๙. ปริปาจิตสิกฺขาปทวณฺณนา

๑๙๗. นวเม ปาฬิยํ ‘‘สิกฺขมานา…เป… ปญฺจ โภชนานิ ฐเปตฺวา สพฺพตฺถ อนาปตฺตี’’ติ อิทํ อิมินา สิกฺขาปเทน อนาปตฺตึ สนฺธาย วุตฺตํ. ปญฺจหิ สหธมฺมิเกหิ กตวิญฺญตฺติปริกถาทีหิ อุปฺปนฺนํ ปริภุญฺชนฺตสฺส ทุกฺกฏเมว. ภิกฺขุนิยา ปริปาจิตตา, ตถา ชานนํ, คิหิสมารมฺภาภาโว, โภชนตา, ตสฺส อชฺโฌหรณนฺติ อิมาเนตฺถ ปญฺจ องฺคานิ.

ปริปาจิตสิกฺขาปทวณฺณนา นิฏฺฐิตา.