๑. อเจลกสิกฺขาปทวณฺณนา

๒๗๓. อเจลกวคฺคสฺส ปฐมสิกฺขาปเท เตสนฺติ ติตฺถิยานํ. ตตฺถาติ ภาชเน. อิโตติ ปตฺตโต. สเจ ติตฺถิโย วทตีติ ‘‘ปฐมเมว มํ สนฺธาย อภิหริตฺวา ฐปิตํ มยฺหํ สนฺตกํ โหติ, อิมสฺมึ ภาชเน อากิรถา’’ติ วทติ, วฏฺฏติ. เสสเมตฺถ อุตฺตานเมว. อญฺญติตฺถิยตา, อชฺโฌหรณียตา, อชฺโฌหรณตฺถาย สหตฺถา อนิกฺขิตฺตภาชเน ทานนฺติ อิมานิ ปเนตฺถ ตีณิ องฺคานิ.

อเจลกสิกฺขาปทวณฺณนา นิฏฺฐิตา.