༡༢. ཨ་ནཱ་པ་ཏྟི་ཝ་གྒོ

༡༥༠. ‘‘ཡེ ཏེ, བྷི་ཀྑ་ཝེ, བྷི་ཀྑཱུ ཨ་ནཱ་པ་ཏྟིཾ ཨཱ་པ་ཏྟཱི་ཏི དཱི་པེ་ནྟི ཏེ, བྷི་ཀྑ་ཝེ, བྷི་ཀྑཱུ བ་ཧུ་ཛ་ན་ཨ་ཧི་ཏཱ་ཡ པ་ཊི་པ་ནྣཱ བ་ཧུ་ཛ་ན་ཨ་སུ་ཁཱ་ཡ, བ་ཧུ་ནོ ཛ་ན་སྶ ཨ་ན་ཏྠཱ་ཡ ཨ་ཧི་ཏཱ་ཡ དུ་ཀྑཱ་ཡ དེ་ཝ་མ་ནུ་སྶཱ་ནཾ. བ་ཧུ་ཉྩ ཏེ, བྷི་ཀྑ་ཝེ, བྷི་ཀྑཱུ ཨ་པུ་ཉྙཾ པ་ས་ཝ་ནྟི, ཏེ ཙི་མཾ ས་དྡྷ་མྨཾ ཨ་ནྟ་ར་དྷཱ་པེ་ནྟཱི’’ཏི. པ་ཋ་མཾ.

༡༥༡. ‘‘ཡེ ཏེ, བྷི་ཀྑ་ཝེ, བྷི་ཀྑཱུ ཨཱ་པ་ཏྟིཾ ཨ་ནཱ་པ་ཏྟཱི་ཏི དཱི་པེ་ནྟི ཏེ, བྷི་ཀྑ་ཝེ, བྷི་ཀྑཱུ བ་ཧུ་ཛ་ན་ཨ་ཧི་ཏཱ་ཡ པ་ཊི་པ་ནྣཱ བ་ཧུ་ཛ་ན་ཨ་སུ་ཁཱ་ཡ, བ་ཧུ་ནོ ཛ་ན་སྶ ཨ་ན་ཏྠཱ་ཡ ཨ་ཧི་ཏཱ་ཡ དུ་ཀྑཱ་ཡ དེ་ཝ་མ་ནུ་སྶཱ་ནཾ. བ་ཧུ་ཉྩ ཏེ, བྷི་ཀྑ་ཝེ, བྷི་ཀྑཱུ ཨ་པུ་ཉྙཾ པ་ས་ཝ་ནྟི, ཏེ ཙི་མཾ ས་དྡྷ་མྨཾ ཨ་ནྟ་ར་དྷཱ་པེ་ནྟཱི’’ཏི. དུ་ཏི་ཡཾ.

༡༥༢-༡༥༩. ‘‘ཡེ ཏེ, བྷི་ཀྑ་ཝེ, བྷི་ཀྑཱུ ལ་ཧུ་ཀཾ ཨཱ་པ་ཏྟིཾ ག་རུ་ཀཱ ཨཱ་པ་ཏྟཱི་ཏི དཱི་པེ་ནྟི…པེ… ག་རུ་ཀཾ ཨཱ་པ་ཏྟིཾ ལ་ཧུ་ཀཱ ཨཱ་པ་ཏྟཱི་ཏི དཱི་པེ་ནྟི…པེ… དུ་ཊྛུ་ལླཾ ཨཱ་པ་ཏྟིཾ ཨ་དུ་ཊྛུ་ལླཱ ཨཱ་པ་ཏྟཱི་ཏི དཱི་པེ་ནྟི…པེ… ཨ་དུ་ཊྛུ་ལླཾ ཨཱ་པ་ཏྟིཾ དུ་ཊྛུ་ལླཱ ཨཱ་པ་ཏྟཱི་ཏི དཱི་པེ་ནྟི…པེ… སཱ་ཝ་སེ་སཾ ཨཱ་པ་ཏྟིཾ ཨ་ན་ཝ་སེ་སཱ ཨཱ་པ་ཏྟཱི་ཏི དཱི་པེ་ནྟི…པེ… ཨ་ན་ཝ་སེ་སཾ ཨཱ་པ་ཏྟིཾ སཱ་ཝ་སེ་སཱ ཨཱ་པ་ཏྟཱི་ཏི དཱི་པེ་ནྟི…པེ… ས་པྤ་ཊི་ཀ་མྨཾ ཨཱ་པ་ཏྟིཾ ཨ་པྤ་ཊི་ཀ་མྨཱ ཨཱ་པ་ཏྟཱི་ཏི དཱི་པེ་ནྟི…པེ… ཨ་པྤ་ཊི་ཀ་མྨཾ ཨཱ་པ་ཏྟིཾ ས་པྤ་ཊི་ཀ་མྨཱ ཨཱ་པ་ཏྟཱི་ཏི དཱི་པེ་ནྟི ཏེ, བྷི་ཀྑ་ཝེ, བྷི་ཀྑཱུ བ་ཧུ་ཛ་ན་ཨ་ཧི་ཏཱ་ཡ པ་ཊི་པ་ནྣཱ བ་ཧུ་ཛ་ན་ཨ་སུ་ཁཱ་ཡ, བ་ཧུ་ནོ ཛ་ན་སྶ ཨ་ན་ཏྠཱ་ཡ ཨ་ཧི་ཏཱ་ཡ དུ་ཀྑཱ་ཡ དེ་ཝ་མ་ནུ་སྶཱ་ནཾ. བ་ཧུ་ཉྩ ཏེ, བྷི་ཀྑ་ཝེ, བྷི་ཀྑཱུ ཨ་པུ་ཉྙཾ པ་ས་ཝ་ནྟི, ཏེ ཙི་མཾ ས་དྡྷ་མྨཾ ཨ་ནྟ་ར་དྷཱ་པེ་ནྟཱི’’ཏི. ད་ས་མཾ.

༡༦༠. ‘‘ཡེ ཏེ, བྷི་ཀྑ་ཝེ, བྷི་ཀྑཱུ ཨ་ནཱ་པ་ཏྟིཾ ཨ་ནཱ་པ་ཏྟཱི་ཏི དཱི་པེ་ནྟི ཏེ, བྷི་ཀྑ་ཝེ, བྷི་ཀྑཱུ བ་ཧུ་ཛ་ན་ཧི་ཏཱ་ཡ པ་ཊི་པ་ནྣཱ བ་ཧུ་ཛ་ན་སུ་ཁཱ་ཡ, བ་ཧུ་ནོ ཛ་ན་སྶ ཨ་ཏྠཱ་ཡ ཧི་ཏཱ་ཡ སུ་ཁཱ་ཡ དེ་ཝ་མ་ནུ་སྶཱ་ནཾ. བ་ཧུ་ཉྩ ཏེ, བྷི་ཀྑ་ཝེ, བྷི་ཀྑཱུ པུ་ཉྙཾ པ་ས་ཝ་ནྟི, ཏེ ཙི་མཾ ས་དྡྷ་མྨཾ ཋ་པེ་ནྟཱི’’ཏི. ཨེ་ཀཱ་ད་ས་མཾ.

༡༦༡. ‘‘ཡེ ཏེ, བྷི་ཀྑ་ཝེ, བྷི་ཀྑཱུ ཨཱ་པ་ཏྟིཾ ཨཱ་པ་ཏྟཱི་ཏི དཱི་པེ་ནྟི ཏེ, བྷི་ཀྑ་ཝེ, བྷི་ཀྑཱུ བ་ཧུ་ཛ་ན་ཧི་ཏཱ་ཡ པ་ཊི་པ་ནྣཱ བ་ཧུ་ཛ་ན་སུ་ཁཱ་ཡ, བ་ཧུ་ནོ ཛ་ན་སྶ ཨ་ཏྠཱ་ཡ ཧི་ཏཱ་ཡ སུ་ཁཱ་ཡ དེ་ཝ་མ་ནུ་སྶཱ་ནཾ. བ་ཧུ་ཉྩ ཏེ, བྷི་ཀྑ་ཝེ, བྷི་ཀྑཱུ པུ་ཉྙཾ པ་ས་ཝ་ནྟི, ཏེ ཙི་མཾ ས་དྡྷ་མྨཾ ཋ་པེ་ནྟཱི’’ཏི. དྭཱ་ད་ས་མཾ.

༡༦༢-༡༦༩. ‘‘ཡེ ཏེ, བྷི་ཀྑ་ཝེ, བྷི་ཀྑཱུ ལ་ཧུ་ཀཾ ཨཱ་པ་ཏྟིཾ ལ་ཧུ་ཀཱ ཨཱ་པ་ཏྟཱི་ཏི དཱི་པེ་ནྟི… ག་རུ་ཀཾ ཨཱ་པ་ཏྟིཾ ག་རུ་ཀཱ ཨཱ་པ་ཏྟཱི་ཏི དཱི་པེ་ནྟི… དུ་ཊྛུ་ལླཾ ཨཱ་པ་ཏྟིཾ དུ་ཊྛུ་ལླཱ ཨཱ་པ་ཏྟཱི་ཏི དཱི་པེ་ནྟི… ཨ་དུ་ཊྛུ་ལླཾ ཨཱ་པ་ཏྟིཾ ཨ་དུ་ཊྛུ་ལླཱ ཨཱ་པ་ཏྟཱི་ཏི དཱི་པེ་ནྟི… སཱ་ཝ་སེ་སཾ ཨཱ་པ་ཏྟིཾ སཱ་ཝ་སེ་སཱ ཨཱ་པ་ཏྟཱི་ཏི དཱི་པེ་ནྟི… ཨ་ན་ཝ་སེ་སཾ ཨཱ་པ་ཏྟིཾ ཨ་ན་ཝ་སེ་སཱ ཨཱ་པ་ཏྟཱི་ཏི དཱི་པེ་ནྟི… ས་པྤ་ཊི་ཀ་མྨཾ ཨཱ་པ་ཏྟིཾ ས་པྤ་ཊི་ཀ་མྨཱ ཨཱ་པ་ཏྟཱི་ཏི དཱི་པེ་ནྟི… ཨ་པྤ་ཊི་ཀ་མྨཾ ཨཱ་པ་ཏྟིཾ ཨ་པྤ་ཊི་ཀ་མྨཱ ཨཱ་པ་ཏྟཱི་ཏི དཱི་པེ་ནྟི ཏེ, བྷི་ཀྑ་ཝེ, བྷི་ཀྑཱུ བ་ཧུ་ཛ་ན་ཧི་ཏཱ་ཡ པ་ཊི་པ་ནྣཱ བ་ཧུ་ཛ་ན་སུ་ཁཱ་ཡ, བ་ཧུ་ནོ ཛ་ན་སྶ ཨ་ཏྠཱ་ཡ ཧི་ཏཱ་ཡ སུ་ཁཱ་ཡ དེ་ཝ་མ་ནུ་སྶཱ་ནཾ. བ་ཧུ་ཉྩ ཏེ, བྷི་ཀྑ་ཝེ, བྷི་ཀྑཱུ པུ་ཉྙཾ པ་ས་ཝ་ནྟི, ཏེ ཙི་མཾ ས་དྡྷ་མྨཾ ཋ་པེ་ནྟཱི’’ཏི. ཝཱི་ས་ཏི་མཾ.

ཨ་ནཱ་པ་ཏྟི་ཝ་གྒོ དྭཱ་ད་ས་མོ.