༡. ས་མ་ཎ་ས་ཉྙཱ་སུ་ཏྟཾ

༡༠༡. ‘‘ཏི་སྶོ ཨི་མཱ, བྷི་ཀྑ་ཝེ, ས་མ་ཎ་ས་ཉྙཱ བྷཱ་ཝི་ཏཱ བ་ཧུ་ལཱི་ཀ་ཏཱ ས་ཏྟ དྷ་མྨེ པ་རི་པཱུ་རེ་ནྟི. ཀ་ཏ་མཱ ཏི་སྶོ? ཝེ་ཝ་ཎྞི་ཡ་མྷི ཨ་ཛ྄ཛྷུ་པ་ག་ཏོ, པ་ར་པ་ཊི་བ་དྡྷཱ མེ ཛཱི་ཝི་ཀཱ, ཨ་ཉྙོ མེ ཨཱ་ཀ་པྤོ ཀ་ར་ཎཱི་ཡོ་ཏི – ཨི་མཱ ཁོ, བྷི་ཀྑ་ཝེ, ཏི་སྶོ ས་མ་ཎ་ས་ཉྙཱ བྷཱ་ཝི་ཏཱ བ་ཧུ་ལཱི་ཀ་ཏཱ ས་ཏྟ དྷ་མྨེ པ་རི་པཱུ་རེ་ནྟི.

‘‘ཀ་ཏ་མེ ས་ཏྟ? ས་ནྟ་ཏ་ཀཱ་རཱི [ས་ཏ་ཏ་ཀཱ་རཱི (སྱཱ. པཱི. ཀ.)] ཧོ་ཏི ས་ནྟ་ཏ་ཝུ་ཏྟི [ས་ཏ་ཏ་ཝུ་ཏྟི (སྱཱ. པཱི.)] སཱི་ལེ་སུ, ཨ་ན་བྷི་ཛ྄ཛྷཱ་ལུ ཧོ་ཏི, ཨ་བྱཱ་པ་ཛྫོ ཧོ་ཏི, ཨ་ན་ཏི་མཱ་ནཱི ཧོ་ཏི, སི་ཀྑཱ་ཀཱ་མོ ཧོ་ཏི, ཨི་ད་མ་ཏྠཾ་ཏི་སྶ ཧོ་ཏི ཛཱི་ཝི་ཏ་པ་རི་ཀྑཱ་རེ་སུ, ཨཱ་ར་དྡྷ་ཝཱི་རི་ཡོ ཙ [ཨཱ་ར་དྡྷ་ཝི་རི་ཡོ ཙ (སཱི. པཱི.), ཨཱ་ར་དྡྷ་ཝི་རི་ཡོ (སྱཱ.)] ཝི་ཧ་ར་ཏི. ཨི་མཱ ཁོ, བྷི་ཀྑ་ཝེ, ཏི་སྶོ ས་མ་ཎ་ས་ཉྙཱ བྷཱ་ཝི་ཏཱ བ་ཧུ་ལཱི་ཀ་ཏཱ ཨི་མེ ས་ཏྟ དྷ་མྨེ པ་རི་པཱུ་རེ་ནྟཱི’’ཏི. པ་ཋ་མཾ.