๓. หสธมฺมสิกฺขาปทวณฺณนา

๓๓๘. ตติเย ปาฬิยํ หสธมฺเม หสธมฺมสญฺญีติอาทีสุ อุปฺลวาทิมตฺตํ กึ หสธมฺโม โหตีติ คหณวเสน สติ กรณีเย กริยมานํ หสธมฺมํ หสธมฺโมติ คหณวเสน อตฺโถ เวทิตพฺโพ. อุสฺสาเรนฺโตติ อุทเก ฐิตํ นาวํ ตีเร อาโรเปนฺโต.

ปตนุปฺปตนวาเรสูติ อุทกสฺส อุปริตเล มณฺฑูกคติยา ปตนุปฺปตนวเสน คมนตฺถํ ขิตฺตาย เอกิสฺสา กถลาย วเสน วุตฺตํ. อุทกสฺส อุปริโคปฺผกตา, หสาธิปฺปาเยน กีฬนนฺติ เทฺว องฺคานิ.

หสธมฺมสิกฺขาปทวณฺณนา นิฏฺฐิตา.