༩. པ་ཋ་མ་ཨ་རི་ཡཱ་ཝཱ་ས་སུ་ཏྟཾ

༡༩. [དཱི. ནི. ༣.༣༤༨, ༣༦༠] ‘‘ད་ས་ཡི་མེ, བྷི་ཀྑ་ཝེ, ཨ་རི་ཡཱ་ཝཱ་སཱ, ཡེ ཨ་རི་ཡཱ ཨཱ་ཝ་སིཾ་སུ ཝཱ ཨཱ་ཝ་ས་ནྟི ཝཱ ཨཱ་ཝ་སི་སྶ་ནྟི ཝཱ. ཀ་ཏ་མེ ད་ས? ཨི་དྷ, བྷི་ཀྑ་ཝེ, བྷི་ཀྑུ པ་ཉྩ་ངྒ་ཝི་པྤ་ཧཱི་ནོ ཧོ་ཏི, ཚ་ལ༹་ངྒ་ས་མ་ནྣཱ་ག་ཏོ, ཨེ་ཀཱ་ར་ཀྑོ, ཙ་ཏུ་རཱ་པ་སྶེ་ནོ, པ་ཎུ་ནྣ་པ་ཙྩེ་ཀ་ས་ཙྩོ [པ་ནུ་ཎྞ་པ་ཙྩེ་ཀ་ས་ཙྩོ (ཀ.)], ས་མ་ཝ་ཡ་ས་ཊྛེ་ས་ནོ, ཨ་ནཱ་ཝི་ལ་ས་ངྐ་པྤོ, པ་སྶ་དྡྷ་ཀཱ་ཡ་ས་ངྑཱ་རོ, སུ་ཝི་མུ་ཏྟ་ཙི་ཏྟོ, སུ་ཝི་མུ་ཏྟ་པ་ཉྙོ. ཨི་མེ ཁོ, བྷི་ཀྑ་ཝེ, ད་ས ཨ་རི་ཡཱ་ཝཱ་སཱ, ཡེ ཨ་རི་ཡཱ ཨཱ་ཝ་སིཾ་སུ ཝཱ ཨཱ་ཝ་ས་ནྟི ཝཱ ཨཱ་ཝ་སི་སྶ་ནྟི ཝཱ’’ཏི. ན་ཝ་མཾ.