๙. อุกฺขิตฺตสมฺโภคสิกฺขาปทวณฺณนา

๔๒๔. นวเม ‘‘อุกฺขิตฺโต อโนสาริโต’’ติ วุตฺตตฺตา อริฏฺฐสฺส อุกฺเขปนียกมฺมํ กตนฺติ ทฏฺฐพฺพํ.

๔๒๕. ปาฬิยํ ‘‘เอกจฺฉนฺเน’’ติ สามญฺญโต วุตฺตตฺตา นานูปจาเรปิ เอกจฺฉนฺเน นิปชฺชเน ปณฺณตฺตึ อชานนฺตสฺส อรหโตปิ อุกฺขิตฺตานุวตฺตกานมฺปิ ปาจิตฺติยเมว. อกตานุธมฺมตา, ญตฺวา สมฺโภคาทิกรณนฺติ เทฺว องฺคานิ.

อุกฺขิตฺตสมฺโภคสิกฺขาปทวณฺณนา นิฏฺฐิตา.