༧. ཏ་ཏི་ཡ་ཨ་དྷ་མྨ་སུ་ཏྟཾ

༡༧༣. ‘‘ཨ་དྷ་མྨོ ཙ, བྷི་ཀྑ་ཝེ, ཝེ་དི་ཏ་བྦོ དྷ་མྨོ ཙ; ཨ་ན་ཏྠོ ཙ ཝེ་དི་ཏ་བྦོ ཨ་ཏྠོ ཙ. ཨ་དྷ་མྨ་ཉྩ ཝི་དི་ཏྭཱ དྷ་མྨ་ཉྩ, ཨ་ན་ཏྠ་ཉྩ ཝི་དི་ཏྭཱ ཨ་ཏྠ་ཉྩ ཡ་ཐཱ དྷ་མྨོ ཡ་ཐཱ ཨ་ཏྠོ ཏ་ཐཱ པ་ཊི་པ་ཛྫི་ཏ་བྦཾ.

‘‘ཀ་ཏ་མོ ཙ, བྷི་ཀྑ་ཝེ, ཨ་དྷ་མྨོ, ཀ་ཏ་མོ ཙ དྷ་མྨོ; ཀ་ཏ་མོ ཙ ཨ་ན་ཏྠོ, ཀ་ཏ་མོ ཙ ཨ་ཏྠོ? པཱ་ཎཱ་ཏི་པཱ་ཏོ, བྷི་ཀྑ་ཝེ, ཨ་དྷ་མྨོ; པཱ་ཎཱ་ཏི་པཱ་ཏཱ ཝེ་ར་མ་ཎཱི དྷ་མྨོ; ཡེ ཙ པཱ་ཎཱ་ཏི་པཱ་ཏ་པ་ཙྩ་ཡཱ ཨ་ནེ་ཀེ པཱ་པ་ཀཱ ཨ་ཀུ་ས་ལཱ དྷ་མྨཱ ས་མྦྷ་ཝ་ནྟི, ཨ་ཡཾ ཨ་ན་ཏྠོ; པཱ་ཎཱ་ཏི་པཱ་ཏཱ ཝེ་ར་མ་ཎི་པ་ཙྩ་ཡཱ ཙ ཨ་ནེ་ཀེ ཀུ་ས་ལཱ དྷ་མྨཱ བྷཱ་ཝ་ནཱ་པཱ་རི་པཱུ་རིཾ ག་ཙྪ་ནྟི, ཨ་ཡཾ ཨ་ཏྠོ.

‘‘ཨ་དི་ནྣཱ་དཱ་ནཾ, བྷི་ཀྑ་ཝེ, ཨ་དྷ་མྨོ; ཨ་དི་ནྣཱ་དཱ་ནཱ ཝེ་ར་མ་ཎཱི དྷ་མྨོ… ཀཱ་མེ་སུ་མི་ཙྪཱ་ཙཱ་རོ, བྷི་ཀྑ་ཝེ, ཨ་དྷ་མྨོ; ཀཱ་མེ་སུ་མི་ཙྪཱ་ཙཱ་རཱ ཝེ་ར་མ་ཎཱི དྷ་མྨོ… མུ་སཱ་ཝཱ་དོ, བྷི་ཀྑ་ཝེ, ཨ་དྷ་མྨོ; མུ་སཱ་ཝཱ་དཱ ཝེ་ར་མ་ཎཱི དྷ་མྨོ… པི་སུ་ཎཱ ཝཱ་ཙཱ, བྷི་ཀྑ་ཝེ, ཨ་དྷ་མྨོ; པི་སུ་ཎཱ་ཡ ཝཱ་ཙཱ་ཡ ཝེ་ར་མ་ཎཱི དྷ་མྨོ… ཕ་རུ་སཱ ཝཱ་ཙཱ, བྷི་ཀྑ་ཝེ, ཨ་དྷ་མྨོ; ཕ་རུ་སཱ་ཡ ཝཱ་ཙཱ་ཡ ཝེ་ར་མ་ཎཱི དྷ་མྨོ… ས་མྥ་པྤ་ལཱ་པོ, བྷི་ཀྑ་ཝེ, ཨ་དྷ་མྨོ; ས་མྥ་པྤ་ལཱ་པཱ ཝེ་ར་མ་ཎཱི དྷ་མྨོ… ཨ་བྷི་ཛ྄ཛྷཱ, བྷི་ཀྑ་ཝེ, ཨ་དྷ་མྨོ; ཨ་ན་བྷི་ཛ྄ཛྷཱ དྷ་མྨོ… བྱཱ་པཱ་དོ, བྷི་ཀྑ་ཝེ, ཨ་དྷ་མྨོ; ཨ་བྱཱ་པཱ་དོ དྷ་མྨོ….

‘‘མི་ཙྪཱ་དི་ཊྛི, བྷི་ཀྑ་ཝེ, ཨ་དྷ་མྨོ; ས་མྨཱ་དི་ཊྛི དྷ་མྨོ; ཡེ ཙ མི་ཙྪཱ་དི་ཊྛི་པ་ཙྩ་ཡཱ ཨ་ནེ་ཀེ པཱ་པ་ཀཱ ཨ་ཀུ་ས་ལཱ དྷ་མྨཱ ས་མྦྷ་ཝ་ནྟི, ཨ་ཡཾ ཨ་ན་ཏྠོ; ས་མྨཱ་དི་ཊྛི་པ་ཙྩ་ཡཱ ཙ ཨ་ནེ་ཀེ ཀུ་ས་ལཱ དྷ་མྨཱ བྷཱ་ཝ་ནཱ་པཱ་རི་པཱུ་རིཾ ག་ཙྪ་ནྟི, ཨ་ཡཾ ཨ་ཏྠོ.

‘‘‘ཨ་དྷ་མྨོ ཙ, བྷི་ཀྑ་ཝེ, ཝེ་དི་ཏ་བྦོ དྷ་མྨོ ཙ; ཨ་ན་ཏྠོ ཙ ཝེ་དི་ཏ་བྦོ ཨ་ཏྠོ ཙ. ཨ་དྷ་མྨ་ཉྩ ཝི་དི་ཏྭཱ དྷ་མྨ་ཉྩ, ཨ་ན་ཏྠ་ཉྩ ཝི་དི་ཏྭཱ ཨ་ཏྠ་ཉྩ ཡ་ཐཱ དྷ་མྨོ ཡ་ཐཱ ཨ་ཏྠོ ཏ་ཐཱ པ་ཊི་པ་ཛྫི་ཏ་བྦ’ནྟི, ཨི་ཏི ཡཾ ཏཾ ཝུ་ཏྟཾ, ཨི་ད་མེ་ཏཾ པ་ཊི་ཙྩ ཝུ་ཏྟ’’ནྟི. ས་ཏྟ་མཾ.