๑๑-๑๘. อนฺตวาสุตฺตาทิวณฺณนา

๒๑๖-๒๒๓. เอกโต วฑฺฒิตนิมิตฺตนฺติ เอกปสฺเสน วฑฺฒิตํ กสิณนิมิตฺตํ. คาเหนาติ ลาภี ฌานจกฺขุนา ปสฺสิตฺวา คหเณน. ตกฺเกนาติ น ลาภี ตกฺกมตฺเตน. อุปฺปนฺนทิฏฺฐีติ ‘‘โลโก’’ติ อุปฺปนฺนทิฏฺฐิ. สพฺพโต วฑฺฒิตนฺติ สมนฺตโต อปฺปมาณกสิณนิมิตฺตํ. เอกเมวาติ ‘‘เอกเมว วตฺถู’’ติ อุปฺปนฺนทิฏฺฐิ. อฏฺฐารส เวยฺยากรณานีติ เวยฺยากรณลกฺขณปฺปตฺตานิ อฏฺฐารส สุตฺตานิ. เอกํ คมนนฺติ เอกํ เวยฺยากรณคมนํ.

อนฺตวาสุตฺตาทิวณฺณนา นิฏฺฐิตา.