༩. པ་ཋ་མ་ཨཱ་ན་ནྡ་སུ་ཏྟཾ

༣༩. ཨ་ཐ ཁོ ཨཱ་ཡ་སྨཱ ཨཱ་ན་ནྡོ ཡེ་ན བྷ་ག་ཝཱ ཏེ་ནུ་པ་ས་ངྐ་མི; ཨུ་པ་ས་ངྐ་མི་ཏྭཱ བྷ་ག་ཝ་ནྟཾ ཨ་བྷི་ཝཱ་དེ་ཏྭཱ ཨེ་ཀ་མ་ནྟཾ ནི་སཱི་དི. ཨེ་ཀ་མ་ནྟཾ ནི་སི་ནྣོ ཁོ ཨཱ་ཡ་སྨཱ ཨཱ་ན་ནྡོ བྷ་ག་ཝ་ནྟཾ ཨེ་ཏ་ད་ཝོ་ཙ – ‘‘‘ས་ངྒྷ་བྷེ་དོ ས་ངྒྷ་བྷེ་དོ’ཏི, བྷ་ནྟེ, ཝུ་ཙྩ་ཏི. ཀི་ཏྟཱ་ཝ་ཏཱ ནུ ཁོ, བྷ་ནྟེ, ས་ངྒྷོ བྷི་ནྣོ ཧོ་ཏཱི’’ཏི? ‘‘ཨི་དྷཱ་ན་ནྡ, བྷི་ཀྑཱུ ཨ་དྷ་མྨཾ དྷ་མྨོ་ཏི དཱི་པེ་ནྟི, དྷ་མྨཾ ཨ་དྷ་མྨོ་ཏི དཱི་པེ་ནྟི, ཨ་ཝི་ན་ཡཾ ཝི་ན་ཡོ་ཏི དཱི་པེ་ནྟི…པེ… པ་ཉྙ་ཏྟཾ ཏ་ཐཱ་ག་ཏེ་ན ཨ་པ་ཉྙ་ཏྟཾ ཏ་ཐཱ་ག་ཏེ་ནཱ་ཏི དཱི་པེ་ནྟི. ཏེ ཨི་མེ་ཧི ད་ས་ཧི ཝ་ཏྠཱུ་ཧི ཨ་ཝ་ཀ་སྶ་ནྟི ཨ་པ་ཀ་སྶ་ནྟི ཨཱ་ཝེ་ནི ཀ་མྨཱ་ནི ཀ་རོ་ནྟི ཨཱ་ཝེ་ནི པཱ་ཏི་མོ་ཀྑཾ ཨུ་དྡི་ས་ནྟི. ཨེ་ཏྟཱ་ཝ་ཏཱ ཁོ, ཨཱ་ན་ནྡ, ས་ངྒྷོ བྷི་ནྣོ ཧོ་ཏཱི’’ཏི.

‘‘ས་མ་གྒཾ པ་ན, བྷ་ནྟེ, ས་ངྒྷཾ བྷི་ནྡི་ཏྭཱ ཀིཾ སོ པ་ས་ཝ་ཏཱི’’ཏི? ‘‘ཀ་པྤ་ཊྛི་ཀཾ, ཨཱ་ན་ནྡ, ཀི་བྦི་སཾ པ་ས་ཝ་ཏཱི’’ཏི. ‘‘ཀིཾ པ་ན, བྷ་ནྟེ, ཀ་པྤ་ཊྛི་ཀཾ ཀི་བྦི་ས’’ནྟི? ‘‘ཀ་པྤཾ, ཨཱ་ན་ནྡ, ནི་ར་ཡ་མྷི པ་ཙྩ་ཏཱི་ཏི –

‘‘ཨཱ་པཱ་ཡི་ཀོ ནེ་ར་ཡི་ཀོ, ཀ་པྤ་ཊྛོ ས་ངྒྷ་བྷེ་ད་ཀོ;

ཝ་གྒ་ར་ཏོ ཨ་དྷ་མྨ་ཊྛོ, ཡོ་ག་ཀྑེ་མཱ པ་དྷཾ་ས་ཏི;

ས་ངྒྷཾ ས་མ་གྒཾ བྷི་ནྡི་ཏྭཱ [བྷེ་ཏྭཱ་ན (སཱི. སྱཱ.), བྷི་ཏྭཱ་ན (ཀ.) ཙཱུ་ལ༹་ཝ. ༣༥༤; ཨི་ཏི་ཝུ. ༡༨; ཀ་ཐཱ་ཝ. ༦༥༧] ཀ་པྤཾ ནི་ར་ཡ་མྷི པ་ཙྩ་ཏཱི’’ཏི. ན་ཝ་མཾ;