๕. มญฺจปีฐสิกฺขาปทวณฺณนา

๕๒๑. ปญฺจเม ปาฬิยํ อาสยโต, ภิกฺขเว, โมฆปุริโส เวทิตพฺโพติ หีนชฺฌาสยวเสน อยํ ตุจฺฉปุริโสติ ญาตพฺโพ, หีนาย ปจฺจเย โลลตาย ปุคฺคลสฺส ตุจฺฉตา ญาตพฺพาติ อธิปฺปาโย. อิมสฺมึ สิกฺขาปเท, อิโต ปเรสุ จ ปญฺจสุ อตฺตนา การาปิตสฺส ปฏิลาเภ เอว ปาจิตฺติยํ. ปริโภเค ปนสฺส, อญฺเญสญฺจ ทุกฺกฏเมว. ปมาณาติกฺกนฺตมญฺจปีฐตา, อตฺตโน กรณการาปนวเสน ปฏิลาโภติ เทฺว องฺคานิ.

มญฺจปีฐสิกฺขาปทวณฺณนา นิฏฺฐิตา.