༣. མཱ་ཏུ་གཱ་མ་སུ་ཏྟཾ

༢༡༣. ‘‘ད་ས་ཧི, བྷི་ཀྑ་ཝེ, དྷ་མྨེ་ཧི ས་མ་ནྣཱ་ག་ཏོ མཱ་ཏུ་གཱ་མོ ཡ་ཐཱ་བྷ་ཏཾ ནི་ཀྑི་ཏྟོ ཨེ་ཝཾ ནི་ར་ཡེ. ཀ་ཏ་མེ་ཧི ད་ས་ཧི? པཱ་ཎཱ་ཏི་པཱ་ཏཱི ཧོ་ཏི…པེ… ཨ་དི་ནྣཱ་དཱ་ཡཱི ཧོ་ཏི… ཀཱ་མེ་སུ་མི་ཙྪཱ་ཙཱ་རཱི ཧོ་ཏི… མུ་སཱ་ཝཱ་དཱི ཧོ་ཏི… པི་སུ་ཎ་ཝཱ་ཙོ ཧོ་ཏི… ཕ་རུ་ས་ཝཱ་ཙོ ཧོ་ཏི… ས་མྥ་པྤ་ལཱ་པཱི ཧོ་ཏི… ཨ་བྷི་ཛ྄ཛྷཱ་ལུ ཧོ་ཏི… བྱཱ་པ་ནྣ་ཙི་ཏྟོ ཧོ་ཏི… མི་ཙྪཱ་དི་ཊྛི་ཀོ ཧོ་ཏི…. ཨི་མེ་ཧི ཁོ, བྷི་ཀྑ་ཝེ, ད་ས་ཧི དྷ་མྨེ་ཧི ས་མ་ནྣཱ་ག་ཏོ མཱ་ཏུ་གཱ་མོ ཡ་ཐཱ་བྷ་ཏཾ ནི་ཀྑི་ཏྟོ ཨེ་ཝཾ ནི་ར་ཡེ.

‘‘ད་ས་ཧི, བྷི་ཀྑ་ཝེ, དྷ་མྨེ་ཧི ས་མ་ནྣཱ་ག་ཏོ མཱ་ཏུ་གཱ་མོ ཡ་ཐཱ་བྷ་ཏཾ ནི་ཀྑི་ཏྟོ ཨེ་ཝཾ ས་གྒེ. ཀ་ཏ་མེ་ཧི ད་ས་ཧི? པཱ་ཎཱ་ཏི་པཱ་ཏཱ པ་ཊི་ཝི་ར་ཏོ ཧོ་ཏི…པེ… ཨ་དི་ནྣཱ་དཱ་ནཱ པ་ཊི་ཝི་ར་ཏོ ཧོ་ཏི… ཀཱ་མེ་སུ་མི་ཙྪཱ་ཙཱ་རཱ པ་ཊི་ཝི་ར་ཏོ ཧོ་ཏི… མུ་སཱ་ཝཱ་དཱ པ་ཊི་ཝི་ར་ཏོ ཧོ་ཏི… པི་སུ་ཎཱ་ཡ ཝཱ་ཙཱ་ཡ པ་ཊི་ཝི་ར་ཏོ ཧོ་ཏི… ཕ་རུ་སཱ་ཡ ཝཱ་ཙཱ་ཡ པ་ཊི་ཝི་ར་ཏོ ཧོ་ཏི… ས་མྥ་པྤ་ལཱ་པཱ པ་ཊི་ཝི་ར་ཏོ ཧོ་ཏི… ཨ་ན་བྷི་ཛ྄ཛྷཱ་ལུ ཧོ་ཏི… ཨ་བྱཱ་པ་ནྣ་ཙི་ཏྟོ ཧོ་ཏི… ས་མྨཱ་དི་ཊྛི་ཀོ ཧོ་ཏི… ཨི་མེ་ཧི ཁོ, བྷི་ཀྑ་ཝེ, ད་ས་ཧི དྷ་མྨེ་ཧི ས་མ་ནྣཱ་ག་ཏོ མཱ་ཏུ་གཱ་མོ ཡ་ཐཱ་བྷ་ཏཾ ནི་ཀྑི་ཏྟོ ཨེ་ཝཾ ས་གྒེ’’ཏི. ཏ་ཏི་ཡཾ.