩཱ་གཱ. ཨེ་ཏ་ད་གྒཾ, བྷི་ཀྑ་ཝེ, ཨི་མེ་སཾ དྭི་ནྣཾ པ་རི་ཙྩཱ་གཱ་ནཾ ཡ་དི་དཾ དྷ་མྨ་པ་རི་ཙྩཱ་གོ’’ཏི.

༡༤༦. ‘‘དྭེ་མེ, བྷི་ཀྑ་ཝེ, བྷོ་གཱ. ཀ་ཏ་མེ དྭེ? ཨཱ་མི་ས་བྷོ་གོ ཙ དྷ་མྨ་བྷོ་གོ ཙ. ཨི་མེ ཁོ, བྷི་ཀྑ་ཝེ, དྭེ བྷོ་གཱ. ཨེ་ཏ་ད་གྒཾ, བྷི་ཀྑ་ཝེ, ཨི་མེ་སཾ དྭི་ནྣཾ བྷོ་གཱ་ནཾ ཡ་དི་དཾ དྷ་མྨ་བྷོ་གོ’’ཏི.

༡༤༧. ‘‘དྭེ་མེ, བྷི་ཀྑ་ཝེ, ས་མྦྷོ་གཱ. ཀ་ཏ་མེ དྭེ? ཨཱ་མི་ས་ས་མྦྷོ་གོ ཙ དྷ་མྨ་ས་མྦྷོ་གོ ཙ. ཨི་མེ ཁོ, བྷི་ཀྑ་ཝེ, དྭེ ས་མྦྷོ་གཱ. ཨེ་ཏ་ད་གྒཾ, བྷི་ཀྑ་ཝེ, ཨི་མེ་སཾ དྭི་ནྣཾ ས་མྦྷོ་གཱ་ནཾ ཡ་དི་དཾ དྷ་མྨ་ས་མྦྷོ་གོ’’ཏི.

༡༤༨. ‘‘དྭེ་མེ, བྷི་ཀྑ་ཝེ, སཾ་ཝི་བྷཱ་གཱ. ཀ་ཏ་མེ དྭེ? ཨཱ་མི་ས་སཾ་ཝི་བྷཱ་གོ ཙ དྷ་མྨ་སཾ་ཝི་བྷཱ་གོ ཙ. ཨི་མེ ཁོ, བྷི་ཀྑ་ཝེ, དྭེ སཾ་ཝི་བྷཱ་གཱ. ཨེ་ཏ་ད་གྒཾ, བྷི་ཀྑ་ཝེ, ཨི་མེ་སཾ དྭི་ནྣཾ སཾ་ཝི་བྷཱ་གཱ་ནཾ ཡ་དི་དཾ དྷ་མྨ་སཾ་ཝི་བྷཱ་གོ’’ཏི.

༡༤༩. ‘‘དྭེ་མེ, བྷི་ཀྑ་ཝེ, ས་ངྒ་ཧཱ. ཀ་ཏ་མེ དྭེ? ཨཱ་མི་ས་ས་ངྒ་ཧོ ཙ དྷ་མྨ་ས་ངྒ་ཧོ ཙ. ཨི་མེ ཁོ, བྷི་ཀྑ་ཝེ, དྭེ ས་ངྒ་ཧཱ. ཨེ་ཏ་ད་གྒཾ, བྷི་ཀྑ་ཝེ, ཨི་མེ་སཾ དྭི་ནྣཾ ས་ངྒ་ཧཱ་ནཾ ཡ་དི་དཾ དྷ་མྨ་ས་ངྒ་ཧོ’’ཏི.

༡༥༠. ‘‘དྭེ་མེ, བྷི་ཀྑ་ཝེ, ཨ་ནུ་གྒ་ཧཱ. ཀ་ཏ་མེ དྭེ? ཨཱ་མི་སཱ་ནུ་གྒ་ཧོ ཙ དྷ་མྨཱ་ནུ་གྒ་ཧོ ཙ. ཨི་མེ ཁོ, བྷི་ཀྑ་ཝེ, དྭེ ཨ་ནུ་གྒ་ཧཱ. ཨེ་ཏ་ད་གྒཾ, བྷི་ཀྑ་ཝེ, ཨི་མེ་སཾ དྭི་ནྣཾ ཨ་ནུ་གྒ་ཧཱ་ནཾ ཡ་དི་དཾ དྷ་མྨཱ་ནུ་གྒ་ཧོ’’ཏི.

༡༥༡. ‘‘དྭེ་མཱ, བྷི་ཀྑ་ཝེ, ཨ་ནུ་ཀ་མྤཱ. ཀ་ཏ་མཱ དྭེ? ཨཱ་མི་སཱ་ནུ་ཀ་མྤཱ ཙ དྷ་མྨཱ་ནུ་ཀ་མྤཱ ཙ. ཨི་མཱ ཁོ, བྷི་ཀྑ་ཝེ, དྭེ ཨ་ནུ་ཀ་མྤཱ. ཨེ་ཏ་ད་གྒཾ, བྷི་ཀྑ་ཝེ, ཨི་མཱ་སཾ དྭི་ནྣཾ ཨ་ནུ་ཀ་མྤཱ་ནཾ ཡ་དི་དཾ དྷ་མྨཱ་ནུ་ཀ་མྤཱ’’ཏི.

དཱ་ན་ཝ་གྒོ ཏ་ཏི་ཡོ.